Yywwendy的个人专页

呢間屬於隱世既深水埗既牛扒，平時中午人比較多，下午6點放工黎就唔使排隊。朋友食過和牛大推，今次我同先生就試左 西冷牛扒同肉眼扒。 每個套餐包新鮮沙律菜 + 湯 + 扒 (100g) + 飲品。 百零蚊，真材實料，即上即燒，抵！牛扒上既時候真係表面熱左，入面仲係紅色，自己燒到岩岩好就食得，石板好夠熱，仲有自家mustard 芥末醬岩晒我口味。老闆話如果石板唔夠熱既話，可以同佢講換過一塊，好細心。塊牛食落係正既，無筋，仲有少少肥油好易入口，難得百零蚊仲有呢種厚身既扒，好滿意！因為太飽無飲到湯，淨係飲左柚子密，唔錯。…查看更多

旺角有好多日本野花多眼亂，呢間係一樓既餐廳雖然唔起眼，但其實位置好方便，係正家樂坊對面。都幾抵食。入面裝修幾有日式風格 多卡位 坐得舒服 同老公叫左一人一個刺身丼：極上北海道帶子丼 $128 師傅擺盤擺得好用心 賣相一流 用料新鮮 足料大份又飽肚三色魚生飯 $88  又係好靚仔同埋一份牛油果軟殻蟹卷 $68 即炸軟殼蟹 唔錯凍宇治抺茶鮮奶 ＄28佢仲有D 特價午餐 set  around $80 包飲品，仲抵食，下次試下先 :)…查看更多

6 點唔俾堂食之後真係好頭痕，成日都要買外賣，見到呢間天天海南雞平時都$100+ 一樣菜既餐廳做特價，晚飯變相好抵食。晚餐套餐價錢由 $78 到 $108, 包主菜，一款小食，湯/飲品，外賣仲有8折！餐單有成12 款，真係好多選擇，有菜有肉有炒牛河，仲有田園粉絲煲，岩晒唔使同人爭貴菜 我地一家4 口 叫左4個套餐，安格斯牛肉炒果條（即干炒牛河），馬拉盞通菜炒牛肉，宫保蝦球，田園粉絲煲，再加一份招牌海南雞，非常豐富。 宮保蝦球有最少5隻蝦都幾足粒，而且唔太辣岩岩好，正。安格斯果條：炒得好靚，D牛肉係用靚材料既，雖然係外賣，都睇得出厨師用心之作小食試晒 4 款：涼拌青瓜，然汁油菜，子薑皮蛋，蒜蓉四季豆，樣樣都好味道飲品除左有最普通既咖啡/奶茶/檸茶之外，可選例湯，或者薏米水/恐龍美祿。我地叫左美祿，估唔到係一大樽上，係普通紙杯既 2倍份量，味道好濃好好味，大推…查看更多

平時真係好少來駿景園呢頭，因為交收入到黎，用餐體驗非常好，服務快又nice，另外杯即磨咖啡係炭燒咖啡特別好味，留個好評。同老公入到餐廳好快被安排坐低，送上兩杯水，我地order左 2個午餐 (價錢由 $78 至 $148) 包餐湯餐包/沙律 同餐飲我地叫左 扒自然豬柳配紅酒燒汁，扒紐西蘭西冷扒配蜜糖芥末子籽汁西冷扒賣相好，煮到剛剛好七成熟，外脆內軟加上外面既鹽味口感一流，薯條都唔錯 :)至於豬扒，肉質嫩滑，食落有肉香味，係靚既肉。都算大塊食餐飯最令我滿意既都係杯咖啡，有炭燒咖啡既香味，午餐包埋唔使加錢，真係好抵。我見佢 coffee menu list 好長，應該都投入唔少心思同成本係咖啡度，鍾意咖啡既可以試下佢D特色咖啡。…查看更多

