katiewoo25的个人专页

星洲白魚蛋叻沙 ＄56.個人覺得叻沙最重要個湯底，所以先喝啖湯先個人覺得湯底都算濃郁，雖然見到好多紅油，但作為一個唔太吃得辣嘅人嚟講，我覺得可以接受，唔算辣唔太飲得出椰奶味.冇唸過份量咁多，明明已經叫少米超多魚蛋，魚蛋都好彈牙，唔錯好吃😋…查看更多

呢間車仔麵已經吃咗好多年，個湯底夠清大推個蘿蔔，夠淋身之餘仲要好清甜！超好吃個溏心蛋都係我每次必叫的，個蛋黃流心效果一流，而且個蛋白唔老，仲可以吃到少少滷水味，超jeng呢間應該係個大家庭一齊夾份做嘅餐廳，人情味十足，職員又好nice，而且成日都見有街坊光顧…查看更多

腰果露（半甜）.雖然研香呢間嘢唔少甜品都好伏，但估唔到呢個腰果露又唔錯嚄個腰果露唔算好杰身，但feel到有石磨過d腰果，因為入口都吃到d磨到好細膩嘅腰果，而且吃落有少少花生味，我甚至懷疑自己係咪吃緊腰果花生露整體唔太甜，ok的，不過等候時間有d長…查看更多

紅燒牛三寶麻辣拌麵（走辣）.一入口甜嘅？！🤯我比較中意吃咸嘅拌麵 所以一入口已經失去我歡心但個牛筋都算幾軟淋，牛肚幾彈牙，牛肉都好淋，牛三寶個汁同麵果個唔一樣，係類似咸味嘅滷水汁，我覺得可以接受的個麵身就正正常常，我覺得冇咩特別.店名：台北倆伴…查看更多

純肉醬手製寬帶麵.肉醬份量非常充足，調味方面啱啱好，唔會太咸，雖然平時d肉醬有加蕃茄，呢個肉醬冇，但覺得都唔錯呢間就出名個手製寬帶麵，所以我都叫咗個嚟試下。個麵會比較厚身，麵粉感唔重，但你問我算唔算好特別值得一試，我又覺得唔係.巴馬火腿火箭菜薄餅呢個薄餅幾深得我心一口咬落就覺得好好吃，芝士嘅咸香味好特出，但唔會好膩，再配搭埋個火腿同火箭菜一齊吃，味道好豐富，好有層次感，除咗油咗d，冇缺點個餅底唔會好厚，就算係邊邊位都好薄脆，而且好有空氣感…查看更多

意式肉迷薄餅 🍕＄182（原價）.個餅底唔錯，夠薄夠脆個豬肉丸都好好吃（不過好少）不過個pizza落咗甜椒，所以個pizza偏甜口，中意吃甜口pizza嘅人不妨一試.香辣蕃茄牛面肉焗貝殼粉 （走辣）.唔知係咪因為走辣，所以味道超清淡問咗職員俾樽鹽，就好好多但個蕃茄醬確實唔錯，唔酸，好入味牛面肉都燉得好淋，好好吃唔知係咪焗耐咗，覺得側邊冇high到醬嗰啲貝殼粉會乾身，有醬果d就冇事…查看更多

明太子芝士烤三文治 ＄28.整體感覺外脆內軟，唔錯明太子醬好足，而且唔會好鹹，味道適中芝士做到拉絲效果，芝士唔會多到好膩，份量剛剛好，感覺芝士只係配角，明太子係主角…查看更多

平安包。黑芝麻沙冰.天時暑熱入長州，隨緣入咗間cafe 店坐下，順便叫咗呢杯特飲一試其實佢係黑芝麻燕麥奶沙冰整體而言唔太甜😋有一定黑芝麻味，但唔算非常非常濃郁，我估佢應該係用黑芝麻粉沖？因為飲到底見到唔少芝麻粉粒珍珠好軟糯，同平時吃開粒粒分明的珍珠唔一樣，佢係比較黏d一開始見平安包，以為有個迷你平安包吃😂結果原來係塊曲奇餅，塊曲奇都有牛油香，ok嘅.…查看更多

Set Dinner ＄558頭盤：凍肉拼盤(+$30) （附送餐湯及餐包）主菜：紅酒燉牛面頰意粉 + 香橙油封鴨腿甜品：法式蘋果批.呢間店舖嘅餐湯確實好驚艷，今次餐湯係椰子甘筍南瓜湯，佢係將d磨食材磨成蓉，然後煮成湯，所以口感非常特別且吃到好濃嘅南瓜味，非常好飲，真係好想再要多碗🥹至於餐包係暖暖地咁上台，外脆內軟，空氣感十足，好好吃.凍肉拼盤就正正常常，係能夠想像到嘅味道😂by the way係好吃的，個法式火腿幾特別，帶有少少咸香味.Main 方面 ，紅酒燉牛面頰意粉個牛面頰超大！而且燉得好淋，牛裏面嘅筋可以話入口即融，非常好吃！但個意粉就正正常常，冇咩特別香橙油封鴨腿，個汁調得非常好！最碟餸最好食係個汁🤤其他都正常，原來以為個鴨腿會有橙香味，最後都冇個焗薯好吃唔錯.甜品方面，個蘋果批甜酸適中，雲尼拿雪糕味道香濃幼滑，雪糕下面有蘋果蓉 個蘋果蓉就相對甜，但配埋d蘋果同個批就中和咗個甜味.…查看更多

