Erumesu的个人专页

周不時行過，💢我忍左你好耐😣⋯⋯今日終於嚟食啦😆！選擇下午茶時段嚟，因為見到海南雞喇沙米線連飲品$58咋！(凍飲加$3)仲要冇加一，真係抵！點知佢比晒我最唔鍾意嘅雞胸🙄，不過都整得幾好喎，啲肉唔係好”鞋”噃。個喇沙湯底好夠味，濃度啱啱好，有魚片豆卜芽菜通菜半隻烚蛋算交足功課。青檸梳打好夠味，又解渴，唔會好似有啲食店下午茶飲品求其比匙羮味去敷衍你。我要補充下蔬菜，追加咗個XO醬炒貴妃苗，真心好食。呢份下午茶其實係我嘅early dinner㗎喇。😉隔離枱位小姐叫咗個肉骨茶，搞到我都心思思諗定下次嚟食呢樣。埋完單，有位男仕入嚟買外賣，都係叫咗兩份海南雞喇沙米線下午茶餐，應該都係人氣之選。唯一扣分係室內冷氣唔夠凉，搞到要邊食邊抹汗。🥵…查看更多

原本經常去呢間舖頭，但今次會係最後一次。因為家姐食過幾好食，我哋每個月都會至少去一兩次。今次連埋家姐一行五人再次去晚餐，除咗每次必食佢嘅砂鍋濃湯雞煲翅，另外仲叫咗乳鴿，海蜇，生菜煲，冰鎮咕嚕肉，同幾樣火鍋配菜。叫完之後發現原來砂鍋濃湯雞煲翅有個二人套餐，就即刻同返落單嗰位小姐講，想轉套餐同埋取消生菜煲。其實個時間前後相差唔夠3分鐘，理論上改單應該絕無問題。嗰位扎住馬尾嘅小姐，一向見佢喺舖頭打晒骰咁，以往態度友善。但今次一反常態，一聽到我哋話要改單，立即黑面，當住全場食客好不禮貌地向我哋大聲呼喝：「吓！咁麻煩㗎！落晒單點改呀！」然後嬲爆爆咁行咗入廚房方向。俾佢嚇一嚇我哋完全唔識反應，而且仲比周圍啲人望住非常尷尬。家姐怕出錯嘢食想再同佢確認，見佢行返出嚟就走近佢身邊細細聲問下，原來佢係有改單，但跟住對家姐又講一咗輪晦氣說話。由始至終我哋都係客客氣氣，唔明佢為乜發咁大脾氣，改唔改到單唔重要，而係身為客人無端端當住咁多人面前畀佢鬧，受呢啲屈辱先至難以接受。但我哋選擇安靜咁食完餐飯就離開，其實佢哋啲食物質素係可以嘅，其他伙計都好好人好有禮貌，仲有同我哋講多謝講拜拜。但因為呢個紮馬尾小姐嘅無禮態度，我哋可以好肯定講：「一定唔會再去！」…查看更多

再度相約「辣飯腳」食飯，今次因為時間關係只好揀去食午餐。「天府人家」一直喺我嘅「想去」list入面，今次決定就試下佢。去到11:30am啱啱開門，我哋無預先訂枱，店員小姐好好人，查完預訂表比咗張窗口枱我哋，不過要13:00pm還枱。有個半鐘頭夠晒時間食，鬼叫自己無訂位咩~環境好優雅舒服，好乾淨。我哋係衝住佢哋嘅午市套餐而嚟，叫咗2份套餐大家share食。川麵餐：紅油豬耳片、重慶金錢肚酸辣粉特式一人餐：涼拌海帶、酸菜魚片、生煎醬肉包(2隻)。個炸花生係送嘅，無諗過竟然都係辣㗎！紅油豬耳片同涼拌海帶又爽脆又勁辣，食得好過癮。重慶金錢肚酸辣粉嘅牛肚靱咗啲，小失望；但個湯同粉係好味嘅。不過真係低估咗呢度嘅辣度，食食下我哋倆個仲齊齊開始流眼淚水！愈食愈辣，最終頂唔順都係要叫返2罐汽水解解辣。好在我哋叫咗個酸菜魚片係唔辣嘅，除左有酸菜同魚片仲有薯粉。魚片好嫩滑，「辣飯腳」本身唔鍾意食魚都接受到，仲大讚話好好味。我哋掛住食粉都忘記咗有個生煎醬肉包，涼咗食都唔差，但無乜特別。臨走前店員小姐好有心，知道我哋第一次嚟唔清楚辣度，叫我哋下次可以叫小辣。仲有好多野想試，要搵日再嚟食下晚飯至得。…查看更多

