jackiewong的个人专页

可能未夠九時, 所以不是太多人, 友人叫了榴槤奶凍, 試了一口, 雖然我唔喜食榴槤, 但都覺得幾好味, 即係好似雪榚, 再來一碟香蕉窩夫雪榚, 雪榚和香蕉OK, 但窩夫略為硬和UN, 可能時間放置太耐, 後再加一個榴槤併雪榚, 這個就出問題了, 榴槤雪榚幾好, 連唔食榴槤的友人和我都咬了兩口, 但伴碟的榴槤就不太新鮮了, 有mui mui地的感覺.…查看更多

在紅磡區工作時曾經幫襯過, 是一間有心經營的小店, 只做單一的上海餛飩, 應該是我在香港吃過的最好的, 沒有加味精, 別完全不覺有口乾感覺, 味道淡得來帶點新鮮豬肉香, 加上用料考究, 把一般的白菜改為四季豆, 內裡軟得來帶些爽口, 而且皮簿厚適中, 太厚的皮吃下太粉, 太簿的皮又沒有咬口, 這店餛飩的皮不算太簿, 但咬落有煙un0感覺, 問一問店員, 原來都是入貨的, 並非自製, 另外一讚的是小食薰魚, 整件魚件, 沒有散開, 魚身煮得十分入味, 小骨差不多也可以咬碎吃下, 整個晚餐包一杯豆漿, 也只是四十元, 實在底食之極! …查看更多

雞味不算十足, 但肉質尚算滑, 而且雞肉不算少, 雞皮不算厚, 有些可以與肉一起吃下, 伴碟花生有些少淋, 不太新鮮, 最好的是有三款汁, 外邊出名的海南雞飯店, 大多只有兩款汁, 沒有了甜醬油, 而我最愛的就是甜醬油, 這間的甜醬油做得不算太好, 略為希了些, 但味道可以, 套餐還送油菜一碟, 可惜沒有得選擇, 只有生菜, 不是我的胃口, 油飯不太黃, 味道不足, 而且飯身偏硬, 又有些一舊舊的, 但價錢不算貴, 會再幫襯的…查看更多

天氣轉涼, 氣溫下降至13度, 出外搵食受寒風打面, 由火車站一直走到遠遠, 過了黃埔, 又過了紅磡廣場, 到了崇潔街, 出名食店 “加太賀” 現在已經死氣沉沉, 但食街依舊, 全條街仍然滿佈食店, 今天選了一間全紅色的店, 店名 “阿芳餛飩”, 名字老土, 但用字特別, 並非廣東的 “雲吞”, 而是 北方的 “餛飩”, 名字專業, 但不知食物是否同樣專業. 初步觀察, 店內裝飾簡陋, 坐位沒有椅背, 快餐式格局, 餐牌食在?面的玻璃下, 只有數個套餐, 侍應阿姐問: “係未第一次?? “, 我答: “係呀..”, 她便指著?面: “咁.. 就呢個啦 ! ” 餛飩餐 (淨餛飩一碗 加北方小食), 北方小食有六種選擇, 記不到全部, 大致有 蒜泥白肉, 薰魚, 青瓜 等等… 阿姐話 人人讚 “青瓜” 好味, 但薰魚最底, 因為成本最高, 貪小便宜地, 率之要了薰魚, 套餐連一杯豆漿, 收$40, 矣….所處位置, 不算便宜播...餛飩來到面前, 大大一碗, 可惜忘記帶相機, 外貌與一般的有些分別, 並不是巢皮的, 可見並不是雪藏, 湯面加上蔥花和小蝦, 小蝦並非蝦米, 顏色帶黃而半透明, 好似脫了出來的蝦殼一樣, 飄出陣陣麻油香味, 餛飩大粒, 一口只能咬下三份一, 才發現餡炓內的與眾不同, 原來不是用白菜的, 而是用豆角加上豬肉合成, 吃出的口感不同, 並不同於一般的上海品種, 一般上海店的都是軟淋淋, 但這次有彈牙感覺, 而且肉與鮮味, 咬落已感到不同, 之前在其他的店試過的都是實實的, 通常都是因為雪得太耐引致, 全碗共粒, 對於女士而言, 多了些, 八粒應最合適, 吃得我飽過頭, 北方小食 - 薰魚, 以一小碟上, 魚身大過碟些少, 果真是成本不輕, 相比較隔離?的一位女士所叫的青瓜, 又得確是太細小了, 不過, 見她吃得也頗滋味, 下次才試吧!薰魚味道十分濃厚, 基本上不太合我胃口, 近年來皆以清淡為主, 但魚的肉質烹調得剛好, 不似一般上海店的薰魚都是炸得太過, 咬落沒有質感, 根本吃不出是魚肉, 而這次吃的有少少軟軟的口感, 炸的時間不太長, 所以未致於揮發所有水份, 當然炸得不足有好有壞, 魚骨便不能咬率吞下了.進食途中, 忽然感覺腳下有些動靜, 嚇得我....原來是一隻小貓! 小貓貓樣子頗可愛. 全身十分之八是灰顏色, 只有口鼻與腳部份有些少雪白色, 真是所謂"四啼踏雪", 我與牠打招呼時, 牠也向我 "貓" 了一聲好, 實在太令人感動了, …查看更多

