＊小菱＊的个人专页

講到一盅兩件，原來東海薈已經發展到一盅一件逐件order，以往一籠燒賣有4粒的光景不復見，換來的一粒一籠的的骰骰樣子。咸魚青菜各有喜好，想食就+1唔怕會食淨！點心方面，翡翠帶子燒賣（$18/粒）大大粒燒賣表面擺放帶子，豬肉餡中間包裹爽口蝦仁Q版流沙奶皇包（$13/隻）印上卡通圖案來到主菜有米魚，有米魚會選用沙巴龍躉或石班隨機供應，今次有幸遇上沙巴龍躉鋪上金黃色的炸脆米飯粒，食用時淋上鮮味的上湯，魚肉鮮甜爽滑。不過松露石榴球松露真是一d都不失禮！入面雜菌亦是相當吸引！而片皮鴨掌握火候得直，片皮鴨表面呈棗紅外皮，鮮豔油亮、皮脆肉嫩，上台前店員會純熟的手勢手起刀落將鴨肉切好一片片。不消一會，鴨肉已經整齊地排列好，如果直接將鴨肉放入口，即時享受到酥脆香滑！不過如果想食多種口感，可以以包餅皮放入京蔥、青瓜、海鮮醬、菠蘿一同食用，同時食到片皮鴨肉酥香、配菜上的爽脆及菠蘿的鮮甜於舌頭上味蕾上交織一起！如果喜愛食咕嚕肉，一定要試試新Menu - 士多啤梨蝦球鍋巴，啖啖鮮蝦球裹上秘製脆漿脆炸，加上重點所在既士多啤梨濃厚醬汁及鍋巴托底，真係又香口又好味！…查看更多

隱蔽度極高私房菜！ 這間坐落佐敦鬧市但一點都唔起眼的私房菜，門外只有門牌號碼，隱蔽度極高到差點入口都搵唔到。店內主打西餐，當中黑毛豬嫩滑有彈性，入口甘香。香煎鵝肝更是超厚切，外脆內軟，入口即溶仲有黑魚子增加層次感。呢到更免切餅費和開瓶費，想飲幾多都得！ 只有門牌號碼，沒有店名非常隱蔽。自製麵包配三款牛油: 黑松露牛油、蕃茄牛油和海鹽牛油，全是自家製。黑松露牛油松露味香濃突出，蕃茄牛油帶微酸。而麵包表面烘得香脆，內裡還保持鬆軟。 香煎法國鵝肝，厚切鵝肝令口感非常豐富，外層煎得香脆表面更有焦糖，入口溶化。配上魚子醬增加層次感，還有提子乾醬可減低油膩感。 法式多士配日本天使蝦刺身，天使蝦身晶瑩剔透，肉質實淨彈牙夠鮮甜。多士烤得香脆，中間是蟹肉、蟹子拌上沙律醬。 煙燻吞拿魚、拖羅他他配蜜糖芥未醬，煙燻過的吞拿魚有陣陣煙燻香味，而煎過的外表更帶魚油香。 烤西班牙黑毛豬，黑毛豬肉質粉嫩，入口彈牙。外表用上黑胡椒調味，煎後表面香脆。加上蘋果醬汁的酸酸甜甜好醒胃。 慢煮和牛面頰肉配牛肉汁，慢煮令牛面頰肉非常軟腍而且仲保持嫩滑。牛肉汁帶起整體味道，牛肉味更加濃郁。Apple crumble配雲呢拿雪糕。 青蘋果啫喱布甸配士多啤梨雪糕。 免切餅費和開瓶費，可自行帶酒暢飲。…查看更多

