irisss_foodie的个人专页

前排係周年紀念透過朋友介紹得知呢間西餐，內裏裝修好有格調，播住輕鬆音樂，昏暗嘅環境令整個氣氛好有情調，好適合情侶約會👫🏼Soup -牛肝菌野菌蘑菇湯味道香濃，更將野菌蘑菇打至微粒，令每一啖都充滿口感-龍蝦濃湯龍蝦湯味濃郁，味道喺口腔裏面打轉，仲有蝦粒，更係表面用汁畫成蜘蛛網，貼合萬聖節主題，相當有心Starter -自家製生肉他他有驚喜！唔會有腥味，味道微辣，配搭埋紅蕉同沙律醋都將開胃😋-煙三文魚沙律配蜜糖芥末醬第一次呢款沙律配蜜糖芥末醬，估唔到都幾夾，而且酸酸甜甜辣辣相當開胃🤤Main -澳洲黑毛安格斯西冷牛扒肉質軟淋，肉汁鎖住晒，小量嘅油脂令整體更加香口👍🏼-香煎鵝肝配美國封門柳大大嚿鵝肝，封門柳牛味濃厚又嫩口，雖然較容易食膩，不過有沙律做伴盤，立即可以解膩Dessert 特濃開心果麻糬杯唔會太甜 ，表面滿滿開心果粒跟開心果醬，底部有一粒粒餅乾及麻糬，獨特又美味…查看更多

呢間時不時就要排隊嘅西餐廳，淨係門口嘅打卡位已經好吸睛，食物更係以想不到嘅好食！而且餐廳不定時會更新menu，偶爾去食都好有新鮮感☺️Smoked Salmon avocado salad 新鮮沙律菜，4大片三文魚，份量相當足嘅牛油果🥑配搭埋沙律醋完全係完美配搭！開胃不單調，而呢款沙律都係新推出嘅👍🏼Cutlet Hiroshima oyster大推每枱必點之選！先係炸粉做到蘇脆可口，一啲都唔會好厚，生蠔更係意想不到嘅大隻厚肉又多汁而且味道新鮮唔會腥！記住食嘅時候要小心爆汁喔😆Beef tenderloin mashed potatoes 新菜式其中一款，亦係我當日最愛！起初嘅外貌比我感覺正常唔算相當吸引，而且擔憂會韌，食落發現肉不可貌相！！經慢煮過嘅肉汁緊緊鎖起，肉質超軟！外皮一啲柴、鞋口都冇！加上餐廳特製嘅和風果香燒汁超夾，完全唔會膩🥰Truffle fries食過以上嘅美食後，原本絕對唔會輸嘅薯條🍟都變得平平無奇🤣但薯條炸得好香脆加埋黑松露醬都係會令人不禁一條接一條咁食😋Strawberry basque 呢款甜品絕對要食，一啲都唔會膩，口感cream 得嚟又唔會好jam口，起初想點開心果口味，咁啱當時賣曬，下次有機會要再試開心果口味先😍Refreshing passion 呢杯小驚喜，作為中意熱情果嘅我有時都會怕太濃會好酸，但呢杯咁多款水果配搭出嚟嘅味道好夾，唔會比熱情果搶曬味，我平時飲開小小甜都覺得甜酸度適中，讚👍🏼…查看更多

