Ruby0413的个人专页

同朋友喺旺角行街，行到家樂坊附近覺得肚餓，於是走入去女人街搵嘢食，見到有間車仔麵個名幾得意，叫「街頭巷浘 」，好奇心入去試食下，點知好有驚喜！我叫左龍蝦湯底+幼麵，配料有冬菇、墨魚丸&魚皮餃，個龍蝦湯底真係好香濃，一試難忘朋友叫咗個清湯底+油麵，佢好鍾意食辣，所以加左秘製辣汁，配料有豬大腸、白蘿蔔，另外仲有一樣餸唔記得係咩啦。枱上有樽辣菜脯，見佢食左好多，但我好怕辣，食咗幾粒就冇食啦。呢間車仔麵仲可以食到茶餐廳可以食到嘅嘢，其他朋友就叫左豬頸肉撈丁、雞扒飯(唔記得咩汁)、咖哩薯仔牛筋腩飯。仲有不得不提既係我第一次飲紅豆豆漿，味道真係唔錯！ 朋友飲咗杯龍鳳檸樂，但唔記得咗影相。。。餐廳細細間，環境ok，我見到地下有個會轉既紅色logo先留意到間舖。…查看更多

父親節正日同老爺奶奶飲早茶，9點黎到個場差唔多坐滿晒人。我地有9大6小合共15人，分別由4個不同地方聚埋一齊，又係非常開心熱鬧的一餐。今日都叫左好多野食，鴨腳扎係唯一一籠我叫既點心，我鍾意食鴨腳同埋外面塊腐皮，而舊芋頭就比左其他人食。另外我都好鍾意食錦花雞，但今日就無叫。春卷又係我至愛，好香好脆，今日人多，我比較有風度，只係食左半件其他野食味道都Ok,唔會話太難食或者好喊。飲茶好多人會話點會叫飯架，當然係叫點心啦，但偏偏有人會無飯不歡，就例如我地呢枱就叫左3盅排骨鳳爪飯。小朋友貪玩，請搵下相片中既亮點。埋單$761，平均每人$50。總體黎講d野食ok啦，但d櫈就污漕左d，我見隔離枱無人，換左幾張乾淨既過黎。…查看更多

爸爸好少指明想食d咩，難得佢有日竟然話想食深井陳記既燒鵝，做女兒的我同妹妹們當然要搵日同佢去啦。於是我地定左父親節，一行12大5小，訂左2張枱齊齊去食晚餐。店內的環境很舒服乾淨，而且燈籠很有特色，上面有深井陳記的名字，好鍾意餐具亦有餐廳的標誌。黎到呢度當然要食燒鵝，美味既燒鵝配上出面很難食到既甜酸醬，yummy!!豉椒炒蜆，有少少辣，好香，好食！八寶冬瓜盅$138，清甜又好味，最啱夏天食！白灼游水海蝦，一陣就比人食晒！呢碟都好好食，但我已經唔記得叫咩名。欖菜肉鬆四季豆$68走時才發現地上會轉的射燈圖案。不得不提的是，這裡的服務超好超友善，就好似我出國去左旅行既招待咁，好親切。食完晚餐2分鐘行過對面有個小公園，望到好長既青馬大橋同馬灣。夜景好靚，晚風清爽，正！不計3名幼稚園的小孩，14人平均消費180蚊。…查看更多

今晚幾左朋友傾計，我們在沙田集合，有人提議想打邊爐，諗起上水有間食雞煲的茶餐廳有好多人讚，於是5人就即興去左食。我地叫左個竹笙雞煲，隻雞好肥美，熟左好易入口。湯面層的雞油好厚，忍不住要北走，d油多到裝滿一個豉油碗。見個朋友會北湯黎飲，似乎佢都好鍾意個湯底喎。另外我地仲叫左美國安格斯肩押肥牛、墨魚滑、炸魚皮、雜丸、午餐肉、魚皮餃、響玲、娃娃菜。當中我覺得特別好食的有肥牛、墨魚滑、午餐肉。而唔好食的有炸魚皮，太硬了，無食薯片感覺。加多寶原來同王老吉一樣都係涼茶，$16都幾貴下。…查看更多

