siksik.foodies的个人专页

今日難得早收工，約左老公落荃灣到食一間實力派西餐廳。餐廳入面氣氛做得好有格調，環境乾淨企理👍員工服務態度好又細心我地就叫左一份咸豬手，一份比目魚菠菜忌廉汁繪天使麵，重有當然唔小得甜品。🍧主菜嚟之前會有自己家製超鬆軟麵包🥖再搽上佢地自製黑松露牛油一齊食，真係超超超超夾，好想再叫多份自己食曬佢。😆之後佢嘅餐湯都係心機之作，又係自家製，是日餐湯係薯蓉忌廉湯。口感滑溜，有濃郁薯仔味，配埋麵包食一流。比目魚菠菜忌廉汁繪天使麵比目魚有兩大嚿，煎到香脆可口重好嫩滑，肉質一啲都唔乾，天使麵軟硬度煮到岩岩好伴埋菠菜忌廉汁，食完都唔會好漏，好快比我地清曬一碟🤤咸豬手配酸椰菜咸豬手好大隻，擺盤好靚，好吸精😍店員重好細心會比你打埋卡之後先再切。豬手食落啖啖肉，外皮整到好脆再配自家製酸椰菜，酸椰菜整得岩岩好，唔會太酸，我地一口接一口，食到好飽😋誠意推介Apple Crumble 一上到枱已經聞到勁香玉桂蘋果味，呢個都係佢地自家製，玉桂味同甜度都岩岩好，蘋果肉粒粒分明，食落重有啲口感，重要熱辣辣配埋雲呢拿雪糕咁食，真係絕配🤤下次想上試埋心太軟😍…查看更多

今日難得早收工，約左老公落荃灣到食一間實力派西餐廳。餐廳入面氣氛做得好有格調，環境乾淨企理👍員工服務態度好又細心我地就叫左一份咸豬手，一份比目魚菠菜忌廉汁繪天使麵，重有當然唔小得甜品。🍧主菜嚟之前會有自己家製超鬆軟麵包🥖再搽上佢地自製黑松露牛油一齊食，真係超超超超夾，好想再叫多份自己食曬佢。😆之後佢嘅餐湯都係心機之作，又係自家製，是日餐湯係薯蓉忌廉湯。口感滑溜，有濃郁薯仔味，配埋麵包食一流。比目魚菠菜忌廉汁繪天使麵比目魚有兩大嚿，煎到香脆可口重好嫩滑，肉質一啲都唔乾，天使麵軟硬度煮到岩岩好伴埋菠菜忌廉汁，食完都唔會好漏，好快比我地清曬一碟🤤咸豬手配酸椰菜咸豬手好大隻，擺盤好靚，好吸精😍店員重好細心會比你打埋卡之後先再切。豬手食落啖啖肉，外皮整到好脆再配自家製酸椰菜，酸椰菜整得岩岩好，唔會太酸，我地一口接一口，食到好飽😋誠意推介Apple Crumble 一上到枱已經聞到勁香玉桂蘋果味，呢個都係佢地自家製，玉桂味同甜度都岩岩好，蘋果肉粒粒分明，食落重有啲口感，重要熱辣辣配埋雲呢拿雪糕咁食，真係絕配🤤下次想上試埋心太軟😍…查看更多

最近放工經開元朗，想食個簡單嘅晚飯，結果揀咗呢一間米線舖試吓。蝦滑酸湯米線首先湯底係好開胃嘅酸湯，呢間舖頭嘅米線係比較幼身爽口，冇配搭芽菜食都唔會腍啤啤。而且蝦滑一啲都唔粉，係明顯有鮮蝦喺度。配菜方面有海帶、韭菜，比起大部份米線舖有特色，而且係相當討好嘅配搭。加多塊蘭花干嗦汁醒胃。冒烤鴨米線呢一碗嘅湯底多少少麻辣系列嘅辛香料味道，少一點酸味。烤鴨肉質唔錯，皮香肉唔韌。加埋豬大腸非常之彈滑有口感，絕對唔似係雪藏到實晒嗰啲變形豬大腸。值得一提嘅係呢度嘅米線用金屬鍋上菜， keep住食都係熱辣辣，勁想飲晒個湯佢。鍋巴土豆想叫小食點知有驚喜，呢個土豆落咗好正嘅調味再去烤，表面焦糖化，甜辣嘅味道加上薯仔嘅口感超好食。芝心雞扒炸得非常靚，但又唔覺得非常熱氣。見過有類似嘅小食係用火腿或者其他肉扮雞扒，但呢款係真係雞扒肉夾住流心芝士。食嘅時候要小心啲，因為入面真係好多芝士，要保持儀態一啲都唔容易。…查看更多