檸檬芝士餅 ＄28.以＄28嚟講，呢個芝士餅嘅性價比可謂非常高檸檬嘅清新中和咗芝士嘅油膩feel到佢芝士本身唔算係好heavy果種芝士，屬於比較輕盈果款，所以入口嘅時候都幾fresh檸檬本身唔會太酸，檸檬味唔會好重，清清地幾好吃餅底就曲奇餅底，但可能放雪櫃太耐唔覺好脆口，但我覺得呢個價錢嚟講可以接受整體不錯，會再來訪.…查看更多

炸醬麵.一開始入到店舖見好多講韓文嘅客人同埋個老闆都係講韓文，以為呢間店會有驚喜，結果好普通，冇咩特別個麵質都幾有咬口，不過不失，個醬味道適中，鹹甜適中，冇話特別好吃但份量確實幾大，兩個人先吃得曬.糖醋肉呢碟就真係伏，個肉炸到好乾，0肉汁，除咗份量大同埋炸漿薄外，冇咩值得一讚…查看更多

春城銅鍋雙拼米線 ＄52（自選蘿蔔+雞肉）.個價錢都幾進取下，不過見社交平台有唔少人推薦，就去試下個人覺得個米線就冇咩特別，之前去昆明旅行吃過米線，當地個米線同呢個質感唔一樣至於個湯底都幾濃郁，但我厭佢太油，所以飲幾啖就算個蘿蔔都幾清甜，唔錯值得一讚係個雞肉！未試過出面吃米線叫雞肉個雞可以咁多，而且唔係雞絲！舊雞都幾嫩滑，仲有d雞皮連住唔錯…查看更多

個油飯真係一流！超好吃，好有油香味，唔似出面一般油飯咁黃feel到個飯落咗其他配料，所以好香好好吃不過就真係好邪惡，明顯見到有油係飯底個雞好滑，就算雞胸都好嫩滑，好有雞味，個雞皮都好滑，不過係多咗d脂肪吃完之後明白點解咁多人排隊呢個餐配做個餐湯，個湯好好飲，係南瓜紅蘿蔔雞湯，好濃郁，大推…查看更多

Main course:手撕牛肉意大利飯+番茄海鮮意粉Drink: 抹茶鮮奶+士多啤梨薄荷soda🍓Dessert:海鹽焦糖panckae.個牛肉飯好好吃🤤個飯吸收曬d汁，所以好入味，好好吃，而且唔會太咸，味道arm arm好。個飯都煮得好軟熟，唔會太硬都唔會太淋至於個牛肉煮到好軟身，而且夠入味，非常好吃至於個意粉就略厭個意粉有d生，有d硬，好似未煮熟，但個醬係好吃的，唔太酸亦有蕃茄味不過d海鮮好似煮老咗，有d硬.既然呢間出名pancake，一場嚟到當然一試，個pancake果然好吃😋pancake有足夠空氣感，而且蛋香味濃，就算唔點d cream同個醬都夠味，好吃！個cream都好好吃（我差唔多吃咗一大半🤫）個cream空氣感好夠，唔似出面吃cream cake d cream咁膩，而且個cream唔甜，好吃！.至於杯嘢飲，就比較推薦士多啤梨soda，佢真係有d果肉係杯嘢飲裏面，而且唔太甜（but 記得搞暈先飲，我如果唔係個底就會好甜！）個抹荼鮮奶就完全好抹荼味，而且好似溝咗水咁，都幾難飲…查看更多

泰式乾炒牛河 ＄62 (連熱嘢飲）即叫即正，鑊氣十足個河粉唔咸，夠鑊氣牛肉厚度適中而且超大塊，炒得arm arm好，唔會好靭.泰式串燒飯 ＄60d飯好香，不過落咗甜豉油，個人覺得豉油偏甜，唔落仲好吃個串燒燒得唔錯，外脆內軟，咬落仲有肉汁不過個沙嗲好甜，好似落咗糖咁，但又吃唔出椰奶味，反正唔arm我口味.嘢飲叫咗龍眼冰同珍多冰，龍眼冰非常甜唔推薦，珍多冰重椰奶味而且有d斑斕啫喱係底，唔太甜，推薦一飲…查看更多