是咁的，因為閨密生日我原本喺酒店網站訂咗枱食自助餐晚餐同佢慶祝。之後發現原來酒店做緊特別優惠，只喺每人比多約一百蚊，就包晒一晚豪華房、自助餐晚餐、任點任食早餐！嘩，咁抵當然馬上上網訂房。訂完唔使3分鐘，就接到酒店電話，問我時間幫我個自助餐訂位。咁我解釋事情經過，酒店就自行幫我同餐廳講返。跟住我家姐知道有咁正嘅優惠，就叫我幫埋佢訂兩間房，最後我哋就一行6人高高興興嚟個本地小休。我哋4點半到酒店，入大堂前職員會先同我哋探熱，check in時亦要填報健康資料。見時間尚早，上房休息一陣，6:30pm落去食晚餐。我哋三間房都喺高層同一層，房間比想像中大，有2支免費蒸餾水；牙刷、牙膏、拖鞋、梳、浴帽都有齊。本來想瞓一陣，但同閨密幾個月無見，傾吓傾吓咁就夠鐘食飯。估唔到餐廳都full house，不過座位執過無以前坐得咁密。店員交帶我哋每次出去攞嘢食時要戴返口罩，但久唔久都會見有人起身行咗出去唔記得戴口罩，店員或廚師們都會禮貌地請佢哋戴返，大家都好合作。已經有兩三年無嚟過，我覺得食物質素無變，仍然好好，唯獨是無咗小龍蝦同藍莓芝士蛋糕，有啲小失望。必食生蠔、沙律、煙三文魚、麵包蟹蓋、羊架同叻沙。當晚啲長腳蟹蟹腳表面有啲臭味，但肉喺甜嘅，可能存放時比另外啲嘢(例如芝士)傳左啲臭味上去。每人有半隻龍蝦送，但啲蝦肉喺煮完放返落去，味道麻麻地，同埋舊肉個size令人懷疑究竟有無半隻。個自助餐包埋紅白酒，當晚大家都飮返兩杯，同閨密賀一賀生日。個紅酒唔錯，唔dry幾亦入口，個白酒就一般。仲有啤酒飲都係包埋，不過要問店員等佢去攞。第二朝早餐喺同一個地點食，家姐佢哋7點已經落咗去食早餐，我8:30去到佢哋仲未走；但全個餐廳得3枱客，怪不得個自助餐早餐要改為任點任食。選擇唔係話好多，但一定可以食得飽。我哋食到9:30am就返上房再瞓下，12:00pm check out，然後順便行過去油麻地果欄逛下。疫情令我哋暫時唔可以出外旅遊，但留港消費好似咁嘅本地小休都唔錯，我哋大家都非常滿意今次嘅安排。…查看更多