佐敦印尼菜, 所處位置不算旺,不太易搵到, 店內掛上happy birthday字牌, 唔知點解?先吃沙嗲串燒, 凍了不好, 有炭味, 絕不是一般的電爐燒, 沙嗲醬香甜有果仁味, 反而肉質麻麻, 比較“鞋”, 但唔算乾, 加上不算太熱, 可能不是即叫即燒粟米餅-，十分香甜，但餅質較為淋身，蝦膠不算彈口, 鮮味不足, 粟米味尚可, 酸甜汁類似中式生炒骨那種.珍多冰椰汁濃, 味道不太甜, 材料十足食物不錯 , 價錢大眾 , 只是裝修舊 , 應該是時候進行大改裝了 臨走時, 發現櫃台有蝦片, 買了一包, 試過後, 全家都大讚, 是我食過以來最有蝦味的…查看更多

今晚老細急call要開OT, 肯定九點前都唔走得, 於是急急腳落去食個下午茶, 叫了魚柳漢堡套餐, 裝修了很久都沒有來過, 格局完全不同了, 比以前新潮, 有現代感, 所有的漢堡都分成辣與不辣, 我要了辣的, 套餐連有薯條連汽水, 在灣仔區只收$25, 算底食, 魚柳漢堡內材料十足, 有洋蔥, 蕃茄, 生菜, 唯一美中不足, 魚柳的中心炸得不夠, 相信時間關係, 未致於熱至燙口, 但直得一讚的是那種的它它漿汁, 有少許辣, 又有少許酸, 加少許甜, 三者配搭得非常好, 外間難找!…查看更多

普通茶餐廳樣式, 服務水準無要求啦, 先來過菠蘿油, 一般茶餐廳的做法, 菠蘿包查一查牛油, 這間是一片長方體牛油, 加上菠蘿包熱烘烘, 可能吃於早上新鮮出爐時, 真好味.天氣凍仍然飲凍奶茶, 無辦法, 想試一試鎮店之寶, 無冰, 好特別, 夠滑, 因為無冰關係, 味道比一般的較濃, 但略為奶多了些, 唯一問題是環境太迫, 但伙計的態度不算太差, 士頭婆還與客人有吹水. …查看更多

夜晚約了朋友食飯, 未夠鐘, 於是坐低食小食, 無叫任何包類, 而叫了一個貴貴的炸雞薯條餐, 六大件的炸雞和一包炸薯條, 兩件食物來到面前都熱呼呼, 薯條並沒有太大驚喜, 比麥記的略為粗些, 咬落當然口感比一般的好, 但又不似薯角般粗身, 加上皮太硬, 可能炸過了時侯少少, 炸雞比薯條好多了, 第一口咬落當然熱度十足, 縱使雞肉是雪過, 但沒有那種雪過的口感, 咬落不太實, 有些軟度, 皮也剛好炸得適中, 不太硬, 而且脆度合適, 與朋友每人三件, 幾分鐘便消滅了它們, 下次想買盒炸魚試試, …查看更多

這店分為兩間，裝修與食物有些不同，但要分開登記攞位。每次都是去第一間, 即是對正大電視的那間, 店內座位少少迫，座得不太舒服。簡單的京滬菜點, 點頭份量不算少, 約適合三至四人份量小籠包, 肉質不算新鮮, 咬落實實的, 可能包好後放置太久才入水蒸, 皮也不算出色, 不夠彈力, 易爤.擔擔麵, 麵味及口感一般, 不算太煙韌, 過得去, 湯比較厚, 不太辣, 花生/芝麻醬味太多, 可惜而味道不太濃, 炒年榚, 最好的一味, 圓條形年榚, 外邊的上海鋪甚難吃得, 十分煙韌彈口, 可惜材料只有兩樣, 雪菜和肉絲, 不似外間的一般會用三絲炒年榚, 味道略淡, 迷你鍋貼, 入口熱呼呼, 肉質也比小籠包的好些, 可能不是包起太耐, 只是底部皮煎得不夠燶, 咬落不夠脆…查看更多

這間店的老細成日放假, 閒閒地放兩三個星期, 真係唔使做呀… 今天落橋見到開門, 即刻食番餐, 唔好等時間尚早, 不是太多人, 要碟蒜泥白肉, 中辣, 睇到個樣, 都已經好辣, 白肉薄簿, 比紙厚一些, 蒜泥不覺太濃和倉喉, 也不覺太辣, 但朋友還是受不了, 把蒜蓉夾進白肉食, 最是一流, 再加一碗牛肉麻辣粉. 地獄一般顏色, 陣陣麻辣香味, 一口又唔算太辣, 可能是小辣! 但隔了陣, 麻辣才從喉湧上嚟, 才開始有麻的感覺, 圓形一條條的粉, 好似肥了瀨粉, 這就是川粉, 煙勒有彈性. 十分滑溜, 湯面加了芫茜果碎, 口感十足, 我和朋友兩人一路不斷飲水, 一路叫”好辣”, 又一路把麻辣粉灌進口, 最後成身汗而回office…查看更多

經常會到這間食, 每次都唔明伙計甘趕做乜? 諗下叫咩野...慢的都有罪, 就算唔多客 伙計都一樣衝來衝去, 好似唔停得. 所以食超快, 落單唔使1分鐘就有得食, 人人都讚牛油多士同炒蛋好味, 我就認為燉奶同麥皮重好味, 麥皮有牛奶和鮮奶兩種選擇, 鮮奶麥皮唔甜, 唔好叫錯, 若要換過, 伙計會比面色你睇, 朋友叫了火腿蛋多士﹑叉燒湯意﹑凍奶茶。燉奶很香滑，不太甜, 奶茶一般，不太濃, 而炒蛋多士十分軟熟, 比其他餐廳厚些，咬落軟綿及少濕，但表面香脆，雖然烘得燶些，但也好吃, 炒蛋滑身，有蛋味，不會過鹹過油…查看更多