happyfoodforlife的个人专页

依幾個星期經過依條街都發現有間疑似賣小食既鋪頭開左，但都無時間研究便匆匆經過。今日朋友話想試一下，先知道原來有賣依加最興既梳乎里pancake!原味pancake $28, 天氣太熱另加$10要左雲里拿雪糕。第一次食fluffy cake, 佢唔會好似大家成日講既「好似食左空氣咁」，佢係fluffy中有少許紮實既內涵，再加上雲里拿雪糕👍🏻👍🏻食完好滿足三個人食野二個未食晏，叫多過朱古力窩夫。一份兩件，因為即叫即整，外面脆口，唔會太硬，蛋香味重。不過略覺朱古力sauce太甜，可以落少d。整體黎講，梳乎里pancake我會推薦比朋友試，下次經過食完飯都可以試下雖然鋪頭細細，無堂食位只係做外賣，對住門口佢都放左d櫈俾大家坐，值得一讚…查看更多

同同事慶祝，近近地就去左新太陽既千両。叫左個最平既定食，但已經好好食沙律草同蕃茄好新鮮好fresh多汁，加埋d酸酸地既汁好好味。牛肉薯餅同事推薦好食，食落去係熱既，即炸好香口，出面層粉整得薄👍。烏冬彈牙，個湯應該係木魚湯，清清地每次都會飲晒。壽司新鮮，元氣個d無得比。已經食左幾次，會再去！…查看更多

AE卡有promotion,只需要$1就可以飲一杯咖啡。因為想拎住飲，為左方便就簡左凍既rose latte一飲落去就有好香既玫瑰味隻玫瑰味無搶左咖啡味，飲到最尾都仲有👍下次有機會要試下熱既！…查看更多

係灣仔hea其實有好多地方，平時最鐘意去passion坐下睇下書，今次轉下場，openrice下就發現左另一個好去處。環境好舒服好悠閒，落地玻璃，感覺開揚。叫左杯Flat White，個花拉得幾靚。咖啡我唔係好識品評，不過飲落口幾香。就咁叫杯野，睇下書，咁就spend左一個悠閒既下午。…查看更多

與友人餐後決定食個甜品，去左平一直好想食既御前上茶食抹茶雪糕。叫左個抹茶聖代，睇落去好似好大杯，但轉過頭就食完。雪糕抹茶味夠濃，但冰感略多，唔夠rich,，好快就浴。雪糕加埋d紅豆同脆米令口感更有層次，最底仲有d豆腐，加埋一齊食個感覺都幾match幾得意。相對via toyko黎講依個既比較少，亦溶得比較快，但價錢就同via tokyo差唔多。俾我簡我會食返via Tokyo，食過一次未必會再食依間lu。…查看更多

大家都知係尖沙咀食lunch好多地方都比較貴，丸亀製面我一直覺得又抵食又好味，間唔中都要食一次，今日諗唔去食咩，所以決定食我次次都食既冷烏冬點知原來佢地出左兩樣新野，就係牛肉麻醬拌烏冬($39)同蕃茄牛肉牛蒡烏冬($43)，依兩樣都有d似自家烏冬。最後我簡左拌烏冬，同事就試蕃茄。可能平時係自家烏冬食開既拌麻醬係溫（偏涼），依個第一啖食落去發覺暖既，同我expected有少少唔同。但都做到平時冷烏冬即彈牙👍個麻醬偏芝麻味重，不過我個人倫好自家烏冬既麻醬多d(無咁麻😛)，牛肉都多，overall都唔差，份量望落去好似好少，但食到尾就已經好飽。至於同事個蕃茄，一望就好蕃茄，佢話個湯底夠濃，烏冬彈牙。等我下次試下先另外我地仲叫左優惠價$20/2舊既天婦羅，叫左胡麻雞柳同蔬菜。一樣都係只有微暖，個蔬菜凍凍地。不過食落知道如果熱返少少係幾好食，蔬菜偏多洋蔥，所以overall黎講甜甜地，唔鐘意食洋蔥要留意。我諗天婦羅既溫度唔穩定係佢地一個少少既缺點。同埋keep返張單，10日次內再食可以當$5用👍。…查看更多

因為朝早太多野做，搞到晏就要成點半先有得食，諗唔到食乜，同事又趕住食個快飯返公司開會，就近近地去左新港中心既北海道牧場餐廳。其實之前有經過見過依間，大概印象係3.6牛奶炒蛋，今日終於有機會試下喇！過晒lunch hour，好快就有位喇。因為唔太餓既關係，叫左個叉燒套餐，有一塊多士，火腿同炒蛋，再加埋一碗叉燒通粉，另外叫左杯熱檸水($44)，成個餐其實就好似茶餐廳既常餐。當然，上菜速度都好似茶餐廳咁快，但個多士係淋既，炒蛋好實一d都唔滑，食落就知佢依d應該都係一早煮好晒。到個叉燒通，通粉過淋，叉燒一般睇落去唔吸引，而個湯竟然好似味精溝水，最後加鹽加胡椒粉先勉強食到。同事叫左個漢堡扒咖哩($59)，試左少少漢堡扒，好乾無咩汁，唯獨咖哩汁係食咁多入面比較入到口同幾香。其實$44落下面food court可以食d更好味既，以常餐黎講真係算差亦唔值依個價錢，依間野真係無下次！…查看更多

因為工作既關係，今日同同事係荃灣依邊食飯。做左半日野，出面又落雨濕濕，決定搵個地方坐得舒服可以慢慢、慢慢傾，於是簡左去好耐都無依過既Euro Go Go。入到去正值lunch hour，望落去已經係全full無法，正打算轉去另一間餐廳，職員好快就問我地幾多位，然後就好快幫我地搬左個二人位俾我地。抵讚！簡左個蘑菇肉醬意粉($43)，加左$6要沙律同百事可樂，然後就拎個牌等食喇！同同事傾一陣計，沙律同可樂好快就黎左。沙律菜同車厘茄好新鮮，有ｄ面包粒，加埋ｄ酸酸地既沙律汁幾開胃。食完個沙律菜，好快手連意粉都黎埋，係我最鐘意既肉醬意粉！食完覺得份量岩岩好，肉醬係多過意粉既，個汁偏酸，肉醬入面既肉碎幾多亦大粒，無乜肥肉，有好多紅蘿蔔粒，感覺上無咁肥（自已呃自己haha），食完好滿足…查看更多

自第一間一蘭開左之後, 一直都好想搵機會食一次。但奈何等候人數多,而且好少過港島, 一直都無願一試。咁岩今日約左朋友去書展, 佢又未食過, 就決定係熱潮過後一於試一試!職員安排我地係入面排隊, 目測當時有20-30人, 一路等一路填食乜, 好快只係等左20分鐘說已經坐低等食!由於第一次食, 所以濃度同油膩度都跟左佢SUGGEST既普通, 要左1/2香蒜同祕製醬汁, 而面就簡左我鐘意既硬, 另外就加左隻半熟蛋。落左ORDER之後好快就黎到, 因為太鐘意食半熟蛋, 一黎到見到隻蛋就忍唔住食左先,入面流心既,正!然後飲左一啖湯試一試, 豬骨味幾濃幾香, 同埋d面一齊食, 面質硬度亦岩岩好, 而sliced pork就肥瘦適中好快就食晒成個面, 其實個量對我黎講岩岩好(男仔食一定唔夠), 想飲埋d湯飽d, 但個湯就咁飲略咸, 真係飲唔到落底..overall黎講算唔錯, 但埋單$103, 個拉面要$89, 覺得有少少over-priced。…查看更多