之前聽朋友推介過Nuttea，一直未有機會試，終於今日經過旺中一樓呢間 Nuttea，決定買黎試下。果然真係好好味，要寫食評同大家開心 share。今日同老公各自叫左 每日限量100杯既 "伯爵朱古力堅果奶蓋茶"  同朋友大推既 "粉紅苺好堅果奶蓋茶"  講真兩杯都試晒 好正呀 佢個堅果奶蓋係純 NUT CREAM ，無加牛奶既，對牛奶敏感既朋友應該都可以試到。佢教有三種食法： 1. 用匙𡙡直接不D奶蓋食2. 傾斜 45度飲奶蓋同茶3. 最後攪拌成厚奶茶飲我三種都試晒，果然係唔同口感，三樣都好味，個人最愛就咁食奶蓋，因為真係好RICH 仲有NUT粒粒的口感好香。老公飲既粉紅苺 其實即係strawberry, 只有凍飲，叫左半糖都夠甜，飲落好清新，好健康飲完真係勁飽，中午都唔使食，好滿足，雖然比其他店佢係貴少少，但物有所值，佢會令我心思思想再飲的！疫情下想出街買杯野都嫌煩，見到佢有外賣上門，MK呢間$150 就送，都OK喎。可以夾埋朋友下次一齊叫 ：）…查看更多

朋友推介黎食特色花膠雞火鍋，果然不負所望，係足料又好食既！2個人食半隻雞（2-4人份）好夠，湯底裡面落左花膠，以為得一兩件切細佢share食，點知係有5件大大件既花膠！真係好足料，好驚喜呀！女士們見到花膠都超開心，因為有骨膠原對皮膚好，再配埋雞湯＋火鍋，係冬天食真係無得頂呀！我地2個叫左脆肉鯇魚腩，娃娃菜，招牌手打花枝滑，好夠食。脆肉鯇好新鮮，好爽，估唔到餐廳規模唔算大，D野食都可以保持質素，真係難得！尤其係個養魚缸，成本不少，一定係有心人士之作，好欣賞。隔離枱仲即開左隻象拔蚌，咁識食，見到都流晒口水... 可惜我地得2 個人，下次再黎要多D人先可以試多幾款野食呀。一邊打字一邊又想起個花膠湯低... 好回味啊。。。…查看更多

好耐無食放題 大瀛喜果然無令我失望！今日12點黎到，已經好多人好旺場，好彩係用QR code 掃描落單，Order好快送到幾方便，唔使等人黎落單。先叫刺身，有我最黎既甜蝦同帶子，一如以往咁新鮮鮮甜 no question，有三文魚油甘魚鮑片D 大路野，種類都算多。創作壽司有驚喜，試左一口鵝肝壽司，睇落迷你，食落先知咁先係最完美唔會漏！好享受：）仲有估唔到既係，碗蟲草花膠烏雞湯，誠意之作，即時飲多2 碗補補佢。其他熱食仲有窩物，串燒，天婦羅，樣樣都即叫即整，私心推介燒菠蘿，大件又甜，食左4 件消消滯，岩晒。總結今日食好滿意，臨走時見到疫情快閃優惠 第二位半價，即刻想約朋友搵日2PM後再 Encore！：）…查看更多

好抵呀 岩岩發現尖沙咀都有咁平既happy hour，仲要係美麗華，個場好大好Chill。同老公行完街 想搵地方食D 小食同飲野，見到burgeroom 有下午茶餐 就入左去，一人叫左一個餐，包一個 mini burger (魚/牛）+ 薯條＋飲品 都係 $60 ！！雖然 Burger 係迷你，但即叫即整，熱辣辣非常好食，薯條係美式粗薯條好有口感，加錢叫左杯冰茶，解喝一流！老公呢排唔舒服叫左西瓜汁，如果唔係佢一定會happy hour 飲多幾杯！因為 Asahi 同 Orion 大大杯都係 $39 咋！好抵！隔離枱都係叫啤酒 好受歡迎～下次同朋友再黎chill 過 ：） …查看更多