位於元朗形點I的「極尚大瀛喜日本料理」日式放題，食物選擇豐富，質素頗有驚喜，是性價比唔錯的放題之選。🍣刺身藍鰭吞拿魚脂香濃郁，肉質鮮嫩，是必食之選。三文魚厚切肥美，帶子和甜蝦也新鮮清甜。壽司方面，焦糖牛奶鵝肝壽司係我嘅最愛！鵝肝入口即化 再飽都忍唔住encore幾次😆海膽手卷海膽甘甜，紫菜脆身，亦係encore之選🍳熟食鵝肝多士絕對冇得輸！一大嚿鵝肝誠意滿滿😍若然多士冇咁硬身就更加好啦😆另外乳鴿皇肉質鮮嫩，鍾意乳鴿嘅一定唔好錯過。此外蒜蓉燒蠔性價比相當高！肉質鮮嫩肥美，加上調味後真係食到舔舔脷😋🍨 甜品與飲品甜品選擇不少，其中最受歡迎的是極品榴槤燒，燒過的榴槤香氣更濃郁，淨係一入餐廳都聞到唔少人叫咗，陣陣榴槤香飄散空氣中😍雪糕則有Häagen-Dazs等多個品牌任君選擇。飲品櫃選擇非常多，從汽水、自家製冷泡茶到酒精飲品都有，照顧到不同客人的需要。…查看更多

估唔到牛魔除咗火鍋依家連燒肉店都有啦！而且係一人燒肉，一個人諗唔到食咩就岩曬，套餐選擇多，價錢相宜性價比亦高👍🏼A9 牛魔三重盛宴呢個盛宴150g只需$128就已經食到牛舌、牛五花及牛板腱，牛嘅質素亦相當唔錯！牛舌燒至微微粉嫩色，已經軟嫩又有咬口☺️另外套餐跟嘅飯我就升級咗做「牛魔蘭王鵝肝炒飯」，一大片鵝肝放咗係用蛋炒至金黃色嘅飯上再加上一隻橙黃色嘅蛋黃😍淨係擺盤都令人胃口大開！每啖都香口又滿足😋套餐仲跟咗一湯一沙律，都幾豐富👏就連醬料都有8款可揀！額外加配小食-原隻燒蠔 2pcs完全滿足到好多人想食燒蠔唔洗去放題都食到嘅願望！價錢實惠又好味😋A12 日本A4和牛西冷、牛小排套餐個人覺得都幾抵食！一大片A4和牛西冷，牛小排更係厚切嘅3大嚿！牛小排肉質超嫩口！加上厚切關係，大滿足！另外飯就升級咗做「手拆純蟹粉蟹黃蘭王拌大光麵」，十分喜歡店鋪嘅擺盤，好似置身日本一樣😆建議每次用小量大光麵去拌，咁就可以慢慢品嘗到蟹粉蟹黃嘅鮮味啦😋額外加配小食-日本原隻甲羅燒 2pcs竟然仲有甲羅燒！真係愛爆呢間鋪😍滿滿嘅蟹膏，完全冇腥味！味道超讚，必食❗️飲品方面都可升級為特飲，我地就揀咗乳酪特飲及巨峰特飲，味道唔會假，仲有果粒咬下😋…查看更多

呢間係香港討論區討論到極高嘅即撈海鮮火鍋 基本上每次過去都要排晒長龍🥰連朋友都話性價比超高‼️晚市最平$300左右就有交易 多款海鮮自己撈 鮑魚、三點蟹、卜蜆、白貝、羅氏蝦等等都有 保證足夠新鮮🤓除咗海鮮之外 呢度仲當然都唔少得過百款嘅肉類、火鍋配料同各款熟食，約埋成班朋友聚會，一定個個都啱食‼️-呢度主打每枱有一個小鐵桶可以出去水缸撈蝦夾蟹，夾好可以交低俾職員洗乾淨 拎個號碼牌 等一陣就可以拎返去打邊爐啦 全部都新鮮扎扎跳🥰有我鍾意食嘅三點蟹、鮑魚、羅氏蝦、黑虎蝦等🌹三點蟹大大隻，唔算好多肉，但蟹膏好鮮甜，隻隻都彈吓彈吓好生猛 大頭蝦爽口彈牙 濃郁蝦膏👅…查看更多

