肥仔粟的个人专页

因為朋友話好出名同埋食翅係佢今次澳門即興遊嘅其中一項任務，（佢幾年前食過），所以先至30幾度下烈日當空陪佢排隊食，排咗大約半粒鐘，我食完同朋感覺講，老老實實，真係唔值得咁辛苦排隊去食。我哋叫咗一個招牌煲仔細翅同埋一個招牌煲仔大翅埋單MOP195。兩款煲仔翅，啲翅嘅份量其實好少好少，味道又勁重胡椒粉味，我覺得去婚宴擺酒食嗰啲仲好食。其實行前少少都有翅食，下次再去澳門，會試啲唔使排隊嘅，睇下係咪差天共地？…查看更多

4年前誤打誤撞黎咗味一番食晚餐，當時都覺得係好食嘅。4年後因面書彈返當年今日嘅相片出黎，所以決定訂位再食，好開心食物質素冇令大家失望，同我印象中4年前一樣。刺身全部厚切，相比起其他價錢差唔多嘅日本餐廳，我會覺得味一番算係有良心😆自己本身超級無敵鍾意食魷魚刺身（比較黏口嘅質地）味一番完全合我心意🤤今日前後總共叫咗6份🤣中拖羅冇筋，入口即溶，同日本當地食嘅中拖羅比較唔會相差太遠海膽👍🏻👍🏻是晚推介生蠔（唔記得咩名堂）唔係好肥但夠Creamy , 好食熱食推介清酒煮蜆，火候剛剛好，蜆肉唔會韌。串燒推介燒羊架同牛脷。朋友話早兩星期試過串燒沖繩豬，好食，但今日我唔好彩，太多肥膏多筋又韌，失望。最後只食咗兩串就放棄。雜錦天婦羅，正常，唔會有驚喜特別好食是晚4人埋單$5000，有開一支$7Xx嘅清酒。…查看更多

今日同朋友食完晚飯後, 例牌要食返碗糖水, B仔泛后食到悶, 之前見過有間叫"糖坊甜品", 即管試一試. 一行四人, 至靚嗰位叫咗碗熱綠豆沙 (真係估佢唔到 ), 靚女話都幾好食, 因為起沙夠.而圓碌碌本來要杧果黑珍珠, 但落單位Uncle話今日啲杧果麻麻地 (真係老實) , 所以轉咗要蜜瓜, 問圓碌碌好食冇? 佢話好食, 因為佢鍾意食黑珍珠......大隻顏就叫咗鮮什果楊支黑珍珠撈(個名堂好似係咁), 賣相好靚 ! 又足料 !! 生果好多好大舊 (好似唔洗錢咁), 我地覺得如果女仔食又真係大舊得滯, 男仔就會啱啱好而我就要咗個鮮什果三色涼粉撈, 同鮮什果楊支黑珍珠撈一樣, 賣相好靚 ! 又足料 !! 大碗到當飯食都得 可能新開嘅關係, 加上地段唔就腳, 所以幫襯嘅人唔多, 唔使等位, 坐得都幾舒服, 一定會再幫襯試吓其他甜品同小食. …查看更多