ms loklok的个人专页

為什麼是一點點...原因如下：(1) 有shabu shabu或sukiyaki甚至新的鐵觀音、豆乳湯底(2) 只是澳洲牛(或和牛)和豚肉，另自助配料，可惜沒有春菊和粗靭粉絲，日本雞蛋也是另叫(3) 裝修簡單，電線滿地，個人認為電磁爐收藏在枱中會好些，好像不是專為日式火煱而設(4)和很多飯友一樣，雜誌明明寫著不設訂座，但去到發現是可以的，變了等了又等(5)如你叫的是上級牛或和牛一定要留意，追加時一定要強調你叫的特別牛，否則送到來的極有可能只是普通牛一碟，本人已中招是也，好在後來賴著專業分析反映成功，但胃子已給普通牛霸了一些位置！(6)驚喜是有雪糕，但可惜只是牛奶公司貨色，也沒有和風口味的黑芝麻或綠茶，而且8時許走的時候只餘一點點並不添加！總括來說，尚可接受，店子只開了數天，讓他們改進吧！p.s.飯友之前提及的醬汁問題已解決，兩瓶醬汁已安放在枱上讓客人自理，但麻醬的質素可以好一點，起碼吉x島的topvalu也比他們的美味！…查看更多

又是基於雜誌報導，今天和朋友做了白老鼠。門前人龍不絕，餐廳分兩部份：自助及服務。自助只有cheesecake,雪糕,三文治和飲品服務的就是正常menu，但cheesecake就稍貴(每件$36，還有加一)今天試了─1. Very melody cheesecake：因為見到melody個字，好感大增，這是凍cheesecake，但不明為何碟子上桌時是暖暖的，幸好沒有把cheesecake溶解，質感比一般凍cheesecake強，有點靱度，不錯！2. Black forest cheesecake：焗cheesecake，質感實在！本人至愛，不過甜，車厘子酸酸的，中和芝士的膩感！正！另外還叫了三文魚沙律、cappucino、latte，味道都蠻不錯，沙律份量充足得我們兩人也差點吃不下，而咖啡的味道很濃，配cheesecake是不錯的組合！唯一改善就是門口帶位的小姐，請用別的表達方法告知我們餐廳是稍貴一點！不要以為我們不能消費！但餐廳的經理很窩心，會建議我們先吃完沙律才奉上cheesecake，抵讚！…查看更多

嚴格來說這次不算是光顧，只是因為參加半島的cooking class,課後到此餐廳用膳。是次參與的class由早上至中午，一來到就進入他們的廚房品嘗早點，然後開始由Gaddi's的大廚David Goodridge示範各款的頭盤和湯，一路我們都有機會試味，發問問題，他們還準備了一套資料(recipe，課程簡介，100元禮卷、一疊單行紙、名牌，還有證書)給學員，很窩心！cooking class之後就到Gaddi's的小房吃了一個3-course lunch，這個午餐就厲害了，我們共18人，連catering manager，他們差不多有10位侍應生服務；而食物方面，頭盤的帶子蝦雲吞一般，相反主菜的鱸魚很鮮味(可惜份量少了一點點)，甜品不是不好，但稍酸一點！我還是喜歡配的紅白餐酒及最後的petits fours配coffee！原來半島酒店會定期舉辦不同之cooking class，雖然收費1000大元，但當你親身體驗過之後，你就會覺得物有所值(環境、服務及食物)！當然，只是到Gaddi's單吃就另作別論，對我來說實在太昂貴了！…查看更多

友人係king parrot會員,所以揀左呢度開餐。我地點左兩個頭盤同埋一個主菜，會員coupon送左個西班牙風腸，有點似我地既臘腸，伴麵包食都唔錯，另外點了著名的蒜片蝦，但友人話該晚的較油膩一點，而我就認為蝦煑過了火，有點兒靭；菠菜芝士卷的filo很鬆，上桌時熱烘烘的，很美味。服務不錯，會待吃完頭盤換過碟子先上主菜，不會催促客人，又不時添加開水，很窩心。主菜的羊柳很嫩，配菜的南瓜和紅腰豆可以多一點就好，我們點了砵酒汁，與羊柳很配合！最後憑另一張coupon送了一客creme brulee (乜唔係法國甜品黎咩)，也很好吃！…查看更多

約左好耐，由之前既Daisy約到變左Dates，卒之在尋晚成事！好好彩，佢地俾我地加人數、改時間(仲要係實際時間半小時之前既決定添)一坐低我地就即刻留左兩客白酒忌廉汁煮青口，青口好新鮮，充滿海水味，忌廉汁好creamy，但整體可以淡一點就更好！仲叫左煎鵝肝，唔...唔係咁軟滑，不過伴既蘋果好好味，好夾！之後叫埋牛扒、羊架、同埋香草醬雜菌長通粉，都唔錯，肉質好嫩、煮得啱啱好，pasta 好al dente、香草醬比例唔會太多太濃。當然唔少得我100% favourite既甜品，今次有心太軟同埋橙酒梳乎厘，perfect！環境好舒服，之前係daisy既時候仲係白色枱布，但尋晚就係粉紅色，好有情調，在繁忙的旺角實屬難得。不過可能唔夠人，要餐牌、加水等等，都要叫左幾次先至有人理！除左DBS卡，東亞都係過200蚊有九折！…查看更多