呢間銅鑼灣樓上café，除了有一般各式各樣咖啡和茶之外，當中最特別就是有款加入了豆腐做的沙冰飲品。將豆腐、奶和其他配料加冰打成沙冰，沙冰口感順滑，入口仲有濃濃清香的豆腐味道，好似食緊豆腐雪糕，非常過癮。而且餐廳環境舒適空間感十足，好有優閒感。仲有室外露天坐位，感覺非常Chill!  曲奇豆腐沙冰($52) 豆腐、奶、加埋濃郁的朱古力曲奇打成軟綿綿的沙冰，入口先有豆腐味之後有朱古力曲奇味，兩者味道非常夾，好似食緊豆腐雪糕加Oreo曲奇。  煙三文魚蒔蘿檸檬忌廉義大利麵($118) 煙三文魚份量都不少，意粉軟硬度剛好而且有淡淡檸檬味道。  海膽溫泉蛋義大利麵($148) 溫泉蛋煮得剛好，把蛋黃汁拌入意粉和海膽一起食，特別滑。  德式班戟伴冧酒脆糖香蕉, 朱古力碎($88) 熱騰騰的班戟上面有煎過的香蕉令其甜度增加，再配上凍冰冰的雪糕，口腔可以體驗一場冰火感覺。  …查看更多

何文田呢間食緬甸菜小店，其招牌鮮魚濃湯米線一定必食！湯底按照傳統做法非常足料用塘虱魚，雞肉熬製六小時，再加入魚蓉、炒香的黃薑粉和其他香料，所以令湯底呈黃色，鮮甜香濃絕無味精。米線更完全吸收湯底精華味道。另外個腩肉飯都好出色，腩肉層次分明，重點係入口即溶仲肥而不膩，個汁撈飯食絕對一流!  Mohinga鮮魚濃湯米線($48) 招牌湯米線的湯底以塘虱魚蓉加入紅椒粉、黃薑粉等調味料炒香，之後加入用塘虱魚、雞肉熬的湯中，令湯頭鮮甜香濃。配料有魚片、豆卜、豌豆脆片、半隻熟蛋和莞茜。 豌豆脆片係豌豆同米漿混埋一起炸，炸得好香脆，豌豆數量都幾多。 曼德勒鮮茄滋味撈麵($48) 自家製茄醬肉碎，味道清甜，加上莞茜同炸蒜，撈埋爽彈的蝦子麵，非常香口開胃。 曼德勒紅燒腩肉配飯($55) 腩肉層次分明，軟腍入味，味道帶甜，重點係入口即溶仲肥而不油。個汁撈飯食絕對一流。 酥炸黃金脆蝦餅($48) 蝦餅炸得金黃香脆，蝦肉爽口彈牙，蝦味突出。 緬甸黃薑脆脆雞翼($48) 雞翼即叫即炸，帶有少少黃薑味道。 緬甸羅望子特飲($20) 味道酸酸甜甜，非常解渴和醒胃。 / 緬甸黃薑蜜特飲($20) 有薑味，食到薑粒，夠潤喉。/ 青檸檬瓜椰果特飲($20) 味道清新，仲有椰果粒。…查看更多

 灣仔這間日本大阪過江龍拉麵店，主打豬骨湯底，使用大量豬骨同蔬菜煲足8小時，味道香濃又不會過鹹，仲要一點都不油膩，飲完一點都唔口渴。叉燒更用上西班牙豬肉，不會有過多肥脂，而極叉燒仲大嚿夾抵食。食拉麵又點少得餃子，每日新鮮人手包製，外皮又薄又煎得脆口。神虎精選($118) 豬骨湯底，付有極叉燒西班牙豬腩肉、一隻溏心蛋、手打豬肉丸、黑木耳、筍、紫菜、蔥花和生紫洋蔥。叉燒大大件，肉厚少肥，外層有燒過，帶出油香。 溏心蛋，咬開後內有蛋黃緩緩流出來，而且蛋味好濃郁。 黑虎($93) 豬骨湯做基底再加上粒粒黑蒜的湯底，有陣陣蒜香味。配料有叉燒用西班牙豬肩肉做、手打豬肉丸、黑木耳、蔥花和生紫洋蔥。叉燒入口軟腍，有入口即化感。 神虎餃子($42) 餃子每日新鮮人手包製，外皮夠薄而且煎得香脆夠飽滿，餡料豐富。 炸雞塊($38) 雞塊大大件，即叫即炸。炸得外脆內嫩，肉汁緊緊被鎖緊。加上檸檬汁和沙律醬味道更加美味。…查看更多

