chenchen0101的个人专页

我哋三個人嚟呢間餐廳，原本諗住輕鬆食個午餐。落單時叫咗兩個意粉、一個甜品同一杯飲品。點知入座之後，情況真係出乎意料。由我哋坐低開始，差唔多半個鐘都只係出咗部分意粉。我哋追問店員之後，佢話「跟一跟」，結果又等多十分鐘，終於先至送上另一個貓耳朵羊肉菌意粉。不過店員講返，原來嗰個意粉之前根本未落單⋯⋯聽到呢句真係無言。我哋唯有放棄個意粉，改為追甜品。點知又係等咗十五分鐘，問一問又答話仲有「三個甜品未出」。講真，等咗成個鐘頭，最後我哋三個人都只係食到一份意粉。整體感覺真係幾失望，服務慢之餘，溝通亦唔清晰。希望餐廳能夠改善出餐速度，唔好令客人等到咁心淡。…查看更多

呢個泰國餐廳喺觀塘工廈裏面喺觀塘地鐵站行出冇耐就到啦佢既環境好優美 好似西餐廳既裝修岩哂傾計 傾野 坐得又又舒服 而且有充足既間距佢嘅椰子雞湯係冇味精㗎有淡淡既雞味 亦都唔會濃椰子味呢就係最出名嘅海南雞飯雞滑同嫩，個泰式汁酸辣辣好開胃切到岩岩好入口飯同雞既份量都十分足夠另一個係豬扒飯 軟到好似食緊雞咁 仲keep 到juicy 傳統既蔥油 好下飯登登登最後既第一個彩虹椰汁糕咁多色彩既千層糕需要花好大嘅功夫真係一個心機菜好靚呀都唔捨得食椰汁味都唔算好重 甜到岩岩好食多幾件都冇問題👌…查看更多

一行六人食私房菜～呢個酒香花螺，用咗唔知花雕定係黃酒去浸過花螺加上芫荽，酒嘅味道唔會喧賓奪主反而突出左海鮮嘅甜味介紹返呢個江南百花雞，係老闆嘅得意之作，每日淨係會做一碟。要將成隻雞去骨去跟留返個雞皮（仲唔可以穿），將蝦膠釀入去。嗰啲雞肉呢就煮成個汁加上西蘭花。聽講係以前西關大少們食嘅粵菜。呢個台山焗蟹砵，下面係蒸水蛋。蟹膏嘅香味完全滲入咗個蛋度～鮮味無限。我最鍾意呢一道菜，睇落好簡單，但所有嘢都要新鮮同埋交到時間啱啱好酒糟馬友係食唔到酒糟嘅味道，但成條魚竟然係去咗骨，同埋非常之嫩滑。師傅嘅刀工同埋食材嘅新鮮可見一班成餐飯都好滿意…查看更多

食羊已經少見係觀塘美食街既小店 更加少見羊腩黑山羊米線 $54哥仔叔仔姐仔全部好有朝氣 好有禮貌湯黎到都會提示客人小心而且效率很快！一黎到 湯面都夠熱當然要試佢既無味精湯底啦的確唔錯！羊骨湯恰到好處 飲落好暖胃養身米線方面 估唔到都有驚喜位 米味重 原汁原味 比平時食既偏硬 但食得出 唔係批發入貨個一種米線再試下佢既秘製辣椒油因為我平時唔食得太辣 所以都係小小啖咁試呢一個醬 又再次令我驚訝 佢完全唔辣 但有麻油香味 加埋個米線食 更加惹味 所以我應該加左四次有多！到最後 當然要講下佢個羊腩啦我就冇影到相 但佢就唔似係腩位雖然好多好多件 但係偏瘦 亦都冇湯底味咁濃但總括來說 都係值得一試…查看更多

