portia_tam的个人专页

早前係FB見到有個芫茜關注組。不經意底下發現依間日本餐廳。非常叫好的有芫荽醬免治雞肉棒及芫荽軟殼蟹反卷弄得很出色。免治雞肉棒很有咬口再伴上芫荽醬，食到停不了。反卷上淋上特調芫荽沙律醬加蟹子，軟殼蟹炸得香脆，配上芫荽沙律醬，令味道更為豐富。所有海鮮及魚生都非常新鮮好味😋海膽肥美，生蠔仲好有海水味👍🏻炙左口魚裙邊壽司既油脂更加叫好，非常甘香，4口子叫完再叫🤣其他既食物都質素很高，驚喜不斷❣️極力推介更多朋友去試😚…查看更多

期望已久來這間台式餐廳食飯，聽聞常常滿座的，所以趁昨天路經灣仔又未撞正午餐時段，入去碰碰運氣😅還好... 有位！餐廳好有復古風格，差少少以為自己走左入去阿飛正傳的拍攝場地😝我點了一杯黑糖珍珠奶茶，還有一份台式醉雞麵線。話說是冰鎮過的醉雞。不過真心評論，個雞醉味淡得很，應該浸酒時間不足。麵線的汁雖然有點顏色但其實淡到似清水一樣😔黑糖珍珠奶茶就只有珍珠還可以，杯奶茶完全黑糖味不夠，奶和茶份量都淡到一個點😒完完全全食到餐低糖低鹽，非常健康，所有食物都無味😣完全失望的一餐，不會再去☹️…查看更多

好耐都無post食評。依排疫情有改善就出來食lunch，唞唞氣😚最近愛上左依間裝修特別又有舊式酒家look嘅茶餐廳🍴食物配搭都幾特別，尤其係佢嘅沙律套餐我最欣賞，亦有多種選擇，而且味道不錯👍🏻還有我家先生最喜愛食既半肥瘦叉燒，雖然係一間茶餐廳，但係叉燒嘅質素都非常好，沒有乾爭爭的口感☺️非常特別提一下，佢地有個名叫保齡球飯，係一個好大既麵包夾住雞髀，仲裝住入個飯响下面，都非常好味，不過份量極大。我地食到忘記咗影相🤣😝🤣大家可以去其他post睇下，直得去試吓😋…查看更多

新店剛開到新都會廣場，大家都會瘋到去排隊試吓！所以今日我專成响brunch 既時間，正是餐廳剛剛開門就去，希望無其他人甘早去排隊。結果真係順利地直入有位坐🤣餐廳原來無幾多張枱，唔怪得外面擠滿客人排隊，地方太細啦！餐牌嘅選擇其實都好少，只有三款天婦羅🍤丼給客人選擇，其他的都是追加同樣的食物及飲品。天丼有三款，天丼，上天丼及江戸前天丼，價錢亦都分三個不同等級。但都有基本既配搭，有海老，魷魚，帆立貝，海苔，莢豌豆及温泉蛋 🥚。另外附有麵豉湯，同埋少許醃漬蔬菜。稍後同大家講下佢嘅温泉蛋有乜特別😬江戸前天丼係三款套餐𥚃最貴的一款，皆因裏面包括左一個靈魂組合就係星鰻（穴子），不算太肥美，所以食起來沒有太膩的感覺。我本以為全枱都係天婦羅，全是炸物就好難入口，但係可能炸得夠鬆脆，沒有咬入口成口油的感覺，所以又出奇地容易接受☺️反而飯𥚃頭的特別醬汁，唔太肯定是否加了麻油或什麼，還是未有隔妥天婦羅的油分便盛上面，我覺得碗飯仲比較多油🙁另外介紹一下溫泉蛋，同出邊溫泉蛋有所不同，蛋黃嘅外面係由半煎炸嘅蛋白包住。食用教學係用流心蛋汁沾天婦羅，不過⋯seriously無驚喜🤣🤣天丼內都有基本配搭，另外加有舞茸。如果喜歡多啲蔬菜，就可以選擇呢個套餐。…查看更多

丼灜餐廳細細，但包含左好多款特別既菜式。丼款更多不勝數😊今日點左個十二道風味💟淨係賣相都贏晒啦❣️有牡丹蝦，吞拿，海膽，帶子，蚌，魷魚刺身，仲有鮑魚，蟹肉；非常豐富😍本來覺得二人分享太過份了吧! 原來𥚃頭只有8杯有配飯，不算太飽肚。係視覺同味覺嘅享受😊清酒煮托托蜆，蜆非常大隻，肉質厚身而且爽口。清酒湯底再入葱亦很清新后加左個牛油果軟殼蟹卷，雖然冇乜特別，不過牛油果一般都是女士最愛，所以一定要叫番一份嘆下先至食得開心☺️其實餐廳入面仲有好多特別嘅菜式，但係因為只有兩個人，食唔到太多，希望下次有多啲朋友一齊去，可以再試多啲不同既食物👏🏻👏🏻…查看更多

