sindy1723's Profile

相信西九文化區係大家成日去嘅文化熱點，除咗有博物館行之外，今次小編推介呢間高級中菜館，一整排嘅落地玻璃窗，可以飽覽維多利亞港嘅美景，而且座位寬敞舒適，宴客聚會都好適合，餐館提供多款佳餚，鮑參翅肚精美小菜都有得食，將一碟碟嘅粵菜凝練為一件件嘅藝術品。1️⃣ 瑤柱菜膽燉竹笙 $138湯中散發瑤柱帶來既鹹鮮味，飲落非常清澈同鮮甜，竹笙仲吸收哂湯嘅精華，正👍🏻2️⃣ 菜膽燉鮑翅 $498一黎到就俾佢魚翅嘅粉量嚇親，滿滿一梳梳嘅魚翅😍配合湯底嘅清甜，仲要有個烤爐嘅下面暖住，慢慢食都唔怕會凍左。3️⃣ 黑魚籽松露蟹盒 $228呢個菜令小編非常驚艷，每個蟹盒都包含滿滿嘅蟹肉，咬落仲有松露嘅幽香同濃郁嘅魚子醬🤤十分精緻！4️⃣ 蜜餞西班牙黑豚肉叉燒 $268叉燒係用烤爐端上，而且選用左西班牙黑豚肉🐷肥瘦比例啱啱好，色澤光亮，外焦內嫩，蜜餞甜味適中，唔怪得之每台都必點，仲有另一食法，就係用紫蘇葉包住食，層次口感咁豐富，清新又解膩。5️⃣ 干邑牛肝菌燉牛臉肉 $286 一上枱就已經聞到好香嘅牛肝菌味，牛臉肉燉得軟腍，醬汁好濃郁，仲帶有少少干邑酒嘅香味，入口即化，啖啖骨膠原，無得頂💯#foodie_couple_hk_sm816…Read More

「麻辣風雲」好多人都應該聽過或者食過，原來旺角瓊華分店有大搞作！轉型做咗『風雲排擋』，除左會繼續保留部份招牌川菜外，仲多咗好多款港式小炒，有好多菜式選擇，可謂眼花撩亂，而且價錢更親民。1️⃣ 香辣鴛鴦雞煲（田雞＋雞） $98呢個係新菜式，可自行選擇不同辣度同麻度，任君選擇，份量亦十足，雞同田雞都非常入味，唔會鞋口🤤2️⃣ 招牌水煮魚(2人份） $148水煮魚係川菜不可或缺的，亦係此店嘅招牌菜之一🌶️麻辣味香濃，同時又保持到魚肉嘅鮮嫩，連配料都有好多款，包括豆腐卜、香菇、蓮藕、萵筍，兩個人食非常足夠。3️⃣ 薑蒽蠔 $108生蠔🦪大大隻，隻隻都肥美多汁，用薑蔥炒香後，唔會太乾身，仲可以保持到個鮮味，非常惹味😋4️⃣ 蒜蓉炒萵筍 $88其他小菜比較濃味，就叫返個簡單嘅蒜蓉炒萵筍，萵筍本身好爽脆，用蒜蓉簡單爆炒，保持住個香氣，食落好清爽。5️⃣ 啤酒 食辣野配返杯啤酒🍻真係一流，我地叫咗藍妹同黑啤兩溝，正👍🏻#foodie_couple_hk_sm816…Read More

