嘉言的個人專頁

滿心期待想試下有牛油果既菜式，但係雞肉牛油果多士係由頭到尾連個碟都係冰凍！真係嚇死人，個嘴掂一掂已經係凍到縮開！我馬上唔食。由於掂過，都唔方有得退，朋友幫我食埋。佢身為男人都話「真係好凍下喎」多士唔係應該熱辣辣架咩？最少唔會連碟都雪凍啦呀嘛⋯⋯相反朋友叫果個豬排蛋包飯就正常好多，係熱既。味道普普通通啦，冇咩特別，同其他豬排蛋包飯食到既質素差唔多。如果多啲汁會更好。野飲方面，叫咗熱既水果茶，甜甜地幾好飲，可以refill，幾好。…查看更多

餐廳位置偏僻，住甘耐都冇發現過佢既存在，屋企人今日叫我一齊去食先知道。入去冇人招呼，我以為會有侍應帶位，等咗一陣都冇侍應上前，我地自己搵位坐。再等咗一陣，有位似係經理既男人有禮貌問掃咗安心未？有冇餐牌？我答乜都冇喎。佢立即親身去拎menu、熱水壺、杯。的確其他後生仔女侍應係冇甘主動幫手既，其他人既評論話服務麻麻地係岩。我叫牛腩飯$78。好貴呀～～食頭兩啖，依！d飯好好食喎！！！夾黎望真啲，d米又肥又短，絕對唔會係cheap雞絲苗米。屋企人指住menu，果度有寫南方槄米，但冇講明咩品種波。我估係蓬萊米。好食喎～～我好少可會讚香港餐廳用既米。牛腩係炆得淋既，個汁岩岩好，冇出面果種特別咸。有驚喜有驚喜～～～當堂覺得$78唔貴，好彩我係叫飯。屋企人叫豬手麵，佢話骨多過肉，麵普普通通啦。…查看更多

特登黎試下依間漢堡包店一點開門已經有四個人，入座後陸續有人黎好快就無位。侍應妹妹得一位，等落order都等左陣。一定要菠蘿包，羊肉漢堡好食。有羊肉果種騷味，我鐘意！如果再濃郁啲會更好。薯條風乾處理好好，起哂衣，炸出黎好脆。叫左特色野飲同酒試下，味道都吾錯…查看更多

第一次幫襯，揀omakase lunch試一試。食左個半鐘頭，終於食完😆頭盤係溫泉蛋配醬油啫喱主菜有有韓國磯煮鮑魚、帶子、蟹棒、三款蝦、兩款魚、海鰻。蔬菜有粟米（好甜）、秋葵、番薯、舞茸、青椒、露筍。天婦羅飯或茶漬飯。甜品係秋田梨+靜岡蜜瓜～好甜食材種類多，連蔬菜既選擇都比較優質。性價比高，每人$650😆師傅們都會傾幾句，會建議沾鹽、檸檬汁，定係天婦羅醬汁黎配果樣食材。美中不足係睇吾到師傅點炸舊天婦羅🍤只有師傅對面既位睇到，隔離位已經有板遮住。同埋場地比較細，其他人講野好嘈。…查看更多

叫左兩個餐外賣自取分別係花膠燉湯+飯，竹笙排骨湯+飯+豆漿漏左俾杯豆漿🥲杯豆漿$9🥲算啦，豪俾佢～～～燉湯方面，花膠吾知係咪溶左，得番d碎🥲個湯係甜既，幾好飲。竹笙排骨湯就竹笙都算大塊，爽爽聲好好咬。個湯都濃郁好味。紫薯飯冇乜味，用黎菜脯撈飯幾好食，再要落豉油。仲有隻雞翼送飯，非常好。外賣自取係用openrice環保袋，個袋好硬淨挺身。椰盅燉湯係真空包裝，仍然非常熱辣辣。整體上包裝整齊企理。…查看更多

