chungkixoxo的个人专页

平日6pm左右黎食，唔使等位，叫左牛骨湯面套餐（跟一隻餃子，雖然係話combo set但無包飲品的）落單之後唔夠3分鐘餃子就送到，都幾大隻，都幾好食，不過就唔熱的。對於我食開10小辣程度嘅人黎講，泡菜餃子會覺得有少少辣。牛骨湯面個湯都幾淡，可以講無乜味，但裡面嘅牛肉份量都ok…份量方面，因為佢有跟埋細細一碗飯，所以一個成年男人都應該食得夠飽！總結：以性價比同味道黎講，中規中矩啦！如果下次再黎食，應該會試下其他湯。…查看更多

叫左杯富士蘋果蜜紅茶(少糖) $28睇佢官方圖片好似好多蘋果粒粒幾吸引（由於冇影相，所以大家可以自行搜尋官方圖片）但實際上嘅蘋果粒粒連杯底表面的薄薄一層都覆蓋唔到..可想而知有幾少…味道上亦冇乜特別，就係同日常會見到嘅某款紙包飲品大同小異..…查看更多

上網見到好多食評，都話係平靚正嘅泰菜，咁啱去開尖沙咀，於是去試下。環境方面，係會有staff行過嚟幫你落單，同一般餐廳差唔多格局嘅foodcourt。食物方面，今次試咗兩款主食：1.泰式燒豬頸肉飯豬頸肉並無餐牌相中咁靚仔，反而係切到全部碎濕濕，望落似係切頭頭尾尾嘅位置，份量亦唔多。撇開賣相唔講，味道屬正常發揮。2.手打青咖喱飯（雞肉）一上枱見到碗青咖喱好似成碗湯咁已經覺得有啲伏咖喱太水太稀，雞肉份量亦好少，大概有7成都係菜。自問食嘢唔高要求，但依個飯真係唔合格。總結：並唔係網上所見到大家講嘅平靚正，老實講即使差唔多價錢，泰國菜出面都仲可以有好多選擇。如果大家想搵個地方食下野hea坐下，依個foodcourt環境都ok，不過如果我下次再去，就可能會選擇試下裡面仲有其他餐廳🫠…查看更多