間唔中都會同同事飲茶，今日就去左皇潮滙。與附近酒樓比較，呢間唔大，一眼望晒，但坐得舒服，服務和食物質素都令人滿意。春卷好香脆，同事可能怕熱氣，無同我爭，我一個人食左半碟。叉燒腸，我麻麻地鍾意食腸粉，但有人話唔食腸粉就唔係飲茶，呢句話真係令人印象深刻。我知呢度蛋撻都好好食，但我通常飲茶唔會食蛋撻，因為實在有太多其他選擇，要留肚食其他野。魚湯浸菜苗，如果唔係白菜會更好。我地仲叫左叉燒餐飽&小龍包，叉燒餐飽好味好軟熟，下次黎一次會再叫。…查看更多

不得不補回這一篇食評，雖然呢間街坊cafe店內地方不大，但裝潢好有特色，而且食物都好有水準，色香味俱全。位置在旺角女人街內，睇住地圖好容易搵到。有幸食到呢一餐，係因為我生命中其中一位好重要的朋友生日，我地4個女人仔眼闊肚窄，叫左8碟野，碟碟份量都唔少，結果就是飽飽飽，主角仲話要食山渣餅解滯。飯軟軟的又有口感，正!五款不同味道既燒蠔，好味!呢碟係我既至愛，非常鬆化又好香蛋味，配上香滑雪糕，實在食到唔可以停口。朋友見我不停讚，差唔多成碟比晒我食呢個流心朱古力蛋糕係生日主角既最愛，好香濃，值得推介!呢個紫薯雞蛋仔係因為外形可愛所以叫的，因為佢係最後一碟上枱，之前實在已經食得太飽，大家望住呢碟野唯有不停傻笑。。。但叫左唔好浪費，每人都盡力食左少少，至於好唔好味就講唔到比大家知，因為已經飽到無晒味，想知既你地自己試下啦～…查看更多

間唔中都聽到同事提起呢間DA House，今日lunch終於有機會試下。黎到門口要等位，侍應生太忙，見有食客自己登記拎籌，我地又跟住咁做。場內都好大下，爆晒場。我地2點先走，通常附近好多餐廳呢個時間半個場空晒，但呢間都仍然爆場。我叫左$58牛肩胛飯跟熱好立克，另加左$3叫左個餐湯。我成塊牛食晒，黑椒汁好香，啱我口味。湯內除左有瓜菜外，仲有細蜆肉，味道都唔錯。有位同事叫左$72肉眼扒薯菜，加$3轉凍餐飲。同事話塊扒好難咬得開，諗住叫貴d食好d，結果是失望。另外2位同事叫左$52雞扒飯，味道都ok。有機會都會再黎食過。…查看更多

今日既晚飯，去左元朗洪福邨的旺記食飯。入面好大好多座位，星期日夜晚7：30繁忙時間去到都唔洗等位，立即有得坐。我地2個大人+2個小朋友，叫左2個餸，京都豬扒和涼爪抄排牛肉，另外仲叫左碗肥牛米線。京都豬扒酸酸甜甜好啱我胃口。苦瓜亦係我至愛，雖然炒得有點苦，但我食得苦。每個餸加10蚊會有一碗湯和飯，個湯係蓮藕紅蘿蔔豬骨湯，飲落都ok。肥牛米線係專叫比小朋友食的，早排黎食下午茶第一次食呢個米粉，佢地就愛上左啦。不得不提，上次下午茶我叫呢個吉列豬扒拼西多士，見到咁厚既西多士我立即眼前一亮，好開心咁食完。但件吉列豬扒就唔得啦，好乾好乾好乾，差唔多成件無食。另外當時同時叫左個干炒牛河，好油好油，我咁愛食肥豬肉都頂唔順。總結黎講，呢間餐廳有好野食亦有唔好既野食，祝大家好運! 今晚餐飯埋單，叫左3樣野4個人食，平均每人約45元。…查看更多