放工諗住今晚食啲惹味啲嘅嘢，即刻諗起呢一間性價比超高嘅雞煲。晚市雞煲任食一埋位當然係揀食咩煲，雖然有其他選擇，但係都係想食返佢嘅原味雞煲。雞煲一嚟到係冇湯嘅，因為醬爆麻辣雞煲呢個主角非常惹味！而且重點係可以無限次加雞！所以大家可以決定添幾多次雞煲嘅雞，再決定最尾落湯轉為打邊爐。食到辣嘅朋友建議可以試吓中辣以上，因為好似辣度越高，醬香越濃！飲品食辣嘢梗係要有嘢飲任飲！呢間舖頭唔單止有基本嘅汽水可以自己攞，仲可以無限order茶餐廳飲品：奶茶、檸茶之類。同啲friend嚟無論鍾意飲咩都實有一款啱佢！打邊爐配料款式都唔少，有啲得意嘅配料，例如OPPA魚板。食夠雞煲之後，落湯轉打邊爐，食吓菜試吓啲配料，飽到攬住個肚先走！…查看更多

好耐無食大排檔，身為元朗人緊係要去啲夠曬地到嘢食先得，最後我地就去試下呢間多多雞大排檔😆 $198招牌即燒炭火靚雞😍好震撼嘅招牌菜式！原隻燒雞垂直掛起喺你面前上菜！有鉸剪手套俾你自己拆亦可以打完卡叫店員搵師傅切自己嚟的話小心辣手一拆雞髀落嚟已經feel到好juicy😋食落喺皮脆肉嫩！鹹度適中建議趁熱食咗先！‼️（由於即叫即燒，要預30分鐘先上枱）$88上湯時蔬試試基本菜餚嘅手勢上湯嘅調味不錯菜唔會鞋口唔會太油$158啖啖肉黃鱔煲煲仔上非常香非常惹味黃鱔肉彈牙入味口感好好感受到個鑊氣！👍🏻$158牛舌芯啫煲牛舌愛好者狂喜！牛舌切法獨到採用兩層薄片唔洗擔心唔熟有腥味卻有咬口食落唔覺太薄！同樣好有鑊氣調味葱蒜都想食埋！$15絲苗白米因為餸菜非常惹味所以十分建議點個白飯😌食到我地兩個好滿足🤤下次可以約埋三五知己一齊食，店舖重開到零晨4:00，岩曬深夜想食宵夜朋友仔👍🏻多多雞大排檔 (元朗)📍元朗又新街37-51號富祐閣地下14號舖（港鐵元朗站A出口，步行約10分鐘）…查看更多

去到間店舖果陣我同朋友已經心心眼😍係元朗難得有一間環境清幽又可以飲咖啡店真係好少見到，除左環境加分，最期待係食物同咖啡😆🤤🔴巴馬火腿簿餅 $128Pizza 一上枱賣相已經好吸睛同埋已經聞到好香薄餅味😋pizza 夠熱，餅底整得好簿身同側邊位都焗到好香口，味道好豐富而且好足料，色香味俱全🤤🤤👍🏻👍🏻🔴黑松露野菌忌廉湯 $35黑松露忌廉湯整得好creamy ，湯面重有黑松露醬點綴，但黑松露醬一啲都唔孤寒，飲落唔會稀*了了*，重有一塊脆身麵包🥖可以一邊浸湯一邊食，真係好正🤤我朋友就叫左南瓜湯🎃同樣一樣做得出色，一啲都唔馬虎😌🔴迷你手打漢堡配薯條🍟 $78呢個手打牛肉漢堡係我最期待，但一樣無令我失望，包皮做到脆身，手打牛肉比我地想像中大份而且一切開已經好多肉汁慢慢流出黎，一啖接一啖停唔到口😍😆夾埋新鮮青瓜同蕃茄一齊食，一啲都唔漏🤤🤤薯條亦炸到好脆身，唔係只係得炸粉，係食到有薯蓉係入面，我同朋友忍唔住搶住黎食🤭🔴咖啡睇黎都係佢地主打☕️ 凍焦糖牛奶咖啡 $48 手沖咖啡 $90焦糖牛奶咖啡賣相整得好有心機，味道香濃同甜度調到岩岩好，正中我喜好😍我一定會encore 👍🏻我朋友叫左手沖咖啡店員介紹熱飲果陣會飲到梅味，酒味攤凍左果陣飲會有黑朱古力同桂花味喜愛飲咖啡朋友又鍾意特別啲可以值得一試☕️📍幸福森森咖啡館 元朗新田下新圍村福興里23號…查看更多