呢排心思思想打邊爐🍲第一時間就諗起牛大人，因為佢嘅套餐性價比真係好高，無論係食物質素定係服務都係好高質。服務員非常有禮貌，安排好就座就即時提供QR code📱俾我地揀食材。餐廳嘅座位舒適，最緊要係冷氣夠，食得舒服。🥩澳洲極上和牛吃到飽 $328牛大人有成10款湯底揀，今次揀個鴛鴦鍋，一個要麻辣🌶️一個就要左台灣鳳梨雞鍋，非常足料，有半隻雞既雞件，仲有苦瓜、白菜等，飲落清甜不油膩，清熱又養生。呢嗰餐已經包括左大部分肉類，包括豬牛羊海鮮等，選擇非常多，今次特別推介幾款必點好食又可回本嘅食材俾大家🤩🔸澳洲和牛M5牛肩卷 🐮澳洲和牛花紋分佈勁靚薄，入口即化，肉質鮮嫩帶有豐富油脂，真令人回味無窮。🔸澳洲M9和牛牛丸跟餐每人免費贈送兩粒，牛味超級香濃，勁彈牙，咬落去仲會爆汁，正😍🔸 安格斯牛小排肥瘦相間，輕灼十秒就已經熟了，食落嫰滑，牛味都濃郁。🔸 澳洲和牛牛胸爽牛胸爽係胸腔肋骨中間的軟骨部位，含豐富嘅骨膠原，食落非常爽脆🤤🔸海鮮種類都有唔少，有台灣鯛魚片、新鮮沙白、鮮甜海蝦🦐仲有特別嘅蟹籽墨汁漿同爽脆嘅炸魚皮。🔸水蓮水蓮爽口，配合埋其他肉類，反而有一種refresh嘅感覺。🔸 少爺PLSNER啤酒 $58打邊爐又點少得啤酒呢，呢款少爺啤🍻百分百香港製造，清爽消膩，爽呀！🔸其他飲品雪櫃有幾款牛大人自家製手工冷泡茶，如桂花烏龍、洛神花茶等，如果鍾意手搖飲品，仲可落單叫金桔椰果，鴨屎香檸檬茶。🔸 甜品而家牛大人全線同 Dreyer's 雪糕合作，至8月31 日期間，晚市入座就可以任食5款口味的Dreyer's 雪糕🍦當中包括開心果甜筒、開心果脆皮雪條、士多啤梨雪條、雪呢拿雪條及榛子脆皮雪條，真係勁滿足！澳洲極上和牛餐：- 正價時段 ＄328/一位- 21:00pm後入座＄308/一位- 早鳥或宵夜時段 ＄288 /一位香港有9間分店：遍布旺角/荃灣/ 銅鑼灣/ 尖沙咀/觀塘/沙田/元朗/將軍澳#foodie_couple_hk_sm816…Read More

呢間日本人氣連鎖迴轉壽司店HAMA-SUSHI 2002 年於栃木縣起家，已經開店 21 年，過江龍黎到香港繼續以抵食價錢提供多達 70 種壽司和美食，當中包括握壽司🍣軍艦、炸物、烏冬、沙律🥗至甜品🍧都有，價錢由$12至$29不等，真係好抵食！店外有自動取票機，俾客人自己選擇吧枱或卡位，除了walk-in，仲可於HAMA-NAVI註冊成為網上會員預約，或於OpenRice預約訂座，非常方便👍🏻最令我驚喜嘅係餐廳竟然有6款醬油可以揀，包括柚子醋、特製醬油、甘口刺生醬油、濃口醬油、日高昆布醬油及減鹽醬油，適合唔人士嘅口味，十分貼心😍18/7-21/8為【夏日滋味祭 第1彈】期間推出限定食物 -廣島縣蠔🦪 $12-炙燒赤鯥 $12-北海道和牛烤牛肉 $22-WAGYU烤牛肉火山 $27實在食左太多碟，小編揀選左幾款推介俾大家🔸白鳥貝🔸海螺🔸海膽軍艦 滿滿嘅海膽，非常鮮甜🔸南方藍鯨吞拿魚大拖羅🍣🔸炙燒青森縣金目鯛 炙燒後更突出魚油嘅香氣🔸多春魚籽軍艦🔸鰈魚裙邊🔸日本鯛魚🐟🔸松葉蟹爪下肉🔸天婦羅拼盤 新鮮炸起，冬菇咬落仲好juicy，記住叫埋免費嘅天婦羅醮汁」🔸雙重扇貝茶碗蒸 非常足料，蛋好滑不過味道偏淡🔸芝士香脆薯條🍟 熱辣辣嘅薯條，加上勁邪惡嘅芝士醬，份量好唔少🔸青雲純米酒🍶🔸芒果熱情果芭菲🍨 雪糕香滑，配埋酸酸甜甜芒果熱情果醬，非常清新總的來說，呢個價錢迴轉壽司同多款唔同日本食品，真係好抵，而且座位十分寬敞，氛圍舒適🤗#foodie_couple_hk_sm816…Read More

