Cheersallday的个人专页

經過見到，好似唔差，入去食，我叫沙爹牛肉太陽雙拼蛋公仔麵，要淋啲！已經強調要淋啲！嚟到見到啲麵完全冇渌開，成個公仔麵餅樣見晒，太陽蛋喺上面見唔到有沙爹牛肉，我撩撩啲麵，原來牛肉喺下面，完全冇沙嗲味，啲麵食落去，好似、直情係搵熱水浸熟咁，完全冇淥。我朋友食回鍋肉太陽蛋雙拼通粉，佢話回鍋肉一啲汁都冇，通粉好硬。另外，座位同埋餐枱好逼、好細，兩個人對住食，一碗麵一杯嘢飲，逼到實。一個熱飲，一個凍飲，兩個人加埋87蚊，好耐未食過咁差嘅早餐。呢一間完全唔掂，一定冇下次！…查看更多

第一次食，食佢嘅碟頭飯，見到週圍啲人都食雞煲，所以去咗第二次食。原來佢嘅二人套餐仲抵食，唔使200蚊，有雞煲、有鹵水，好多選擇又好味，仲有腐竹雞蛋糖水送。呢兩日帶咗朋友去食，佢哋都讚不絕口，有個食完糖水話飽到上心口，四個人都係食咗450蚊。推介食佢哋嘅胡椒豬肚雞，佢啲白鹵水(生腸、牛展、掌翼、墨魚、燻蹄、乳鴨)都好好食，我係未食過佢嘅鹵水鵝，下次一定要食。由於佢未攞到酒牌，所以冇啤酒賣，但係佢又畀我哋喺出面帶酒入嚟，咁仲平啲添…查看更多

晚市都有$68套餐仲包特飲，有好多款選擇抵食，我哋叫咗泰式蝦醬炒飯。明爐魚有烏頭同鰂魚可以揀，我哋揀咗鰂魚，好大條，配料好多，湯酸酸地，有啲似冬陰功但唔辣。我哋食呢兩樣嘢都好好味，特飲叫咗青檸梳打好飲。…查看更多

下午一點半左右到嚟，直入吾使排隊吾使等，坐左一半人到。叫左1個3號餐(我叫佢做雞寶飯吧)，1個9號餐(壽司/天婦羅/蕎麥冷麵)，跟熱柚子蜜同凍檸茶。飲品好快，5分鐘就到，但柚子蜜太甜，凍檸茶好似無放糖水(我無叫少甜或走甜)，又無跟糖水嚟。咁叫服務員比杯熱水同糖水，好快，即到。等左15分鐘左右，一個餐都未到，我對住廚房出菜位，亦吾見有幾多個餐出過，我叫過兩個服務員跟跟，兩個哦完就算，無埋去出餐位睇睇。再過5分鐘，我又追，佢叫我等等，我話我等左20分鐘，仲要等幾耐？我起身話走，佢話其中一個餐差壽司未整好，即刻有另一服務員托個餐嚟(欠壽司)。算！坐低食，再過5分鐘，我見有壽司出，但無人攞嚟比我地，反而攞一整個同樣嘅餐，比另一枱遲過我地嚟嘅客人，我即刻問服務員，佢即時去出菜位攞比我，我話第二個餐吾使嚟啦，埋單！佢又即刻去出菜位攞埋比我。講返餐嘅質素，蕎麥冷麵應對跟一碗日本鼓油同蔥花/鵪鶉蛋/芥末，但無，麵亦吾凍，立口，失敗。蝦天婦羅咬落去一口油。另外一個雞寶飯，啲雞寶同飯都係''微"暖嘅，即係整定，都吾明點解要等接近半個鐘。總結，服務員好好，但廚房好差，以後一定吾會再幫親佢。…查看更多