最近先發現牛站連旺角都有分店！鋪位仲係橫跨全層，空間感夠晒充裕！一到晚飯時段已經有一群年輕人排隊，好彩一早訂咗位，否則都要排好一段時間！入座前先揀好要食嘅餐，當見到我最愛嘅牛小排餐就二話不說即刻揀好！價錢都相當合理😆另外就係最重要嘅湯底啦！係8款湯底裏面我地揀咗清甜椰子雞鍋，等待湯底滾起嘅中途經已聞到好濃香嘅椰子味，所以對湯底抱有超大期望😍最後湯底的確令每樣食物都帶有椰香，但我地一致認為椰子香太容易食膩，變相食唔到太多野就膩咗🥹決定下次再戰另一款湯底！至於食物方面個人覺得幾有驚喜，先唔講無得輸嘅極上牛小排，佢地嘅海鮮值得一讚！生蠔超肥美，鮑魚夠嫩口，大頭蝦夠新鮮，絕對值得不停encore 🥰，而且仲有牛肚、雞子、象拔蚌片呢啲相對罕見嘅食物！另外連乳鴿都係任食！性價比都幾高🤩甜品方面有貼合季節嘅榴槤大福、草莓蛋捲等，仲有人氣大熱嘅häagen-dazs！飲品亦都有好多唔同嘅選擇，連酒都可以任飲！👍🏼…查看更多

呢間餐廳絕對係一個適合多人聚會嘅好地方。餐廳主打六款煲類選擇，包羅萬有，包括惹味雞煲、豬手煲、牛尾煲、烤魚、酸菜魚同埋牛雜煲，而酸菜魚及牛雜煲更係新加入餐牌嘅煲類！烤魚及雞煲更新增咗幾款不同的口味，最吸引嘅係呢度係無限任食，絕對可以滿足各種口味需求。我當晚點咗惹味雞煲同酸菜魚，兩款都令人印象深刻。惹味雞煲嘅雞肉鮮嫩入味，醬汁濃郁，而酸菜魚則係酸香開胃，裏面仲有唔少配料為整個煲增添層次感。雖然冇試其他煲，但聽到隔離枱對牛雜煲嘅讚不絕口，似乎係另一個必試之選。最特別嘅係，當你享用完煲類後，仲可以轉湯底打邊爐，配埋各式各樣嘅火鍋配料，完美延續美食旅程。整體嚟講，二鍋頭餐廳性價比高，非常適合一班朋友或者家人一齊開心聚餐！…查看更多

實在好耐都無食極尚大喜屋啦，嚟到先發現原來更新咗餐牌！食物更合我心水😍好多款式都可以encore 再encore!每款刺身都好新鮮，三文魚大大片，赤蝦甜蝦大大隻又爽口！帶子鮮甜美味，蠑螺刺身比想像中厚切夠爽口👍🏼 而壽司方面款款各有千秋！三文魚腩油香滿滿、黑松露油金魚夠魚油香小小嘅黑松露更吊出魚嘅鮮味，而令我encore 再encore 嘅係海膽手卷及海膽魚籽拖羅蓉最中餅，一次過滿足3個願望！絕對令人一口接一口！至於熟食燒物方面都令人愛不釋手！川燒廣島蠔極香口蠔夠大隻，鮑汁鮑魚撈一口花菇絕對係必食之選😍令人最驚訝嘅係黃金軟殼蟹！熱辣辣炸起，外皮相當脆口，而且係爆多蟹膏！完全冇諗到軟殼蟹可以有呢個效果，味道一流🤩鵝肝多士都忍唔住encore咗幾次🥰外面自助區同樣好多選擇，蒸點、紅豆沙、蟲草花烏雞湯、小龍蝦、港式燒味等等，菜式越嚟越嚟吸引！就連雪糕都有Häagen-Dazs同Movenpick提供，仲要任食的！甜品同水果都一大堆，食到最後真係要抱住個肚走😆飲品方面都相當貼心，想飲健康啲可以有菊花蜜及羅漢果茶、怕凍嘅有熱櫃專櫃、凍飲方便唔係單止得汽水，茶竟然仲有佢哋自家提供嘅港式奶茶及珍珠奶茶🧋味道都相當唔錯👍🏼…查看更多

