goodtry2016的個人專頁

星期六晚上9點去的 因附近餐廳都關店去試一下 叫左明太子蟹肉鍋飯 牛肉烏冬同玉子壽司 鍋飯同玉子壽司都太普通 普通到唔會想再黎食 完全對唔住佢既價錢 最好味既係牛肉烏冬 不過都係個句 食物對唔住價錢就是了 不會再去…查看更多

今日係為左皇袍叉燒飯～已食過好幾次 但只要一去銅鑼灣仲係想食 係銅鑼灣咁多美食既地方 好爭扎😆皇袍 - 滑蛋 滑唔使講 好有蛋味 就咁送飯都好滿足叉燒 今次係第5次 只有1次係叉燒偏瘦食落失色左 其餘4次都好味 叉燒淋但有咬口 汁又好味飯 偏硬的粒粒分明 食5次每次都一樣質素真係好like我已默默變為凡去銅鑼灣就會將其中一餐既quota比左皇袍叉燒飯既忠實粉絲還有值得一提的是雖然是叫冰室 但冰室環境、餐具等都好乾淨 疫情下去幫襯我都覺得放心 期待再去食😋…查看更多

無得去日本就係香港食日本野 afuri係日本食過 味道清新 今日一試 同日本湯底一樣😋 賣相亦都係 豚肉脂肉分明 亦整得好香 玉子好有日本蛋味 半熟蛋😋 真要講缺點既係拉麵同日本當地食唔同左 不過都明白日本當地人地既拉麵無可能100%還原到 只要好味就得 淨係湯底一樣都好開心 同埋豚肉只有一片 呢個價錢覺得可以比多片豬骨濃湯拉麵亦好好味 滿意 都係希望豚肉再多一片會更豐富飲品做緊買一送一（送平d價錢個款）2杯都好飲 尤其凍烏龍茶 比外賣店既更有烏龍茶味=更足料員工亦好有禮貌 有時食野氣氛都好影響個感覺 係會加分😊 坐係bar枱位 可以透過玻璃睇到員工製作過程 想再添加餃子但太飽 9月尾會再去食 見到餃子整完賣相係日本feel 令人期待會否做到薄脆香 眼見仲有整軟殼蟹包 同餐牌個樣一樣 認真製作…查看更多

疫情好轉 未能去日本所以就食下日本野 呢日係中午時間去到 呢2款拉麵 老實講 我明白過江龍同當地食係會有唔同 但呢間既無誠意實在不能接受 豚骨拉麵 首先賣相 本身有一隻玉子 我加左隻 加埋木耳 個擺位散收收咁 見到都減分 （無郁過 黎到就係咁）湯底求其 唔多覺豚骨味 好似平時日本超市自己買返去整既味道😂 麵質無特別要求軟或硬 普通到又係可以話無特色 又係感覺係超市自己去整咁 無拉麵既彈牙感 第一次會食淨拉麵 豚肉 好抱歉 從未食過咁唔好食既豚肉 ‘鞋’ 無咩豬肉味 玉子...欠缺蛋味 亦有部份熟左蝦味噌拉麵 呢款湯底唔係周圍都有做 叫做做到佢所講既湯底 麵質同玉子同上面所講一樣就唔再多講 餃子 一見佢咁比我地已經勁減分 做唔到日本個底會有連住既都算 做唔到日本香薄脆都算 但歪東歪西咁上比客人真係好唔順眼 都係一黎無郁過即影相的 好心見到都執返個面向上先上啦 再食個餃子 真係....又令人諗起平時超市買返去自己整既餃子 仲要係唔好食既款 皮唔薄 餡唔多 煎唔香唔油咁 無特色亦唔合格小龍蝦蟹子沙律 呢款係最正常一款 無咩要求 只要唔腥就得 好彩都算正常返 呢款係呢4樣裡面最好個款 無諗過會係咁 所謂良心店 身為食客政治不理 去食店係食野 請尊重下客人 賣相無話一定要好靚 但唔好屋企整咁求其拎出黎 食物質素都係 呢d某程度都係反映緊員工既態度 真係比d誠意丫😕 …查看更多

掛住日本又無得去 就去日風店感受下 lunch set價錢抵食好多 先上味噌湯同沙律 都係一般餐廳的味道 海膽款唔錯呀 蟹款相對較失色 蟹膏是好味的 但蟹肉同蝦就唔夠鮮味 一般 食到丼飯一半 黎左關東煮 好味😋 增添日本感 餐包飲品 不錯的體驗…查看更多