是日午餐到丸十叫左兩個丼同一個湯烏東。牛舌同豚肉燒得超乾，硬柴柴，飯又唔夠熱，好似暖番熱既冷飯😰簡直豈有此理😡成百蚊個冷飯！米國牛肉烏冬還可以，起馬係熱辣辣上枱。…查看更多

今晚係厚福街搵左間細細地既日本餐廳食串燒。最初以為只有日式串燒同主理雞串，但入到餐廳后發現仲有好幾種推介sushimi。三個人食左三個鐘，分幾round點菜仲慢慢食，非常享受☺️一坐好都未準備點菜，服務員已經放低前菜，橙橙地色既蒜頭配左佢哋特別嘅醬汁，咬落去非常爽口，出奇地好食!燒雞亦釀鵝肝，雖然又油又肥，但極度邪惡😈豚肉秋葵卷仲有厚牛舌，燒得香噴噴😘燒明太子飯團外脆內香💖炸雞腎就真係普通普通啦⋯⋯刺身池魚都好新鲜，價錢合理。仲有點左好耐都無食過嘅水母刺身和螢光魷魚🦑，真係唔多餐廳有，當然係正👍水母超爽呀！雞肉串配蛋汁醬油，咬入口感覺到入面混有雞軟骨，咬口一流😋吞那魚配牛油果，底層放有脆餅，軟綿綿既配搭加脆餅又有另一番口味😉所有食物都帶有驚喜，會再找機會來光顧！…查看更多

老公生日，諗左諗右揀咗佢最鍾意食嘅泰國菜。依家餐廳仲有佢最鍾意食嘅芒果糯米飯，將糯米飯變成生日蛋糕"二合為一"，甜到入心啦💕同場仲有泰式生蝦，而且將蝦頭炸到熱辣辣又香脆，正👍各位最好訂位時預定呀！鹽焗魚既肉，好滑而且仲keep住魚味串燒不是最出色的地方，配旁邊小藤籃𥚃既糯米飯先至最特別。不過非常飽肚😅各位諗清楚個肚有幾多位先至好點😂咖哩蟹同燒牛肉就普普通通啦。另外，推介大家試下飲龍眼冰，不是太甜，爽！服務員位位都態度極佳，總算是愉快既晚餐😚…查看更多

十年都唔會經過依個位置，因為條街突然刮起大風，只好求其行入間飯店，避下風頭😅順便提早食午餐。點知......入到去企左一陣，無人諗住理我地三人行🙄都無所謂，自己揾位坐，反正尚早，無乜人。隨後我地攞起張落單紙，有些少迷惘點樣點歺，於是叫侍應來查詢一下。位員工小姐面部表情話我知，佢覺得我地好蠢，做乜要問問題，又或者佢應該以為我地係佢同事，應該什麼都知。我只係想問下「識撈」有乜特別，佢叫我照tick就得😳當我家男人開始黑臉加變聲同佢對話，佢先至講多倆句解釋😒哦....原來係台式車仔麵/飯，幾個字就清楚晒，何解待應姐姐甘懶😑一d都唔覺佢地「識撈」其實食物方面，真心唔算差，不過服務就要比零分佢…查看更多

這餐廳位於圓方來講，格局不算高檔，價錢中上。食物風格屬於多國fusion餐廳。頭盤我揀咗熟肉拼盤加芝士。賣相不錯吧！有salumi, 白毛豬火腿，西班牙香腸，鴨胸片加cheese. 味道都持平，只係本人唔識欣賞西班牙香腸， texture 怪怪的😅我唔記得依個是日湯係乜名堂，不過係味道幾有趣，忌廉湯裡頭帶咖哩薯仔洋蔥味，入面其實係有椰菜花，幾特別😊青口就沒什麼鮮味，但個白酒味還可以接受。豬扒係做得最好既一個，有炭香，而且肉算軟身，不錯👍鴨肉嘅外皮好脆身，不過可能係鴨胸，所以肉太厚，肉外圍偏硬，內又過份生，有點失望😞卡邦尼係比較穩陣嘅pasta，查實佢味道唔差，不過汁少；而且我食唔到蛋汁味，更失色。整體來說，餐廳菜色唔係太錯，不過大部分都放好少汁，另人覺得肉類煮得乾左些少。…查看更多