帶住小朋友 最好就好一啲地方寬敞嘅地方可以好好享受咖啡及親子樂嘅時光呢度係粉嶺法院入面嘅一間cafe 外面環境優雅 有大量嘅花草樹木 就好似石屎森林中的一片綠洲 估唔到粉嶺都有個咁樣嘅地方可以俾我哋遠離繁囂呢度有好多種咖啡豆 亦好有心咁製作一張嘅卡片去介紹今次我揀嘅就係果味比較重嘅咖啡入口溫和 溫度適中 而呢款就係自家製比高包配火腿忌廉芝士醬佢有啲似個沙律醬個包冇再烘 擺喺度邊傾計 慢慢食都唔會變硬呢一個醬都比較特別 忌廉味濃稠仲有一個小小嘅圖書角 一個人黎都可以睇下書 沉澱一下思緒唔知一個係抹茶鮮奶呢個貓貓好可愛呀我地心諗一定係店主知道我地中意貓貓 特別整出黎🐱🐱🐱🐱（FF中）未飲個心都溶化啦🍓呢個我哋分開上咗個雪糕同埋個蘋果批個食用嘅花瓣 好靚 整個甜品都變得夢幻一擺上台 蘋果批嘅香味四溢一片片排列整齊嘅蘋果 焗成批酸酸甜甜 既味道 超出色！再食一啖雪糕 冰熱交融 兩個字「絕襯」呢度收6點 如果可以遲多少少就好啦…查看更多

今日係個重要既日子 約埋老婆兩個去食廚師發辦👩‍❤️‍👨佢會問我地有咩想或唔想食 而我哋係冇既 坐低無耐就開始介紹我地既第一道前菜冰冰涼涼 酸微微 仲有好fresh 既青檸汁味之後就開始肚餓啦下一道就已經係我最期待既刺身啦三款時日刺身👅帶子味淡 蝦大大隻 擺盤好精緻 但係係都係想立即品嘗吞拿魚 一入口兩三口就融入舌尖 👄味蕾中持久有住魚脂既味道 回味無窮👅的確非常之新鮮 仲殘留緊吞拿魚本身嗰種甜味係口腔🤙🏻🤘🏻🤘🏻🤘🏻🤘🏻🤘🏻享受完之後就到個熱菜 燒螺螺肉已經一粒粒 入面但係仲係夠熱原汁原味留咗螺肉嘅精華超大赤貝呀 大到飯都睇唔到 仲係好新鮮爽脆味道甘甜 隻碟好似星河咁 襯落去超靚柚子皮帶出另一種新鮮感 魚身味濃稠 好有嚼口 就好似岩岩上水之後即劏送到我台上咁師傅一直好用心咁介紹而我就睇住佢既刀工同技巧 我夾住既呢個部位 就係師傅大大力拍完 令到佢收縮之後回復彈性既秘笈貝類方面 真係做得好出色 細嫩而又有彈性令我一陣奇待下一碟之後就到我最愛既油甘魚佢蘸左佢店自家特調既醬汁醬汁輕輕薄薄一層掃上去咩調味料都冇落微鹹更加特出海鮮既本體魚肉軟柔 真係一路寫一路留口水下一道 佢又轉左花樣火炙一下魚皮金鯛 （如果冇記錯既話）香味出哂黎口味更加更加濃 半熟之間 兩種口感恰到好處互相相映 食到呢度都8成飽啦 一件件好似藝術品既擺款 令人嘗心悅目下一道係吞拿魚我擔心我食完會飽哂但原來絕對唔會佢選既部位 魚脂比例係適中食完冇膩或滯既感覺之後係最重量級既海膽入口即化 海水味首先漸入 之後係濃郁強烈既甘味 最後回甜 回甘🤩🥳就係味覺大滿足師傅知道我地既重要節日黎最後仲塞多一大啖落去 🥰😍我地之間既互動 令成餐飯都好愉悅黎到尾聲咁可愛既玉子燒 點捨得食 佢作為鹹點甜點中間既過渡 最合適不過安排非常細心由於唔夠位既關係放唔到更多既相 就唯有睇我覆述大大大貝類鴨煮得出嚟精華嘅湯嗰隻集蛤就嚟大個隻碗添溫暖既一碗湯 正正就係我而家想要一滴都冇剩之後係蜜瓜同埋蒴餅作為今日之收結 劃上一個完美嘅句號…查看更多