第一次幫襯，門口排左五分鐘就有位。當晚芫荽賣哂，叫左小麻小辣既拉麵算。1️⃣喜歡佢多芽菜，每啖麵都夾到芽菜。2️⃣叉燒厚身又炆得林，好食過其他店薄切既叉燒。3️⃣流心蛋我第一時間撈埋湯汁食左，水準ok4️⃣湯底越食得耐，果種辣既感覺越強。麻可以再勁d，下次要試下再重口味d。5️⃣座位相隔太迫，非常嘈雜，隔離枱三個男人大聲討論用交友app溝咩貨色既女人。由我坐低開始，佢地已經食完麵係度又笑又叫，職員都冇叫佢地細聲d。我匆忙食完麵走人，佢地仲賴死吾走。依加餐廳做生意真難受呀！…查看更多

裝修好靚，特別整張相係佢既玉器餐具同埋刺繡既屏風。座位距離吾算好近，但黎幫襯既多數係老人家或者一家大細，所以環境好嘈。我果日仲聽到後面枱個老豆鬧個喊緊既阿仔。1️⃣黎欣圖軒一定要飲佢既茶。我叫左陳皮潽洱，即係柑潽。茶藝師同埋侍應介紹茶葉歷史，係我面前盅碎個柑潽表演沖茶。味道越飲越有柑橘香，茶味又濃。2️⃣欣圖軒既點心製作出色，特別係佢既龍帶玉梨香。雖然炸過，但吾會膩。有帶子、龍蝦肉，新鮮既梨。好好食。3️⃣鮑魚海鮮盒都印象深刻，因為啖啖蟹肉。4️⃣wasabi咸水角係我貪得意叫，又幾好食喎。5️⃣灌湯餃呢⋯⋯⋯⋯我發現好多間米芝連中菜廳既灌湯餃都係有湯浸住。其實真正既灌湯餃係冇湯浸住，湯係餃入面架嘛⋯⋯不過！有長腳蟹肉同埋肥厚既竹笙（粗厚既竹笙都好貴架），算佢啦～6️⃣三色海鮮餃相信係人人黎到都會叫既。其實好多點心既餡都係海鮮，你有冇發覺？7️⃣叉燒就堅係No No No No!!!!!!!我要吐番出黎，絕對不是誇張。個汁又黏又過甜，舊叉燒肉肥膏多、肉又吾鬆軟。暫時天龍軒既叉燒係第一，第二係明閣。再有好食既我遲下更新。…查看更多

首次光顧天龍軒，當然要黎試下佢既招牌菜啦！齋係間餐廳既裝修同埋風景已經好有氣派。揀左白牡丹王，茶味吾算濃，每次飲都有陣陣淡雅香味。琥珀合桃好好食，我好快食完再黎多個😆1️⃣龍鳳燒賣，分量十足。一舊係層層疊住爽脆既蝦肉，另一舊係鮮味既帶子。2️⃣蝦多士炸得脆而上面塊蝦肉係剛剛好熟，配埋甜酸醬，特別開胃。3️⃣鮑魚酥呀⋯⋯一定要叫。果件乾鮑Q彈到我用叉係篤吾入。篤左幾次，最後用匙羹食😂好彩餐廳貼心地一早切開成三舊。淋多d用鮑魚製成既醬汁，停番係口中既味道濃郁又香醇。4️⃣花雕蛋白煎蟹鉗，又係一款必叫菜式。蟹鉗好巨形！蛋白滑溜，加上薄薄既花雕芡汁。我非常喜歡。5️⃣天龍軒既叉燒最終出場，要早一日預訂。佢係我成世人第一次遇到甘軟熟既叉燒！由於太軟熟既關係，我食前錄片用筷子係甘夾下佢🤣真係好好食，當堂以後吾食其他既叉燒。6️⃣甜品叫左蛋撻，朋友介紹係必食架喎。雖然我吾係好好甜品，舊蛋撻塊酥皮係鬆軟，蛋汁係岩岩好熟，有動L既效果。埋單朋友有折扣優惠🥳食物質素好好，服務質素就普通啦，因為我去廁所冇人指示係邊，我迷左路，去完廁所返黎張餐巾冇摺成三角形放係枱面，仲話米芝連兩星喎⋯⋯人地TATE一星都有依種服務啦！…查看更多