十多年好友兼唯一「辣飯腳」的生日快到，見疫情稍為放緩，提早為她慶生。一直想吃重慶火鍋，所以來試試「渝味曉宇」。坐下來後店員先送上每人一碗冰糖紅棗雪耳糖水。後話：我心理上懷疑是否這碗糖水發揮了作用，我肚子不爭氣，以往吃完辣都會馬上上廁所，但這次完全沒有！下單是用手機掃描二維碼(QR code)，既環保又方便。很喜歡他們有半份的選擇，那就可以試吃到更多的款式。因為我們4:45pm入坐是優惠時段，所以湯底免費，7時要交枱。我們自量不是辣妹，只好來個鴛鴦鍋，一邊大骨滋補湯，另一邊麻辣大紅湯要小辣。雖然是小辣，但對我們來說還是很辣，最終要把食物放進大骨湯，吃前才沾一下麻辣那邊。青島啤酒(渣) $88：用碗來代替杯，喝起來特別豪氣。鮮活海蟶(半份) $39：4月至8月期間限定，肉味鮮甜不韌。鰻魚(白鱔)(半份) $46：原本想點脆鯇魚腩，但售罄。鱔片也不錯。美國安格斯優質肥牛(全份) $238：對很多女生說可能嫌太肥，但真的愈咬愈吃得到牛肉油香和鮮味。手打蝦滑(半份) $46：鮮蝦味濃，肉質彈牙。手打墨魚滑(半份) $46：不單只是彈牙，還能吃出有一顆一顆的墨魚肉，現時坊間少有。鮮黃喉(半份) $59：涮2分鐘就可以，沒有什麼味道，主要是吃其爽脆。美國桶肥蠔(半份) $69：半份只有2只，但又大又飽滿，一口咬下去爆出蠔漿，滿口蠔鮮味！鮮鵝腸(半份) $62：只需涮1分鐘，又爽又香。時間真要控制好，後來發現漏網之魚，因為放湯太久韌得像一條橡根。槄田毛肚(半份) $62：店員提醒只需要涮10秒，果然口感爽脆，與一般吃牛柏葉質感完全不同。桂花蚌(半份) $66：不知道為什麼結成一球，但放湯後自動散開了。味道很鮮爽。牛骨髓(半份) $46：不是我杯茶，友人點的，但看起來很新鮮。油條(半份) $16：本來想吃炸支竹，但只有鮮腐竹，唯有要油條。把油條沾兩三下麻辣湯，吸滿湯汁後吃，讃！但$16只有4小段的油條頗貴，下次會試現炸豆皮。重慶炸酥肉(半份) $32：直接吃不需要放湯的，個頭比想像中細小。炸肉裡加進了花椒，吃起來一點點小麻。不是特別好吃，但一試無妨。店員提醒到了優惠時段的last order，進加了以下5款：美國安格斯優質肥牛(半份) $119美國桶肥蠔(半份) $69手打蝦滑(半份) $46海帶頭(半份) $18：店員一放下就全倒進鍋裡，回家才發現沒有拍照。我自己本身特別愛吃海帶，因為沒有點青菜，就把它當菜吃。曉宇苕粉(半份) $29：一把全倒進麻辣湯裡去，辣辣Q彈的，其實已經很飽，但不自覺的又吃了三條。紅糖糍粑 $36：埋單後發現沒有點到糍粑，店員知道後說送給我們吃，真棒！炸得外脆內軟糯，加上紅糖糖漿，香香甜甜為這頓飯來個完美的終結。但緊記要熱吃，放涼了會變硬的呢～…查看更多

BFF由澳洲回港短聚，我忙到甩轆，收工拿拿林上開飯搵地方。原本灣仔il Bel Paese係我會友首選，但舊年兩度失望於新意大利大廚對pasta嘅自我風格下，已經將佢打左入冷宮。咁就比我發現到新歡 - Barg。用開飯訂位快、靚、正！按幾下，10秒鐘搞掂。去到餐廳樓下見到條長人龍等𨋢嚇左一跳！再睇下地址係1樓，唔使搭𨋢嘅，嚇得我吖～店員引領入座，望下個環境，YES! 無揀錯，perfect place for dine and chat.坐低後，店員會問我要無汽定有汽嘅水(不另收費)；之後我地睇緊menu未叫菜，店員已經送上麵包(不另收費)，那怕你會淨食麵包飲水就走？可惜我帶病上陣，肚肚唔舒服，唔敢食得太油，其實好想試下具人氣嘅烤德國鹹豬手同烤乳豬配蘋果醬，唯有留待下次。另外亦好想試下個個都讚嘅羽衣甘藍牛油果沙律，但不過朋友喺澳洲日日都食牛油果，所以揀左芒果龍蝦沙律。全部菜式都比想像中嘅好食更好味，so impressive。店員又有禮貌，服務又周到，一定要再嚟。…查看更多

大家姐生日，原本按佢要求想試下那霸，於是喺那霸訂左位食晚飯。一坐低無耐，點知店員比張long list我地成廿幾三十樣嘢話無(唔知係咪就嚟執）。本身餐牌已經唔係多選擇，家姐同媽咪又好多嘢敏感唔食得，所以起身走，轉軚去對面尚膳。因為媽咪老人家唔行得遠，好在星期一晚唔多人，我地成6個人都即刻有位。我屋企係廣東人家庭，去到潮州菜館都毫無頭緒叫乜餸，唯有叫啲大路嘢。但OK喎～ 每樣都好啱食(咁潮州人會唔會相對唔啱心水？) 最重要係生日嘅大家姐食得開心，大家飽到摸住個肚，埋單都只係總共九百蚊有找。多得尚膳，令我地逃過左對面貴夾唔飽一頸血之刧。…查看更多

