susuor的个人专页

衛生差服務差，一入座就見到張枱有油仲有飯粒，有啲懷疑根本無抹過張枱，叫左人幾次先有人黎再抹張枱。最離譜係烤肉食到一半打算拎把鉸剪用下個時，先發現啲烤具同鉸剪係無洗過。之後話比服務員知，佢一句sorry就走鬼左佢，一啲都唔醒水，真係諗起都火滾。起初入場帶位個時已經幾混亂，一次過叫兩三個number拉成堆人入去，好心搞唔掂就逐個逐個黎啦。食物品質就一般般，性價比低，叫左個588套餐，除左牛舌其他都唔算難食，不過講真個時已經比佢地搞到無晒胃口。餐後同韓國朋友講番先知間野係炑八改名，而且有唔少人都有不快經歷。如果大家打算去試下嘅話，記得食之前檢查下烤具係咪乾淨，唔好好似我地咁食到一半先發現，畢竟現在疫情嚴重，大家小心為上。…查看更多

環境不錯，坐位不會太擠迫，衛生ok。食物方面性價比算高，點心和小菜都不錯，不過我最喜歡那裡的燒味和燒雞，本身燒味和燒雞味道已經不錯，而附上的醬汁和一般酒樓的有一些不同，也很好味。中午餐後也會送中式糖水，糖水也很好吃，總體來說非常抵食…查看更多