約左朋友傾計，選擇左黎呢間ant one食下午茶，入去坐底後既感覺不錯，座位不會太迫，幾舒服。我好鍾意食西多士，通常西多士入面都係花生醬，但ant one竟然用朱古力。驚佢唔好食但又心大心細想試下，最後我同朋友都係決定一試，各人都叫左一份。結果係好好食的，好開心無令人失望，我一個人食晒我個份。另外2位朋友一位食三文治，另一位話好肚餓要食飯。唔係好記得佢地個餐叫咩名，但賣相唔錯，同埋佢地話好味，杯野飲都好飲。呢度既價錢比一般普通餐廳貴少少，以朱古力西多士餐為例，外面多數賣30頭，佢就賣38。…查看更多

原來天水圍近流浮山有個bbq釣魚釣虾場，環境好靚好舒服，我地由下午4點開始玩到9點，天氣唔算好熱，夜晚仲有點清涼添！我地夾埋都釣到6、7條魚，最後揀左2條黎煮，雖然賣相麻麻，都幾鮮味，其他魚就放返去水塘。bbq的食物都好啱我口味，尤其豬扒好香同軟滑。雖然款式唔係太多，但好新鮮。我地都有釣蝦，食左一轉d男士話太好味，就向場主直接賣。可以直接燒，或者叫場主煮埋，有檸檬味和黑椒味。場內仲有好多遊戲設施，有彈珠仔、夾公仔、擲藍球，堆沙……小朋友都玩到唔肯走。…查看更多

我地諗左好耐，母親節餐飯邊度食好，最後決定去粉嶺聯和墟的海港。母親節比較旺，分左6:30和8:30兩輪。我地訂左3,888既餐，重點係因為有原隻乳豬，原隻鮑魚(有點韌，掛住食無影相)，原隻燒鵝，同埋每人有半邊龍蝦。食物大致ok好食，大家都食得好開心。個餐$3,888，早d落訂可以平$200，另外我地叫左野飲，所以埋單都要$3,766。題外話，母親節年年都有送花比媽咪，今年都唔例外。食完餐飯仲買左3個榴槤返去食，好幸運地，3個榴槤都好好味…查看更多

同事帶我黎呢度食lunch，覺得非常驚喜，60幾蚊原來可以食到咁大條鯖魚。呢間Grand Library 要自己排隊比錢買野食，之後拎住個通知器坐埋位，就會有人將食物送過黎。店內好大，但都爆晒場。食過之後，明白點解咁大間都會爆場。我地叫左4款野食，份量多之餘仲款款都好味。我叫左豬軟骨飯，肉質好香好軟滑，分享左比同事食，個個都話正。鯖魚係原條上，但無諗到咁大條，男同事話好味，但都食唔晒，另一個同事話下次再黎要食呢個餐。肉餅飯又係好好食，另外仲叫左鰻魚飯，但忘記左影相。總結黎講，值得再黎，下面比張單大家睇下。…查看更多

又同同事出街食lunch，今次係第2次黎食，在門口等左10分鐘左右先有位。在門口等緊個陣已經諗好食咩，對於食個lunch黎講，價錢都唔平，但我地有張8折咭，所以都低食既。我地4個人都叫左唔同款既野，份量夠多和味道ok，炸雞扒好大塊，我一個人食唔晒，同事話好好味，但我就覺得一般。蠔仔粥有好多蠔仔 ，我試左幾啖係好味。而個牛肉麵好香，份量適中，如果d牛肉煮林d我會更鍾意。比張單大家睇，這是未打8折的價錢，加10蚊可飲珍珠奶茶系列。最後要唔該晒侍應哥哥們，我漏抵左件衫，佢地幫我保管住，仲用個袋入好添，讚！…查看更多

上星期同同事見到「森川弁當」既飯盒好精緻，一人買左一盒唔同款試下，點知好失望。飯盒價錢唔平，最平45，跟住係58，68，78，88，一跳就係10蚊我買左盒58蚊既素飯盒，跟指定熱飲唔洗加錢。飯盒味道一般，同區呢個價錢可以食到好多好野。同事買左個45蚊雞飯盒，咖啡另加8蚊，佢話d雞超重雪藏味，好難食。可能我地揀得唔啱啦，如果買鰻魚或者肥牛飯盒可能會好味好多，但我地已經唔打算再試，因為同區實在有太多選擇。雖然食物味道和價錢都唔吸引，但店員服務和環境衛生都好好。如果趕時間又好肚餓都可以買黎食下，飯盒放在有保暖功能的陳列櫃，可即買即食。…查看更多