一大伙人為朋友做生日，壽星女想吃泰國菜，便提議到我一直想試的泰簡單。已經吩咐朋友要訂室內枱，原來只是近門口的細枱室內位冷氣比較足夠，大枱的室內位在另一端被露天位相隔，雖然有冷氣機但仍不夠涼快。從餐牌上看到很多有創意的食物名稱，可惜味道並沒有想像的好。水準一般，港味比泰味濃。大部份店員有禮貌，只有一位男店員端菜時態度表現不耐煩，有待改善。木枱面的板條的隙縫間有很多螞蟻，衛生環境亦需要改善。帶了兩個蛋糕來為壽星女慶祝。餐廳只是冷存蛋糕和提供餐具，並沒有為我們切餅及分餅。收費時才告知收費是以每個計，兩個就要合共$100。另外，又指切餅費屬於小費，所以沒有顯示在電腦單內和指定要付現金。餐廳方面應該要詳細列明在餐牌上以避免爭拗。朋友們就此有點不滿，略為破壞了生日宴氣氛。…查看更多

當大家受韓劇「來自星星的你」影響而瘋擁吃炸雞，我卻受另一韓劇「一超用餐吧」影響而心癢癢常想著吃韓國料理。今次帶同嗜辣的弟弟，為久仰大名的部隊鍋而來。前菜：今次有大豆芽、泡菜、薯仔。一貫的好味。部隊鍋：有午餐肉、香腸、大量蔥和菜、年糕、和韓國即食麵。叫了少辣，感覺有點失真，勸大家吃韓國菜最低限度還是點中辣比較好。弟弟很欣賞湯底；我可能受了即食麵影響，覺得像辛辣麵的味粉湯。這個鍋，試吃過就算是了個心願，250圓吃一個2人份量的餐腸年糕麵，不值得。辣海鮮炒年糕：又是因為點了少辣而累事，加上部隊鍋裏面已經有年糕，應該叫個海鮮蔥餅較合理。剩下四分一，有點浪費。…查看更多

和無聊人的定期飯局，今次選了西環坤記煲仔飯。算一算，差不多快10年沒有光顧。只因長途跋涉，以往真不情願老遠由港島東過來，但隨著西環的發展，上年新加了18X快線巴士，又再次引領了我來跨區尋美食。招牌豬骨煲 $148 (附青菜一碟)：當大家都衝著它的煲仔飯而來，我們的著眼點卻是豬骨煲。湯底是濃郁乳白色的豬骨湯，內有豬桶骨、雞腳、大量拍碎的黑胡椒粒、蘿蔔、香芹、甜粟米、炸支竹及馬蹄。附上一小碟用來醮食材吃的辣椒豉油，基本上食材都已夠味用不著醮豉油。蘿蔔煮得很軟很入味；炸支竹份量好像比以前少了。豬桶骨除了可以咬骨頭外的肉和軟骨吃，可別忘了吸啜骨髓。雞腳柔軟易吃，不會過硬或過爛。湯的胡椒味濃，充滿骨香，豬骨和雞腳的骨膠原都溶到湯裏，喝起來心窩暖暖的很滿足。附上的是西洋菜，還未滾菜已經喝去大半煲湯，不打緊，可以添湯的，不另收費。豉椒炒蜆 $50：炒得很夠鑊氣，豉椒醬汁很夠味，蜆雖不是很大但蜆肉尚算肥美，味道鮮甜。份量很多，絕不欺場，不像坊間很多店的就是蜆肉太細小或是大部份只得空殼。薑蔥生蠔煲 $90：剛好看到從廚房送出來給其他客人，忍不住自己也要了一份。生蠔很肥大肉厚，大概有8至9 隻。香氣四溢，生蠔好味道之餘，沾滿醬汁的香蔥也不要錯過。白鱔煲仔飯 $75：附有一小碗用生抽和老抽調過的煲仔飯豉油，用來淋上攪拌後食用。這豉油雖然看起來黑黑稠稠的，但味道不會死咸。建議先淋一半，攪拌完飯後才根據個人喜好添加。以$75價錢來說白鱔份量算是多了，鱔肉很滑；每粒飯都煲得剛剛好，有米香。喜愛飯焦的朋友可別心急，先等瓦煲涼一點才挖，很容易一下子就可以整片起出來啊～…查看更多

