ttiggersa的个人专页

放假又落雨，最好就係去食afternoon tea!今次揀左four season我地坐梳化位，較為光猛，相對4人枱闊落，但成個環境覺得比較嘈。叫左2人set茶：Organic Rooibos and Ginger Peach咸點三文治---ok三文魚格仔餅---三文魚好味，但格仔餅有d厚，如果三文魚大塊小小會仲好芝士蕃茄---好味，但蕃茄有小小"send"味另外件撻同半圓包仔---味道好一般scone都幾好味另外附上果醬(我估係小紅莓醬、clotted cream和??果醬)，好好味，比scone更吸引，好似係自家制甜點左上：外面係蛋糕，入面係類似梨味既cream左中：berry味做得幾好，酸酸地幾消滯左下：面頭咖啡味鏡面+朱古力cake，好濃既朱古力味，面頭粒榛子好脆，無"億"味，建議4件甜點中最後先食呢件右：中間有cream，底部係無花果，唔太甜，好足料，啖啖肉最後另上甜品肉桂味冬甩、雪尼拿醬+berry醬服務員送黎已經聞到勁香肉桂味，入口味唔算太濃雪尼拿醬+berry醬唔甜，但分別自己既味道都好出總括黎講，甜點比咸點做得出色好多…查看更多

記得小時候每年去尖東睇聖誕燈飾都會經過，但係一直都無留意，直到上年睇康熙來了介紹香蕉批，決定要黎試吓，即刻上openrice搵資料，一於係紀念日黎食好野。我提早兩星期訂位，remark左想坐梳化，另外職員有問係唔係特別日子，會送上一份小小驚喜。等待既呢兩個星期，時間好似特別漫長!!好其待終於到啦，原本我地訂左19:00，但早左15分鐘到，職員好快就安排我到入坐。環境好好，全部都係用木既設計，好英式!我地order左 露筍沙律、Blue crab cake、New york strip(12-oz)、香蕉批點餐後送上熱騰騰既法式麵包，加上帶小小咸味既牛油，好好味~我將麵包面搽滿牛油，好香!Blue crab cake服務員預先分成兩小球上菜，啖啖都係蟹肉，好足料，但略為有小小咸露筍沙律我揀左配blue cheese。露筍都幾新鮮，清清地，可以沖淡crab cake既咸，一陣好好品嚐主菜New york strip(12-oz)我點左medium rare，個人覺得medium rare係最好味，肉質最嫩，最可以食到肉既味外貌一d都唔花巧，唔會有網紋，但表面燒得好靚服務員準備左兩隻碟，問我地係唔係share食，係就即刻幫我地分兩份上菜肉既表面香脆，內裡粉紅色，但無血水滲出就咁都聞到牛本身既味，入口好juicy，肉汁滲透到口既每一個位置，好濃既牛味，有一種幸福既感覺香蕉批好多好多香蕉係面，加上用火加熱過既糖，香甜中帶點微甘苦焦味，入面既吉士好滑，有淡淡既雲尼嗱味，下面個兜形餅香酥而不滯，tasty我地既週年小驚喜我地都好滿意另外每道熱食上菜時，連隻碟都熱辣辣，食到最尾都唔會因為食物凍左而令味道失色，呢方面真係好貼心。服務員每次提醒碟熱，小心燙手，好細心。…查看更多

店內都幾多人，好彩係一人晚膳唔洗等位就入得去。叫左招牌菜海南雞飯餐，唔洗一分鐘就攞左前菜及醬汁，前菜係OK，醬汁比較甜。再黎一個味精雞湯；最後係海南雞飯餐，雞既味道都算係正常，但無乜雞味，D油飯，好似食緊生米一樣，無味之餘又好硬！唯一好味既，就只係杯熱檸水:(…查看更多

今次係第三次黎食扒，六點鐘，人唔係好多，坐左了張方枱，舖上綠色格仔枱布，好懷舊既感覺！先上多士 牛油，佢用銀帶有鹽牛油，多士熱脆，好味。再黎紅湯，味道ok,但可以再濃多小小。到主菜免翁牛柳（五乘熟），大塊多汁，生熟適中，都有小小牛味，但中間有筋有，扣左分，同我上兩次相比差左少少。最後熱檸水，夠檸味！…查看更多

今日無帶飯，都唔知食乜好，同事話呢間好食咼，咪試吓囉。時間早，都唔係太多人，我叫左個set lunch 海鮮意大利飯，味道唔錯，一啲都唔'流'，最令我意外係汁入而有啲蝦干，以呢個價錢都算足料。另外有drink bar,飲品任飲。湯 主菜 飲品都係$28，算係咁啦…查看更多

唔係第一次食cova既蛋糕，不過對佢既評價依然都係好低。記得有一次食完個Mango Cream Dome之後，我同屋企人都痾左兩日...(又一城分店訂)，同理d杧果肉瘀色....果次我係餅店攞左個蛋糕15分鐘番到屋企，一到番屋企即放入雪櫃，2hrs後攞出黎食，已經係咁....我零願去美心買件$15杧果蛋糕無咁嬲。講番今次先，今次order左個Chestunt Cream，個樣就幾吸引，面頭有6粒栗子蜜餞，切既時候蛋糕好軟綿綿，切開有兩層栗子蓉，都算多，心諗應該會"進步"左掛，一食...栗子好甜，咁都正常，第二啖栗子蓉，嘩!!!!甜到好似食緊沙糖糖漿咁，太軟，好似膠水咁...咁我又不得不承認佢個蛋糕同cream係好好味，d cream唔甜又唔膩，不過我而家我係食栗子cake，唔係cream cake，完全無哂意思!!雖然我係用coupon換唔駛錢，但都唔應該係咁囉...…查看更多

有一次前同朋友出街，突然好想食片皮鴨，我知北京樓D片皮鴨好好食，但對於我地兩個女仔，實在太大隻，問過朋友知道霸王山莊有片皮鴨，一於去試吓先!之前都有食過佢既醉雞都幾好食，所以對呢間食市個印象都幾好。今次叫左咸肉豆腐湯(一碗)、酸辣湯黑金剛麵、小籠包、片皮鴨(1食)咸肉豆腐湯：好清，好有住家湯既味道，奶白色既湯又帶有淡淡既咸肉味。酸辣湯黑金剛麵：好想知咩係"黑金剛"，所以叫左黎試。酸辣湯底就一般，灰灰地色既黑金剛麵，好滑好彈牙，但係太滑太彈牙，所以勁難咬開。小籠包：味道一般，不過兜醋就差D。片皮鴨(1食)(約$150)：鴨皮好香脆，皮下有D肥膏同埋油，但唔算太油膩，肉質香軟唔乾，都幾juice。分別有十五六塊鴨皮同鴨肉，分量都幾多。包住鴨皮食果塊粉包皮有d靭，京蔥同青瓜就幾新鮮。食完之後有d好滿足既感覺:)下次可以番叮片皮鴨…查看更多

由細食到大次次都叫茶餐多士,炒蛋,叉燒湯意速度快多士次次都好靚樣牛油份量岩岩好正!!…查看更多

我係去呢道食lunch，環境好正，又有免費泊車。個幾好食，份量夠，同埋好有肉味，正。d羅宋湯好好味…查看更多