之前放工經過呢間餐廳已經好想試，今日同朋友經開長沙灣附近，就試下啦😆一入到門口就好似去左旅行咁，餐廳設計左唔同打卡位，所以未食野已經相機食飽🤣我地去到門口，已經有服務員為我地安排位置同時好細心同我地介紹餐牌，服務態度非常好👍🏻🔴鳥籠拼盤（$328）我地叫左鳥籠拼盤Tea set ,賣相已經好吸睛😍隔離枱見到都忍唔住不停望👍🏻再配送埋兩杯伯爵茶☕️鳥籠分上下層，上層係甜點，下層係鹹點我地首先試鹹點先，分別有：巴馬火腿芝士竹炭多士大蝦魚子牛油果tart 酥脆沙律醬炸蝦🍤鹹點每一樣都做得好到位，竹炭多士脆口，大蝦彈牙，炸蝦都唔會太多粉漿，每一款味道都岩岩好🤤之後到上層甜點，呢個我好期待😋分別有：提拉米蘇 馬卡龍牛油曲奇🍪開心果味Oreo餅底蛋糕 草莓mousse cake🍓Lemon tart🍋甜點都無令我失望😌，提拉米蘇好creamy,馬卡龍甜而不膩，曲奇酥脆，開心果味Oreo 蛋糕有驚喜，草莓味mousse cake 同lemon tart 酸酸甜甜，食到好滿足😎 🔴粗薯條配松露蛋黃醬（$42）本身都係薯條愛好者，所以見餐牌有粗薯條🍟必叫粗薯條炸到熱辣辣咁上枱，脆卜卜，外脆內軟，表面上有黑松露粉配埋松露蛋黃醬，好濃郁，無得彈😋下次一定再叫👍🏻👍🏻🏠 Boholic📍 長沙灣福華街561號君凱豪庭地舖及1樓…查看更多

🔴醉美島海鮮鍋($398)本人平時已經勁鍾意❤️食海鮮，見到個鍋一上到枱面已經心心眼😍我地叫左2–4人份量，有得選擇辣度，而我地就叫左小辣🌶️對我地黎講味道岩岩好😋個海鮮鍋好豐富，有我最鍾意嘅肉蟹、蝦🦐、鮑魚、花甲，魷魚鬚🦑，重有粟米、薯仔、金菇、娃娃菜等等。所有海鮮都好新鮮，食到最尾啲海鮮精華去曬湯底到，我同朋友爭住飲🤣🔴串燒（不同價錢）我地叫左羊腰串，魷魚板串同雞皮平時食串燒最怕燒到好乾，但呢到燒到岩岩好，至於味道食得出老闆都有精心調味過，每款都好好味🤤枱上重有個爐加熱返串燒，唔怕凍左，可以慢慢歎🔴雞泡魚乾🐡($48)味道鮮甜配埋沙律醬一齊食，加埋一杯啤酒真係好正😎🔴特大蒜蓉燒生蠔($38)生蠔好肥美配埋蒜蓉大啖大啖咁食，好滋味，唔夠食，重可以叫半打同朋友share😌🔴飲品百香果沙冰🍧（$32）1664啤酒（$62）叫左杯百香果沙冰，酸酸甜甜，清香解膩😆同朋友一路食一路飲下野，食到好飽👍🏻😋食到最後，老闆重送左張$50coupon 比我地，因為食夠$500，下次同朋友黎就可以用，又抵左😝🏠醉美島📍 元朗鳳攸南街3號好順景大廈地下10號舖…查看更多