餐廳分地舖同樓上舖，小編今次就去樓上嘅日本料理，座位好寬敞舒適，有卡位同壽司吧枱，想私隱啲仲有房添，日式嘅設計，令人好似置身喺日本🇯🇵食物選擇亦非常豐富，由刺身、壽司🍣串燒、炸物、天婦羅、丼飯、日式料理等都一應俱全。1️⃣ 油甘魚刺身 $40/件叫左3款壽司，每款都係厚切，口感厚實，食落有淡淡嘅甘甜，仲充斥著魚油香氣🐟帶有獨特清爽嘅口感。2️⃣ 牡丹蝦刺身 $89/隻牡丹蝦🦐好大隻，巨大肥厚，新鮮甜美，甘香嘅蝦膏，餘味悠長，超級新鮮！3️⃣ 鯖魚 $49/件輕輕炙過嘅鯖魚，增強左魚皮既油香，而魚肉就就保持滑嫩，正👍🏻4️⃣ 火炙左口魚邊壽司🍣 $70/件左口魚邊爽甜，肉質結實，再經過火灸後，帶岀嘅油脂更香。5️⃣ 三文魚籽軍艦 $48/件三文魚子粒粒都非常飽滿，味道鮮甜，一啲都唔腥。6️⃣ 鹿兒島黑豚五花腩 $42五花腩🥓肥瘦適中，燒得好香口，咬落仲有肉汁😋 油脂味非常豐富。7️⃣ 厚牛舌 $58牛舌👅厚肉彈牙，而且調味掌握得啱啱好，燒得香口惹味。8️⃣ 田樂燒豆腐 $32田樂燒指用味噌醬調味嘅串燒，甜甜地鹹鹹地，十分惹味，豆腐燒得外脆內嫩，咬落去仲熱到出煙🤩9️⃣ 鵝肝牛柳粒石頭鍋飯 $198一上枱就已經超香，用左宮崎A5和牛🐃同鵝肝炒成嘅飯，香噴噴熱辣辣，粒粒分明，食到停唔到口。🔟 三得利生啤 $68餐廳仲做緊買一送一🍻連晚市都有呢個優惠，食飯配返杯啤酒，真係一樂也！#foodie_couple_hk_sm816…Read More

