羅小寶的個人專頁

今日下午本打算到添記買番個越式三文治食, 但臨時轉軑去左老趙食, 因為好想食佢既咖哩一個人入到去, 柯打左一碗咖哩雞檬同一碟炒通菜食, 咖哩雞檬好味之處係個咖哩汁做到好杰的效果, 我要求了店員俾多一舊青檸我揤落咖哩度, 更覺好味! 雞件好入口, 完全已經吸收哂咖哩的味道, 每一件咬落都好入味, 好好食!最特色係咖哩檬落左兩件豬紅, 而豬紅都索哂咖哩的味道, 變成一件好味的豬紅, 好正!咖哩檬做得好味, 要所以食物都可以入味, 唔係將咖哩汁倒落煮熟左的雞肉就算, 老趙的咖哩雞檬, 好食係因為佢入味, 所以我好鍾意!…查看更多

最近識了一個新朋友, 係一個喜歡食刺身的女仔, 相約一起食飯, 揀了doraya其實我自己都幾鍾意食刺身, 所以這一餐可以講係大家都喜歡食 我自己叫左一份藍鰭吞拿魚生片飯定食, $138, 就如圖中的一碗!吞拿魚片的味道, 和之前在壽司店食到的好唔同, 這裡的吞拿魚, 是有腥味的, 不像鮮紅色但只有籤維味而沒有魚味的魚生, 感覺比較真, 係我食到的比較好食的魚生一碗飯有十多片的吞拿魚, 而且唔會薄, 都幾抵食, 醬油有分專給吞拿魚用的一種, 味道沒那麼咸, 好食!見場內不少食客, 氣氛熱鬧, 食刺身, 不妨試試doraya…查看更多

今日下晝行朗豪坊, 打完xbox 之後, 到左 main St. cafe 坐買左杯 Espresso 同個牛角包, 坐左半粒鐘, 一邊hea, 一邊睇大電視播放的 MTV!杯 Espresso 夠甘夠濃, 不過飲到尾有少少酸, 可能水唔夠熱, 沖出嚟有此情況, 不過每一滴都充滿咖啡味, 實在好飲!個牛角包都幾鬆化, 但唔係好夠熱梳化太舒服了, 這個地方真好 hea …查看更多

星期五晚就係食拉麵, 今次去到Domon 札幌拉麵食女朋友食螃蟹拉麵, 我就食牛油拉麵, 再叫一碟煎餃子share食蟹麵同我個麵味道都係差唔多, 只係我多左塊牛油, 少左幾條蟹柳, 蟹柳試左一啖, 其實無咩特別! 不過, 碗拉麵又真係幾好食, 豬骨味香濃, 而我的拉麵因為加左牛油, 所以麵身更加滑, 食到我 shu shu 聲!芽菜, 紫菜, 粟米, 筍雖然係配角, 但熱辣辣各有各好味, 唔可以少餃子肉餡豐富, 皮唔厚, 都係有水準之作唔怪得都幾好生意, 味道唔錯!…查看更多

星期六晚, 金寶成為我地食泰國餐之選四個餸包括了:泰式辣辣醃粉絲 -- 一般辣, 不過幾酸, 青檸味, 洋蔥, 雲耳, 蝦, 魷魚, 蝦米, 用料豐富, 開胃野一碟, 味道ok酸辣蜆煲 -- 味道同個醃粉絲差唔多, 不過就辣啲, 蜆肉本來鮮甜, 但煲太耐靭到死, 係一個唔係太適合用煲慶住食的菜色 不過味道都幾刺激開胃, 特別係粉絲索左湯味道唔錯, 不過要即食!蒜蓉a菜 -- 夠熱, 幾好食椒鹽軟殼蟹 -- 呢個要推介, 好正, 椒鹽好香口, 送白飯一流!甜品係椰汁西米糕, 有香蘭葉的香味, 椰汁好正, 係比較好食的一間!味道有好有唔好, 不過都合格…查看更多

去萬發食, 有一個特色, 係碟碟餸都好大碟, 好抵食最好食的一味, 叫薯仔牛柳, 用黑椒汁嚟炒, 唔只牛柳, 連薯仔都一齊炒, 所以好惹味, 去好多地方, 我都唔食薯仔, 覺得好乾同埋無咩味, 但呢碟牛柳入面的薯仔, 俾我差不多食哂!蒜蓉腐乳通菜都好出色, 通菜可以炒到香口, 個鑊都幾重要! 呢, 係個隻會出哂火個種鑊氣呢~碟菜好大碟, 都唔知會唔會有兩斤蕃茄炒蛋又係大堆頭之作, 兩個人食, 根本食唔哂味道好, 又抵食, 宵夜吸引了很多人來幫襯!…查看更多

