katychoi's Profile

午餐折扣後收費每位$123。排隊等位比較耐，入到去未安排座位已經要先收錢。選擇鍋底及付款後安排座位，只有一個細嘅雪櫃同埋細嘅調味料俾客人攞嘢飲。沒有啤酒或者其他酒精飲品。講好的迴轉自助火鍋，回轉帶上食物經常被清空，等咗20分鐘一片肉都未吃到，要自己走出去搵職員叫佢比一碟。 其他食物都經常被清空，根本迴轉帶上邊係經常冇嘢食。從未試過嘅體驗係自助任食火鍋冇嘢食，肯定係唔會有下一次幫襯。一人一鍋，坐得非常之唔舒服。…Read More

門口排隊大概有10人，等咗半個鐘，終於可以入去啦，入座時間大概8:45分，安排座位後職員即刻送上點餐紙，職員指出只有鐵板供應, K其他餐單全部售罄。我只好即刻嗱嗱臨落單，二重牛舌單點，唔揀套餐，因為我想出去深水埗食其他嘢，但係強烈建議套餐，我見隔籬位有湯，沙律、白飯一碗，包埋一罐汽水的確抵食。落單後過10分鐘左右，即刻送上熱辣辣嘅牛舌，包埋特色醬汁，酸薑，自家麵豉辣椒，建議立刻切開牛舌心，搬來鐵板旁邊，防止過度加熱。趁熱食，啖啖肉，味道真係一流，溫度剛剛好，真係不枉此行！…Read More

星期二三提供生蠔拼盤及餐酒一杯，簡直就係超值。即刻喺OpenRice訂位過嚟食返餐好嘅。坐低冇幾耐，即刻落單，等咗好短時間就有新鮮生蠔拼盤，職員耐心地介紹不同產地嘅生蠔，謝謝新鮮肥美飽滿，另外再加黑魚子，加上雞尾酒醬簡直就係一流。鵝肝煎到金黃色，配上蘋果蓉及黑醋 ，煎先得恰到好處，食完再想落單。食完再加多半打特價生蠔，為今晚晚餐畫上完美句號。下次真係要即刻過嚟試生蠔拼盤，喜歡3號嘅朋友一定要嚟，一定唔會令你失望。…Read More

今日下午放假行街，下午茶時間突然間好想食生蠔，即刻透過網上訂位，搵到最近食好嘅餐廳，坐低即刻要一打，服務員非常有禮貌，又細心，等咗唔係好耐即刻就有得食啦。同時間最今日買買追加魚子及黑魚子增添風味，加埋秘製雞尾酒醬汁，隻隻新鮮飽滿，好有海水味，食過返尋味，即刻追加多六隻，食完好滿足緊嚟繼續行街。其實本身想食星期二三特價199套餐，原來餐廳只係晚市提供。希望下次有時間再去試佢嘅八國聯軍生生蠔，非常期待下一次再光顧。…Read More

第一次同朋友過咗嚟這間放題，服務員真係非常之積極同周到，第一輪即刻食刺身，入座即送火鍋，好快走上咗第一輪食物。訂座就送一個即燒蟹蓋，簡直就係好味到暈，刺身食物新鮮，壽司一口一個非常好。仲有其他，壽司，泰式日式等，食完飽到抱住個肚走。現場環境好有日本居酒屋氣氛，朋友慶祝生日來依度最佳地方。…Read More

今晚喺銅鑼灣行街 ，終於可以抽時間想來嘅生蠔日式泰式放題食，一見到有得飲生啤同生蠔刺身放題，唔使諗即刻加錢升級放題。第一輪叫咗刺身同壽司加上半打生蠔 ，食物非常之快上，見到員工好忙碌同勤力咁樣照顧客人，相刺身有好新鮮，我見到食評還有一個燉湯，但係問咗店員話而家冇做啦，真係冇湯飲，唔緊要咁我食其他嘢補返數。自己出去執咗杯生啤，一路食一路感覺真係好爽。同時間叫咗壽司手卷，加上其他泰式食物都唔錯，生蠔真係好有誠意，非常新鮮有海水味，入口爽甜，creamy ,我一共食咗18隻，你呢個食一定要升級放題。咁嘅價錢可以食到新鮮生蠔，日本及泰式食物，真係不枉此行。可以講到嘅甜品唔係重點，大家可以留返個肚叫其他嘢食啦！…Read More