呢間係正民居附近嘅西式茶餐廳相當受歡迎，早餐時段到中午時段都坐滿客人，人流不斷！菜單亦幾多選擇，無論西式定中式，總有一款啱口咪味👍🏼🥗煙三文魚All Day 價錢都算實惠，而且係免費跟凍熱飲😍呢個餐就配咗沙律菜、牛油粟米、白菌菇、紐倫布腸、扒番茄、太陽蛋及蒜蓉脆豬。最值得讚賞嘅絕對係白菌菇及太陽蛋！白菌菇味道香口唔會有草青味😋太陽蛋微微流心仲要蕉邊 讚🥰而蒜蓉脆豬相比之下就失色小小啦，口感偏硬身，不過勝在味道搭救，整體都幾推薦大定食👍🏼🐷椒鹽豬扒飯（濕）平時都算小食茶餐廳，所以見到濕嘅椒鹽豬扒飯都有啲好奇，最後因為有推薦手勢👍🏼就決定一試，一嚟到賣相都唔錯，而味道就比賣相更出色！🤩味道都幾有驚喜，先係鹹度適中，煎過嘅豬扒好香口，肉質唔會霉但又唔會韌，保留到豬扒本身有嘅咬口，令人一口接一口，好快道食曬了🥰推薦比住係附近嘅人，即使食足一星期都唔會厭，因為選擇真心多😆，人流亦可反映出餐廳嘅質素👍🏼…查看更多

住大圍嘅人有口福啦，以燒肉為名嘅鋪頭，竟然仲有雞煲食！完全唔使出到遠一遠！店舖有提供多人座位，偶爾約埋一大班朋友聚會，揀呢一間店舖絕對係唔錯嘅選擇！既然以燒為名！當然要試吓啦，我哋分別叫咗豚三國王樣定食(150g)及美國燒肉盛盒定食(150g)，以相當平民嘅價錢但提供豐富嘅食物！起初都怕價錢平質素會唔太好，但食落超驚喜！肉類質素相當唔錯👍🏼另外仲叫咗半隻雞煲，揀選咗椰子雞湯做湯低，雞件一上枱就發現餐廳絕對唔馬夫！雞份份量十足，而且好肥美！啱晒我呢啲鍾意食雞嘅人😍店員仲相當細心，幫我哋計好進食時間，令我哋可以食到最嫩口嘅雞☺️仲唔會有雪藏味添👍🏼湯底亦需要大贊！相信絕對冇加任何味精作調味！淨係飲到椰子嘅清甜可口😋另外可以出到自助區位置調配醬料，雖然醬料係以最簡單嘅芫荽、辣椒、蒜蓉比客人調配！但係蒜蓉原本有額外調配過，所以淨係最普通嘅三樣嘢調配出嚟味道都絕佳！除此之外，糖水同湯品亦都可以隨便添飲😋當日嘅糖水係我嘅至愛腐竹雞蛋！食到飽一飽都忍唔住飲咗兩碗🤭因為味道相當住家，完全唔會死甜。湯品就係用料豐富嘅麵豉湯！味道亦相當唔錯，友人同樣添咗幾次😆…查看更多

喺呢條咁多美食嘅街道見到呢間相當有新意嘅日本餐廳，透過熱石去製造適合自己大小嘅漢堡扒🤤好食又好玩🤭夏日清涼套裝 $275呢個餐係兩人食用的，每人都會跟前菜、湯、飯🍚，另外有一碗凍喬麥麵同兩份漢堡扒分別係芝士蛋和牛漢堡扒及雞蛋和牛漢堡扒😍漢堡扒可分4份燒，燒嘅時間只需要每面數秒就已經熟，牛嘅味道都有啲驚訝，無諗到呢個咁平嘅價錢都可以食到呢個質素🤤而加咗芝士係更加邪惡同香口😋連埋香飯一齊食真係大滿足🥰凍喬麥麵絕對超出意料！滿滿碎冰令喬麥麵口感超彈牙！湯味道微酸，三者加起來一同放入口！成個人迅速降溫！燒完漢堡扒都唔怕個人仲熱辣辣😆超大推！而半熟蛋都做得好出色，相當滑口☺️不過呢個餐就冇跟飲品啦，如果有需要都可以自己額外叫，但個人覺得品需要都得，因為漢堡扒品會膩，加上有凍喬麥麵都幾解喝👍🏼…查看更多

