chowalanhk的个人专页

食物質素份量都ok,一間以大排檔形式做生意來講,都係想坐耐啲食多啲飲多啲為目的,不過21：30 就用不同方法趕客走（唔多講,感覺非常不良好）,我哋問佢幾點收,佢話22：00截單23：00收工,都唔緊要,咪諗住叫多2支啤酒,（都係諗住十點半左右走）但21：30已經清哂我哋所有碗碟,趕埋單等等不愉快動作,口講叫我哋慢慢飲,最後我哋22：10走人,就算所有嘢都ok,但都真係唔會有下次...........…查看更多

末試過叫外賣一次過有三款點心出問題,打去同佢講還同我講昨日先入貨唔會有問題,講多陣就話叫我下次再叫時換番三款同價錢食物,講真我真係唔會有下次啦!我問可否退返錢,佢話因為openrice收錢所以無得退!…查看更多

睇到之前d食評,諗住今年情人節帶老婆去食餐重質,唔重環境嘅扒餐啦,真係無諗過中伏中到識用文字形容！真係好彩我結左婚,但都俾我老婆挖苦左我成晚！我相信如果真係帶女朋友黎的話,真係會因為依餐而分手！一坐低問佢有無餐牌,今日情人節只得情人餐,ok唔緊要,咪叫左個‘岩石牛柳’,‘岩石安格斯’,飲品轉左‘麒麟生啤x2’每杯加$60,都唔緊要,諗住好食都無乜所為！個場唔係好大,當時連我有5-6枱客,落左單約10分鐘,特然有枱客話唔食走,嗰刻唔知乜事啦,以為個別事件,跟住有個侍應問我叫左餐未,我話叫左啦,佢check單原來無落單！唔緊要咁再落單,跟住好快就黎左餐湯,前菜小食,....湯只係温暖,唔可以用唔夠熱形容,前菜普普通通,所以都無影相,以味道計只可以用入得口形容！唔緊要期待主菜上主菜,兩份岩石牛扒,個size 真係大開眼界,半隻手板咁大放係個岩石板上！我塊岩石板好熱!另一塊板完全唔夠熱,用隻手指試過只係暖!同侍應講換過塊板,okok...轉過頭廚房好大聲嗌出嚟話岩石板無哂,全部轉碟上,無辦法咁只好碟上啦!講到咁樣食物質素都費事講!.......由前菜到食主菜大約食左20分鐘左右,我又要叫侍應,我個兩杯'麒麟生啤'呢?女侍應好好禮貌話得得得...佢轉過頭大聲問廚房,張抬轉左生啤又無落單,我當時腦海裡面真係諗係唔係拍戲,乜都唔落單,出名岩石板無岩石板!嗰刻真係......,都講到咁咪叫佢上埋個甜品,食完走算啦!依個環節更精彩今次同個男侍應講....係唔係有甜品,佢話係!等左約5分鐘我再問我個甜品呢?男侍應：得得得...整緊!唔夠2分鐘上枱,扑街'4粒過年全盒朱古力',我同我老婆真係笑到收唔到聲,今年無睇賀歲笑片姐,都唔洗咁牙.....最後$792 依餐佢编佢導但係我演的一餐,真係永世難忘…查看更多

今日路過見到寫住試業中,咪上去試下,一上去全店環境走工業風味,感覺幾特别!地方超大,最欣賞每枱坐位邊都有個工業風儲物櫃可以放手袋或外套(真係非常细心）用pad點菜,叫左個 椰子雞煱,見到有半煱上,問問侍應乜叫半煱,侍應殷勤有禮話如果我3位,叫半煱就ok,可以試多d 其它嘢!湯低方面非常有驚喜,椰子湯同雞係分開上,待應話先飲湯後落雞,湯好清甜, 最欣賞係個雞, 一食就知用酒醃過,極力推介火煱配料方面,有好多特别手作嘢, 黑松露餃, 蛋黃墨魚丸, 紫菜響鈴,真係非常之好味,盡對有驚喜!手切牛,海蝦,聖子皇,非常新鮮, 應該係上等貨今次3條友,真係試唔到太多款式, 但好彩有好多都可以點半份上, 真係非常體貼,下次一定會再試.....…查看更多

為佢出第一次食評，真係好希望佢老板會睇到!我本身都算係嘉麗園fans,幫襯左佢4年,每次不論放假/宵夜都會食佢,不論品質味道份量都係一流(只限凌晨時份,因為老闆主理),但如果日間去食,每次都令我大失所望！通常我都係食牛雜河$37/十全腩雜河$55河粉方面:質感 (薄+滑) ,但唔明點解日間連河粉都有分别,係厚身D!份量方面:凌晨食足料滿意，日間食不知所謂！(不 止—次,係好多次)凌晨食碗牛雜河無論牛雜+河粉份量都多過日間 十全腩雜河,原全不合理…查看更多