capricorn_green的个人专页

幾忙都好,都抽時間盡快寫起呢篇食評,純粹希望,唔好再有人好似我地咁,中伏中到應一應老實講,原本係想嘗試有冇機會walk in食到牛大人既,當然就任務失敗啦,然後行過對面馬路,見佢同牛氣兩間鋪痴埋一齊,屬同一集團,牛氣食過都唔錯,就諗住佢都應該OK呱入座前,個職員問我地揀咩價錢,我地揀左第二貴果隻,佢sell我地要唔要加多50蚊食咩咩咩肉呀,我係愈sell我就愈反感果D客人,禮貌地同個職員講:唔駛住,或者下次先啦,唔該您. 換黎係即時被黑臉,佢果下都好明顯,真係好野!睇到呢張相,係咪覺得都唔錯呢?!唔好意思,係第一round黎果碟係咁架咋,再嗌果D,唔同曬樣架喇(後悔當刻冇影低相)佢既”牛肩胛肉”,唔知點解,係一夾塊肉就會自動散開.有冇人解答到呢個疑問?先唔講食物質素,真係好麻麻.佢點菜每次最多十樣野,無錯,係逐片計,例如十片肉,然後要隔一分鐘先可以再點.咁仲算係任食嗎? 得100分鐘,食餐飯攪到好似神經緊張咁.邊個發明呢樣每次最多嗌數量10,同埋1分鐘後先俾再嗌架?睇返食評先知,原來唔係我一個覺得離譜.點知原來再離譜D都仲有,食到時間夠,有位著有領牛仔衫,唔係T恤既人士,可能係經理呱行埋黎,同我地講夠鐘喇,然後收走左檯上碟肉同蔬菜. 真係當堂O左咀!轉頭仲過黎一野熄埋個爐火. 咩料呀?!唔該睇睇其他同業,有邊間會咁樣對個客?人地仲會15分鐘前走埋黎溫馨提示:差唔多夠鐘架喇,可以去食埋雪糕.當然,最後我地喺度,係乜甜品都食唔到啦,佢咁樣趕客法.總括而言,人均消費$330,食物質素非常咁一般,服務態度奇差,我諗旺角咁多選擇,真係點都唔需要揀佢.祝大家日日有食神! …查看更多

我喺附近返工既,睇住佢開張,由一間,再租埋隔離果間,打通,每日門口依然係一堆人等位.今日幸好避過左最繁忙既一點鐘食lunch時間,1400,唔駛等,就入去其求食D野啦.選擇都唔少! 花多眼亂,諗住揀佢既 --->王牌 生炸脾<--- 應該穩陣啦,點知原來個伏中到應一應.首先加6蚊碗(細)栗米火腿通粉都真係好迷你,好袖珍下.OK既,有蛋治&生炸脾搭夠麻.侍應姐姐一擺低,睇到碟野既賣相都心知不妙架喇,一食落口......凍冰冰既喂?! 炸到乾曬,又唔熱,咩料?!真心好難食  但我都有將佢格硬食曬落肚,因為肚餓  所以真係純粹填飽個肚. 無陰公! 蛋治普普通通啦,服務都唔好有任何期望.希望間餐廳負責人可以諗清楚,王牌既定義係咩啦,如果咁既質素既生炸脾都可以稱之為"王牌"既話,我諗我真係去食麥當勞炸雞翼都冇咁嬲 …查看更多

之前黎過食車仔麵,覺得唔錯一段時間冇黎,今次早餐時段嘆返碗麵先!沙嗲牛肉份量都算多,香辣濃濃沙嗲汁,經典港式早餐莫過於此 :)最鍾意呢間食店環境整齊乾淨,店員都好有禮貌,食完都想坐多陣 講返車仔麵先,之前唔記得影相,佢既咖喱魷魚,豬紅,同埋牛腩都好正 我隔離果位就食酸齋(唔係好多車仔麵有得食啊)貢丸,豬皮,蘿蔔,佢食得辣,圈左大辣,佢話好味喎~~佢杯茶都唔錯的,車仔麵鋪黎講我好滿意真係而家講起都好想食返碗添! …查看更多