被之前介紹講到想試下 burger與佢價錢極不相襯 $95 老實講心目中會同shake shack有比較 不過一咬.... 唔止無得比 呢個包只值$50？但其實burger king好食好多 塊漢堡平價肉質素 鞋的肉碎感 芝士亦極普通 以上講既2間店都好好多 有樣嘢可以讚既係真係望住佢即叫即整 （透門的制作）但換過黎講 即整都咁既質素 唔會再幫襯雲呢拿奶昔相對可以 大杯 重味 應該有人會覺得過甜添 不過咁大杯一般都要呢個價錢 可加其他topping 所以價錢我覺得ok既…查看更多

聖誕節出去行下街 唔想花時間等位 之前都想試 咁岩見呢間有淨少少位即入 叫左圖個2款 都ok既 價錢黎講覺得算係咁 愛黎止下丼飯癮ok 以香港常餐都可以賣成$50蚊 呢丼飯抵食好多…查看更多

平日5點場去的 都滿左大半場 我係睇有碗話碗介紹吸引 揀左A4和牛放題 一黎好快比一碟A4同一碟海鮮仲有一碟魚生 （忘記影）都係三文魚八爪魚吞拿魚刺身 有海膽 魚生質素好一般 我的心已飛去A4 食左一轉知道自己鍾意邊款就encore 呢間店服務好好 適時黎收走碗碟 員工笑容動作都好自然 唔係為趕客已收碗碟 而叫幾多片真係跟返足比你 不多不少 亦好快送到 落左好多次單 最多唔會超過10分鐘 放題黎計食物做到咁樣真係諗唔到有咩批評真係要隔硬諗唔好既會係坐位 有d枱一張長枱咁 用板分隔就當分左枱 其實同隔離坐得好近 不過香港既食店大家都明白🤷🏼‍♀️ 而且唔係所有坐位都係咁 睇食客個日彩數飲品任飲可以去雪櫃攞 呢餐好滿足 性價比好高 過一排又再去幫襯過…查看更多

今晚剛食完 9:10到店 9:25入到去 叫了紅燒半筋半肉牛肉麵 仲有蕃茄湯的 好快便覆我地無蕃茄湯個款 就轉左三寶牛肉麵 仲有魯肉飯 叫野食後望望環境 樓底高 枱與枱之間空間都闊 唔會有搭枱感 燈光柔和 適合一齊傾下偈 放鬆下入去前擔心會唔會期望過大 好多時過江龍店都係keep唔到當地質素 呢間👍🏼👍🏼 魯肉飯頭2啖好普通 食多幾啖覺得止下癮都唔錯 再食落去就覺得其實不錯 好過係台灣一d普通既魯肉飯店質素 係香港食到咁都好滿意牛肉麵 麵質軟彈 係我鍾意既質地 牛筋牛肚牛肉就普通啦 似香港食咁無咩台灣感 好本土味😅 湯亦好貼近台灣版 紅燒湯惹味 三寶牛肉麵湯底惹味之餘有少少辣味 因為想念台灣味道飲了不少湯 不錯飲品就叫左熱鐵觀音珍珠奶茶 凍珍珠奶茶 珍珠同奶茶同6月係台灣飲既一樣👍🏼為左魯肉飯我捨棄左甜品 食唔晒唔想浪費 下次再黎幫襯 滿足地離開 不過有樣野 湯底應該落唔少味精 離開店後口渴感漸漸增加 我又飲得多湯 之後都好口渴要買野飲 下次會再去 只是唔可以再飲咁多湯😅…查看更多

13/7食的午餐 首先綠茶較一般的濃味 唔係溝水淡mou mou個d 有誠意先到的蟹膏蟹肉沙律 同日本食的一樣咁好味 火灸三文魚 魚好滑入口即溶 無平時咁重既火灸味 輕輕一灸的 唔錯玉子同特級玉子 味道真的有不同 玉子就是甜蛋 特級玉子蛋味較香生松葉蟹腳 第一次食生蟹腳 所以唔識分 見識下象拔蚌本身鐘意 今次食都好味 想encore但已太飽 要留下次赤身 中拖 大拖 想起依然好好味 完全日本水準想試多d其他味但胃無位 不能不提 呢度既服務真係好好 由一入黎至到走 加茶 拎盤走等等令人好舒服好自然 無論食物同服務、環境比元氣板長千兩等好 呢幾間選 下次一定再黎美登利😋 希望之後都keep到同埋開多d分店…查看更多