 這間中環以圖書館書卷味設計的優閒健康茶飲小店，主攻以天然原片茶葉和新鮮水果做茶和芝士奶蓋茶。其芝士奶蓋是用Cream Cheese、牛奶等打成，芝士香味十足仲又滑又香濃，鹹度適中。再配合用新鮮水果打成的果肉加入茶底，既飲到新鮮水果汁又飲到天然茶香，真是絕配。  100%用上新鮮水果打成果肉。  店內主要用4種茶葉，高山烏龍、二十五年雲南珍藏普洱、清香極品鐵觀音和銀毫茉莉龍珠。  芝士芒果高山烏龍($48) 芝士奶蓋是用Cream Cheese、牛奶等打成，鹹度適中，能帶出芒果味。入口嘗到果肉外還有淡淡茶香的烏龍茶。芝士奶蓋上還會灑上抹茶粉。  白桃銀毫茉莉龍珠($43) 白桃清甜，入口先有果香味之後再出淡淡的茉莉茶味，非常解渴。…查看更多

勁回味！ 這家西班牙私房菜，絕對灣仔少見，你可以從一道Tapas「北海道帶子他他」而見微之著，帶子極鮮甜，伴香脆紫菜同吃，一流！ 還有這裡的西班牙海鮮飯好大份，都是在香港其他地方很難品嚐到的美味。大廚很有創意，會在經典菜式上加入少許自己的點子，比如「燒墨魚粒」：擺盤精緻, 而且每一啖八爪魚好放上藏红花，把鮮美進一步提昇。餐廳有兩層, 樓上可以開party, 仲有個private room, 啱矖同朋友飲酒傾，private room仲無minimum charge添!!Scallop Tartar($148) : 帶子刺身鮮甜味美，紫菜非常之香脆，兩者同食，紫菜激發出更多的鮮味。Seafood paella（$208）:西班牙菜一定要點西班牙飯，材料非常之豐盛，有蝦，墨魚，青口，帶子等等，每顆飯粒均吸滿墨汁，感煙煙韌韌，味道適中，份量足夠。Grilled Octopus($118) ：八爪魚切粒 ，薯蓉，忌廉墨汁，炸紅椒，疊得整整齊齊，一啖一口，層次豐富得令人驚艷。Roast Stuffed Quail ($168): 鹌鹑肉质细嫩，脂肪及胆固醇含量很低，不需要复杂的调味也可以很好吃，想不到大廚心思細密，在鹌鹑裏釀入調配好的香蔬，配以磨碎的欖角拌食，風味十足。…查看更多

呢間Scarlett Cafe位於尖沙咀小巷內，主打歐洲陸菜色，裝修選擇剛陽味重嘅工業風格，感覺時尚型格😍！ Cafe食物水準唔錯，今次點嘅brunch入邊有Smoothie bowls，以果昔作為基底，再在上方加上水果、殼片、堅果等等，健康之餘口感又唔會太單調，佢哋嘅Eggs Benedict亦都相當出色，賣相靚仔！▲有Smoothie-bowls，以果昔作為基底，再在上方加上水果、殼片、堅果。▲Eggs-Benedict流心效果一流！▲Weekend-brunch組合Smoothie-bowls加上Eggs-Benedict。▲Cafe裝修選擇剛陽味重嘅工業風格。…查看更多

