oceandummy的个人专页

倆口子去慶祝紀念日。想搵到靜靜地又坐得舒服的地方食下野。記得之前黎過Alfafa食飯，地方算大，啡木的裝潢同柔和的燈光，主打健康食物味道又唔會太淡，選擇多，有單人dinner set、二人餐(飯、意粉、pizza任君選擇)。因為之前d大時大節會有特別menu，價錢貴一個double都有，所以之前聖誕、新年、情人節d日子都食唔成。正常價錢的menu唔同的配搭令人花多眼亂，因為有兩個人所以可以食：1個2人set / 2個1人set / 單點main menu 加錢變set。因為二人set都要368(而入面既main course唔係特別中意食)所以最後都係叫1人set加少少錢有甜品同小食。同叫個二人set包含既野係一樣 (湯 + 沙律 +1個小食+ 2個main course +甜品+飲品)。我叫左個漢堡，不過成個包都唔係太熱，只係暖暖地，而煙肉又熟到燶燶地唔食得，個芝士似就咁放上去，因為個包唔熱溶唔到塊芝士。塊牛肉唔係煮到全熟，入面有少少紅不過無血水，唔韌肉質有d鬆散。不過勝在個包皮夠脆，成個食落又唔會好dry。以唔係專賣漢堡，整體來說都可以接受。而薯條的色水就咁睇都係淡黃色唔似用千年油去炸，而食落同睇個盤都唔油。甜品無得揀既，係tiramisu，個人唔係好喜歡有酒味的tiramisu，呢個食唔出有酒，幾好味。…查看更多

去左city食平lunch，如果以city canteen 黎講，食物質素最好都係AC3。可以食即整熱辣辣的窩夫配雪糕同湯。不過因為今日成日都未食過正餐，所以都係叫左個烤雞脾拼漢堡雞柳。意粉係用蕃茄醬炒過，睇落好吸引不過食落無咩味，要靠個肉的汁先有d味。雞脾整得好淋又入味，但係漢堡扒本身唔好食。個餐本身無野飲，唔記得要加6蚊定8蚊先有野飲。…查看更多

星期日的新城市真係好多人，我地去左隔離既瀝源邨食野避下d人潮。呢間小店的裝潢一睇就知仲未受到領展的洗禮，人情味濃的小店真係買少見少。呢度的選擇唔多，最抵食的都係食午餐(32+2凍飲)，本身係有餐包、叉燒湯意、火腿奄烈同野飲。見其他人都係成個set食，不過唔係叉燒湯意，細問之下可以轉配其他，應該menu上面有既都可以揀，呢d小店的彈性通常都好大，可以切合返個人的需要，就好似淡熱檸水，只係放兩塊檸檬。因為小店唔似做埋夜晚，所以三點去到已經無叉燒同沙嗲牛。我叫左餐肉公仔麵。個麵一黎到就睇得出係福字麵，因為比公仔麵深色。宜家已經好少食到福字麵lu……而餐包應該都係賣哂所以就變左做波蘿包，個包似有餡咁，食落甜甜地，大熱天地配埋個凍奶茶真係爽YY。…查看更多

今朝去做運動之前食個早餐醒醒晨先。呢個茶記30蚊有個包 + 火腿奄列 + 五香肉丁麵 + 熱飲。呢個價錢以宜家既茶記黎講都唔算貴啦，有包有餸又有麵。麵質上碟時有少少硬，再浸一浸食就岩岩好，總好過一黎到就已經淋哂，五香肉丁的份量的唔太少。火腿奄列入面有蛋殼，師傅的打蛋功夫影真麻麻。…查看更多

今日lunch原本諗住同個同事去食西餐，但係行行下見到呢間新開的居酒屋，個menu 都有好多野可以揀：有魚生飯、雞扒胡麻醬烏冬、鰻魚飯、又有肉眼扒…價錢由五十幾到八十幾都有。最後我揀左燒三文魚飯($78)，而同事揀左三色刺身飯。三文魚有三塊，呢個份量”送”白飯剛剛好。三文魚無骨，不太咸不太淡，個魚皮仲整得脆脆地，真係幾好食。而且三文魚份量比其他同區的餐廳多少少。成個lunch set 仲有沙律 (入面有好甜的日本紫薯)、蒸蛋同麵豉湯。食其他五十幾蚊的lunch set都有咁多野配，性價比很高。唯一的不足之處係結帳單只列明lunch set 的單價同總數，我地不知道總數已經計埋加一。不過都有興趣再試下其他set。…查看更多