今次黎到呢間好評不斷嘅「菊月町」，黎個廚師發辦，餐廳由細鋪搬大鋪，地方更大，訂位都較以前容易，有普通枱同吧枱，小編就當然揀左要睇到師傅手藝嘅吧枱啦☺️晚市套餐有兩款，分別為「焰月」$980包20品和包含鐵板燒嘅「爍雨 」＄1480包23品，非常豐富又抵食！一場黎到，就梗係試佢地嘅Omakase「爍雨 」。🔸枝豆、螢光魷魚、鱈魚乾餐前小食有3種，鱈魚乾夠乾爽，螢光魷魚乾🦑好薄脆，帶點咸香，令人幾開胃。🔸日本糖蕃茄配日式麻醬，清甜多汁，蟹膏豆腐配蝦刺身，非常滑溜同濃郁，最特別係個三文魚頭軟骨，爽口彈牙😋🔸 岩手縣真蠔配魚籽日本真蠔🦪食落爽身，上面灑上山椒鹽，配上微甜嘅黃金魚籽，再用紫蘇葉包住黎食，令蠔味更濃郁，非常鮮甜！🔸 鱈魚白子白子係魚類嘅精巢，有好高嘅營養價值，含豐富嘅蛋白質同維他命B等，配上河豚蔥、紫蘇花和酸汁，入口柔滑順口。🔸 竹籤魚配馬糞海膽先將竹籤魚輕輕燒過放喺底，再加上馬糞海膽，一齊食好 creamy，又鮮味🤩🔸北海道帶子先將帶子煎香至半熟，彈性十足，底部放上甘筍汁，搭配春卷皮一齊食，更添多層口感。🔸煙燻 Baby吞拿魚將吞拿魚煙燻，加上少許蔥蓉，再配紫洋蔥沙律和蛋黃醋，味道好夾。🔸愛知縣象拔蚌象拔蚌超級爽口鮮甜，搭配柚子岩鹽，食落唔搶口，仲有淡淡嘅柚子香，底下仲有好滑溜嘅沖繩水雲，正👍🏻🔸煙燻拖羅配赤身 呢一味可以睇到師傅表演，即場加入煙熏香味，令兩塊拖羅和赤身更添風味，完全冇筋又充滿油脂🤤師傅仲教路將紫菜、紫蘇葉同魚乾包住黎食，層次口感會更豐富。🔸茶碗蒸中間黎個香滑嘅茶碗蒸做個過場，望似簡單，用左香菇同雞湯調味，但都已經鮮味十足。🔸鐵板馬友之後就開始鐵板嘅食物，首先鐵板馬友，煎到塊皮脆卜卜，加上少許蔥蓉調味，已經好好食。🔸 鐵板鮑魚配鮑魚乾醬，配多啖酒會有回甘嘅味道👅🔸清森縣A5 和牛擺碟已經好有心思，兩件厚切嘅A5和牛，煎得剛剛好，肉質粉嫩帶有油脂香氣，配菜仲有紅菜頭、蘆筍、日本紅蘿蔔🥕可以解膩。🔸漬物食完鐵板燒，係時候俾味蕾清新一下。漬物就幫到手，自家製嘅牛蒡潰、蒜頭漬、紅薔頭，酸酸地，爽脆又清新，特別鍾意個蕎頭用紅酒醃製過，酸甜過後有輕微酒香。🔸 壽司-鰆魚鰆魚係一種白身魚，肉身肥美，油脂豐富。🔸 壽司-赤貝色澤亮麗吸引，味道鮮甜濃郁，咬落彈牙爽脆😍稍微沾少許醬油送入口，帶有濃厚嘅海洋氣息。🔸 壽司-金木鯛黎自靜岡縣，帶點未烘焙過的七味粉，輕輕燒過塊魚皮，魚皮鮮紅中帶點金色光澤，肉質細滑帶有嚼勁，重點係帶有油香卻肥而不膩。🔸 壽司-牡丹蝦師傅善用全隻牡丹蝦，一味兩食，將蝦頭🦐酥炸得非常香口，大大隻炸至酥香；蝦身配上蝦膏，再用火槍燒過，豐腴甘香，好驚艷！🔸鯖魚卷賣相特別，用紫菜包住輕微烤過嘅鯖魚，再配上昆布，口感獨特。🔸 馬糞海膽撈飯用上赤海膽，色澤橙黃，肥厚飽滿，味道鮮甜濃郁，口感嫩滑，入口已經甘香到不得了，用黎撈飯真係一絕🤩🔸魚湯食完壽司，就飲返碗熱辣辣嘅湯，用上白身魚跟魚骨去熬製，魚味超級濃郁。🔸甜品最後當然以甜品作結，厚燒玉子口感綿密、睛王提子香甜、黑糖蕨餅煙靭甜蜜，非常完美！總的來說，呢個價錢可以食到23品，已經非常超值，而且每款菜式同食材都好新鮮有心思，係小編這一年食過頭三位的廚師發辦，非常推介各位去食。#foodie_couple_hk_sm816…Read More