又係係討論區見有人介紹，睇落吾錯又吾貴，於是又去試下。本來打算早一日同3個朋友去，但佢地有人推介旺角砵蘭街另一間潮州菜館，於是又去試左先，吾掂，又貴又吾好食。第二日同老婆去試返呢一間係青山道嘅香港仔潮州海鮮酒家。啲野吾貴，價錢合理。我地得兩個人，叫左 鵝件($68)、鵝紅($23)、鵝腸($88)、蠔仔粥($48)。4樣都好食，鵝紅好滑，鵝件、鵝腸吾太重味，仲有豆腐墊底，蠔仔粥啲蠔好肥，仲有柴魚，但啲柴魚如果炸脆啲仲好。一般食完潮州野都會好口干，但呢次食完返屋企無口干，證明味精吾係好重。見到其他枱有人打邊爐、食羊腩煲($198)、海鮮。魚缸有一條好粗嘅白鱔，佢話$128/例牌，下次如果有一定試下。仲有吾收加一、茶介。一定會再光顧！…查看更多

又係睇討論區見有人介紹，最近呢兩個月試過近太子同荔枝角兩間都吾掂，今日試食荃灣呢一間，掂！真係皮薄餡靚，吾會話餃子邊闊闊而餡少少咁，睇住兩個阿姨係度包，落足餡料。我叫左芫茜豬肉餃麵，餃子好食，用料新鮮，豬肉好好食，但啲麵就吾得，立口！下次會叫淨餃子。湯底有啲豬肉碎，我食完餃子同麵，飲下飲下，飲左半碗湯，而家有啲口渴。跟餐叫左個凍蘋果雪梨水+$8，又幾好飲。但其實都幾貴餃子麵加飲品要$54，如果下次食10隻芫茜豬肉餃要$53。但都會再嚟食…查看更多

知道佢搬左去深水埗，地方大左好多，又有小菜食，於是去試下。新店安排我兩人地坐樓上，行上樓梯已經聞到好大煙味。坐低無比餐牌我地睇，問都無比，睇食評話有小食、小菜，算！就淨叫兩位海鮮粥底火鍋。我未及清潔餐具，已經馬上斟左兩兜鼓油比我地，但其中一兜，我地發現有啲灰粒，我而家唸返，可能係煙灰，算！費事出聲，自己去換過兜。另外，比左鼓油，要問先至再比辣椒。煱底(已經落埋飯)同食物都好快到，但食物質素，吾使講咁多，大家自己睇相啦，碟牛肉吾係餐內的，後加的，$30 都算抵，同埋係成餐最好食嘅一種食物。蟹，兩個人得一只細細嘅，去任食都好過佢。我地食晒食物，仲有啲飯係一舊舊，要壓爛佢同再煮多十分鐘先至食得。如果咁嘅食物質素，$188/位(無加一)，我認為吾值。覺得以前係佐敦舊店時好好多，當時成日都想去食，但只係得3、4張細枱，仲要提早個幾月打電話訂，所以去得吾多。吾知係吾係而家去多左其他店食火鍋，有得比較，定係靚粥工房差左，覺得呢餐好吾掂，未食完已經唸住去附近食蝦子雲吞麵。我以後吾會再去靚粥工房啦！…查看更多

又係早前係討論區見有人話好食，一直未有機會去試，今日11點半經過見無人，入去試下，叫左10隻全家福，平過我前兩日係太子''手工"食。雖然"手工"係北方餃子，古城係上海雲吞，用嘅皮都吾同，但啲皮一樣咁厚，古城稍為薄少少，如果只係呢兩間比較，我覺得"手工"好食啲，古城食全家福，我覺得隻隻一樣。但兩間都吾及我係北京同係上海食咁好味，我屋企自己包嘅上海雲吞，好食過曬呢兩家店。…查看更多

早前係討論區見人對此店高度評價，見Open rice 的好評也不少，我也很喜歡食餃子，到北京或上海，也必定去食餃子或雲吞。此店的餃子係自己切料自己包，下單後才即煮，滿懷希望。但食落第一啖已經失望，皮非常厚，我叫的是D餐，有3種餃子，羊肉餃內有碎骨，南瓜餃無南瓜味，係蝦肉海鮮餃好啲，有大舊蝦肉，湯好好飲，但飲完先至知死，勁多味精。一定吾會再嚟食，太失望！…查看更多