7月6號去食的 因之前日本食過一直回味 加上近來香港開左好幾間吉列牛店 打算試下 一入到去先見到原來係韓店 唔緊要照又試下 當日叫左個吉列牛定食+忌廉咖哩烏冬餐吉列牛 無論質感同味道完全兩回事 香港食到既係味精同鹹既味道 牛味欠奉 味噌湯一般既味道忌廉咖哩烏冬面 一見到造型好似好特別咁 未撈前先試cream 係奶味 忌廉味無乜 撈幾下食烏冬 開頭食都有d奶+咖哩味 食到中途就只剩低咖哩味 可以一讚既係烏冬好咽’硬’ 為碗烏冬加唔小分 個人覺得好食過吉列牛 因為吉列牛實在....想講一下店入面既氣氛 韓店播開韓歌係正常的 不過我去個日仲有另一種聲 台灣歌 好似人地唱k咁唱童話等等既舊歌 大聲過韓歌咁 但我望唔到歌聲係邊度出黎 令我一路食只係覺得嘈雜 好似被逼聽人地唱k咁 但又聽到播韓歌 員工比人感覺少許冷淡 你叫就應咁 當時全店只有6-8枱 大部份2人 得一張3人 唔係忙都咁 繁忙時間🙈食完飯睇返資料 原來係弘大受歡迎既專門店 我未去過弘大店無得比較 但香港店 恕我講句唔會再幫襯....…查看更多

3人行食晚餐 等左15分鐘就有位 由等位開始已好好 見我地企耐左 門口姐姐主動咁問我地幾號飛 然後好快有人走就入得 因為有d熱氣盡量唔叫太煎炸 野要留下次 叫左蛋 原味小籠包 薺菜餃麵 招牌紅燒牛肉麵 擔擔撈麵 豆漿 豆沙鍋餅3個麵都唔錯無論湯底麵質 我地3人都鍾意 蛋好食 小籠包就普通d 有唔同味道 下次會試下其他味 豆漿係一般出面既少甜 我個人like 豆沙鍋餅都係即整 餅皮雖然脆但厚左少少無影低餐牌 但開飯有餐牌相 咁既價錢配呢個水準 我覺得CP值高 會再幫襯 不過有個小小提議 今日我地枱既碗碟都有d崩左 好明顯 希望下次去碗碟係齊齊整整…查看更多

下午茶時間去食 等左20分鐘左右 係出面已比定餐牌揀下食咩 餐廳內亦有幾個等候位置比客人 會涼好多（有冷氣）同埋有得坐 等位時服務態度一路都好好坐低叫左娘惹喇沙同埋福建面 （唔記影相）2款都平均以上 喇沙因爲配合香港口味辣味唔夠 一路食都聽到隔離2枱都問會否好辣 唔怪得湯底都要調淡d 咖央多 覺得麻麻地 無咩特別 茶餐廳西多士好味d 唔使特登試飲品係拉茶同美祿 合符期待既 吸引到我下次想去馬拉食當地更正統風味有樣要留意既係當你食完佢就收野 唔好預坐得耐 有少少示意客人走 都明白既 又有人排隊 小店枱唔多所以想翻多d枱數 生存不易啊 聽到回答隔離枱既問題同埋我地埋單時都好有禮貌 下次會再去試其他款式…查看更多

看到介紹去試一下 衛生環境... 但見有唔少街坊同路人幫襯 咁既環境都肯企住食？試一試先 食左個蜜汁叉燒腸 係即製既 皮係薄既 但我比較喜歡滑既口感 同埋叉燒粒好細好碎 基本上一路食一路跌出黎 最後一堆叉燒係盒內 同埋重點個蜜汁係無出現過 淡味到呢 食左一半都係要落醬先食得埋佢 加埋佢既衛生環境 在我個人黎講唔會再幫襯…查看更多

第一次黎食 叫左養生雞麵同鹽焗手撕雞拌麵 飲品係藍色大海首先養生雞面湯底有藥材味湯底配醉雞 要一讚既傻佢既面真係好出色 夠彈牙 湯底同雞都好足 鹽焗手撕雞既面質一樣咁好 手撕雞好多 個人覺得濃左少少 鍾意重口味既就岩晒藍色大海 偏甜既飲品 少少乳酸味咁下次會再去試其他口味 個面質推介…查看更多