小編好鍾意看海，所以特別鍾意去海濱吹下風，有日經過觀塘海濱，見到呢間好有日式風情嘅居酒屋，佢係半開放式設計，仲掛住日式燈籠，播住日本流行歌曲，好有氣氛🎏餐廳食物選擇多，刺身、壽司🍣串燒、鍋物都有，而且串燒🍢即叫即整，啱哂朋友小酌一下，一路飲一路食。1️⃣ 活赤貝刺身 $48刺身好新鮮，食落爽口又鮮甜，一隻活赤貝可分成3大片。2️⃣ 清酒煮蜆 $68非常足料，應該有二十隻左右，而且隻隻都好大隻，重點係鮮甜無沙，一上枱就已經聞到濃濃嘅清酒味，啲湯仲可以飲埋架😋3️⃣ 羊架 $76羊架都幾厚身，燒得剛剛好，咬落仲有肉汁，有羊味而不膻，配上特制嘅薄荷醬，非常惹味。4️⃣ 串燒 🍢雞頸肉串 $28 燒得皮脆肉嫩🤤大蔥雞肉串 $28 雞肉滑嫩多汁，大蔥又香口雞心串 $28燒到微微焦香，深得小編歡🩷牛舌串 $38 爽口彈牙，而且香濃有牛味5️⃣ 廣島蠔鍋 $118以為得2-3隻廣島蠔，點知食落有6隻，而且仲好大隻，蠔肉滑嫩多汁，鮮味十足，而且用上廣島蠔嘅湯頭十分鮮甜，配料仲有冬菇、金菇、蔬菜🥬真係好抵食6️⃣ Asahi🍺 $88 波子汽水 $25餐廳提供多款唔同嘅飲品，👱🏼‍♀️揀左好有童年回憶嘅波子汽水，波蘿味嘅汽水，甜中帶點清新嘅果香，配上日式嘅食材，就好似置身於日本嘅居酒屋當中🎌總的來說，睇得岀餐廳有用心佈置，食材新鮮，而且服務都唔錯，仲可以吹住海風，食完可以再去海濱散步，係個幾好嘅選擇。#foodie_couple_hk_sm816…Read More

餐廳裝修得帶有中式傳統格調，古色古香，坐得舒服，如果預早訂位，仲有機會被安排坐喺涼亭中享用美食，用黎打卡一流📸而且餐廳不定時會推出新品，唔怕無哂新鮮感。1️⃣ 荔枝蝦球 $108呢個係新菜式，造型擺盤真係太靚喇，整成一棵荔枝樹咁，廚師將蝦球🦐用紅色脆米包住，做到好似粒荔枝咁，再掛喺樹上，底部仲有乾冰，形成煙霧彌漫嘅效果，仙氣十足呀😍 食嘅時候再將荔枝摘落黎食，蝦球外皮薄而脆身，肉質爽彈，有粒粒蝦肉，點埋荔枝糖醬更開胃。2️⃣ 酸菜魚 $268👱🏼‍♀️最鍾意食酸菜魚，呢度可可以自己揀辣度、麻度同酸度，小編要左小辣、中麻、中酸，覺得辣度差少少，下次可以試下中辣，湯底用上酸菜、黄小米椒、海南黃燈籠椒以及乾辣椒🌶️配料都唔少，有萵荀、豆腐卜、菇、芽菜同粗薯粉，主角魚片份量好足，切至薄片，嫩滑無骨又鮮甜🤤3️⃣ 臘肉炒菜心 $98有肉當然要有菜🥬平時都係普通蒜蓉炒或煲仔上，今次黎個特別啲，用臘肉炒，整個鹹香味令成碟菜嘅香氣都提升不少，食過返尋味😋總的來的，餐廳裝空間感十足，環境舒適，食物好有創意，而且好啱打卡影相📸️加上每碟菜嘅份量都唔少，啱哂一班朋友黎聚餐。#foodie_couple_hk_sm816…Read More

