nanani11的个人专页

約左朋友係附近打波未夠鐘就到附近先食個午餐。本來打算試一下最近的 Balencia, 點知道呢個繁忙時間等左成15分鐘都未有人走, 我地唯有去附近睇下食個快飯。早有聽聞祥香茶餐廳, 既然黎到就試一下呢間備受好評既傳統茶餐廳。 我地上左樓上坐低, 每人叫了個茶記例牌--菠蘿油同熱奶茶。雖然平常我唔係成日飲奶茶, 但祥香既奶茶就非常岩我胃口。茶同奶比例剛好, 質感醇滑, 飲完都無飽濟既感覺。呢度菠蘿油係凍上既, 雖然飽皮鬆化 (食到我有d狼狽), 牛油都夠厚, 但係我都係鍾意平常菠蘿油冷熱對比既感覺。 兩樣野每人二十幾蚊埋單, 坐卡位唔洗等上菜都快,價錢合理。希望呢d老店係西環地鐵開通後都撐到落去, 等我地可以繼續享受到傳統既味道。…查看更多

隔左太耐都係唔寫唔得。上個月同屋企人本身諗住去軒尼斯道間東園飲茶, 結果滿座又多人等就轉去呢間舊d既東苑金閣試下, 點之大中伏!! 坐低劃座張點心紙, 點之已經同我地講幾樣都無, 連想補叫既都無, 話下午茶賣曬好正常… 咁我地都無心情再叫野食啦。等左好耐第一個黎既燒鴨瀨粉d 湯竟然係凍既!! 嚇到我都唔記得影相。我個碗呢舊鴨已經係最正常既, 其他都係骨……跟住又等左好耐先黎個流沙包, 食落去無流心, 好乾……等到我地都唔想食最後先黎既腐皮卷,燒賣同雞紮, 水準正常既。雖然我知道舊式茶樓唔會快手, 但呢間服務態度真係唔得, 明明其他檯遲過我地叫都上曬點心所以我地先好聲好氣問下有無漏單, 點之個侍應態度勁串, 完全俾說話個客聽。 呢間茶樓以後都唔會再去。…查看更多

朋友係和記大廈返工, 前排約左放工睇戲。諗住睇戲前先食飯,但係唔想同人逼, 朋友話佢公司樓下有間壽司小店, 一直都想試, 結果就去左……這店叫一魚。店面以木色為主, 有十個位左右, 我地去既時間仲有位. 右邊係壽司櫃俾人自己攞盤揀完俾錢。(6點後有8折!) 見到佢都有幾多三文魚款, 結果心大心細揀左個魚生飯食。個魚生飯都幾豐富, 肉質都算煙韌彈牙, 配埋青瓜好清新丫。店員話烏冬係新產品,朋友就叫黎試下, 又揀左盒加州卷。朋友話個烏冬口感煙韌, 清清地幾好食, 都係$10。加州卷份量十足,折左都係二十一蚊到,都算幾抵!有日本同韓國既汽水揀 ($10罐), 我揀左白提子汁, 都幾香甜。 朋友聽店員推介揀左綠茶，味道唔錯。…查看更多

一班朋友喺times睇完戲又唔知去邊食結果又去希慎food court坐。本來諗住飲杯野陪朋友食個tea, 結果忍唔住叫左個pepper lunch食。人好多所以都等左廿個號碼，不過原來號碼顯示左佢都末整我嗰份，小扣分。始終佢個黑椒牛肉飯對我真係好有吸引力,熱喇喇嘅鐵板加上濃味嘅蒜茸醬汁（雖然知道會口渴）真係好開胃。朋友叫左個三文魚拼雞肉飯反而冇咁有光澤，可能少左Ｄ牛油啦,都係揀傳統款式穩陣Ｄ。 …查看更多

之前因為銅鑼灣有「佔銅」，所以同朋友到灣仔睇睇有咩好食。行過見到上海姥姥仲有位就入去試下。裝修幾特別，有古樸風又有d新式設計，仲有bar枱添。唯一唔好嘅係門口唔太明顯，行過咗都唔知。個餐牌唔係有好多選擇，不過樣樣都係上海的傳統菜。我地叫左D野食，十分鐘左右就黎，算幾快。聽侍應既建議叫左個前菜拼盤，四喜烤麩甜甜地幾好食。因為見到佢地有師傅即場拉麵，所以點左個簡單既菜肉雲吞拉麵。雲吞同麵都唔錯，幾滑。見幾乎個個都叫小籠包，所以我地都叫左一籠。皮幾薄，咬下去有好多肉汁標出黎，食完仲想再食。本來想食菜飯，不過侍應話午餐先有，下次得閒會過黎試下個午餐加豆漿 。隔離枱叫的酒釀丸子睇落唔錯，但係已經叫左豆沙鍋餅，所以留番下次再試。鍋餅既紅豆餡幾多唔太膩，作為飯後甜品啱啱好。叫左杯薑茶暖下胃，辣度適中，可能有人唔鍾意咁甜，但我就幾啱。…查看更多

做完野啱啱好趕得切去食吉野家下午茶,當然即刻叫番個細牛肉飯醫肚。灣仔呢個時候唔多人，唔洗排隊買完就有得食。Ｄ服務員態度幾好。不過個牛肉飯就麻麻地，Ｄ飯偏散同牛肉都乾乾地(可能我懶冇問佢攞牛汁)，比起以前食差距幾大。都係嗰句，呢個價錢純醫肚就算啦,不遇好懷念以前最初喺呢度食嘅第一碗牛肉飯丫！…查看更多