呢間係荃灣新開嘅燒烤堂比人感覺十分舒適，暖色燈光令氛圍好好，每張枱嘅間距形成到獨立嘅空間感👍🏼另外食物價錢亦係相當合理嘅範圍，食物質素更係做到物超所值！大推！🤩🍙蟹膏燒飯團 $38滿滿嘅蟹膏係🍙表面，而飯團相信係經過精心製作，飯嘅色水足夠之餘仲有小小飯焦😍令口感更豐富又香口！🔥浜燒活元貝 $58起初都略嫌覺得價錢唔算太親民，但當一食入口立即覺得物超所值！經過精心調配嘅醬汁！加上大蔥嘅配料，入口彈牙唔韌嘅元貝！令人食到哇哇聲😆絕對係必食之選！🥯焦糖青蘋果鵝肝多士 $108全餐嘅重頭戲🥳！呢個燒物亦係我最鍾意嘅一樣！有我手掌心咁長嘅鵝肝！仲要好厚身！有焦糖嘅青蘋果，而多士中間亦有一舊芝士，簡直係所有嘅味道集於一身！相當豐富！而且毫無違和感！大大滿足感又唔會膩！超讚🤩🦪蒜蓉燒廣島蠔 $22廣島蠔比想像中更肥美，生熟程度拿捏都好好👍🏼再加上用蒜蓉燒，真係冇得輸😋🥩鹽燒和牛牛小排 $48一串4塊，即使燒過嘅牛小排表面都唔會好乾，火候拿捏得好好！肉質淋得嚟又有口感，調味亦做得好好完全帶出牛味！十分高質☺️🥩鹽燒A四宮崎和牛 $58同樣一串4塊，表面睇落更juicy😍，肉質比牛小排更淋！調味同樣出色！🦑香蒜鹹蛋黃燒墨魚滑 $38味道相當唔錯，墨魚滑仲好彈牙，而且賣相都幾吸引人😋🥑牛油果豚肉卷 $28滿滿嘅紫菜係表面，豚肉唔會韌，加上牛油果嘅配搭，一啲都唔膩👍🏼🍡汁燒釀冬菇 $28燒冬菇嚟講都做得幾Juicy，調味都好足夠，中意食冬菇可以一試😙🔥味淋魚乾 $48絕對係串燒店必點之選！燒得唔會太硬身，味道都係無得輸！🥰🍄‍🟫牛油蒜蓉焗雜菇 $38燒得十分入味，唔會有種草青味，配搭埋蒜蓉食超香口😋🍍蜜糖燒菠蘿 $18用作最後當甜品都係一個唔錯嘅選擇！大大串！超juicy！重點係一啲都唔酸😍…查看更多