冒菜係香港比較少見，今次去開上環，就上去試下，午市價格非常親民🤩自選4款食材 $58，6款 $66，8款 $72，可以自由搭配岀自己喜愛嘅冒菜，餐廳採用正宗冒菜做法烹調湯底，必需使用辣椒油，所以會較比時嘅湯底較為油膩。1️⃣ 吉祥套餐（6餸） $66+$5主食配料超過30款任君選擇，由肉類、丸類或蔬菜🥒等等應有盡有，連湯底都有7款，有辣有唔辣，適合唔同嘅人。👱🏼要左個秘制香辣湯🌶️入面仲有生蒜🧄又香又辣，而👱🏼‍♀️就要左養生白胡椒湯，白胡椒湯好清甜，好暖胃。至於配料方面，特別推介脆哨，係酥脆既肉燥，香脆焦香，可以就咁食，或者放湯食又得，👱🏼‍♀️仲+$3要左個秘制醬汁，有少少辣，非常惹味。🔸潮汕手搥牛肉丸－爆汁，脆爽彈牙🔸蒜香墨魚丸－蒜香味濃，肉質嫩滑🔸貴州丁家脆哨🔸牛黃喉－爽脆🔸鴨血🔸毛肚－吸收哂湯汁，惹味🔸滑雞片－肉質嫩滑🔸萵筍🔸娃娃菜🥬2️⃣ 滕椒涼拌魚皮 $48呢個小食由魚皮、藤椒、醋、辣椒油製成，辣度固定，不過都唔會太辣，魚皮爽口彈牙，啱哂做開胃菜🤤3️⃣ 洛神花山楂蘋果 套餐 +HKD$15（單點 HKD$28)餐廳自家製飲品，加入洛神花、山楂、蘋果🍎健胃三者配合，酸酸甜甜，潤喉解渴健胃消滯，解膩一流。4️⃣ 酸梅青檸烏龍茶 套餐＋HKD$15（單點 HKD$28)飲落酸甜清爽，唔單至可以消暑解渴，仲有助清熱解毒，而且唔會太甜，值得一讚👍🏻#foodie_couple_hk_sm816…Read More

尖沙咀 K11 Art Mall原來開左間傳統日式料理餐廳，提供過百款日本料理菜式，包括Omakase、刺身、壽司🍣爐端燒、天婦羅🍤丼物、一品料理等，而且星期一至日都有午市定食套餐，仲包埋餐湯或沙律🥗最正係唔少指定食品仲有半價優惠，非常抵食，餐廳分左兩邊，一邊係開放式壽司吧枱，可以欣賞到大廚製作料理嘅過程，另一邊係普通嘅卡位，任君選擇。小編今日黎試下個午市先，叫左2個套餐，每個套餐都送香濃嘅麵豉湯同沙律🥗呢度嘅麵豉湯真材實料，有好多蔥花及海帶，而沙律菜都好新鮮爽口。1️⃣ 岩蠔（北海道）（$68/1) （折後$48/1)見佢做緊7折，只係$48隻，生蠔🦪好大隻肥美，口感爽彈，味道鮮美，仲送上魚籽做擺設，抵食！2️⃣ 牛肉壽喜燒定食 $128鐵鍋上夠哂熱辣辣，壽喜燒湯底🍲味道甜甜地，有4-5大片牛肉，每片肉質都鮮嫩多汁，鍋內仲配搭左新鮮的冬菇、本菇、豆腐、温泉蛋、芋絲同蔬菜🥬可以中和牛肉嘅油膩感，用黎送飯一絕。3️⃣ 雪村壽司御膳 $288呢個壽司set好值得推介，有12件精緻岀色嘅壽司🍣同烏冬，特別係鍾意食吞拿魚就必點，因為有齊赤身、中拖羅同大拖羅🐟大拖羅入口即化，另外仲有海膽軍艦、蔥吞拿魚軍艦、三文魚籽軍艦、油甘魚、金線鯛、卷物等，當中海膽鮮甜，三文魚籽爽脆爆汁，用上都係最高級嘅食材，所以cp值極高。總的來說，餐廳座位舒適，服務唔錯，最重要係食物質素中上，加上多款食品連周末都有優惠，所以值得一試。#foodie_couple_hk_sm816…Read More