近年香港人好興食四川風味料理、麻辣雞煲呀咁，今次就食左由大陸hit到返香港既麻辣烤魚！麻辣現烤活魚做法來自於重慶萬州，而重慶豆花烤魚係祖傳與現代美食交融既例子，位於元朗呢間新張麻辣烤魚店，將四川秘製辣醬加上樸實不華既豆花，將麻辣、鮮香同時混入魚肉同豆腐之間，鐘意食辣既朋友要試喇！重慶豆花味清江魚($238)呢種食法將麻辣香氣同刺激帶出，同時保留到魚既鮮味重慶烤魚其實係源自於重慶萬州地區特色美食。喺傳統過程中融合醃、烤、燉三種烹飪工藝，充分發揮傳統川菜及川味火鍋嘅特點聽店員推介，揀左比較少骨既清江魚，本來擔心清江魚會不會就是鯰魚，於是上網做個fact check，雖然外觀類似鯰魚，但前者魚尾是分為兩叉，而且魚質比較厚實。仲可追加烤魚輔菜，如果兩個人食的話，特別推介黃金組合（$59 金菇菜／土豆／蓮藕／海帶）識食一定要食埋火鍋寬粉！寬寬既紅薯粉掛上麻香既辣汁，一路食一路流汗，真係好過癮！除左烤魚之外，呢度仲有串燒選擇，羊肉串燒($26/2串)原條燒茄子$32將茄子從中間切開，加上蒜容同孜然粉，焦香十足解辣之選益力多沙冰($28)係大陸食地道烤魚都係走平民路線，但今日元朗呢一間就大玩Graffiti，吸引唔少年青人黎試！店內設計走韓式風格，店面乾淨令人食得放心，每台都可以坐四個人，寬敞舒適。…查看更多

這間以台灣街頭菜為賣點的餐廳，內裡裝修好似古代茶居，仲有個搶眼霓虹燈，真係好有Feel! 而店內主打的古早味魯肉飯，魯肉鋪滿飯面，用上本地黑毛豬五花腩，肥肉比例剛剛好，入口軟腍滷汁香濃，仲有陣陣油香，配上台灣珍珠米十分香口惹味。食埋個滑嘟嘟仙草凍配煙煙韌韌的手工芋圓和地瓜，夏天食真係一流!  古早味魯肉飯($38) 選用本地黑毛豬五花腩，腩肉層次分明，口感軟腍。滷肉汁炒得香濃，陣陣油香又甜，十分香口惹味。 嘴邊肉($78) 即是豬下巴、臉頰兩側部位的肉，油脂不多，帶有軟筋，口感軟嫩但又帶點咬口。 鹽酥雞翼($46) 外層炸得酥脆，有濃濃的椒鹽味，內裡雞肉肉汁豐富而且軟滑。 宜蘭葱肉煎餅($48) 外皮煎得香脆，餡料肉汁豐富。 大腸麵線($38) 滷大腸有咬口，麵線糊度剛好。 仙草凍($38) 手工芋圓和地瓜夠煙韌，帶有少少甜味。仙草入口滑嘟嘟，夠凍好有清新感。 檸檬冬瓜茶($28) 自家制的冬瓜茶，入口有啖啖檸檬味，夠晒清香和潤喉。…查看更多