朋友C君生日說想吃燒肉；另一朋友I君推介雷橋，還吩咐說經常有做團購，團購價食物和正價沒什麼分別，所以一定要買團購以免吃貴了。團購劵是買人頭票方式，我們一行7人就要打印出7張票，店方還千吩咐萬吩咐一定要帶列印票... 真不環保啊~店在鎖上大門的商業大廈內，之前有食評提過要按密碼才可進入，其實在每個時段的開始時間，店方會有工作人員在大門外為你按密碼，其餘時間才可能需要自己按。但為大廈保安計，一般店方都不太願意提供密碼。注意升降機真的超細，大概只可載4至5個標準身型成人。離開時，走後樓梯還比較快。我們訂了8時，朋友7時45分到，已經有客人在排隊。但店方要等到正8時才開始放客人入內，當安排好我們坐下時，已經用上了差不多10分鐘。限時放題只有兩小時而且還是要花時間的燒肉，這樣遲才能安排入座對客人來說有點不公平。店內的裝飾很有日本風，座位還可以，沒有壓迫感。食物種類也蠻多，但很奇怪地在選擇紙上，有某些食物重覆了，而且數量選擇只有1-4人份，我們有7個人，因為超過4所以摸不著頭腦應該怎樣填寫。後來問店員，叫我們直接把數量寫在食物名稱旁。四位兌換送「頂級黑安格斯牛胸腹」一客。第一碟就先來這牛胸腹，是漂亮的雪花肉，實在太吸引了~　我未趕及拍照大家已放上爐上燒，一下子吃光了。團購優惠會送每位一隻7吋巨型南海虎蝦(或帆立貝)及Häagen-Dazs雪糕。蝦和帆立貝都是大大的一隻，肉質爽甜，超讚！雪糕如果選雲呢拿味會是原裝紙杯，選綠茶味會是碟上一球，若打算帶走就最好別選綠茶味。喜歡這裡的燒物沒有下太多醃料，因為只有好食材才會夠膽讓你原汁原味吃。和牛類：牛肉選擇多，牛味香濃，當中以牛舌根肉和牛肋肉最好吃。黑豚類：豬肉也有好幾款，但不及牛肉吸引。黑草羊類：羊架也不錯，肉質鮮有羊味但不會過膻。其他值得吃的食物，燒物方面有雞翼、墨魚咀、沖繩蟶子；另外已烹調食物方面有雞翼，沙律、炸廣島蠔、芝士球也很好。刺身和壽司方面只是一般。每位包一汽水，另加 $25 可享任飲汽水、果汁或紅酒（整檯客人須一同惠顧此優惠）。因C君生日，當然我們大家都來要個紅酒來賀一賀壽星女。…查看更多

午市時間各處食店都擠滿人，等位至少20分鐘以上，我寧可買外賣回公司吃。見這家新開的四川米線，門外貼上不少剪報，舖裡面又坐無虛席，今天一於試試這家。先看一看菜單，是像車仔麵的點餸方式，選擇蠻多而且有些頗特別。有分麻辣和酸辣，辣度由大辣，中辣到小辣，小辣當中還有十級的選擇，建議初試辣度5小辣。其實有點質疑廚師真的可以把握每個辣度嗎？最後依建議，選了5小辣，要酸辣，餸料要牛丸、墨丸和木耳。牛丸墨丸木耳酸辣米線：份量不少，牛丸和墨丸各有４粒，大大粒很爽口，不錯。米線很滑而且帶韌度。可是湯出想像中辣很多，下次要降吃2、3級小辣好了。蠔油菜心：份量很多，但整條上沒有一開為二，吃得比較麻煩。…查看更多

去過八雲拉麵很多次，但都只限午餐，因為午市有套餐包括拉麵加小食及玻璃樽支裝汽水，才賣個七、八十圓，很相宜。下單後，店員會向開放式廚房的廚師用日語傳達，但我想這只是為求仿傚日本料理吧，因為我經常聽見廚師用廣東話和店員交談。其實是不是日籍廚師也不重要，味道好就行了。白烚蛋：每枱提供免費烚蛋，在等食物的時候可以先吃一兩個充饑。雖然不知道蛋的產地來源，但我姐姐說這些蛋不是下等貨。還說街市賣蛋的店主告訴她，吃蛋不可以貪大，愈細小的才愈有蛋香。這是主婦的智慧，我才不管那麼多，人家免費給你，還想要高檔貨嗎？雜錦拉麵：有叉燒、豬軟骨、半熟蛋、海帶、粟米及筍。湯底有三款: 鹽味、醬油和麵豉。如果沒有說明的話就會用上鹽味。另外還可以選淡或濃味，不過張貼在高處，很多人沒有留意這選擇。湯底是很濃的豬骨湯，但又不會像在日本吃到的那麼咸。拉麵夠彈牙；配料都好吃，只嫌那叉燒太瘦了。海鮮拉麵：我姐姐每一次來都只會吃這一款，喜歡它比較清淡和多菜。招牌牛油拉麵：我不太欣賞。覺得那片牛油只是多此一舉，不覺得加進湯裡有什麼特別吸引的變化。燒雞翼：燒得皮脆肉滑，我們點套餐時必選之小食。煎餃子：煎得不夠脆底，餡內有很多菜，吃起來很爽口不油膩。…查看更多

