cwlchowinnoe的个人专页

今日去左公司附近一間幾有名既茶餐廳食Lunch，見到報紙都有訪問佢地 係附近返開工既都可能聽過佢蛇竇個名，聽講係因為以前好多人去果度蛇王，所以就叫蛇竇喇 去到見十個有九個都叫滑蛋，而且同事又大力推薦，我當然要試下喇 我就叫左滑蛋叉燒飯 飯好多 滑蛋好多 叉燒都好多 而且滑蛋真係好滑好香呀，完全令人食完想再食，結果我同同事真係第二日又再去食過 重點係，佢一啲都唔貴，大大碟飯都只係$38，中上環食個Lunch都算係咁 …查看更多

話說其實我都算係胃口大既女仔，每次Lunch都可以食哂個飯咁濟，成日都比同事笑我女仔人家大食 但係我今日Lunch竟然食唔哂個飯 平時好鐘意食窩蛋牛肉飯，今日Lunch見到Meun有就叫左佢 點知黎到有少少失望 其實其他野都算OK，但係因為個飯唔夠熱，所以隻蛋打左落去都唔識熟呀 如果好鐘意隻蛋咁生既朋友可能會冇所謂既 同埋啲牛好似唔重牛味 但原諒我果陣太肚餓冇影到相 同事就叫左北菇滑雞飯 同事就話佢個飯都幾OK，見到都算幾多餸，而且佢都話個雞幾夠味 結果個窩蛋牛肉飯令我果日食唔哂個Lunch，睇黎下次叫北菇滑雞飯好喇 …查看更多

早兩日好快就食完Lunch，個Lunch又品包飲品，所以決定去試下呢間新開既台式飲品 呢間台式飲品店係香港都係得三間分店，而呢間就係新開既，所以做緊九折 唔怪得日日行過都咁多人排隊喇 我就叫左杯珍珠奶茶，都只不過係$18 因為叫左少甜少冰，所以甜味適中，唔會話太甜，又唔會話冇味 食完Lunch行過又想飲返杯野飲的話不仿試下，呢個價錢都選抵玩 …查看更多

今日有個同事話想食啲濃味啲既食物，所以今日Lunch就去左食印度野喇 聽個名就知主要係賣咖哩既，不過當然都有其他野食喇 不過我自己見佢最出名係咖哩就決定試下，所以最後就叫左個咖哩牛柳飯喇 個飯同咖哩份量都算多，食哂個白飯都仲有咖哩淨 同埋都幾多牛柳下 不過就算叫左少辣都有啲辣，我足足飲哂一杯水先冇左果種感覺 我見同事叫中辣都可以食到面不改容，唔同我真係咁唔食得辣 所以同我一樣咁唔食得辣既朋友試下少辣先會安全啲 最後埋單$55，貴又唔算好貴，但個餐就冇野飲，要加錢先有野飲呀 …查看更多

話說今日落大雨，而公司棟Building又冇咩餐廳，Lunch既時候就想搵間餐廳有咁近得咁近，但求淋少陣雨，所以就簡左沾仔記喇 入到去鋪頭入面地方好大好寛，唔會坐得唔舒服，中上環食平價Lunch黎講好難得講完地方就到食物喇，係食雲吞麵之類既麵類重點係，超抵食呀，中上環食個Lunch竟然可以$28埋單我就叫左鮮鯪魚球麵，鯪魚球大大粒，絕對夠餸麵 雖然份量唔算大碗，但都算飽肚，放工前都冇人嗌肚餓同事就叫左撈麵，貌相一流，份量都好夠 係中上環食個Lunch都竟然可以$28埋單，仲唔係中上環打工仔Lunch抵食既選擇 …查看更多

說今日Lunch行到過上環果頭啲餐廳都好Full，有同事就提議行遠多少少過皇后街熟食中心果邊食北京餃子喇 去到發現今日餐廳只係得返兩種餃子賣，聽同事講平時會有羊肉餃同牛肉餃等等五款餃子，好彩今日果兩款有等鐘意既豬肉餃咋餃子都有再分係煎餃定水餃，我就未完全病好所以簡左水餃本身都會擔心Lunch食水餃會唔會唔夠飽，一黎到真係唔洗擔心，十二隻大大隻既餃子，而且餃子入面都好多肉女同事食半碟都已經好飽，男同事食哂一碟之後成個晏就都冇嗌肚餓 總括而言，中上環打工仔唔想日日食飯食意粉食通粉有時間不仿行過去食返餐北京餃子，又特別，又包埋湯，都只不過係$40，簡直係中上環打工仔Lunch特別既選擇…查看更多

話說同事最近都迷上左Pokemon Go，不約而同咁話想Lunch行遠少少食，就係為左睇下捉唔捉到多兩隻小精靈因此我地今日Lunch就去左上環既佳記 我同另外幾個同事都睇中左鮑魚雞粒炒飯，一黎到果然冇令我地失望，鮑魚同雞粒個份量同個飯既份量好好，唔會太多飯但冇餸 同事就叫左皮蛋肉片湯飯，黎到都好吸引，都係好多餸，不過個人就唔係湯飯既粉絲所以冇叫到佢 總括而言，$38仲要包埋熱飲簡直就係中上環打工仔Lunch抵食既選擇 …查看更多