星期六又落雨，全家七大一小唔知食乜好。估唔到新蒲崗地方細細都有一間九龍城開過嚟嘅泰國串燒。叫左好多野食木瓜沙律：正常冇乜特別，份量偏細，適合食完串燒，refresh 下燒蒜蓉包：睇落平平無奇但唔知點解好多人嗌，食落真係有驚喜，麵包軟硬適中，有蒜蓉輕輕嘅調味. 炒金邊粉：味道正常泰式炒雜菜：食得太多肉要有啲菜點綴下都幾好食青咖喱飯：咖喱入邊配料勁多，個白飯都好好味冬陰功湯：味道唔太辣，全家都啱食串燒豬頸肉：超級惹味肥瘦適中燒豬肉燒雞肉：泰式風味，點沙嗲醬好似去咗九龍城咁雞腎，雞心同雞肝：我覺得呢一間係少有做得咁出色，非常啲雞肝同雞腎會做到又乾又鞋，但呢度無論係調味同埋軟硬都非常適中，連埋嗰個有少少辣同埋應該有少少青檸喺入邊嘅汁，😍😍😍😍下次一定要encore燒泰國腸：泰國腸入邊有粉絲，感覺好得意燒蝦餅同魚餅就正常發揮…查看更多

突然間落大雨，天氣潮濕又凍凍咁。腰酸骨痛又攰去開尖沙咀做個massage 成身鬆晒，但又好肚餓經過鬼金棒 ，見到冇人排隊，即刻衝入去我只係會叫一樣 ：莞茜麻辣味噌拉麵。我超鍾意食莞茜，但老老實實，唔係乜都加莞茜就代表好食～鬼金棒ge 拉麵就係最完美配搭，莞茜其實同麻味好鬼夾。所以我次次都會揀高麻小辣，咁先唔會比辣味搶咗其他食材味道。食完超滿足下雨天也可以很快樂…查看更多

呢次係我第二次去呢一間餐廳啦第一次食呢一個bagel 已經覺得好好味於是就再嚟試多次啦呢個花生味嘅好似肉桂卷咁樣嘅造型🌯一層層包住有啲花生粒 酥軟既皮做得唔錯 加左雪糕都冇浸淋哂🍨花生🥜做既甜品 比較少 整體嘅配搭都唔錯如果可以揀埋自己揀埋雪糕味就更好啦🍦另一個呢就係一個原味既Bagel佢答一個黑松露牛油醬啦一個會係柚子味醬個柚子味呢醬 淡淡清香嘅柚子味🍋加上我最鍾意嘅牛油🧈搽落去熱熱地嘅包裏面🧈半溶化間 感覺非常之清新 佢冇🍊橙味咁突出 🍋柚子佢獨有嘅味非常之濃郁 真係估唔到柚子同麵包嘅結合係竟然可以咁天衣無縫於是我就想再嚟多次啦再試返呢一隻醬但係原來呢一個係日日有機會唔同嘅今次會係一個藍莓芝士🫐質地好似乳酪再濃稠一點 裏面會d 藍莓肉。🫐芝士冇搶鏡， 唔係好feel到🧀襯托到令藍莓味更出 黑松露牛油味都好香 中意黑松露既一定要試佢一d 都唔吝嗇 食完 都仲有個種香氣係度兩者交叉咁試 兩種唔同既風味一種果香 一種菇菌類咖啡都一樣 可以果味🍏或者堅果🥜味☕️呢度仲可以帶埋狗狗黎 仲有一個圓形落地大玻璃太陽直晒住玻璃透入嘅窗景🌅而自己喺入面貪杯咖啡 ☕️ 感覺仲寫意…查看更多