經常經過，但沒有試食過，坐位不多。今天8點左右經過，見剛好有2個位，即管一試，我们2人，因為我剛6點才吃了點東西，不餓，只點了 黄咖哩海鮮、蒜蓉包、泰式炒通菜。不用5分鐘，黄咖喱海鮮已經送到，熱辣辣的，想等埋蒜蓉包先至食，但等左一分鐘，仍然未到，唯有食先。咖喱汁好稀好水，吾同係其他泰式店食的汁比較''傑"，有2隻细蝦，兩三细片魷魚，兩隻細青口，仲有薯仔、蕃茄仔、洋蔥、草菇，味道尚可。再過了2丶3分鐘，通菜嚟啦，賣相吾錯，味道可以，就係细碟啲，要成$62，比其他泰國菜館貴。我追問蒜蓉包嚟得未，個後生仔，無入去睇就話燒緊，我心唸，已經過了10分鐘，整蒜蓉包無理由長時間過其他菜式。再過5分鐘，已經到左嘅兩個餸我地已經差不多食先，我又忍吾住再追蒜蓉包，個後生仔仍然係無去睇就話整緊，大佬，15分鐘仲未整到？中間，我吾見有出過蒜蓉包，只7分鐘時見出過幾串串燒。好啦，過左20分鐘，蒜蓉包終於嚟啦。我打個突，好似嚟左一塊切開4件嘅厚多士。我都係第一次係泰國菜館食到咁樣嘅蒜蓉包，仲要收$32。中伏！中伏！無下次！…查看更多

我先說明，我吾係賣廣告，我平均一個月幫親佢一次。佢最近嘅拒廣真係好抵食，7點半前埋單離座，免雞煲錢，如果食其他特色雞煲，都只係補差價但我昨天訂左7點半，去到才知道，下次試下。但我今次食啲肥牛太肥，吾係雪花肥牛，雞煲保持水準，好味道。每滿4百，減$50，但要上佢 Facebook…查看更多

一家5口訂了8點，7點4去到，剛好有人埋單，等一會便有位訂位是順帶留了杏汁白肺湯 - 可以，但不夠熱，豬肺好食，但我都是較喜歡菜干或胡椒豬肺湯，蝦 - 好爽，不錯鵝肝 - 好滑，入口即溶，坐下後再加了鹽水雞腳 - 好大隻，好味春卷 - 可以炸大腸 - 可以，但表皮不夠，都係係客家酒樓吃的好食蘿蔔牛爽腩 - 店員說是比牛肮腩爽和"臨"，但吃完還是覺得一般撈粗面 - 好味，面好爽，我忘了他們配了什麼東南亞醬料麻辣雞 - 似口水雞，雞較肥炒通菜　－　都係用撈粗面那種東南亞醬料炒，　好味荔枝雪芭－好味榴槤雪芭－我唔吃榴槤，我家人話好味整體唔錯，會再去吃，但會食其他食物，但會再叫雪芭，撈粗面和炒通菜大家要注意，想去吃的話要提前訂位，在訂位時同時要求預留你想食的餸菜…查看更多

我們一行4人點了小炒王 - 還可以，蝦干很細，炸得太干焗魚腸 - 上菜時服務員提醒小心煲很熱，馬上試一口，發現只是表面有點熱，裡面是暖的，很明顯是預先蒸熟，有order時才放入焗爐焗一焗便拿給客人椒鹽墨魚咀 - 這個還可以，但沒有驚喜蒜香骨 - 這個是比較滿意的，肉很淋和入味金銀蛋莧菜 - 這個也不錯，菜很新鮮整體很普通，在店內貼了"少油 少糖 沒味精"但我完後感到從來沒有的口渴不會再去了…查看更多