April A的个人专页

從未試過有邊間嘢會比呢間嘢更差囉，裡頭嘅侍應簡直係垃圾都不如，服務態度差到簡直無筆墨可形容！你叫個餐，佢哋嘅文化係興係逐樣逐樣上，而且每一樣都要等成大半個鐘有多，搞到你以為自己入錯舖頭，懷疑緊自己係咪入咗法國餐廳！又或者佢地樣樣都要走轉美國先至返到嚟呱!就算係你想叫佢地拎杯水咁簡單，應係應你，但就係得個應字囉!你以為一個係咁啫，第二個唔會呱，但你點諗到連第三個都係咁，簡直係令你O曬咀!又可能係因為佢地嘅水實在太矜貴了，係響天山雪蓮番嘅都唔定，所以咪咁珍惜囉！假如你想追單，你仲死硬，你個餐肯定要等到天荒地老，外送俾佢地寸爆!真係沒有最差，只有更差!所以奉勸各位，想食呢間野嘅話一定要好有耐性、超有耐心及寬宏大量能寬恕嘅心，唔係激死自己搵山拜就唔值啦！仲有最重要一點嘅就係，如果你好肚餓或好趕時間的話，奉勸一句：千祈唔好去!唔係你肯定想一頭撞牆死了算，因為會好後悔！…查看更多