睇住佢開張,由前身運動用品鋪變成一間食店,都好既,等區內街坊多個選擇.一星期內就食左兩次,哈哈! 佢個麵底,好食呀! 招牌生煎包做到鎖住肉汁,值得一試. 係略嫌酸辣湯希左少少,唔似正常酸辣湯既杰度. 紅燒牛肉都正既,排骨菜飯舊排骨好食,唔會鞋霎霎.餐牌食物選擇可能唔算多,但個人認為貴精不貴多,最緊要食物質素 :) 想反映返有樣野就係,堂食好似冇開冷氣咁,兩次都食到我旁邊果個標曬汗. 天氣開始熱,希望可以開返大D冷氣.…查看更多

平時經過都見到呢間食店，尋晚終於「記起佢」😂😂，就去試吓。估唔到，都唔錯喎！我諗我會再返嚟食！首先佢有拉麵，烏冬，丼飯，小食，汽水，啤酒。我哋叫咗拉麵&烏冬，冇食飯。另加兩樣小食，同埋一枝烏龍茶，埋單都只係$177，抵食啦！出面淨食一碗拉麵有時都過百。味道方面係好食嘅，牛嘅份量算俾得多，骨腸小食好正！餃子細細隻，都OK！不過想提一提，拉麵個湯底可能會略為甜咗DD，烏冬個湯底就正常。雖然店內阿姐有口音，感覺好唔日式 😅😅 但係作為一間小店嚟講，佢算係水準之上。…查看更多

已經係第二次黎幫襯喇~ D人成日話筲箕灣東大街好多野食,其實我又唔係真係好覺,呢間算係揀得落手既一間.佢既招牌係 [ 黑松露忌廉海鮮烏冬 ] 海鮮即係有三文魚同埋兩粒帆立具,都幾巨形下.好濃既湯底,贊!同行者ORDER左 [ 黑蒜灸燒豚肉拉麵 ] 其實我都想叫呢個,不過俾佢圈左先,不左啖黎食下.個湯超級香,堅有灸燒既味道.另外兩樣小食 [ 燒扇具 ] & [ 雞泡魚干 ] 都OK,正常. 想講佢杯咸檸七又幾好飲架喎! 兩個人普通一餐晚飯3百幾蚊,可能有少少偏貴左D,不過feel到呢間鋪既出品並唔係求其是但果隻,況且辛苦搵來至在食,間唔時都OK既. 如果有拉麵/烏冬愛好者,可以考慮黎試下.順帶一提,鋪內既哥哥仔幾有禮貌,NICE. 可惜聽到佢同其他客人講過幾日LAST DAY嚕.…查看更多

見過朋友食呢間「女人街食飯公司」，覺得佢D懷舊裝修好正吓，食小菜又啱曬我。一直想嚟試，由年頭講到年中。今日出開旺角，終於有機會嚟幫襯下喇。點知！應該冇下次 🙈首先，閒日(星期三)夜晚7點嚟到，好好彩係唔駛等既，佢話1.5小時要用膳完畢交檯。冇問題吖！叫咗4樣野：黑椒蜜餞薯仔牛柳粒，芝士焗中蝦稻庭烏冬，八味脆豆腐，蒜蓉蒸扇貝兩隻。味道係好嘅，脆豆腐嚟到熱辣辣，一口一粒好過癮。扇貝亦都好味，D汁連埋粉絲，40蚊一隻都算抵呀！但係佢碟牛柳粒，份量少到？竟然可以收人$168！佢擺低碟牛柳粒果下真係有D難以置信，好似小食咁。舉手問侍應哥哥有冇比錯，正常份量嚟架？佢竟然答：係。人工貴，租金貴，我知~ 但都唔係離譜成咁呀！如果食物味道絕對係可以既，不過如果一大班人嚟，可能要叫好多好多碟先有食得飽嘅感覺，各位自行決定 ;)呢餐兩個人食左5百幾蚊…查看更多