餐廳位於Isaquare，位置非常方便，設計主打木系田園風，食物都係以健康天然菜式為主，入面仲有好多小盆栽，種左好多小菜苗，可以實踐環保♻️嘅理念，供食客食用。叫完主食後，店員會先送上餐包🍞仲要係暖嘅，應該係以甜麥包為基礎，好有麥香味。1️⃣ 海鹽香茅焗原條盲鰽 $318（需預訂）呢道菜需要預早一日訂，係一個值得試嘅菜式，盲鰽🐟用左海鹽烤焗，上枱時整條魚都喺啲鹽入面，店會會提供錘仔🔨俾食客用黎扑開啲鹽，有得玩又有得食，之後店員仲會幫手切開魚皮，就見到白雪雪嘅魚用，聞到好香嘅香茅同檸檬味🍋魚肉嫩滑多汁，點埋泰式青醬就更好食😋2️⃣ 烤焗威靈頓羊柳 $328平時威靈頓牛扒就見得多，但係威靈頓羊柳🐑就真係第一次食，酥皮好香脆，裡面包住條羊柳條，切開仲係有啲微紅同肉汁，火候控制得好好，肉質軟腍而且羊味濃郁，仲渗岀不少菌香，伴碟仲有不少蔬菜同薯餅👍🏻3️⃣ Hazelnut Berries 跟餐+$34 食左咁多肉，一於就叫返杯果汁解解膩，👱🏼‍♀️叫左呢杯smoothies，係用左藍莓🫐雪梨、榛子🌰再加上蜜糖🍯打成，滋潤得黎又健康，而且味道仲好清新，正！總的來說，餐廳環境非常舒適，而且地理位置方便，食物有質素，晚市仲有 75折優惠，值得回訪。…Read More

平時行街都少不了一杯台式飲品，今次就介紹呢間春芳號，沿於台中，近年開到過黎香港，至今已經有10間分店，佢地嘅茶飲有超過50款選擇，而且仲會有期間限定茶飲，最正嘅係啲特製花花杯，款款都勁精緻，打卡一流📸1️⃣ 蘋果蘆薈綠 $36好香蘋果味🍎蘆薈爽口又清甜，唔係平時嗰啲好啫喱果種質感，飲落好fresh，而且相當解渴。2️⃣ 玉荷青蘆薈蜜 $38呢杯係店舖no.1推介，「玉荷」其實係荔枝，茶底用上台灣嘅四季春，帶有淡淡嘅梔子花香，👱🏼‍♀️點左半糖，飲落去啱啱好，唔會太甜👍🏻3️⃣ 榛果奶茶 $32最新推岀左奶茶系列，梗係要試下啦，有3款口味，包括牛奶糖、拖肥和榛果味，口味都偏甜，建議點半糖會比較輕盈，棒球場榛子🌰口感香濃，並帶有一點烘培嘅香氣，值得一試。#foodie_couple_hk_sm816…Read More

荃灣真係好多商場，而且仲好多野食，大壩街選擇就岀哂名，今次想食得簡單啲，加上天氣又凍❄️最啱食啲熱辣辣嘅湯麵🍜呢間Broth Noodle Rice，主打唔加味精嘅養生湯底，例如濃雞湯、鮮魚湯，最適合想食得清淡又想健康嘅朋友仔，主食仲可以揀淮山麵、泡飯🍚米線等。1️⃣ 藥膳花膠釀魷筒淮山麵 $88天寒地凍，食返個藥膳湯底就啱哂喇，好香藥材味同胡椒味，非常暖胃，配料都唔少，有雲耳、玉米筍🌽等，個油炸鬼本身好脆，浸落湯到一齊食，吸收埋個湯底去食仲正，主角嘅花膠好大塊，而個魷筒🦑入釀滿墨魚滑，爽口彈牙，好鮮味，而個淮山麵質地綿軟，爽滑富彈性，正呀👍🏻2️⃣ 花膠雞濃湯淮山麵 $82呢個雞湯好香濃😋但唔會好油膩，份量依然十足，滿滿嘅雞肉同大大塊花膠，最驚喜係啲雞肉🐓超嫩滑，非常難得，幾十蚊嘅價錢有咁嘅質素，真心抵食！3️⃣ 豆漿 $18總的來說，餐廳光猛，坐得舒服，全程用qr code📱落單，非常方便，而且食物份量十足又好味，可惜嘅係當晚去到手工韭菜餃已售罄，無得追加，下次一定會試下。#foodie_couple_hk_sm816…Read More