尋日係佛誕，今日係我家小妹xx年之誕辰，今晚一家人同佢黎左呢度食個勁早既dinner！一如以往，服務絶頂！先是之前訂位，啲小姐將個電話轉黎轉去，幾經辛苦先留到位，仲要係食5:30先有得訂。坐低後叫茶，我講左三次壽眉、滾水，佢係都問係咪水仙，唉...唯一可讚係上菜速度勁快，叫左五個餸(拖地叉燒、頭抽蒜片煎蝦、鮑汁雜菌火腩煲、鮑汁蟹肉扒西蘭花、家鄉焗魚腸)，可以喺10分鐘內黎晒，但同時間個侍應就不停喺身邊鑽來鑽去，成日想趕我地走。我地仲叫左個中式生日蛋糕(奶皇馬拉糕)，佢就成日走埋黎問上得未，我地個壽星女忍不住氣送左句"係咪好趕"黎回應，先至無再催我地咋！整體而言，食物質素好像退步了一點，我地又發覺，相同菜式晚一點叫的比起早叫的份量縮小了！各位小心！…查看更多

一行10人，慶祝朋友生日順便聚舊，由於佢地食物大大碟可以一齊share、又有免費麵包布甸俾壽星女，所以揀左呢度。今晚好唔開心，無蠔杯食，諗番上次食既時候隻蠔大到好似想喺個杯度走出黎既樣子，今日好失望呀~~~~~但好彩都食到meat platter，有我喜歡的燴牛膝和羊肉腸！^o^整體而言，黎左5次，食物都保持到水準，服務也是，沒有叫人失望，只是可能聽日係假期(24/5)，未到交枱時間，侍應就很不識趣地送上賬單，未能盡興！…查看更多

聽完同事推介，今日卒之走左去試佢地既chocolixir，今日發現出多左3種口味-- dark mint chocolate, dark chocolate raspberry，同埋milk chocolate raspberry，貪新鮮既我就揀左dark mint，一攞到杯朱古力,我即係滿心歡喜，好濃朱古力味呀！當中混左少少朱古力碎，加埋薄荷味，可以減輕朱古力既膩感,簡直令人回味無窮！39元係值得既！可以話仲抵過去嗰兩間coffee shop飲杯凍朱古力，我會再試嫁！…查看更多

尋晚又係無飯開既日子，上次嚟過食lunch，啲食物都ok，所以再次光臨。原來dinner仲抵食過lunch，湯+頭盤(4選1)+主菜(飯/意粉/薯菜)+咖啡/茶都係大約50元。尋晚叫左,,,羅宋湯跟蒜蓉多士(湯夠味道，片多士仲熱)芝士焗西蘭花(一般啦~~~)蘆筍配龍利魚卷跟薯菜(上到枱時先知係配燒汁，如果係白汁就好啲，個魚卷味道好清淡，中間卷左條蟹柳，個人認為卷蔬菜會仲好味)食物對於我呢個有點要求既人都叫可接受，但佢地真係要好好諗下d服務囉！首先，毫無邏輯，隔離枱個湯差不多飲完先上多士；我地就上左多士一陣先上湯；跟住，上頭盤時就咁擺低，壓住隻羮都唔理；上主菜時張枱位置所限，唔夠位擺，揸住碟望下我(喂，我無責任幫你移位架！)；埋單時仲衰，我以為個侍應係啞架，唔講幾錢、唔講多謝，你估我好好眼力睇你張單咩！哎，點解唔可以提升下d服務質素，怪不知硬係唔係咁多人幫襯啦！…查看更多

前晚朋友請食飯，之前去左apm N次都未試過，咁本住唔駛自己俾錢既心態，就一於做晚白老鼠啦！嗰時已經7點幾，完全唔駛等位，而餐廳只係得幾枱坐左人，我地叫左以下食物：1. 三文魚刺身(無甚特別)2. 清酒煮東風螺(真係好清酒，無乜酒味，東風螺有少許沙)3. 軟殼蟹卷(隻蟹唔熱，唔得)4. 煎蟹肉餅伴薯仔(都幾多蟹肉，但又係唔夠熱，啲薯仔勁乾)5. 厚燒魷魚帶子燒餅(又係唔夠熱，睇下圖都可以見到個燒餅真係好厚，中間好似唔係咁熟，不過加左啲長芋，感覺幾特别)不過環境對於我地兩個喺度傾計既人就尚可接受，幾夠靜，但個侍應成日走埋黎加水，又扮晒傻走埋黎問啲食物到齊未，但到最尾埋單就反而叫幾次先到囉！…查看更多

嗰晚同老豆去開銅鑼灣，之前講左好耐話同佢去呢度試新疆菜，咁就去啦，啱啱呢期佢地集團既餐廳都做緊匯豐優惠，我地就叫左個二人餐(因為散叫仲貴)，話就話二人餐，其實三個人都夠食，大家睇完個menu就會明白：小食─1.涼拌茄子(啲醋好醒胃)2.南瓜餃子(我無食到，無意見)3.雞心豆伴薄餅(似印度野多過新疆野)主菜─1.烤羊小腿(正！好嫩滑)2.燒雞串(難得燒雞肉唔乾淨淨)3.蒜容炒皇帝菜(等左好耐，好彩上枱時熱辣辣，一般啦)4.姬松茸炒牛肉(好多辣椒乾，好濃味，個人認為麻麻)甜品1.楊枝金露布甸(幾特別，無落西米，反而係泰國嗰d黑珍珠，唔太甜，可接受)全部份量好足夠，食完要捧住個肚走，埋單計埋前菜總共$252 (套餐$220,前菜$8,加一)…查看更多