經過這一間賣台灣飲品同小食的地方, 買一盒花枝丸食味道ok, 花枝丸有五粒, 用幼鹽滲落, 入口有一些鹽粒未溶, 不過好在花枝丸本身係甜甜地的, 所以不至太咸! 好想試吓珍珠奶茶, 但係剛剛在貢茶飲完, 無理由連飲兩杯, 唯有下次再飲了…查看更多

返工之前買個麵包食, 俾我買左個幾好食的椰子包椰絲的味道有少少蛋黃味, 好食! 麵包有少少鬆化的效果, 味道同口感都唔錯…查看更多

病的時候好慘, 咩都食唔落...去麵包店行個圈, 買個包食之後食藥, 帶住個口罩, 好辛苦...去到麵包新語, 雖然胃口差, 但係麵包的味道令無食野一日的我都覺得, 香~本來好想買腸仔包, 個賣相好靚, 仲有芝士同茄汁, 應該好好味, 無奈怕肚仔頂唔順, 要忍口, 只係買左一包甜餐包..不過返到屋企食, 好好味, 包身軟熟, 有些少稔的感覺一食食左三個, 對一個病人嚟講, 都幾誇可能太肚餓, 又可能真係幾好食啦…查看更多

無胃口的另一個選擇, 係壽司, 因為酸尾尾咁, 會開胃d唔想同人迫, 於是揀元綠, 一間比較令人覺得local的壽司店, 唔會吸引人龍, even 半價但其實味道唔係太差...炸豬扒拉麵夠大碗, 湯好夠味, 雖則唔authentic, 但係又有紫菜, 又有魚旦, 筍, 京蔥, 芽菜, 絕對唔會比打正日本旗號的店失禮壽司用料認真, 今次食的甘蝦, 鰻魚, 鵝肝都好味, 甘蝦幾鮮應該俾次機會佢, 我認為~…查看更多

最近胃口只係一般, 因為感冒剛好, 未完全恢復對飯類, 湯麵都完全提唔起興趣, 只好食delifrance簡單的吃一個煙火雞法包, 味道唔錯!法包個皮硬左d, 但係包肉好味, 隻麵粉夠稔性餡除左火雞外, 仲有西生菜, 蕃茄, 火雞片三塊, 雖然唔好, 但做cold cut, 啱哂我呢種無胃口人士服務就一般, 個個都好似很累的, 不過都做到基本服務, 只係欠缺一點笑容個包好食, 補番數…查看更多

其實除左食德發之外, 仲柯打左華香園的加也多, 加也多, 有的餐廳叫加央多, 都係同一樣野, 係椰蓉多士加央好味, 不過美中不足係層加央真係超薄, 所以九成係食麵包的感覺, 只有一成係加央, 但係, 又要講多次, 好食!對角切成四等份, 賣相幾好, 而且細件d, 食得方便!…查看更多

最近都食過好多間唔同類型的食店, 德發的印象比我係最深因為坐得辛苦, 天氣又焗, 雖然有風扇, 但係成身都濕哂, 吹都無用! 食物同樣印象深刻, 柯打牛丸米食, 五大粒牛丸, 蘊含豐富牛肉味, 彈牙爽口, 好食到停唔到口!湯的味道屬於五香粉之類, 咸中帶甜, 典型牛腩河gor隻味, 廿蚊一碗, 食完仲好想食多碗!不過食飽之後都快快趣俾錢走人, 好熱呀…查看更多

椰汁大王真係要提防假冒, 上次買錯左椰汁之王呀陰功, 買左先知正板係唔同d架, 椰汁夠滑, 無咁多雜質, 唔知點解, 第二間同佢個整法好似一樣, 但係都係有分別, 唔通有特別秘方?點都好, 一定要小心, 唔係就上當…查看更多

聽好友講鳳凰邨有間上海飯店味道幾好, 星期六晚和家人前往一試先從冷盤入手, 企堂哥哥叫我地試試西芹豆干, 筍同炸魚, 三樣之中, 以炸魚最好食, 做法係糖醋的方法, 將魚炸到卜卜脆, 好好食!上海粗炒味道濃, 比較多油, 但係夠鑊氣, 上桌時熱辣辣, 有水準之作!沙茶牛肉粉絲煲就真係太多油了, 可能用煲裝係主要原因啦, 多油到食唔落, 呢個比較失色此店的特色係食物味道較濃同多油服務幾親切友善, 特別係阿哥仔雖然口花花, 但係其實幾好人…查看更多