閒日中午一點食lunch,餐廳門口有位講英文既侍應哥哥好nice咁介紹有咩食,叫我地可以入去睇睇先,又俾我地揀位坐. 我地兩位靠窗望住街景,又幾正喎~ 嗌左一份5成熟漢堡飽,同埋一份慢煮豬扒(個名好似係?!) 兩樣都好食,漢堡賣相吸引,食落都好味,豬扒好juicy. semi-buffet 形式,出面自己拎既食物就普通啦,有沙律,薯角,咖喱角,甜甜圈,牛角酥等等. 唯一扣分既係杯餐飲凍檸茶,冇乜味之餘又唔係好凍,好似一早沖定擺左喺度咁. 呢個價錢有呢個質素,已經絕對算係咁. 環境舒服,適合想邊食邊傾計既人士 :) …查看更多

話說某日喺紅磡,行下行下黎左黃埔條船附近.去到呢個九號海產,揀左呢間門口望落幾有日本feel既豚道樂. 食完之後,覺得唔錯喎~ 可以翻兜! 先形容佢既黑蒜油拉麵,湯度好香好濃郁,但怕肥既人士可能會略嫌油左些少. 碗麵跟左兩塊豬肉都好食,半隻溏心蛋都好正 (如果有一隻會開心D)  小食叫左餃子&軟殼蟹,新鮮即整,配上佢既餃子汁,沙律醬. 好味道呀! 食到好飽. 店裡面既侍應妹妹都有禮貌,唯一需要改善既地方係檯上面俾客人自行飲用既凍水壺好似有D污糟,唔敢斟黎飲 XD有機會想去試埋佢另一間分店. …查看更多

位於沙田呢個專賣傢俱用品既商場,餐廳數目5隻手指數得曬.正常晚飯時間,見佢唔洗等,有大把位,就坐低食野啦.點知出事! 兩個人,我地叫左南瓜軟殼蟹意粉,滑蛋豬扒定食,再追加左個薯餅小食咁樣. 上菜速度算快既,但係一擺低,嘩真係嚇親,滑蛋豬扒定食d蛋賣相好核突,點解咁都可以拎出黎比客食?豬扒淋曬,又煮到好鹹…南瓜軟殼蟹意粉非常普通,份量少.薯餅炸到過左火,咬落好硬. 簡單黎講:呢間野可以稱得上係「本年度最唔掂」既餐廳. 各位如果要入去食,真係考慮清楚先.…查看更多

一個字 --> 差。首先，食物質素認真麻麻，冇乜野食。檯與檯之間好近，感覺迫狹，明明唔full，成晚個埸一半吉檯。最攪笑係，中段時間，餐廳內一名大叔職員，走過黎問我地用咩優惠，咁我就乖乖將HoKoBuycoupon列印本俾佢啦，轉頭佢走返黎，表示優惠已經結束，類似要我地比返正價(心諗：你呢度既食物絕對唔值原價去食囉) 然後我地解釋：呢個團購優惠做到23JUN，23JUN前購買，但30JUN前去食都得。因為我朋友26JUN生日，買之前係問清楚餐廳職員(經WHATS APP，所以留有證據)先決定食呢間的。最後佢同意我地講法，但冇再過返黎，當然簡單一句「唔好意思,攪錯左」都唔會有啦。見到遠處另一檯有對老人家，應該又係咁樣比佢刁難，最後唔知點。第一次幫襯HoKoBuy，我諗冇下次喇！ 再一次引證”平野冇好”的道理。…查看更多