想係九龍塘搵間cafe 真係好難, 最近見到呢間剪髮saloon 連 cafe 型格光猛, 坐底飲杯野順便等朋友. 見到佢有CBD 咖啡, 唔係度度有得飲, 聽講滴幾滴落咖啡度無味既但可以 relax 個人, 新開張仲有得免費加 :)見到D沙律都幾靚, 就叫埋回園沙律+三文魚烤牛肉, 唔係講笑, 真係真材實料, 好fresh 好好味喎! 朋友黎到佢叫左 Tuna salad sourdough, 份量超多! 佢話 Tuna 好新鮮 sourdough 好香脆, 好suprise 呢間店坐位唔多, 都可以做到貨源新鮮, 實在難得。最後我地坐左個幾鐘兩個鐘, 好chill 咁過左個下午, 完全唔覺自己係又一城呢個咁多人既地方 :)  …查看更多

同朋友行開大圍經過呢個餐廳, 環境唔錯, 有梳化位可以同朋友傾計坐得耐D, 又唔太貴就入左去。我地叫左 4 個 lunch set, around $60~$100, 素菜千層面, 水牛城雞球, 日式照燒雞扒脆豬, 同醬燒豬扒土耳其三文治。每樣上台都大大份, 賣相好靚, 素菜千層面 D cheese 岩岩整起熱焫焫, 可以拉絲,  真係食到我地 lam lam 脷 =P朋友大推: 醬燒豬扒土耳其三文治,  因為唔單止好大份, 有 2件豬扒, 豬扒仲好多汁好入味,  配埋芝士其他醬料夾埋一齊放落口, 真係好滿足, 好耐無食過咁大咁足料既三文治包!! 抵食!! 免費跟餐有沙律/餐湯, 或加 $15 就有龍蝦湯, 我地試左都OK, 幾濃味, 餐飲有咖啡/茶/水果茶,  我地試左水果茶, 加錢試玫瑰 Latte, Cappuccino. 個人非常喜歡 : 玫瑰 Latte, 好有玫瑰味, 唔係淨係得個樣/甜, 飲落好舒服。4個人賣單都係200幾蚊!! 好抵! 另外, 餐廰有大電視適合睇波飲啤酒, 氣氛應該唔錯。…查看更多

今次第二次黎，同上次一樣咁多人，個場好大好乾淨，坐得舒服，平日 lunch $188 由 12:00-3:00pm 任食，時間好充裕。刺身選擇好多，甜蝦 帶子 赤貝 油甘魚 連少有既象拔蚌都有，好新鮮，我最鍾意食甜蝦食左超過20隻 ：）上菜夠快夠準無漏過單。壽司都有好多選擇，海膽 鰻魚 軟殼蟹 飛魚子等，細細件唔頂肚。熱食我鍾意串燒，食左牛舌 燒菠蘿 羊架 一口牛，都唔錯，仲有花膠湯。估唔到飲品有好多，暖既椰汁燉奶出奇地好味，仲有日本酒，啤酒汽水，韓式飲品，美䘵咖啡，實有一款岩飲。總結抵食，下次會再同朋友黎！…查看更多

新都城開左堅信號生煎包店一路都好多人排隊 終於今日早放趁未見人龍就黎試下 有Lunch 套餐 ： 主菜＋小食＋飲品 $60媽媽想試京蔥牛肉菜飯，我想試生煎包，再加杯豆漿 岩晒Perfect！招牌生煎包果然係正！即叫即煎熱辣辣，咬落去有一包湯流出來好香好熱，個包底好脆，口感一流！10/10！媽媽話個京蔥牛肉好入味又滑，整得好好，我見都好足料～我仲另外叫左個上海菜肉雲吞，有8隻咁多，好在係細細隻，如果唔係都食唔晒。味道唔錯～見到一至五 2點後有下午茶餐都好抵食，呢排 home office 時間比較自由D 下次可以再試埋其他野食～…查看更多

