都未食過咁難食嘅茶餐廳。平時正正常常都唔會出post 。但呢間連正常水平都去唔到。首先，星洲炒米炒等太乾、冇味每間茶餐廳都有嘅星洲米，點能夠煮得住得咁差。另外，喇沙係一拎起上嚟以為係咖喱汁。食落就係咖喱汁加水嘅味開炸雞翼又乾又柴撈檬汁太酸海南雞豉油俾幾滴 ，油飯冇咩味外賣野飲冇得揀甜度食之前諗清楚…..不可一、不可再
…查看更多
話說小妹係一個好鍾意食米線嘅人黎，好想食盡全港九新界嘅米線！！！老闆娘米線呢個朵咁響，一定要黎試吓
攞完部機，去到香車熟食中心，已經4點零鐘！！！原來間鋪會落場㗎，我都冇留意添！5點先開始營業
但係真係好好彩，等咗一陣，填完想食咩餸就入得！哈哈 ，排頭位呀。啲配料真係好多選擇，好多炸嘢食！！啱晒我呢啲最鍾意食煎炸野既。平時啲米線鋪係唔會有呢啲餸㗎！
呢度真係好特別。我叫左個麻酸辣米線，第一次叫唔知會唔會辣到飛起，所以叫左個bb辣。
都ok !不過真係好麻好酸，個湯好鬼惹味！米線岩岩好，唔會太淋太硬。個炸豆卜真係超超超超好食，個雞翼又大大隻。
另外又叫左個豬耳麻辣米線，啲豬耳面頭個層超級淋，咬落去下一層又爽口，雙重口感，好味到不得了。不過個湯底方面可以再做得好啲，湯底層次唔係好夠，剩係突出到好麻，同醋既酸味。可以多啲香料同埋肉碎，咁就更加完美啦。嗱，環境就一定冇㗎啦，入面得五張圓枱，要搭枱呀仲要夏日熱辣辣，食到出晒汗。不過勝在味道出色，就算幾熱都要入嚟食以一碗米線黎講，佢係偏貴。但比起其他連鎖店，佢又好特別。總之！！我一定會返轉頭啦。
…查看更多
芝士好香，好軟，如果肉鬆再多啲就好啦！仲有個橙色汁唔知咩黎，食落酸酸甜甜。麻辣牛肉麵 ：60/100 分 :)牛肉好淋！亦都好多，蘿蔔都蚊到好林。但係個麻辣醬真係麻麻哋，係橙色一pat pat既醬，啲醬多到搞到個湯底好濃好杰身。辣就唔係好辣。大腸麵線 ： 75/100分
啲大腸可以多啲，啲麵線都好食。呢個係細碗，佢有分大細碗。建議嗌個細碗，再試埋其他小食，可以試多啲野。另外嗌左兩杯珍珠奶綠，一個鹽酥雞，都係普通野啦！冇乜特別。總結黎講都可以一試！環境都唔錯埋單200頭，都食左好多野呀，超飽…查看更多
今日平日冇乜人，餐廳入面位置都好鬆動，餐廳門口都有提供搓手液比食客！第一次食丸龜，原來佢係自助式！好似自助餐咁，攞住個盤，同店員講得你要邊款烏冬，佢就黎即刻係你面前整比你，之後仲有啲小食可以比你簡，每樣計返幾多錢咁！我同男朋友一人叫左一個烏冬，我叫左蕃茄牛肉烏冬，佢嗌左咖喱牛肉烏冬。呢兩個都係人氣王！
拎完野食就一次過比錢。另外有個位係攞餐具，攞調味料，水等等。蕃茄湯好濃郁，牛肉份量都算合理。啲烏冬都算滑，咁既價錢對得住啦咖哩湯係日本甜咖喱！超濃！！！中意食日本咖喱既必簡！另外我地都簡左一碟魷魚鬚，同一樽自家泡茶。個魷魚鬚$16一碟，非常少，非常乾。極之唔抵食！！支茶就普普通通啦，冇乜特別。總結黎講都係唔錯既，但下次就唔會簡小食啦！:):)…查看更多
