lamtszching的个人专页

之前每次去紅磡睇演唱會，我都會去時新漢堡食個dinner，之後就好滿足咁去睇show😌😌不過之後結左業，一直都好掛住，好想食返以前味道。最近知道係黃埔開返，作為粉絲當然要去食下，懷念一下以前味道。太耐冇食就緊係叫多啲野食啦😝😝佢個時新醬真係冇得頂，一食就會食上癮咁，好想繼續食，雖然我知道好肥，但美食當前冇理由唔食嫁。而雞脾肉質滑而嫩口，實在太好食啦，雞皮脆卜卜。薯條當然係傳統既波浪薯條，有好多薯仔係入面，不過太快凍左，所以有啲可惜。…查看更多

今個星期男朋友帶我去食西餐，佢話佢加左人工要請我食餐好，所以佢安排訂左依間餐廳。我地叫左三款食物，其中係佢地有logo係隔離，我相信係佢地招牌啦，就係白酒煮青口配黑松露薯條，亦都係第一樣送到既食物。青口好鮮甜而且白酒味道完全入哂味，而薯條好有黑松露味道，勁正！難怪佢會成為招牌菜啦。我地仲叫左西冷同忌廉汁蟹子蠔意粉。我地叫左五成熟，要睇一間高唔高質扒房，我認為係要間扒房有冇聽從你要求，因為我食過一啲扒房，你叫幾成熟，佢就冇聽你order，只求快快脆出餐。個西冷真心唔錯，味道濃郁，牛味好重，作為一個小店煮既西冷我比80分啦而個意粉好有驚喜，除左忌廉仲加wasabi ，好有特式，完全估唔到味道係特別，我都形容唔到。意粉中蠔我地本來以為係啲蠔仔，應該就麻麻地，點知一黎到見到佢有一隻手指咁長左右，而且佢好甜，一啲腥味都冇！…查看更多

每次同男朋友黎到油麻地旺角，我地都會去am.pm.食個pancake先叫完成行程。次次都會order原味再加雪糕😋😋主要食既原因我地都覺得好抵食。如果係日本出名既pancake店，至少要一百二先落到樓，但依間只需要比出名鋪頭三分一價錢就食到咁鬆軟既pancake，個人認為係好符合經濟🤣🤣雖然個價錢比之前一開始貴左少少，但仍然無阻我地堅持去光顧小店。因為現在仍然可以站立係旺區既小店有幾多呀，希望佢地仍然堅持！…查看更多

而星期六生日晚餐，我決定帶男朋友去旺角食西餐，之前見到網上介紹話好抵食，所以決定去會一會佢先。我地叫左兩個set dinner,分別叫左個軟殼蟹菠菜忌廉意粉同埋牛扒。個set dinner都好豐富，有前菜、湯、小食、主菜同甜品。我地叫左凱撒沙律、肉醬焗薯皮、鵝肝、海鮮拼盤。鵝肝係好食，質素係唔錯，海鮮係一人份，唔好以為好多。而主菜方面牛扒係一般，感覺到落左好多鬆肉粉，冇左牛味；反而個意粉有驚喜好creamy。而最後甜品我覺得要改進一下，朱古力心太軟應該用左牛奶朱古力整，我自己就唔中意啦，不過值得讚係應該即整，因為我地都等左好耐😂😂😂…查看更多

星期六下午為左慶祝男朋友生日，決定食豪啲！今次order左和牛壽喜燒同西京燒銀鱈魚。望住個壽喜燒，真係流哂口水，個肉質好似入口即溶咁，加埋個蛋漿，簡直一流呀！而個西京燒就十分正宗，好似去左日本食咁，個魚質滑流，完全唔似食緊魚。最開心lunch set 好豐富，有麵豉湯、沙津、茶碗蒸之外，最估唔到仲有甜品，係北海道牛奶布丁！不過我就冇影到啦，因為實在太好食，唔洗5分鐘就ko哂啦。雖然價錢係貴，但我覺得好值得去試，所以我建議去食lunch係抵啲，因為晚餐實在太肉赤啦。…查看更多

想食all day breakfast 好耐，所以山長水遠都去依到chill 下每次黎依到，成個人都好放鬆 ，好似離開左煩囂香港咁。食物方面：質素真係唔錯，啲野食完成岩哂我。有牛油果同菇係my favourite ！而個蛋係滑蛋十分creamy。而另一個就for食肉獸（男朋友，個牛扒係好食 ，個薯條勁多。不過個腸係冇上次咁好食 好似冇咁油，變相好乾，但都搞到佢要捧住個肚出門口因為個份量都好多。所以每次想食all day 我都會黎依到enjoy …查看更多

今個星期一放工同男朋友去旺角 行下行下 就見到依間店 鋪頭外貌吸引左我 見到個環境都好舒服 特別門口有霓虹燈 見到有唔少人黎打卡影相 而我個人比較鍾意入面個幅白瓷磚牆 咁岩又被安排坐附近而我地點左一人一鍋 因為放工都特別餓呀叫左一個麻辣鍋同沙茶鍋 仲叫左燒茄子同燒雞翼個麻辣鍋配料都好豐富 有海鮮 肥牛 丸類 金菇 冬菇 豆腐 菜 仲有公仔麵 對於一人份 真係可以捧住個肚出門口呀而個沙茶鍋相比麻辣鍋配料冇咁多 但特別讚既地方係好多菜 對於一個咁鍾意食菜既人 係非常好事 而我自己都比較鍾意沙茶鍋而串燒種類都好多 同一個專買串燒既店都差不多 但我地費事做大嘥鬼 所以就叫左兩款燒茄子好正 好多蒜蓉 不過如果有埋辣粉 鬼相信更正 而雞翼雞皮好脆 有少少似土匪雞翼 整體來講大家如果同時想食火鍋又想食串燒 可以黎會一會佢 係一個不錯選擇…查看更多

今日試左依間自助式西餐廳Lunch time都唔算多人 相信有好多附近OL人士黎輕鬆今次試左個classic club sandwich 大大份 份糧夠足 有蕃茄 蛋 青瓜 雞胸肉 不過雞胸肉就有少少‘鞋’而個水果茶就不錯 都幾重百香味 如果本身唔中意飲百香果味就唔建議飲啦…查看更多