我2017年開始幫襯TATE，欣賞老闆娘將香港元素混合佢法式烹調技巧創造既fusion菜。今次黎試下TATE既新MENU，主題係豆腐。相信只有TATE先可以將一種平凡既食材製造多樣變化而又高貴既fusion菜。我每次黎都會讚TATE既餐具🍴非常有心思，今日有玻璃既雀鳥，其他枱有魚、茄子，做裝飾。MENU製成一把扇，有古時製豆腐既打油詩，好特別。1️⃣歡迎前菜既presentation已經令我驚喜。我問侍應真係豆腐黎架？原來係印有豆腐花紋既陶瓷盒。上面分別有蟹肉，同埋素雞+菇既撻，味道清新。掀起個盒，係滑豆腐上面佈滿淡淡清香既紫菜+檸檬草湯羹。2️⃣頭盤有和牛他他，我額外加海膽同魚子醬（一定要加！！）3️⃣澳洲鮑魚非常林，舊豆腐混合雞肉，依種做法莫非係祖庵豆腐！！！配上濃濃雞汁。依道菜已經令我再次佩服老闆娘既手勢。因為食吾出雞肉粒，證明過濾到雞蓉非常幼滑，跟豆腐融合到既程度，係豆腐texture但有雞肉既味道。肯定係祖庵豆腐做法。4️⃣腐乳牛油+酥脆既麵包。我食過太多次。由2017年開始佢已經有依個腐乳牛油食法。我估到TATE玩豆腐主題一定會出現依個牛油！5️⃣望落似咸水角果兩舊，其實係混左椰菜既炸硬豆腐。presentation好靚。6️⃣洋蔥湯依道菜，非常有層次，因為用左四種蔥黎製成。味道濃郁到呢⋯⋯你要黎飲先體會到。入面既蜂巢豆漿索哂洋蔥湯既精華⋯⋯上面仲有黑松露⋯⋯嘩⋯⋯7️⃣主菜係龍蝦肉混合軟豆腐，再有自家製花椒油。裝花椒油既樽同VEA整cocktail既樽一模一樣😆香辣！好彩我頂得順。應該話非常香，微微辣。我一下太大啖搞到想飲水。8️⃣甜品係白朱古力既盒，入面有玫瑰花海綿蛋糕+荔枝jelly，上面係豆腐雪糕。我吾好甜品既人都覺得幾好食。9️⃣小柑橘潽洱🍊有輕輕既柑橘味，茶味不重。TATE既菜式加服務應該要兩星啦！一星實在對佢太吾公平。齋係侍應除左食物講解，仲要同客人傾計。客人離開座位，侍應馬上摺餐巾成三角形。我早前去間兩星既餐廳都冇依種服務。…查看更多

岩岩行入商場，求其揀餐廳食啦，就揀左依間試下。形式同紐西蘭食過既好似，主打健康，蔬菜多過肉。我揀左最搶眼既I餐，乜都有，個底要一半薑黃椰菜花一半飯。朋友揀左J餐。我地每人要左樽紅菜頭同羽衣甘藍汁。感覺非常健康！味道方面，三文魚同吞拿魚都有調味，蝦肉有泰式風味，成碗酸酸甜甜幾開胃，夏天食好清新。椰菜花碎比較硬身，但幾好食既。飯撈埋青瓜三色椒碎，每啖都有蔬菜，簡直食哂我成個星期食菜既份量。紅菜頭汁有混其他水果，所以有甜味，易入口。整體感覺良好，會再幫襯。…查看更多