知道美荷樓改建成青年旅舍,有士多,有冰室,同幾個朋友黎試下. 地點確實有少少吊腳,從深水埗地鐵站行過黎都要大概十分鐘. 內裡格局舒適,擺設幾有特色,冷氣都好強勁. 但由於可能近山邊既關係,冰室裡面竟然係有蚊的.閒日晚上,唔洗等位,我們一行六人,點左六份SET DINNER.A餐<香煎大蝦配意大利磨菇忌廉芝士飯> 份量較少,味道普通,不過不失.E餐<燒原隻香草春雞> 好食,燒得夠香,夠脆.F餐<德國咸豬手> 推介,啖啖肉,整得好夠味.值得ORDER!I餐<特色豆腐漢堡> 俾佢個名吸引左~ 點知原來係失望,無味架.J餐<海鮮香辣茄汁寬條麵> 同芝士飯一樣,好細份,味道沒什麼驚喜.佢呢度全自助形式,去櫃檯落餐,取餐,到用餐完畢,收返托盤去車仔上,基本上全程冇SERVICE可言.當晚客人極少,廚房都整左好耐先出菜,奇怪既係主菜上先,再追之下先俾埋前菜沙律. 野飲仲耐,扣分. 環境係可以,適合聊天,但呢個價錢應該可以有更好既選擇.…查看更多

公司開PARTY,經朋友介紹,話呢間既到會OK,咁就試下.估唔到,好OK WOR. 好大盆,好抵食.酥炸墨魚丸最受歡迎,香脆可口.金菇肥牛卷個汁好正,舊卷好大,D金菇多到呢.唯一唔好既地方係,金菇好痴牙,仲要係OFFICE裡面食,有些少麻煩.招牌之一係椒鹽豬扒,重型左少少.較油膩.瑞士汁雞中翼都好入味,唔錯~雜果沙律足料新鮮,女士至愛.我朋友團體聚會經常幫襯,佢話質素有保證,同埋比起集團式果D抵食得多.下次開PARTY會再幫襯.希望試埋佢既酥炸魷魚鬚.…查看更多

朋友生日,搵地方食飯.係OPENRICE見到有呢間逸亭餐廳既coupon,六位或以上65折,另送珍寶帶子.決定試下.我地六位,book左7:00檯,抵達後便馬上開動.點知食物選擇得好少,間酒店裝修風格各樣,俾人感覺很古舊.比較受歡迎的有長腳蟹,螺&蝦.其餘大部份為熱食,有魚,有羊,有肉. 煮得好似住家送/雙送飯果d咁.三文魚刺身算係唔錯,幾厚切.擺壽司果邊仲有雞肉串燒,可惜係唔熱的.有手切生牛肉,好韌,唔好味.佢將原本送既珍寶帶子,改左做大閘蟹.而沒通知,我地只從餐桌上醋&食蟹用剪刀估到.我未見過咁袖珍既大閘蟹,六隻擺埋一碟就知.好好彩,我揀果隻<細閘蟹>係有膏既.食到悶悶地,走出去整格仔餅,自助形式.當我同朋友第一次失敗後,有位大叔職員指導我地應該點整得好D.最後整左三,四底.雪糕有三款口味,沒味道正常.甜品就冇食,因為賣相太不吸引.最後一提,朋友講話d可樂淡到爆.我都係飲杯熱檸水算喇.總括黎講,係非常普通,不會再光顧了.…查看更多

呢間店開左好多年水準一直keep到特別係佢出名既酸辣米線間唔時就會黎食下次次唔記得影相今次記得喇最多人叫係酸辣雞翼米可以再加其它送如紅腸/貢丸/墨魚丸/魚片餃好多選擇佢D雞翼勁香脆湯底濃郁足料成碗食曬絕對冇問題我朋友唔食得酸就叫左自選快餐有幾款選擇咖喱/黑椒/茄汁/栗米等等豬/牛/雞扒/魚柳栗米豬扒腸仔飯佢話豬扒入味叫左多汁,撈飯正杯凍檸茶都OK檸有檸味,茶有茶味 LOL午市時間門口經常企滿人試過外賣一樣好味…查看更多