一路食一路聽Live band! 除了連黃秋生都讚的carbonara，其烤西班牙黑毛豬扒都是這間酒吧餐廳招牌菜之一，用上食橡樹果大，煮至7成熟的西班牙黑毛豬。豬扒肉質粉嫩，入口嫩而彈牙，更有豐富油脂甘香。另一龍蝦湯都不得不介紹，上枱已經有濃濃的龍蝦湯味，入口香滑鮮甜，龍蝦味非常濃郁。餐廳環境開揚，裝修有特色及情調，更會每晚9點過後設有live band表演，還有機會點歌，推介給喜歡音樂的朋友。 法式龍蝦湯($68) 橙色的湯擁有非常香濃龍蝦香味，湯身入口好滑而且龍蝦味濃郁。旁邊的蒜蓉包烤得好脆口，蒜蓉味不太強烈，跟湯一起食不會搶走龍蝦香味。 黑松露油芝士薯條($78) 表面鋪滿一層薄薄的芝士條碎，帶有好香的黑松露味。薯條是用原個薯仔切條連皮一起炸，薯條炸得乾身夠薯味而且薯肉豐富。 牛肉墨西哥烤餅配酸忌廉, 牛油果醬, 蕃茄莎莎($138) 一層薄烤餅，中間夾著牛肉，蕃茄，墨西哥辣椒和大量芝士，入口帶點辣但加配同酸忌廉, 牛油果醬和蕃茄莎莎醬便可中和，不會太辣。 烤西班牙黑毛豬扒伴荷蘭豆燒手指薯配燒汁($168) 黑毛豬烤至7成熟，顏色粉嫩，入口彈牙而且保留肉汁。經烤過後入口還有一陣油脂香。 Pina Colada($78) 經典雞尾酒，入口先有椰子和菠蘿味，之後酒味慢慢滲出，不會太濃烈。 Country Flavour($70) Mocktail將益力多，菠蘿汁同西瓜糖漿一同調製，益力多會較為突出，味道比較甜。…查看更多

即叫即炸!!! 這間拉麵店可謂小食有驚喜，小食份量足夠多選擇。其北海道南瓜炸薯餅是即叫即炸，非常熱辣辣，外面酥脆，內裡軟綿粉嫩。而且南瓜味香甜沒有一點油膩感，配上沙律醬味道更鮮明。自家製餃子煎得香口又皮薄。主食北海道風拉麵有一大粒牛油，拉麵帶點曲線可以掛多點湯，麵質又彈牙。叫個二人餐可以開心share!自家製餃子，皮薄煎得香口，餡料豐富，味道適中，內裏包括豬肉、韮菜、椰菜、冬菇。招牌牛油拉麵，有一大粒牛油，拉麵帶點曲線可以掛多點湯，麵質彈牙。用上豬骨湯，配粟米，叉燒，海帶，竹筍，芽菜。北海道南瓜炸薯餅， 即叫即炸，外面酥脆內夠軟綿。南瓜味道香甜，沒有油膩感，配上沙律醬味道更鮮明。鰻魚飯(大) ，鰻魚沒有腥味，而且沒有魚骨。飯的份量好足。…查看更多

期間限定超抵優惠！喺荃灣有一間新開嘅日式小店做緊開張優惠，所有丼飯買一送一，包括魚生丼、爆丼、天婦羅丼同咖哩丼！重點小店並無將貨就價，丼飯足料之餘又有水準，值得推介▲大丼屋嘅丼飯主要分為四類，分別係魚生丼、爆丼、天婦羅丼同咖哩丼！今次就試咗巨型富士山丼 ($188) ，入面有蟹肉絲、三文魚子、牡丹蝦，吞拿魚腩蓉同海膽！所有魚生都非常新鮮，就連最容易出事嘅海膽都夠鮮甜！醋飯味道調得剛剛好，加埋青瓜絲，撈勻一齊食唔只增加口感仲有好fresh嘅感覺，真心推！▲另外我地仲試咗個 燒牛肉爆丼 ($88) 而佢的確係丼如其名，牛肉多到爆出黎，總共有5、6大片牛肉，牛肉有炭燒嘅味道，食落牛味都算濃而且夠軟身，拌飯嘅雞蛋亦有蛋香，雞蛋下面仲收埋好多椰菜絲，所有野加埋一齊黎食，味道一流，係食肉獸之選！ ▲另外叫咗幾個小食，分別係芝士蟹籽玉子燒 ($28)、炸魷魚鬚 ($28)同章魚小丸子 ($28)，玉子燒中間夾住不少芝士蟹籽，玉子甜度適中，口感鬆軟，魷魚鬚外皮炸得香脆，魷魚肉厚亦爽口彈牙，可惜章魚小丸子無乜餡料，而且粉太多，建議可以另選其他！▲買一送一優惠做到3月尾，重點係全店免收加一，真係抵上加抵呀！小店晚市時間已經派曬大隊，想試的話就可能要預少少時間排隊了！…查看更多