今日去開中環，黃昏時分走訪一下山旮旯嘅山路，睇吓奇珍異鋪。遇上一間主打係窩夫嘅西餐廳，想試吓就走入去坐低咗。 一入到餐廳見到位置好闊落環境清幽，而且服務員服務態度好好👍🏻同朋友一齊坐耐左都唔怕趕你走。溫馨提示：服務員係講英文。我同朋友叫左一個set 餐同一個飯Set 餐包括有 是日餐湯，頭盤，主菜，甜品同一杯飲品🔴晚餐-自家刨牛肉漢堡配有皮薯條$278 🍔漢堡嘅麵包皮焗到好脆，麵包質地亦都煙靭有牛油香。牛肉雖然刨到好薄身但有質感，邊位有炭燒香味，本身已經唔會好乾身，有埋清新醬汁伴住口感良好。有皮薯條由原個薯仔切成，雖然知道係用西式香料調味，但食落有種類似用椒鹽調味嘅香口味道。🔴是日餐湯（南瓜湯）🥣食得出真材實料，口感棉密Creamy。🔴炸薯粒 🥔薯粒炸得香口，雖然細細粒，但用匙羹大啖大啖（畢）黎食好香口好過癮。食吓食吓好快食晒XD🔴士多啤梨大黃醬窩夫配自選雪糕🍦🧇上碟已經好吸引，聞到焗香左嘅窩夫味。雪糕我地選擇左朱古力口味🍫窩夫🧇外脆內軟，配埋表面糖霜，其實已經好好食😋再加埋朱古力雪糕同忌廉就更上一層樓，冰火交融，超正，絕對可以再食多份🤤🤤重有佢既自加制草莓🍓醬係用士多啤梨果肉整成，酸酸甜甜令你一啖接一啖，好想繼續食👍🏻👍🏻🔴愛爾蘭百利奶油咖啡$34 ☕️其實留意到晚餐餐牌寫住過濾咖啡係可以無限添飲，但諗到食緊晚餐飲太多咖啡真係唔使瞓，所以就叫咗一杯今餐半價嘅特飲。早餐都有無限添飲安排，如果有機會嚟食早餐真係想試吓。Baileys味道幾出，意外地唔地道西餐廳嘅飲品來講唔係好甜，並非西洋人喜歡嘅甜度，啱晒香港人。🔴三文魚扒南瓜意大利飯$188 🍛首先意大利飯係係有啲硬度，但絕對係香港人接受到嘅程度，而且平時好怕食到一半已經好漏，但佢竟然無，我地食到清曬碟。三文魚扒一啲都唔孤寒，煎到塊魚皮好脆身，表面有調味過，重有啲巴馬臣芝士，魚肉一啲都唔鞋口，重點係一啲都唔腥👍🏻食落口感到滿滿幸福感🔴斑蘭牛奶咖啡$66 ☕️睇到餐牌已經好吸引，所以決定要試下。賣相好靚，有層次，再加埋班蘭葉陪襯，睇到餐廳都有心思味道好特別，加埋咖啡唔會覺得奇怪，反而會有種新鮮感食到最後我同朋友都好滿意😋估唔到呢間餐廳除左晚餐有多款選擇外，早餐set 都相當吸引👀👀重有無限添飲過濾咖啡，岩曬飲咖啡朋友仔😎🔔原來惠顧滿$680可以join佢哋VIP，keep住幫襯儲分可以換嘢飲甚至成碟窩夫。下次多個兩個人一齊嚟實可以申請到，仲有埋生日優惠。同埋佢星期五六係開到凌晨三點，真係啱三五知己黎聚下傾偈飲酒。離開嘅時候發現，中環站嚟呢間餐廳其實都好簡單直接，喺中環街市搵嘉咸街直上，去到荷李活道轉過彎就望到。…查看更多

叫本身想叫佢個鬆餅試下，點知冇曬最後試換左仙草凍。仙草凍好味，有淡淡仙草味，珍珠本身有甜味芋圓亦都夠QQ,成碗都好好味。同時都叫左杯奶蓋四季春，茶飲出色😆個人覺得裝修唔錯，都幾適合打卡。…查看更多

