Foodie_Cookie的个人专页

食物質素喺度就唔多講。今次想提提大家，買外賣一定要對啱張單先好走，三番四次都俾漏野，唔係漏碗粉 就係漏個餐，落去拎返就好似呃佢地咁，真心想問吓佢地點做生意。就算唔關乎誠信，返工都唔該拎個專心度出嚟囉…查看更多

當想食日本菜, 好多時都會諗起佢, 總覺得佢地無論壽司或熱食嘅食物質素都好好 (起碼壽司係有師傅即時製作, 性價比極高)今次叫左壽司拼盤, 燒鯖魚, 太卷及燒牛舌 (不過因為太喜歡食燒牛舌, 所以食完先記得要影相)佢啲壽司唔似一般連鎖店, 食完成日覺得好口喝, 要不斷飲水, 而且佢地食材都好新鮮. 不過我最欣賞都係呢間餐廳嘅燒物,燒牛舌真係冇得頂, 咸咸香香, 味道一流.  至於燒鯖魚就外脆內嫰, 魚香濃郁.…查看更多

第一次喺Simplylife食早餐(不過係11點的早餐), 我一直以為佢地嘅早餐只提供麵包及All day breakfast等, 原來都有其他以外嘅選擇. 今次同朋友揀左蝦肉漢堡及蕃茄手製意粉, 上主菜前每人有一份麵包及磨菇湯,兩樣都幾好味.先講漢堡, 份量超大, 一個女士食一份做早餐, 真係可以頂到至晚餐. 漢堡入面嘅材料非常充足, 涵料味道亦唔錯.  至於蕃茄意粉味道淡淡的, 可能是手工製關係, 質感亦比一般意粉堅韌有咬口. 整體味道是不錯, 只是味道有點淡.可能我地入座時間尚早, 人流不太多, 室內算是較寧靜, 幾適合傾偈.  假日好餐廳名單又從此又可以多一間. …查看更多

韓式午餐通常離不開石鍋飯, 豬/牛/雞肉配白飯, 超辣拉麵, 冷麵或伴麵等..  呢間餐廳午餐選擇都算多, 只是未見有common嘅可鍋飯.今日午餐揀了年糕餃子配白飯套餐 (包一罐果汁飲品), 價錢($55)都尚算接受.“餃子” & “年糕”都係急凍食物, 味道不過不失, 沒有什麼評論可言, 唯一想講就係年糕比較韌及硬, 好似仲未有煮透.按地區及份量黎講, $60.5 (加一後)嘅價錢都免強可以, 但以食物質素, 我就覺得性價比有點低.不過呢間餐廳有一樣野我覺得幾讚, 店員遞上罐裝飲品俾我地時, 佢有問我地需唔需要用飲管 (起碼有得俾選擇顧客) (環保意識不錯)…查看更多

呢間車仔麵真係冇得輸, 平日中午冇得ding my lunch box, 我都心思思去呢間小店食車仔麵. 佢個湯底唔係只得咸嘅豉油味咁單調, 食得出係有料到.我平時都係叫豬皮, 豬腸, 魚蛋加辣醬 (辣醬係必須嘅) (埋單$39), 豬腸好乾淨, 冇一陣臭臭味, 堅係正, 必點! 豬皮爽滑彈牙勁索湯, 都係必點餸之一. 至於魚蛋, 應該算是情意結, 香港地道街頭小食嘛! 不過呢間小店嘅魚蛋都好有質素, 又爽又彈, 一D都唔似其他店用嘅發水魚蛋.整體食物質素高, 味道正, 翻食指數係極高.呢間小店唯一特別係冇座位提供, 平時只可以喺bar枱立食, 或者買外賣返公司食, 所以大家都好快食完就閃人…查看更多

星期五黎到沙田新城市, 先至喺Openrice睇有咩餐廳正, 見呢間餐廳食評唔錯, 食物相片又吸引, 所以就揀左呢間食. 喺冇預先book位嘅情況下, 由拎飛至有位大概用上45分鐘. 不過因為朋友未到, 所以就喺店旁嘅位一路坐一路等.我地兩個人點左個「大豬集滙拼盤」, 朋友就再加多一杯啤酒. 起初打算食完拼盤再叫西班牙飯,點知食完個拼盤就已經飽哂.呢個「大豬集滙拼盤」包括有豬肋骨, 乳豬, 豬手, 豬件, 焗薯及前菜等. 份量十足, 呢個拼盤因為每款都起碼有2件,特別啱2人分享.先讚烤乳豬,皮夠脆, 幾好味. 香腸係我favorite,所以佢無論點整我都鍾意食. 其他配菜就不過不失, 至於個豬肋骨, 唔知係醬太多還是鹽太多, 味道過咸.餐廳店員都幾積極主動, 值得一讚.唯一缺點就係店內有D嘈, 我好難先聽到朋友講咩.  如果想傾偈, 我就建議另覓地點.…查看更多