間唔中lunch都會黎下呢度食，lunch menu有時都會轉。不過轉極都會有個係”皇牌”烤澳洲肉眼牛扒配蒜片紅酒燒飯/薯皇。呢度可以揀餐湯/沙律/飲品/雪糕/奶凍，可以揀幾多款就要視乎個main course幾多錢，60以上可以揀三款，而燒汁牛扒$68，有三款。餐湯次次黎都係得一款，之前試過菜湯好淡好稀，最好味的係忌廉魚湯，而今日係南瓜湯 – “杰”得黎又熱熱地，所以飲得好慢。沙律：如果餐湯唔岩飲我就會揀沙律食，沙律不過不失吧烤澳洲肉眼牛扒配蒜片紅酒燒飯：通常牛扒都有厚度得黎又大塊，不過上次食既時候竟然得呢度的一半，而隔離將枱果個人都係得一半，不過有兩塊。無得揀幾多成熟，不過唔韌，但係今次塊扒唔太熱，唔似係即係整的。雪糕：menu話係自製，但係我自己分唔到自製係點，所以我都唔知係唔係。通常都有三隻味，雲厘拿、綠茶同朱古力。三隻味我都試過，朱古力特別d，因為有朱古力碎係入面，有咬口d。奶凍：都有幾隻味可以揀，係用個玻璃樽載住，朋友食過話好味，不過我未試過。…查看更多

之前經過呢間餐廳見到外面好「木」的裝潢，一直都想試下。今日十二點半去到人少少，得一枱客。Main dish 同飲品(唔同的咖啡, soda)都有多好款可以揀，我揀左辣吞拿魚闊條麵 + hazelnut latte。上菜的時間先知原來有埋餐湯。餐湯係羅宋湯：入面有蔬菜，唔算太濃味/有味精。辣吞拿魚闊條麵：份量算多，唔辣，薄身的闊條麵，吞拿魚夠多可以撈均闊條麵，食到最後都仲有吞拿魚淨。不過伴碟的沙律菜可以加點醋/沙律醬會更完美，唯有點個麵d汁都同樣好食。hazelnut latte：不太甜, creamy, 食哂個麵飲到大半都好飽飽了聽到職員話佢地會每兩個月轉一次menu，下星期會轉。同埋佢地夜晚係做法國菜的。Lunch唔爆，坐得幾舒服下。…查看更多

好耐都無係馬鞍山食過糖水，雖然今日係平日的夜晚，但係都預左食完唔可以坐多陣傾下計。原本唔係想食甜館，只係見呢間咁岩唔洗等位先入去食。野食係唔差既，係衰在d態度唔好，所以前幾次都係叫外賣拎走食好過。上次堂食都係幾年前既事，一食完就即刻收走哂d野要趕人走唔好阻住佢做生意咁。可能因為附近多左間新派的甜品店，甜館相對多位d，所以今次就俾多次機會佢。我地兩個人，因為唔想坐門口位就揀左入面的4人坐。個waitress講明等陣人多都係要搭枱，這是先小人後君子嘛?因為未食晚餐的關係，我叫左個飽肚d既紫遇情迷比利時(紫薯脆餅+雪糕+窩夫)，個窩夫係即刻做既，等左一陣，上到黎仲係熱辣辣。雪糕都有四 , 五款可以揀。我就揀左曲奇，不過雪糕球略嫌有d細，食左一塊窩夫之後都無左一大半雪糕，窩夫上面的蜜糖又太多。食哂雪糕之後再食窩夫就真係dry左d。食完坐左一陣開始有一兩枱人等，個waitress 終於出手收手我地d碟都叫我地調位讓俾出面個人坐。雖然唔係無禮貌，不過有時去得糖水鋪都係想食下野，坐一陣，傾下計。無奈馬鞍山始終都無唔到間坐得舒舒服服的糖水鋪。…查看更多

有時lunch叫唔切外賣都會行過去嚐來外賣自取，勝在外唔洗等好耐、外賣的份量對女仔剛剛好、無茶餐廳的外賣咁味精。今日叫左蝦仁炒蛋雞球飯，因為外賣自取所以減左2蚊俾34蚊(連熱飲)。有時會唔想飲杯野，但係唔要都無得減一兩蚊。今次個飯望落去真係唔吸引，蝦仁炒蛋唔足料，都係打個芡汁，蛋碎同無咬口的蝦，完全唔係將兩樣野一齊炒，變左個芡汁係主菜。唔係雞球，而係普通烚熟左既雞塊加埋落個芡汁度。整體的味道比較淡。之前食過蕃茄炒蛋雞扒飯，好味同開胃d，不過menu唔係咁regular，真係未必遇得岩。…查看更多

