jyjl的个人专页

剛剛出糧，同太太諗住舒舒服服吃一餐晚飯，去到元朗睇下有冇新店。見到包哥門口的侍應非常有禮，因此，就入左去打邊爐。叫了一個168元的特盛豬骨煲，60元的普通肥牛，差不多價錢的鵝腸同黑百葉做第一Round其實，元朗食店林立，競爭激烈，因此，有信心係度開食店的，必然對自己亦有信心。我地作為食客，亦希望新店能夠有好的水準，長吃長有。本來諗住普普通通吃餐飯，無諗過影相，亦無諗過寫食評。但包哥係我係元朗吃咁多間火鍋、雞煲、豬骨煲當中，實在稱得上極品。168元的豬骨煲當中，就係圖中所見的豬骨，無錯，係完全無肉的豬骨。呢張相，係我撈出來即刻影相，唔係食完先影。成個煲，一個煲，9舊骨，都係咁既樣，可以係一d肉都無既，「正宗豬骨煲」。咁我環顧四周，只係幾名女侍應，沒有店長，無人駕使，相信收銀就係領班，所以，我同收銀女士講，請問，豬骨煲既骨不是有肉可以吃的嗎？她的答案是，豬骨煲的豬骨都係咁樣，是用來煮湯出味，不是用來吃的.......真係估佢唔到，168元一個特盛豬骨煲，所有豬骨都係用來煮一窩打邊爐的湯放得落口的，原來係兩舊粟米，同埋幾舊蘿白同枝竹。係咁既情況下，都無叫第二round，結帳就走了。其實，出去吃火鍋，火鍋料有平有貴，好難一既而論，但係，係元朗吃左N咁多間火鍋店，呢間真係極品。可能自己真的是太年輕，就如張局長所言，「真係經一事、長一智」…查看更多

昨天中午在元朗找地方吃飯。被店舖的外觀吸引。雖然是午飯時間，但希望吃得舒服一點，叫了一個二人套餐，約HK$170左右。前菜手絲雞，第一啖放入口，原來是調了味，咸咸的豆渣，即是隨手可以在街市買到那些，顏食不是白色，而是深啡，因此，應該是烏雞。並且，是室溫，冷與熱之間。湯是雞絲翅兩個，煮熱的生粉水加菇絲，除了杰杰的生粉外，味道淡出一個鳥來。接下來的主菜是一個芋頭腩肉煲。打開蓋，水汪汪達九成滿，但淡紫色的煲內浮著幾件營光橙色的腩肉加芋頭。載浮載沉之間。接下來另一主菜名字已沒有記著，以素蠔油著一些面根類，味道較為正常。目擊如此慘況，吃了一半已經想放棄。套餐沒有配飯，所以，一個套餐、加兩碗飯、加茶錢，再加一，盛惠HK$220元正。素食沒有肉類，材料成本便宜、但沒有動物性油份，因此，煮食的技術更顯功夫。亦是值錢之處。元朗餐廳眾多，老遠駕車，並且以HK$220元吃了這頓午餐，實在只能說聲...後悔莫及。利益申報，本人並不是純素食者。看見openrice的食評有讚無彈.....，所以，本人絕對不代表全素食者的評語。 …查看更多

:)早幾日同朋友係土瓜灣分店食晚飯，覺得幾好，又有魚券，約埋爸爸媽媽出來食餐便飯。就腳關係，去左太子分店，諗住集團式經營，質素差唔多。酒樓一樓，近門口食小菜，入面做任食火鍋。知客小姐帶我地行得越來越入，去到一檯四圍都係食火鍋既。心知不妙。由於天氣熱，唔想去第二間，所以，問左再冇其他檯，揀另一張單邊檯就算了。樓面數目少，個個做到「燥底」打衝鋒。等左好耐先執到位又等左好耐先叫到菜。三個人叫了半隻雞、一個炒菜、一碟掌翼加埋條魚。坦白說，出品不差，只係味道偏咸。條魚唔算新鮮但肉質尚算唔錯，唔係送既就霉霉爛爛。不過，服務就認真麻麻過麻麻，無人換碟、無人加水，加上越食越熱。七點半坐低，八點幾上菜。約九時見爸爸將最後一條菜放落口時，即刻舉手叫埋單，個陣時成件恤衫已經濕晒。後尾，仲要等多幾分鐘先有人理，收左張單過左十分鐘都仲要再催多一次先埋到單。服務員盡力，粗支大葉，本身我都好體諒，但係，出來食飯亦都只係想傾下偈，聯誼下，做下孝順仔，點知成餐飯食得唔安樂，仲破左最快食完埋單紀錄。後尾落到街，發覺仲涼過係上面，起碼街邊都仲有d風。…查看更多