睇完戲 4點幾 見唔使等就入左beans叫左我最愛ge vienna coffee, 咖啡上面有新鮮忌廉 淡淡的甜味 中和咖啡苦味朋友叫左Americano之前食過beans ge拿破崙 酥皮脆 吉士ge vanilla 同甜味平衡好好 今次再encore見到有個cake 叫perfect match,應該有香蕉同拖肥 我覺得應該會好甜膩ge 配搭點知有超大surprise仲好食過拿破倫 所有野完美溶合左冇改錯名❤️❤️❤️❤️…查看更多

經過鰂魚涌就嚟試吓呢間日本野先一入到去門口去到餐台去到座位 都十分滿意座位舒適裝修大方高雅 空間感及距離感好夠前菜會有枝豆Edamame俾我哋 可以邊食邊傾偈所以整體來講我都唔記得等候咗幾耐啦總之呢好快就已經有得食啦第一道係五款嘅刺身包括三文魚🍣油甘魚、吞拿魚、帶子、魚厚度剛好 感覺唔膩 一口啱啱好亦都食到刺身嘅飽滿 吞拿魚細滑柔軟 魚嘅鮮甜仲有少少餘係口里帶子略為遜色 淡而無味 除了刺身 仲配番沙律、湯同白飯12款嘅手握壽司擺碟與配搭都睇得出佢好有心思要每一種食出嚟都好有唔同嘅感覺當中有帶有芥末籽、芥末、沙律醬、 醃漬物等等去提升食物嘅層次估唔到咁樣嘅配搭都好令人驚喜至於服務方面都係一流嘅佢問吓我哋對於餐飲有啲咩意見同埋感覺證明餐廳都係好注重客人嘅感受而希望一直得到改進環境同服務真係冇得彈 亦都你適合商用同埋休閒嘅午飯自選…查看更多

星期日,約埋好友知己出嚟嘆吓coffee ☕️傾吓心事首先會係揀一間咖啡廳 可以比我地暢談🍾呢係一間日係嘅咖啡廳整體環境整潔但係呢私隱度不足 同隔離枱嘅距離比較近所以都唔可以真係密密傾呢度呢帶咗個海鮮意粉都唔係好記得佢咩名🍲擺上去嗰刻木魚好多同埋好夠熱 整體外型都好吸引 就好似一班木魚喺度跳舞咁但識落個味呢就比較普通 家常味道咁當然啦主角其實我哋可以試返佢主打咖啡同埋甜品首先呢度個疏乎厘🥞啦咁🫓佢唔係好似鬆軟嘅個種 而係比較實心🥞傳統既鬆餅嘅感覺配搭🍯蜜糖同牛油🧈 簡單表現出不平凡 牛油慢慢溶化嘅過程真係好自治癒 心情都變大好🍭就算食量大既女仔 都會覺得個份量岩岩好 之後呢係我覺得呢度最好味 最好味 最好味重要所以講三次嘅———原味布丁🍮首先佢用一個高腳杯裝起呢個布丁🍧已經係完完全全呈現到好似喺日本食布丁🍮卡通片動漫裏面嗰種感覺🍮🍮🍮吉士味比較較輕、🍳蛋味濃重 呢種係就係最簡單 經典既布丁 🥚甜度恰到好處 滑溜，但係又唔係一夾就散開 加埋個cream 既淡淡奶油味 🍦好似蛋白蛋黃交融既中間點 兩者十分平衡 當然啦個重頭戲呢就係嗰杯靈魂嘅咖啡☕️咖啡整體質素非常之高 易入口亦都唔會偏酸或者苦 適合大眾嘅口味另外佢都有其他嘅滴漏咖啡等等一邊食甜品 一邊襯返呢一種咖啡好快就已經飲到見底⛄️總結來講呢度嘅甜品同咖啡都會係值得推薦嘅⭐️⭐️⭐️⭐️但🍝意粉呢就比較普通服務呢就不過不失👩🏻‍🍳美中不足就係飲品部杯碟碰撞嘅聲音較多地點非常方便 旺角東鐵站一出新世紀就到啦…查看更多