billycheng0625的个人专页

今日同朋友去遊港島，見到一間新開嘅台灣菜鋪頭，就同朋友一齊入咗去試試。精裝三寶麵呢個三寶入面包咗牛肚、牛根、紅燒牛肉等等，牛味重之餘，仲要肉質彈牙；麵底就揀咗粗麵，麵質好爽彈之餘，個量仲好多tim。值得一提嘅係佢地嘅湯底，上麵個陣係分開上，上菜個陣先會過嚟倒啲湯，而個湯十分之重牛嘅香味，但濃得嚟又唔膩。黑麻油蠡草花濃雞湯麵朋友就揀咗雞湯麵，雞肉都幾滑，食落去唔會起渣；湯底好濃麻油嘅香味，而且都幾有藥膳嘅味道；麵底就揀咗幼麵，麵質就相對較為淋身啲，同樣地個量都好多。台式豆醬 A菜我同朋友第一次試臺灣萵菜，個口感同油麥菜有少少似，食落去又冇咩苦味，而個豆醬食落去都有少少甜味，再加上炒嘅香味，成碟菜都好香。三杯雞三杯雞好香，又少少辣，又好有鑊氣，食落去好惹味，但雞嘅肉質又冇因為咁而好乾爭爭，反而都仲好順滑，好啱伴飲品食。百香果香茶百香果又酸又甜，好開胃，個荼味又好香，夾埋曬都十分之好清口味。…查看更多

今日去 將軍澳 popcorn食韓式燒烤，餐廳環境幾好，食燒烤最驚油煙大，抽氣唔夠好嘅話會搞到成身都係味！而呢間餐廳抽氣做得幾好，食完都唔會好大味！食物選擇都算多，特別推介帶子，好新鮮，直接燒嚟食又得、有一次整咗牛油燒帶子，超級惹味！食到我好停唔到口，不斷再order另外，平時睇韓劇睇韓星食五花腩多，所以今次都試吓，五花籃燒到脆卜卜，再夾埋生菜泡菜咁食，夠晒韓風！餐廳侍應 招呼唔錯 飲品類別多選擇 總括嚟講唔錯👍…查看更多

近排同女朋友周年紀念就嚟咗呢度食紀念飯，食完之後我地兩個都覺得呢度嘅格調好適合慶祝！帕爾馬火腿伴木瓜沙律木瓜嘅味道向來都好夾西式火腿，加上係高級嘅帕爾馬火腿，簡直係開胃菜首選碳燒西冷牛扒五成熟嘅牛扒當然唔會太韌，加埋本身碳燒嘅效果，令到成個牛扒都好有風味烤緬姻龍蝦尾伴牛菌龍蝦汁扁意粉近乎係原條嘅龍蝦尾，啖啖都係龍蝦肉；牛菌同龍蝦意外地夾，唔會搶咗龍蝦嘅鮮味，亦都有牛菌嘅菌香味伯爵茶朱古力撻開頭睇餐牌個陣，女伴見到有呢個撻都已經瘋狂，我都唔知咩事，當我試咗之後，就知道原來果個撻真係別有洞天，朱古力味唔會太甜，又有一陣伯爵茶嘅淡香，最啱攞嚟清頭先牛扒嘅濃味。有氣礦泉水 & 檸檬水雖然個礦泉水係額外收錢，但係作為餐飲，加埋餐廳專配嘅西檸，好清新嘅感覺…查看更多

今日放晏同同事過嚟荔枝角食晏就，見到呢間賣嘅Pizza同漢堡包賣相唔錯，就入咗嚟試一試，可惜今日食個陣先知漢堡要晚上先有，所以就揀咗食黑毛豬扒。🍕 紅魔鬼Pizza呢個紅魔鬼Pizza好多Cheese同辣肉腸係面 ，味道算幾濃郁，餅底口感都有啲煙韌，唔會好乾身同好難入口。🐷黑毛豬扒佢呢個豬扒都算juice，又冇好似平時自己整嘅豬扒咁又柴又乾，用啲香草得嚟又冇搶到本身嘅肉味。Pizza&黑毛豬扒套餐除咗頭先個Pizza同黑毛豬扒之外，仲可以加錢升級為套餐，包埋飲品同小食，啱曬食Pizza 呢類型較為油膩嘅食物。餐包&餐湯個餐包食落同Pizza 嘅口感差唔多，味道方面亦都有少許咸，唔會好寡；而餐湯就係蕃茄湯，飲落先知唔係用罐頭湯整出嚟。水牛城雞翼水牛城雞翼出名好惹味，作為第一次食嘅我都覺得頗新鮮，感覺十分之合適鐘意食辣嘅朋友仔。飲品🥂伯爵茶&青檸荔枝梳打，因為伯爵茶比較濃味同埋青檸荔枝梳打好清嘅關係，剛好可以抵消Pizza嘅油膩以及水牛城雞翼超辣嘅味道。…查看更多