又想打邊爐又想食放題？旺角呢間任食店就可以一次過滿足曬你嘅願望！除咗火鍋配料、刺身、燒物、炸物等任食之外，佢仲有「造型火鍋」，倒入熱湯之後，造型湯底會慢慢溶化！造型湯底仲有多款選擇，Book位個陣記住同店員查詢喇！火鍋湯底共有六款選擇，包括皮蛋莞茜、沙爹、冬瓜排骨、豬骨、豆乳海鮮、人蔘雞、蕃茄同重慶麻辣，加$68蚊仲可以揀4格湯底添！造型湯底十分可愛，聽聞仲有唔同造型，好似鴨仔、熊仔、狗仔等，建議Book位時可以問清楚 =]店內有提供多款火鍋配料，好似火鍋配料就有蜆、海蝦、帆立貝同鯪魚滑，如果加錢食中日放題嘅話仲有生蠔、蟶子、東風螺、象拔蚌同墨魚滑選擇添！出面仲有一個火鍋配料自助區，有蔬菜同丸類等配料，食幾多夾幾多！升級嘅日式放題主要分刺身、壽司、炸物、燒物同沙律！刺身有成十幾款，而且仲好新鮮，另外壽司同燒物都好好味，特別係火灸類壽司，必點！呢個升級放題值得加！飲品方面亦係自取，款式都算多，甜品方面有雪糕同一口甜品可以自取！…查看更多

呢間西餐小店最近就整咗個Balloon Set Dinner！除咗基本嘅前菜主菜之外，最特別嘅就係氫氣球甜品🎈氣球外層其實係以粟粉、魚膠等製成嘅糖漿，泵入氦氣後，只需輕輕一吸，你就可以即刻變聲，啱晒拍片打卡📷▲刺身三文魚凱撒沙律 ($72) 三文魚好肥美，魚味濃，好食！沙律菜好新鮮爽口，仲灑上咗蟹子，全部撈勻一齊食，正！ ▲我地叫咗個晚餐，餐前小食 Hygge炸洋蔥圈 洋蔥切得好幼細，炸漿亦夠薄，夠脆身，重點係唔油膩！附送嘅黑醋牛油果醬同埋松露蛋黃醬好好味，個人特別喜歡牛油果醬，令到洋蔥圈感覺更清新，而松露沙律醬係即點即製，散發住淡淡嘅松露香，建議如果點唔晒啲醬可以留嚟搽麵包食！▲餐湯係磨菇湯，可以食到粒粒蘑菇粒，一舨蘑菇湯都非常杰身，呢度就算適中，唔會太稠。 ▲美國安格斯T骨牛排 ($388) 牛排配菜好特別，係中西合壁，有秋葵、粟米仔、西蘭花同木耳。安格斯T骨扒好大塊而且厚身，邊邊煎得香脆，肉味算濃，加埋啲牛脂一齊食，可以感覺到牛油係你口入面打轉，好味道！不過建議唔好點太多汁，因為有少少咸同埋會搶左牛排嘅油香。▲飲品方面就點咗 柚子蘋果沙冰同蜜桃檸檬梳打 (各$56) 沙冰打得好幼滑，味道偏甜，柚子味比蘋果味更突出，愛甜嘅朋友應該會好喜歡，對比之下梳打味道較淡，蜜桃果漿係底、攪拌後會有淡淡蜜桃香，感覺好Fresh。▲最後我地叫咗個藍莓芝士餅 ($68) 做甜品，蛋糕上枱之前店員仲會俾一個氫氣球你，原來係食得㗎！用力一吸你就會即刻變咗minions聲 (因為入面泵咗氦氣)，記住準備手機錄片，因為實在太好笑啦，哈哈！爛咗嘅波波其實就係糖漿，可以成個食咗佢，真係食得又玩得呀！而真正甜品芝士餅細細件，口感紮實，入口順滑。…查看更多