市面有好多間唔同嘅燒肉、打邊爐放題，但系能夠做到一台同時間燒肉加涮涮鍋嘅鋪頭就唔多，而且食物絕對有質素保證！日本薩摩和牛放題一開始先會送上一個頭盤，每款牛都各有千秋，最令我驚喜嘅絕對系和牛粒！即使燒耐咗肉質仲系好腍，完全唔會有筋👍🏼而用作涮涮鍋嘅薩摩牛牛肩胛薄切更系我嘅至愛！放入味道濃郁嘅壽喜燒鍋，數秒嘅時間再沾蛋液一齊食，入口即溶嘅口感加埋壽喜燒同蛋液嘅搭配，絕對系頂呱呱🥰呢個餐仲會跟少量嘅海鮮，而甲羅燒系必點嘅食物之一！初初都有啲擔心放題甲羅燒嘅質素，但製作好之後味道一流，仲比得上出面餐廳單點！我同朋友都encore咗三輪😆絕對值回票價！另外鐘意食鮑魚嘅朋友亦都唔好錯過，就算我呢啲唔識燒嘅人，都一樣可以燒得好好食一啲都唔韌🤤另外自助區有唔少火鍋配料拎，而用QR code揀選火鍋配料仲有驚喜出現😍竟然系有牛骨髓呀！香港嘅唰唰鍋絕對好少見有牛骨碎揀，所以都真系好開心😆新鮮程度亦令人好滿意👏食到最後當然唔少得甜品啦！但若然對甜品有要求嘅就唔好太大期望，因為甜品種類冇一般放題多，但勝在過到口癮，又有水果揀，但系單單食物嘅質素已經完勝👍🏼…查看更多

呢間係正商場中心位置嘅餐廳，起初都唔為以，但咁岩見到有人係餐廳食緊梳乎厘就立即吸引咗我嘅注意！於是快速就決定左當日嘅晚餐🤣🍱芝心豬排蛋包飯定食 $108呢款蛋飯飯嘅汁仲可以揀咖喱汁/白汁，而我就揀左白汁，白汁係奶油菇菌，奶油味好香，同豬排都好夾！豬排心有滿滿芝士，十分邪惡🤩炸粉唔厚，仲好蘇脆！蛋仲整得好滑口😋超滿意👍🏼🍛溫泉蛋牛肉丼飯 $78呢啲丼飯真心食唔小，但呢個丼飯絕對係得心中嘅No.1！我好怕呢啲丼會乾身，但出乎意料嘅係除左溫泉蛋嘅汁之餘醬汁嘅配搭令整個飯沾滿汁嘅同時又唔會令米飯變得太濕身，味道亦唔會太咸或太淡，真心 好驚喜！就算牛嘅質素唔太高但都完全俘虜到我心🥰🍯原味班㦸 $88一個班㦸好唔好食，食原味就一定知！班㦸一到已經聞到好香，三大件班㦸仲有糖醬🍯自行落份量，第一口同樣正中我紅心❤️！口感好軟熟實在，唔會得空氣感，但同時做到好滑口，不需多加配搭味道已經好夠！必食之選🤩🌟餐廳嘅座位係開放式形式，行入小小都有足夠嘅私人度，食野就唔怕比人睇住😉…查看更多

講到多肉類揀之餘又有高質海鮮嘅燒肉店第一時間會諗到安平燒肉，而部分熟食同櫻花蝦干拌麵都係特家提供，更為多元化😍澳洲M5和牛吃到飽 $418🍗肉類個人最中意就係贈送嘅超厚牛舌芯，口感彈牙又香口😋，如果中意薄切也可手機落薄切，味道同口感都唔錯加👍🏼其次當然係安格斯牛小排同澳洲M5和牛啦，兩款肉味香濃，油脂分佈平均，配搭埋生菜一齊食仲可以解膩，密密地食多好多🤭🤭🦐海鮮講到海鮮虎蝦同烤帆立貝係我必點之選！佢地嘅size一啲都唔敷衍！都好大隻😍蝦肉爽口彈牙，帆立貝口感鮮甜，另外仲有絲瓜煮蜆👍🏻整體味道都好清甜🍲其他烤魚干、奶油金菇、滷水涼拌鴨舌、台灣小枕頭等等全部都好值得一試！另外仲可以喺自助區自製海苔飯☺️🧃飲品及甜品自助區新增咗好多唔同嘅自家製茶飲，另外都可以QR code揀選飲品，例如百香果綠茶、阿里山檸檬紅茶及冬瓜茶等等，選擇多元化👍🏼甜品方面除咗可以自製雪糕之餘，仲可以試吓佢哋自家製嘅台式甜品😋…查看更多