上星期黎食過，第一次幫襯，排隊吾需要好耐就有卡位。短髮阿妹非常熱情，主動向我介紹醬料有邊幾款。坐係我對面既兩母女問阿妹介紹邊款拉麵好食，阿妹都有耐性解答，而且非常好笑容。我叫柚子拉麵，老公叫鹽味。舊叉燒好厚切，我之後去新界區果間分店，發現觀塘依間既叉燒厚度等於其他分店兩舊叉燒！！肥瘦適中，好過其他連鎖拉麵店。湯底濃度剛剛好，絕對吾會過咸。我喜歡佢好多蔥、荀絲、柚子絲。通常其他拉麵店係一條條荀，依度係切成幼絲，易入口好多！柚子絲令每啖拉麵吾會覺得漏，我另外再加醋。拉麵質素好過其他連鎖店，但係每間分店質素吾平衡有待改善，特別係叉燒厚薄之分太明顯。暫時我只會幫襯觀塘店。…查看更多

以香港水準黎講，算好好食架啦。早幾日係youtube見到有對夫婦介紹依間餐廳，心血來潮捉老公一齊去食，我請～雖然menu有改動，整體上都好食，但係少左蟹類有d可惜啦！炸得非常香脆，食甘多件都吾覺漏，我食左兩大舊蘿蔔蓉，清熱呀嘛！香檳係送既，冰茶可以免費添飲。師傅係日本人，所以佢會以簡單既日文英文介紹道菜係乜野，想同師傅傾計睇怕要學好日文先得啦。侍應生當晚有推介叫我地加五百蚊食松葉蟹，但當我問到依款蟹甘細隻主要係食肉定食膏，侍應生就答吾到我啦，佢口窒窒左一輪話剎時吾記得添。當晚全部人都冇再加錢食蟹。…查看更多

其實好多年前間店岩岩開果陣我幫襯過幾次，果時冇乜客人，套餐價錢平過依加一半。最近因為好想食片皮鴨，原本想去果間好臭串吾接受walk in客，所以我決定再去依間。排隊等左半個鐘頭終於有位，上菜速度好快。水晶鴨舌，冇軟骨架喎，外層舊啫喱係鴨湯黎架，幾好食。水晶鴨肝片皮鴨，純粹為新鮮感而叫，以前都冇依款菜式，可能我太耐冇幫襯。塊皮脆到咬落有聲，鴨肝外圍俾鴨湯啫喱包住，味道濃郁。鴨絲湯羹，依個湯由開業到依加仲有提供，基本上係幾好飲，鴨絲多湯底濃。茄子炒鴨件，其實係因為我想食茄子先叫，鴨肉比較實。最後埋單有75折優惠，當堂好抵！…查看更多

好好食😆會再幫襯其實我當晚係錄video多，因為影相係睇吾到師傅刀功同舊刺身新鮮到會郁。師傅有自家製既酒，豉油都係自家製。師傅請我地飲三款酒：薑酒、鰹魚柚子酒、燒酌。今晚既刺身貝類多，師傅撻舊帶子，舊肉收縮果下視覺上好爽。我係因為睇到依點就馬上打電話預約。有熟成21日同40日既toro。有煙薰鰹魚，有灸燒魚面頜。隻蠔好巨形，慢煮左一日，湯汁用左蜆汁、昆布、鰹魚黎煲。師傅示範一種瓜類係用黎煮湯用既。海膽有日本排名，師傅今晚特別俾多d份量，食完再添多舊，因為有客人取消，吾想浪費新鮮準備既材料。全晚都食到師傅佢地充滿心機既菜式😆埋單每人$1680再加一，非常抵。…查看更多

其實幫襯左好多次，依加先黎寫食評 。我鐘意佢豬腸吾肥，蘿蔔清甜冇渣，牛筋軟腍入味，湯底吾係死咸果款，再黎個腩汁。基本上次次都係叫依三樣餸，加$3有凍飲。今次太肚餓所以叫多左山根、豬紅。另外，餐單提供小食，我仲食過炸燒賣（幾好）、韭菜豬紅（普通）、煎釀三寶（普通）、咖喱魷魚豬皮魚蛋（汁吾入味，太稀）。以前比較靜，試過霸哂成間餐廳，依加旺到要搭枱，接住有人想入黎又冇位坐。希望老闆快請到人幫手，睇見佢又落單又執枱又遞餸真忙。…查看更多