天氣開始涼 想搵間有麵有小食既地方平平地食返餐 第一次黎家後 入面都坐滿人應該唔錯叫左招牌手工水餃 （煎） $40（轉套餐＋$15 包餐飲 & 多碗麵/飯團）可能因為手工包既 食落好新鮮好爽 洋葱又夠健康 唔會好鹹～推介！老公試左芫茜豬肉湯餃 ＋菠菜麵 湯餃幾濃味 鐘意芫茜既人可以一試 ：）另外加多左個菜 估唔到有驚喜！上湯津白係好大碗同超級足料 湯底好香好甜 有家的味道 正 :)))) 食埋飯後甜品就滿足晒 估唔到呢間小店都有自家既Cheese cake 試左原味 真心唔錯喎！（老闆話原味最受歡迎 不過D街坊想試新野就最近出左 冧酒提子/抺茶芝士味）睇得出食店既用心同堅持用好食材  下次經過會再來！…查看更多

假日行完尖沙咀到左午飯時間，搵番間野食，見到依間好多人入去啲粉面； 寫住牛什牛腩專家同埋星加坡海南鷄； 睇店面圖都好似好正咁； 一於泊低架車響門口入去試下，果然師傅好好功力！Yummy! 入到黎，我叫左個數量限定啲酥炸門鱔皮，依個傳統啲手工新鮮秘製，仲要系香港工場自家製，大大塊； 浸湯5-10秒再進食，響其他地方食過的都系細細塊同埋無咁香； 依度啲上碟仲要系獨立包裝，認真夠安全衛生。食完前菜就緊系試佢啲牛什粗面； 大大件啲牛仟，入味啲濃湯，同埋另一碗超彈口啲魚蛋河，兩碗都有著切得工整啲蔥粒，最適合依個秋意甚涼啲天氣慢慢食，同場再加埋濠油菜心是常識吧。食飽飽暖完個胃，就再整左杯凍檸茶同埋菜蜜，健康啲我當然又系少甜少少冰啦； 食完之際，老闆仲提客人話開始有黃腳立黎，時間岩岩好，埋單渣車走人！下次黎開尖沙咀一定再食依間，又方便，又好吃，夠健康，又衛生。正！…查看更多

今日黎開石門，因為放工超肚餓啲關係，一出石門C出口見到依間麵店！好多人排隊，正，應該唔會差得去邊，一於入去試試，果然一試就知無選錯，真系正正正！講到麵道，正宗啲日式拉麵店系會有冷冷的冰水送上，因為製冰困難，所以能夠為您製作到冰水代表服務一流啲表現。果然，入到去店員就送上兩杯凍開水，同時因為秋涼啲關係，(可能又見我系女仔掛)，又好親切咁問我要唔要杯暖水，所以可說是超好服務啲日式香港店！最估唔到啲系佢仲有法式！對！系法式慢煮鴨胸貝湯拉麵！仲可以配野飲，小食同埋前菜； 咁我就選左柚子味付蓮藕片同埋啤酒炸雞鎚，小吃當前，雖然有帥哥店員在也不顧太多了，熱熱的雞鎚放進口，香脆可口； 由兩碟小食見到配上柚子及啤酒； 就可見師傅有著日本人的細心，在食物上也下了一番功夫。朋友另外點了雞叉燒味玉雞白湯拉麵； 之後我們就比較兩款的拉麵，痴線架！！！兩碗都各有各精彩咁好味！慢煮鴨胸啲肉就比較軟，湯比較濃，入口甘香，而玉雞就比較清湯一樣； 兩碗都有著一條條幼細的蔥花，再次見證人客雖多但師傳對食物的堅持。最後我同友人都連湯整碗吃掉^^"最後仲有燒餃子4隻同埋綠茶清清胃，餃子燒得恰到好處，脆之餘又完全無痴底，還有薄薄的脆膜在上面，吃著很有趣的。下次黎開沙田/石門會再來=]…查看更多