wcmk的个人专页

揀咗2個飯糰 + 湯嘅餐，正常發揮，無驚喜。個飯糰包到好似好多料，但咬落去其實入面無咩料，得個樣。碗湯都係正常囉，料都係正常。唔可以話佢差，正常發揮嘅，但講好，佢唔會係。可以食嘅，但有得揀嘅話，我就唔會再食了。…查看更多

好犀利，呢間嘢，我唔明點解仲會有人排隊食。我叫咗 肥腸麵，小辣，佢係：油還油，湯還湯，麵還麵，菜還菜，肥腸還肥腸，每樣嘢都係自己嘅味道，完全唔會融合埋一齊，究竟佢點做到？另外，跟餐嘅蓮藕都係一樣，蓮藕還蓮藕，辣油還辣油，2樣嘢係毫無關緊係。小酥肉係正常嘅，因為都係就咁炸，再點辣椒面。唯一正常少少係蕃茄炸蛋麵，係入得口嘅。我想像唔到佢點可以收88蚊一個麵加飲品加個小食，真心可以有更好選擇。食咗個麵係因為肚餓，夾硬填飽個肚，但個小食真係不了。…查看更多

有日去買隔離間台灣嘢，見到呢間日本便當，應該係新開無耐，見佢門面簡單得黎又乾淨，就諗住買黎試下。佢有得配沙律，配飯，配水煮雜菜都得，都幾多組合。第一日試咗 岩鹽乾燒鯖魚($58)配全菜(+$8)，叫埋多菜個樣係真係超多菜！佢有西蘭花、紅蘿蔔、椰菜、菇同椰菜花嘅組合，全部水煮，但唔會煮到無晒菜味，好健康。鯖魚唔會腥，都好多肉，有骨嘅，但都係大條嘅骨，易食，仲有半隻蛋，都好好食！咁試咗一日，諗住都可以翻兜，食多日啦第二日食黑松露煎雞扒($58)，都係全菜(+$8)，叫咗多菜。塊雞扒切件嘅，好高質！唔會鞋仲好嫩，好入味！煎得啱啱好，唔會有無何位好乾好柴。有圖有真相連食咗2日，都好高質，超好食！佢有個QR code可以預先落單，落完10分鐘行到去就攞得，好方便！希望呢間可以繼續keep到呢個咁高嘅水準，$66嘅呢2個餐好健康得黎好食又飽肚，very good ah!!!!…查看更多

成日聽同事講，自己又試下買黎食。今日食石磨牛肉腸粉，算中規中矩。朝早有熱熱地嘅嘢食係唔錯。叫咗多芫茜，都係多得少少😂😂唔緊要，都好吖。燒賣就普普通通，可以拼魚蛋，下次試下每樣3粒。豆漿ok幾好。成餐都唔錯，$39，可以翻兜。用openrice app落定order都好方便，去到即時攞得，唔使等。…查看更多