之前已經聽聞呢間1987西餐廳，終於有機會book到呢間西餐廳同屋企人去試下。🔴M5高級澳洲和牛 $1@1g最低消費220g我地決定叫左320g,7成熟肉汁香甜，juicy,唔會乾爭爭，牛肉味足加上有扒燒牛肉面，多左一份碳燒味，食起黎岩岩好😋👍🏻配菜賣相唔算精緻，但豆角絲，紅蘿蔔同薯片嘅味道都做到剛好，而且薯片應係自家出品，刨到一片片再去炸，食落有口感，卜卜脆，確實做得唔錯👍🏻🔴「加拿大」豬鞍扒Size 大概有我一個手掌位咁大✋略厚切，肉質一啲都唔”鞋”,啖啖肉，應該係慢煮方式去做，感受到用心製作。再配埋蘋果蓉醬，點住黎食一啲都唔漏，多左份清新感，而配菜就同上。🔴1987‘ s 海陸空餐包括有半邊法國春雞雞，半邊波士頓龍蝦，牛柳肉咁樣配搭，比選擇困難症人士岩曬🤣樣樣都可以試到。賣相一啲都唔失禮，眼睛👀望落去都夠曬飽肚，個人最鐘意係龍蝦肉，爽口彈牙，肉汁鮮甜。春雞同牛柳肉味道都尚算可以，食得出雞肉有用香料醃製過，牛柳肉都鮮嫩。🔴魚柳配薯條魚柳炸到酥脆肉嫩，炸粉一啲都唔厚身，薯條都一樣炸到脆卜卜，熱辣辣食點埋他他醬真係好正！呢個自私真心推介👍🏻我地叫左三個餐加一份小食，叫餐會配埋是日餐湯或加錢轉龍蝦湯再配埋餐包，最後重有飲品配送埋，真係食到我地每一個都好飽好滿足。食到最後，當然唔少得甜品🍮，我地叫左自家制芝士蛋糕同焦糖燉蛋，下回分解😆🏠1987 Plus(元朗)📍元朗青山公路1號珍珠樓地下7號舖…查看更多

做嘢經開圓方，太多選擇唔知點揀好。睇水牌見到個名咁得意，點知係非常認真講究嘅餐館。🔴天天雙拼飯套餐（海南雞+燒雞） $129首先海南雞咬落去真係同平時啲雪藏肉雞係唔同。雞皮唔肥，雞胸位質地都軟熟，就咁食都好食，再點埋個醬汁真係不得了。仲要個油飯係就咁食都非常好味，調味出色粒粒分明。燒雞個皮好香，肉質一樣嫩滑。原來競逐米芝蓮起碼都要咁嘅貨色。🔴豆花金牌咖啡 +$16就咁個咖啡都已經係唔輸蝕嘅茶餐廳高端味道，加埋豆腐花相當有驚喜，份量亦非常多。🏠 天天海南雞飯 (ELEMENTS圓方) (尖沙咀)📍尖沙咀柯士甸道西1號ELEMENTS圓方水區1樓1050A號舖…查看更多

三個人食叫好多野食整體味道其實一般，不過價錢算幾平。鋪頭招牌係生煎包,諗住會有驚喜，點知平平無奇，包皮食落仲有啲乾身同硬味道普通，對唔住招牌哩個稱號。反而小籠包就幾好味，汁夠多，多到會爆汁值得一試。涼皮都唔錯，夠滑身。…查看更多

日式一人前套餐＄108前菜：味噌湯胡麻冷豆腐刺身：各2切三文魚，油甘魚，北海道帆立貝壽司：各1件，共8件三文魚，玉子，劍魚腩，北寄貝，有頭甜蝦，八爪魚，赤貝，紋甲魷魚刺身尚算新鮮，只係份量就有啲少食完一個餐個肚仲有啲空虛感。帆立貝中間夾住左片檸檬，唔知係咪突登令到個帆立貝有陣檸檬味，個人就覺得麻麻，有啲奇怪。三文魚🍣都算厚切，味道都尚鮮甜蝦就好啲，夠鮮甜。反而冷豆腐就真係幾好食，可能因為係現成野，但真係幾好味😋…查看更多

Lunch time叫左個招牌海南雞set，六十蚊包熱飲。錦田既物價黎講性價比就比較低。份量又唔算太多。海南雞配油飯，不過佢個油飯既椰汁好似就落重手啦，椰味太重。而且啲飯都濕到有啲痴埋一舊舊，口感就麻麻。雞肥瘦適中，味道不錯肉質係嫩口既，雞皮又幾爽口，唔算差最出色係個醬汁，辣辣地又夠味，仲有啲蒜香味，個醬汁真係令個雞既味道上左一個層次配菜真係可以唔洗食，個青瓜真係酸到以為佢落左成枝醋去醃製總括黎講$60都值得試一試…查看更多