姐姐說未吃過韓國料理，我馬上想到帶她來阿利水。以前在華蘭路上班，經常和同事來午餐。去年四月公司搬了，現在事隔10個月才再次光顧，但今次是第一次在此吃晚餐。位置於橫街兼高處，所以一般路過亦不容易注意到。附近多寫字樓，午餐很旺場，但相反晚上很冷清。老闆和廚師都是韓國人，初開業時老闆有時會坐鎮，現在守在尖沙咀店的時間比較多。食物很地道，今晚也看到有韓國人光顧。前菜：下單後就會免費供應前菜，每人一套三小碟，無論午餐或晚餐皆是。如果點飯，還會送上免費海帶湯。前菜款式經常會改，所以每次來都會期待可以吃到什麼前菜呢？今天的是泡菜、大豆芽、醃青瓜。大豆芽很香麻油味，姐姐最喜歡吃，我把我的一份也給了她。醃青瓜很爽脆，不太酸。泡菜最為好吃，酸度和辣度都剛剛好。辣海鮮炒年糕：姐姐不太吃辣，要了小辣。上碟後吃了一口，看到有點不對勁… 用筷子翻來翻去為什麼沒有海鮮？原來廚師搞錯了。上海炒年糕我一向喜歡，但吃過這裡的韓國年糕簡直愛上了！年糕入口煙煙韌韌的，加上用傳統韓國辣椒醬炒，啖啖惹味，吃得過癮。海鮮不少，有蜆肉、青口、章魚、蝦仁；菜的份量也多。可能廚師加回海鮮後卻又忘記了少辣。之前錯的那碟我吃了一口，辣度是小的。但這碟加海鮮後，辣度也增加了。我嗜辣還可以接受，姐姐就辣得在叫救命。人參雞湯：有紅棗、半條人參、雞肚裡塞有糯米、栗子。雞湯味濃帶點酒香，喝後感到很暖身，但人參味偏淡。雞肉沒有什麼味道，要沾醬吃。雖然沒有想像中的重人參味，但也屬於好味。海鮮蔥餅：其實已經飽，但見其他客人都點蔥餅，而且餅身不厚，所以我們也追加了一個。海鮮配料跟以上提及的海鮮炒年糕差不多。餅很乾身不會太油膩，餅漿開得好，不會很粉亦不會太稀，而且很香蔥味。用鐵板上熱騰騰的，圍邊煎得香脆，沾醬後更好吃。即使我們已經飽，但因為很好吃所以三兩下就把它幹掉。…查看更多

小妹12月牛一，但姊妹們各有各忙最後延遲到1月才能齊人吃飯。見天氣寒冷，值機會去一直好想試的小肥牛火鍋活魚專門店。枝竹海皇巨魚頭鍋：這個湯底濃而不膩，不錯的選擇。但我們只顧著吃其他，最後魚頭肉都給滾個稀爛，沒法吃到。美國雪花肥牛：現在牛肉價格上漲了很多，這肥牛雖然不是佈滿雪花，但味道還可以。牛立方體(沒有拍照)：如先前另一食評所言，可以不試。中間難熟之餘，過韌很難咬，難消化。18歲脆鯇腩：可愛的名字；很新鮮亦夠爽，好此物者不容錯過。鮮四寶丸：全部都爽口彈牙，可惜數量太少。招牌御黃喉：非常爽脆，必吃之選。金菇、本菇、皇帝菜：很乾淨新鮮，吃菜這就是重點啦。芋絲、炸支竹：最近在另一著名火鍋店吃到很差的芋絲，兩端都有部份乾得像未浸泡的粉絲。這碟飽滿有光澤的才是正常嘛。吃火鍋我必吃炸支竹，可以吸收湯的精華，讚！…查看更多