jackkuisu的个人专页

一陣Souffle pancake龍捲風襲港!Pancake有好多種類,有d就由細食到大熱香餅pancake,有d就加入少量麵粉煎或焗到鬆鬆地, 而今日呢種就無麵粉, 食空氣feel嘅~就好似食焗梳乎厘咁, 不過係煎嘅~試食報告:原味梳乎厘: 攞上手係震震嘅, 一份兩塊, 上面唧左甜忌廉, 有楓糖漿,盛惠$29蚊。非常有蛋香,質感係輕輕身,1個人ko兩件絕對係無問題,如果要share食就反而半天吊啦, 因為味道配搭恰道好處, 唔太甜, 係每日一雞蛋嘅好選擇。(奇怪其他食評話佢唔夠蛋香)以29蚊黎講, 一定係無得輸, 所以每日大排長籠。今日繁忙時段我等左30分鐘, 都唔係網上d人講到咁嚇人嗜。店員提你唔好去咁遠, 佢地會叫單號, 你喺度就將新鮮出爐食物即刻俾你。呢一點我好受, 29蚊咋, 都咁有heart, 肯定旺角任何一間掃街都做唔到。29蚊咋, 想點呢?個人覺得做得好味有質感, 同日本大排長籠果間無咩分別。下次再試自選口味…查看更多

9點鐘收工韓國街已經鳥無人煙........本來想食韓燒,但見幾間都無人食緊野,費事阻住人收工啦全條街最光猛就係呢間,黎個快食韓餐先!前菜免費的豆腐海鮮湯,以快餐黎講味道可以的,都係d辣味咁。好多豆腐,裡面嘅海鮮係好袖珍嘅,差d搵唔到鐵板LA牛肋骨,底下d洋蔥炒得幾香,但肉就太熟啦,無咩肉味海鮮蔥煎餅,粉漿煎嘅餅,蔥唔太熟,啖啖粉餅口感,食完一定夠哂滯。明明係去食韓國野,兩個店員係咁以普通話大大聲吹水,完全幻想唔到自己食緊韓國餐算啦!快餐,食完返屋企早抖!…查看更多

只能說,差得好全面!入得呢類茶餐廳當然係唔可以帶有要求去啦,幾十蚊你想點?!但唔可以差成咁咯!自選美式早餐:雞扒,薯餅,雞蛋,另加錢叫牛油厚多士。黎到攞起多士食,又凍,塊包又死實實,d牛油少得可憐。雞扒本身已經咸到爆,加埋d汁仲攞命,咸到食唔到。薯餅煎到中間爛埋痴番一堆出黎,又油! 雞蛋是凍的!熱香餅又係凍嘅!完全係伏到無朋友! 早知聽隔離果話講,去食麥xx,至少d野係熱先!服務差已經預左,差得咁全面真係好少有!…查看更多

家姐過幾日返英國,媽媽話要食好d,話佢食過幾次,我地一定會鐘意。海膽吞拿魚腩米餅,非常鮮甜海膽,睇得又食得!鮑魚,好入味,個汁好味之餘又唔太濃,都幾大隻。大閘蟹南瓜蓉,個樣幾靚,我最鐘意佢啖啖肉,蟹肉好鮮味,蟹粉又好香!大閘蟹蟹肉豆羹,又係鮮甜蟹肉,可以再回味多次,完美!黑松露天使麵,另外加錢叫,媽咪話一定要再食!係冷麵黎,面頭d黑松露碎好香,麵夠滑。亞熱帶泡泡,好得意嘅味道!主菜北海道黑毛豬,忘記影相!牛扒羊架3款主菜都好味!豬係我最鐘意,惹味!羊就排第二,味道好特別,肉好嫩。牛扒好夠香味,牛味好重!甜品叫薑汁 奶, 中間果球意大利雪糕好滑好香!白色一塊塊果d係薑味脆蛋白片,雪糕上面有塊脆薑片,味道好突出,好味!全晚食得好開心,媽咪果然無介紹錯!唯獨係隔離枱有幾位客人係咁黑口黑面鬧d服務員,上左菜先話自己唔食得呢樣果樣,全間餐廳食客都俾你影響哂一時又鬧樽裝水點解要收錢,一時又鬧點解要俾切餅費,其實人地餐牌都寫明啦,d服務員食哂死貓真可憐。又唔知嘈住哂會影響其他人食飯…查看更多

最近泰王過左身,泰國好似翻天咁,為左支持泰國,去食泰國野。見呢間都坐滿人,都應該唔會差,等左20分鐘有位。鹽燒鰂魚,呢條魚平平無奇,唔知燒得好唔好食呢?!?迷底解開!到打開已經漂出一陣香草味,魚肉肉汁算多,好滑,一d鞋口都無,好好食!炒椰菜苗,個汁香口,不過不失。咸檸7,預期較果,工廠製作唔會有味道分別啦。炸蝦餅,外脆肉彈牙!酸辣鳳爪,辣味剛剛好,唔會辣到要狂飲汽水。辣之餘又食到其他蔬菜味道,好新鮮。老闆娘親自serve客,細細間,但好有泰國地道食野感覺…查看更多

睇到食評介紹來的.呢度室內得十幾個位，戶外都有十零個位,枱都幾細張，枱與枱之間都幾迫。一心想訂生日晚飯，但夜晚full哂，唯有下午開始食。訂位時講左係食生日lunch，問有無限時，店員話無，去到店員話2點要交枱...又話無限時?佢當時想唔俾我入座,我食都未食,又專登黎到,我咪唯有盡快食咯店員推介10蚊即開法國生蠔，叫左1打，入口好夠凍，質感爽口，可惜大細不一，有d細到好似蠔豉咁，不過10蚊就預左水牛芝士蕃茄pizza，好多芝士，pizza底夠薄，邊夠香脆，但芝士唔香無味的，有d浪費左功夫！得個樣要自己加鹽加黑胡椒再調味食完全係受氣加掃興唯有轉移陣地,去第二度再食!…查看更多