啱啱過左聖誕節，唔知大家去左幾多個party呢，等小編今次介紹個私心推介，等大家多個地方去享樂😁呢間酒吧位置非常方便，非常近銅鑼灣地鐵站，而且走科幻Cyber路線，設有霓虹燈、遊戲枱👾而且佢仲有個戶外大露台，環境好chill，酒吧亦提供多款小食、主食、Cocktail、Mocktail，啱晒一大班朋友去玩💃🏼🕺🏼1️⃣ 風乾火腿芝士拼盤 $128飲酒必備梗係芝士🧀️同ham，估唔到有滿滿一大碟，有2款芝士🧀️同2款ham，款式比想像中豐富，火腿食落好咸香，芝士都好香濃，配酒真係絕配👍🏻2️⃣ 蛋汁卡邦尼意粉 $98非常足料，有洋蔥🧅煙肉🥓蘑菇🍄意粉🍝煮得剛好，醬汁好掛麵，仲好濃郁香口🤤3️⃣ Dear $118呢度嘅cocktail每杯都好IG-able，👱🏼‍♀️點嘅呢杯充滿少女心，酒杯好似個星球咁，主要用左Vodka同荔枝酒，酒味唔會太重，反而有好香嘅荔枝味，非常清爽，好適合女生飲用。4️⃣ The Water of Life $118呢杯同樣用左Vodka做base，再加左青瓜🥒青檸、蘋果🍎蜂蜜🍯調配而成，飲落非常refreshing，用上高身杯，睇落好高貴。總的來說，酒吧環境非常舒適，空間感十足，最主要提供到美酒同美食，無論係食物定cocktail🍹都做得好好，職員服務亦非常良好，所以小編非常推介呢間舒適又放鬆嘅酒吧俾大家。#foodie_couple_hk_sm816…Read More

近來有多間茶食店都推出檸檬茶，而呢間就推岀左反樽仔設計嘅飲品，別具特色，而且佢仲有多款茶底可以選擇，包括桂花、茉莉、紅茶、鴨屎香茶，可以自由搭配。🔸檸茶氣泡多多 $46 呢杯係佢地嘅招牌，更係人氣首選，飲品由香水檸檬茶、梳打水同乳酸調配而成，用左「香水檸檬心」經人手錘打，檸檬香氣特別濃郁又清甜，比一般黃檸檬🍋少了點酸澀，乳酸裝滿喺個樽仔，反轉插係蓋上，一路飲一路會自動流入杯中，乳酸嘅酸甜配合手打檸檬茶嘅茶香，味道平衡得好好，再埋梳打水嘅氣泡後，層次更豐富🤤🔸香檸青提啵啵 $41好少見到用青提整嘅飲品，香水檸檬配上青提嘅酸酸甜甜，茉莉花茶🍵亦有陣陣清香，非常清新，杯低仲有不少青提肉，而啵啵其實係寒天球，咬落好Q彈有咬口，份量十足，啱曬一邊掃街一邊飲。店鋪旁邊仲有一整面擺放左粉紅色網球同梳打水樽嘅打卡牆，可以瘋狂影相打卡📸️#foodie_couple_hk_sm816…Read More