嚟到荃灣玩，當然唔少得去尋找美食，而小弟本身係一個「日本仔」，所以就帶同行朋友去左食「家鄉菜」！呢間拉麵鋪好有居酒屋嘅味到，所以入面好有日本嘅氣氛。午餐Set拉麵 （叉燒拉麵&雜錦拉麵）日本啲叉燒同我地燒味舖食到嘅唔同，呢款叉燒除左係大舊好多外，仲會有啲日式嘅醬油味係入面滲出來，但係好多時啲醬油味會好濃，掩蓋左本身嘅肉味。而佢呢間鋪頭嘅醬油味就唔會太濃，食落會有五花腩嘅肉味，拉麵嘅湯底唔會太過濃味，拉麵嘅麵底都好彈牙；雜錦拉麵除左有叉燒，仲有豬軟骨，個豬軟骨蚊到好林，真係有入口即熔嘅感覺。咖哩飯日式嘅咖哩飯普遍都係以甜為主導，而呢款就加反少少辣味係入面，令到咖哩飯唔會因為淨係得甜味而變到好怪。另外，咖哩入面亦都有肉同埋薯仔，唔會淨係得咖哩嘅汁。小食薯仔沙律本身我係薯仔愛好者嘅關係，對於薯仔嘅食品都好講究，呢款沙律唔同於一般沙律就咁以薯蓉就整，入面都會有一舊舊薯仔係入面，會好有口感，而且亦都有粟米同係入面，唔會搞到淨係得薯仔味。串燒我地兩個就叫左紫薯、牛舌以及雞軟骨串燒。呢三款串燒都燒得唔錯，唔會燒過左龍，食到有啲碳燒出嚟嘅味道。用料方面，牛舌都係一啲比較厚身嘅肉，食落係爽口之餘，仲要充滿肉汁，雞軟骨亦都唔會有太油膩嘅感覺。味增湯隨套餐送飲品（汽水）或者 味增湯呢個午餐set其實都好抵食，下次我再帶朋友一齊嚟食先…查看更多

都班同事食晏就通常都係食中菜，今次試吓長沙灣間尚點，叫佢環境唔錯，都坐得幾舒服！試咗佢嘅酸辣湯、小籠包、花雕醉雞、拍青瓜！我覺得整體味道正常，唔算太特別！不過都唔算貴！…查看更多

🍝蝦醬櫻花鮮蝦意大利麵 $138蝦醬都好易入口 而鮮蝦都好新鮮好彈牙 值得一試🤤🥞嗡嗡蜜糖牛油果窩夫配雪糕 窩夫好鬆脆 配上蜜糖就更加濕潤 而且牛油果好濃味 同甜甜嘅窩夫好夾…查看更多

下午餐搵間餐廳坐下，就揀咗Cherry Tokyo Cafe試下🤤🍣火炙波波壽司盛 $88見佢咁可愛 細細件岩哂做下午茶🤤 有三文魚親子、蔥拖羅蓉、海膽等等，食落都唔錯🤤…查看更多

餐廳主打炭燒鰻魚飯，而且都有好多唔同嘅食法可以揀，而且最鍾意佢可以揀唔同嘅size！🍱饅魚重 特上鰻魚肉質都好飽滿，唔會好細條，而且帶有少少炭燒香味🍱鰻魚三食呢個餐嘅鰻魚份量比較少，但係可以食唔同嘅食法，岩哂啲鐘意多變化口味嘅人！可以加Wasabi，或者加上清湯變茶漬飯！…查看更多

行行吓街 見到平時要排好耐嘅Flipper’s 竟然冇乜人排隊 所以即刻入去試吓🥞抹茶紅豆pancake $119呢個價錢有三大舊都算係咁 Pancake質地都夠鬆軟 而且食落都有好濃嘅蛋香味！ 抹茶同紅豆當然係絕配，微微嘅抹茶cream加上紅豆蓉，同pancake都好夾！…查看更多

最近香港天氣好濕熱，好想食辣嘢，出一身汗，所以揀咗間油麻地嘅川菜食！見到佢好選擇，可惜我哋只有兩個女仔，就叫咗水煮桂花魚嚟食！🌶水煮桂花魚魚都好多份量，骨唔算多，所以都好容易食！另外我哋叫咗小辣，佢都好夠麻，但唔會食得好辛苦…查看更多

嗰日已經夜晚九點幾，除咗嗰間好貴嘅burger，個food court 其他鋪頭都閂左,跟住睇落呢間個裝修都ok就叫咗啲公仔麵點知佢個出前一定浸到好林，而佢個撈麵都係出前一丁黎，一啲都唔好味仲要問佢拎杯水都唔得🙄要十蚊支wor 不過舊豬扒同d雞翼都ok，但下次食快餐，都係去返大X樂之類啦🤣…查看更多

上星期想見吓朋友個女，就諗住搵吓啲親子餐廳去食！見大樹先生都好出名就去試食，整體環境闊落，而且夠衛生，好放心小朋友去玩，遊玩區好大，如果多啲種類就更好！🐣香草烤去骨春雞配北海道帶子雞烤得好脆，夠嫩滑又多汁！帶子就大大粒，多汁新鮮！…查看更多

星期六食完飯好想食下甜品不嬲呢一間嘅芝士蛋糕都好好味跟住就成班friend諗住試吓士多啤梨味芝士蛋糕（半熟二重奏）！一打開就係深紅色，已經覺得色素好勁！食落芝士味都幾濃，但係茵茵又腫士多啤梨精嘅味道，唔太自然…查看更多

🍜錦麗牛丸粉 $60🍜有五大大粒牛丸，超彈牙同好多肉汁，而且唔會只有得麵粉，所以牛肉味好重！而湯底並都係偏濃味嘅，岩哂重口味人士！而且有好多洋蔥，額外加嘅芽菜都好有口感！…查看更多