耐不耐都會到此餐廳幫襯一下，每一次嘅水準都大上大落，食物同味道嘅水準都好唔穩定。今次係最差嘅一次😰我地兩個人，叫咗一份正常嘅班尼狄(classic 嗰隻) 另一份叫左佢地新搞作‘牛油果蟹肉班尼狄’，簡直係最不知所謂😖所謂牛油果，其實冇真正放牛油果肉，只係用牛油果汁鋪上面。牛油果本身味道唔強烈，佢地用來打左泡，面頭再灑左一啲唔知乜嘢嘅粉，味道怪到一個點。餡料應該係落咗罐頭蟹肉，其實都好平常；但最唔正常嘅係做乜嘢要加啲加工蟹柳條切碎混埋一齊🙄莫非佢覺得能夠令賣相好睇啲，點綴多啲顏色😒簡直係畫蛇添足，而且睇落cheap到不得了蟹肉完全冇味冇鹽冇胡椒粉又唔落檸檬汁，完全係一份唔識煮野嘅人做嘅傑作其實要加d色彩，落啲紫洋蔥加鹽同胡椒粉，都一樣好味。依個菜比佢地搞到不倫不類😔查實決定餐單嘅人，自己有冇試過菜式，先至放落餐牌提供比客人食呢失敗都極，絕對唔會再比機會佢，拒絕再幫襯🙅🏻‍♀️…查看更多

葵涌廣場三樓係掃街熱滿地帶，日日迫爆人群，食物種類又多，又壽司，甜品，burger，果汁，麻辣粉.....應有盡有。我帶爸爸媽媽到此一遊，佢地嘆為觀止；后來倆位老人家仲學識拍拖來買嘢食，做下午茶🤣今日一個人戇居居，又走去掃下街，見到依間門面有趣嘅舖頭，用整路標誌做題材，又黃又黑，連員工都着整路工衣，好過癮😅這店主打麻辣食物。我點左份雞腎，麻辣好刺激，雞腎確係卜卜脆👍🏻美中不足就係等候時間比較長，而且份量超細；不過只係十蚊份的情況下，原諒佢😁 但我情願佢買貴少少，份量再加大少少，先至夠喉。…查看更多

今日幫襯深水埗一間出名既車仔麵。同一條街有三間舖，每間都要排隊等位。但今日因為大概食brunch 嘅時間攞位，未算太多人，需時十五分鐘就有位坐😬貴店話自己有十大必食推介：雞中奕，豬手，蘿蔔，辣魷魚，花膠，豬大腸，花菇，酸齋，韮菜餃，仲有魚肉。我點左其中兩個推介：豬大腸同酸齋，另加🐷油渣配米粉；然後再偷隔離個男人隻雞中奕。個碗真係幸福滿滿🤣點讚雞中奕同豬大腸，真係值得推介。🐔奕醃得入味，算係大隻；豬腸唔見裡面有一層層，係薄薄既單層，軟身而且滑口，味道非常好👏🏻👏🏻豬油渣就沒有什麼味道，無驚喜🙄最錯就係叫左個酸齋，酸味同湯底加所有其他食物都結唔到婚🥴怪味都不得了⋯⋯都怪自己無諗淸楚就點依個餸😣另外，本人推薦佢地既羅漢果龍眼水，非常甘甜又好飮，落足心機，而且仲有龍眼肉食，真材實料👍🏻…查看更多

碗仔翅係一個令我掀起好多成長回憶嘅食物，由細細個家窮到家中環境轉好，腦𥚃都記得有佢嘅陪伴。無論去到邊個地方都會係我不斷地尋找嘅街坊食物，遠勝山珍海味，因為裡面藏有太多高低起落嘅回憶。今日來到荃灣十八座狗仔粉，梗係要揀最愛嘅碗仔翅，不過係「火鴨翅」。餐牌有三種選擇，除左有淨翅，最特別嘅地方係可以選擇配加鴨上脾或下脾。佢地嘅肉絲係用火鴨肉絲做材料，所以湯底帶有火鴨油嘅香味，鴨肉絲同木耳絲都好有份量。縱使同傳統碗仔翅嘅味道有所分別，味道都非常出色，有咬口又有質素，非常足料👍🏻不過今日我就無加鴨脾，因為想留多點位置試其他食物；下次再找機會試試。食完碗仔翅，又再叫咗份魚蛋。魚蛋爽口，個汁夠濃又香辣😚最後來一份大雜燴，內有大腸，五香豬肚🐷，豬皮蘿白。全部都醃製得非常入味，而且好淋。大腸夠肥美😋仲配有秘製「千味醬」，味道更精彩👏🏻👏🏻大家不妨試下😊…查看更多

今日下午亂打亂撞入左間台式快餐，見到入面d牆紙係用九龍皇帝嘅字體☺️好過癮，所以走入去試下！餐牌選擇其實唔多，套餐都唔多於十個，最後我揀左個最唔像台式嘅套餐"撈丁"😅依個撈丁又肉丁炒蛋又午餐肉（仲附加麻油），除左肉燥叫做同台菜有些點關係😂，其他都係百份百港式口味😊午餐肉厚切👍🏻仲要煎得夠脆口，又香又肥味😚繼有五香肉丁炒蛋，蛋炒得滑溜溜😋加肉丁嘅辣味，配搭撈丁⋯一流😘肉燥唔太咸，所以味道不會太搶，唔錯🙂本人覺得係一個有誠意嘅快餐😊附近街坊不妨試試💖至愛既厚切🤩…查看更多