是晚父親節，因為今日無慶祝活動，所以周圍睇下有d咩可以頹食。由於唔想咁迫人，所以去左唔係大商場入面的大快活食，明顯少人好多，唔洗定位又可以坐定定係人送餐過黎。可惜唔係好晏，好多野都已經賣哂, 無鐵板食。都係穩穩陣陣食返佢地d咖哩 - 咖哩牛腩飯。咖哩都算係佢地的翻生之作，但係竟然同以前差好遠，既唔辣又唔惹味。D飯仲要好硬，未煮到全熟咁，撈埋d汁都仲係硬。好失望~~~~~~…查看更多

星期六訓晏左，一起身兩點幾就直接去左泰華食lunch。因為星期六日要三點先有下午茶(平日兩點)，所以食左個Lunch - 炒貴刁，加埋凍飲，齊頭50蚊。炒貴刁d料都算多，叉燒、蝦仁、蛋、火腿。叉燒似隔夜，係d蛋特別好食有蛋味。成個都算有少少穫氣，炒野始終都會有d油，油的程度可以接受，少少辣。仲好細心咁連埋辣醬一齊上，其實唔點都好夠味。…查看更多

行旺角又未到食晚飯時間又唔想食煎釀三寶/魚旦/燒賣。突然之間就見到呢間有得食爆谷又可以食雪糕。兩樣都係我中意食既野，加埋會唔會仲好味呢?雪糕就無味可以揀，而爆谷我揀左芝士焦糖。仲以為係夾埋同一隻味原來係分別兩種。Size 得中杯同大杯。個雪糕球外面都係俾爆谷包圍，連個底都係。我本身中意食咸野，但係呢個芝士爆谷配雪糕食唔夾，反而焦糖味好食d。如果雪糕球大少少，少返d 爆谷會好味d。整體來說，很一般吧，都係戲院即刻整的爆谷吸引d。兩樣野加埋其實無咩特別，未試過貪過癮都可以試下既，但係就吸引唔到我再食第二次了。…查看更多

原來荔枝角同長沙灣中間都有間意樂，呢間仲幾多位，見到外面有人等位，但係我地得兩個人即刻有位坐。lunch set 我要左白湯無要野飲(一係湯一係飲品)，個白湯不過不失，不過勝在夠熱加分不少。主食叫左法式紅酒香茅牛肋骨配白飯：個汁唔似紅酒似蕃茄味，撈埋d飯黎食就稀左d似湯飯咁，牛肋骨沒有骨，似牛腩多d。同個名唔match，但係味道同價錢都可以接受，宜家係荔枝角/長沙灣要食到間”企企理理”的餐廳都唔平。呢環境闊倘，食物賣相不錯，味道不過不失。…查看更多

有時返工lunch都會去南記買外賣，貪佢夠近夠方便。我見上次打電話叫定外賣自取都係要等一陣，所以索性早少少行過去，趁未多人之前去鋪頭嗌外賣。其實比岩岩開業果時都少左d人幫襯，所以去到先叫外賣都好快有得拎。今次又係叫豬腩肉加春卷，因為上次食過豬腩肉薄薄地又夠入味，薄得黎都有幾多塊既，我覺得好食過豬大腸。而春卷外賣會分開裝，其實買得返黎都唔會太脆口，不如放係湯度吸下d湯仲好食。小鍋米線的配料都好多，食哂成個米線都仲有配料淨。因為小辣唔夠惹味，而上次叫中辣，一邊食一邊好想飲野，好彩上次有叫豆漿，但係今次中辣無上次咁勁，辣度水準好唔穩定。不過食完之後，全日都會覺得口渴，都係少吃為妙。…查看更多

今日lunch叫外賣食，其實荔枝角除左程班長都無咩台灣野食，綠仙子算係比較大間，但係今次第二次食都係覺得麻麻，食材同煮法都好普通。今次叫左南乳雞翼飯係推介的款式，所以都期望正正常常。仲以為係用南乳炒到比較乾身的雞翼。南乳味係有不過就加左個汁蓋過左d南乳味，個汁似「燒汁」味，仲令到個雞翼無咁脆口。d菜係要放左係雞翼底，吸左d汁，放係飯面清清地會仲好味lo個飯唔係靚米，食落無飯香味，睇落唔"林"，但係食落好糊咁~~而飯上面又係唔「燒汁」似肉燥汁，如果想撈多d汁送飯，「燒汁」mix「肉燥汁」好怪。因為外賣再加多1蚊~~~埋單$36一個lunch…查看更多