忽然間好想食甜品，啱啱路過又係下午茶嘅時間，立刻入咗九龍香格里拉酒店，尋求甜品一絲絲希望，入到大堂，精緻嘅甜品向我揮手，真係擋不住嘅誘惑，真係希望全部大晒佢哋返屋企。一共買咗五件，差唔多每款一個，開開心心咁帶着精美嘅甜品返屋企品嚐。不愧為香格里拉餅店出品，食完之後簡直就係回味無窮，期待下次再去買精緻嘅甜品，俾自己一絲絲嘅安慰。…Read More

今日放假，周圍行街又到下午茶時間 ，見到幸福班cake店 ，立刻走入去試吓幸福嘅味道。 到櫃檯付款點餐後，喺旁邊嘅自助機度攞咗杯凍冰水，搵個靚位坐低，一種令人好舒服嘅感覺。等咗大概15分鐘之後，幸福煙三文魚牛油果忌廉芝士班cake 凍咖啡就立刻送上。慢慢品嚐，感覺非常放鬆，不失為一個休閒嘅下午茶時光。…Read More

晚上九點半夜食時間，心思思去吃火鍋。來到盛八不用排隊已經可以入座。 之後等了一會上鍋， 牛肉質素很好 ，刺生好味新鮮。但是服務人員人手太少 ，加單也沒有人理。我只好出去收銀機旁找人幫忙。飲品雪櫃又是清空，難怪全場得兩張table 有客人。我見員工忙著收拾殘局，未能及時照顧客人需要。我只好告訴自己，算了 無下次。我之前一向是盛八火鍋的忠實粉絲，不明不白為什麼發生這種事。問了服務人員，之前好服務人員已經全部辭職，難怪生意冷清啊。希望你們有改善，生意興隆。幫助。…Read More

早幾次經過也是客滿，今日有空再來， 終於有位了。立即落單小樽名物， 壽司拼盤，沙律及壽司卷。 客人比較多，要等大約五至十分鐘。 壽司魚生非常新鮮，上了日本米做，入口十分美味。沙律非常大份 ， 新鮮沙律菜簡直就是一流。小店用心經營，我下次一定再來。…Read More

昨晚我們二人去牛氣吃火鍋，拿到93 號票，等了五分鐘在右，已經可以入座了。 本應11:13 pm分鐘才時間結束。但是去到10:45 pm ，職員未問last order , 我們仲吃緊之時，已經收了個鍋。 我們同職員表示未吃完，他們才停止收我們的筷子。並即時要我們結賬。明明是九十分鐘放題 ，個客未吃完就收鍋。 我們走時向職員表示不滿，出門口未見有客等位，分明就是趕客。食物方面， 我們選了牛小排及甜豉油湯底，牛小排及豬肉都很好，入口即溶。有少量沙律，甜品供應，味道也好。但飲料選擇比較少。…Read More

下午三點多，有點肚餓，入了呢間新店試下。店內沒有大裝修，簡單隔局。叫了個魚生飯試下 ， 用料新鮮 ， 用日本珍珠米，但是份量較少。一般日本店，呢個飯要百多元，現在小店只是$78。細問老闆因由，因為新店開張，想建立口碑，薄利多銷。我下次再去一試其他的。…Read More

黑松露帶子沙律 - 淋上了香濃的黑松露醬作提鮮提味, 實在很喜歡吃帶子 , 很不錯, 連沙律都不放過。甜蝦大隻又鮮甜,  三文魚好肥美, 油甘魚質素亦中上, 刺身新鮮好味。所有都爽口彈牙! 正!海膽、帆立貝等較貴的食材都有供應。焗完就上台, 濃濃的沙律醬, 好夾帶子！Creme brûlée 沒有脆焦糖，蛋味濃，口感香滑，甜度適中。Macaron- 鮮豔的顏色, 甜度適中…Read More

今日去拿月餅 ，沒有印電郵的信，店員兇兇地說沒得拿，一定要列印本。我說電郵找不到，她才再發俾我，要我再店內的電腦登入，再打印出來。我忍你，兩盒月餅九百七十大完，我拿回家才試食。店員沒有説明食法，只提醒要放冰箱保存，兩星期內食完。月餅有八個，分兩層，用焗爐180度焗四分鐘，入囗鬆化，但是整個餅容易散開，我只好講名過其實，下年我一定不會再買。…Read More

排隊約五分鐘，已經有位了。入到去獨立座位，有張下單紙，可以自己選湯底，麵，及口味，其實都幾好。下單後約五分鐘，熱騰騰的麵己經送上，先喝一口上湯，不錯，濃郁豬骨口味，麵質地也不錯。但半熟蛋不是半熟，內裏己硬，很失望。 風味與大板的一蘭略差。店員的態度誠肯，與日本的差不多。結帳$101， 可以一試，但名過其實，我下次不會再去。…Read More