overrated的个人专页

今日朋友突然黎接收工，話帶我去食西班牙菜，我未接觸過西班牙菜，不知味道是否正宗，但的確很美味。餐廳位置係西港城附近，上環收工的我十分方便，環境但我沒有拍照。忙了一天已經有點肚餓，馬上點菜。菜色是跟openrice食評介紹啲去點，上菜速度非常快。雖然每份份量不算多，但叫了6樣食物，加两杯飲品，两人食飽飽，埋單大約千一元。面向廚師坐，一面欣賞食物，一面欣賞有型啲廚師為客人專業地烹調食物，很愉快啲一晚。ps.吃完不覺得口渴，也沒有口腔不舒服的感覺，應該是沒有味精。…查看更多

早日同三個同事一齊食肥腸雞煲，本身不特別鐘意食豬腸，但是雞煲裏的豬腸又諗味道又好，好有驚喜，仲可以再添。由於雞煲加左一次食到好飽，所以打邊爐都唔係食左好多。但食物質素真是好無論牛定魚海鮮都新鮮又好食，不會因為任食而求其，服務又好，希望可以keep住，不要越食越差。…查看更多

上個月尾係openrice買左優惠券，以每位188價錢，食點一龍的點心放題，二個人共食左15碟，當中我覺得必必必叫的係金影火腿叉燒包，熱辣辣，外面鬆脆，十分好食，其他都有水準，只有春卷我覺得麻麻，啲餡好似好多粉咁🤪我同朋友都唔大食，如果可以每樣一件件咁點就好了，每次點都是一籠两三件上，有啲想再點都唔敢，朋友想食叉燒包，我就一定要幫拖如果有機會變成一件件落單，我地應該再去食如果胃細想食精啲可不必叫：1春卷，2蘿蔔糕，3排骨，4喊水角(其實都好食，不過阻胃)…查看更多

今日同同事三人行去左cheesecake factory午餐，坐低就送上两款餐包，我自己有整開麵包，呢两款免費的餐包都係有質素，無添加無謂化學品的天然好包包，不是劣質麵包，好吃。讚！！叫左個紅菜頭沙律，普通，無乜特別而且有啲細碟。另外叫左個泰式雞肉飯，都幾好食，泰式汁又香又有小小甜，配飯好開胃，雞肉唔太嫩但我要求唔高，覺得overall 個飯係好食，下次黎都可再叫。叫左個炸雞，配薯蓉，個薯蓉比炸雞出色😂最後叫了個芒果青檸芝士蛋糕作一完完美句號。Total 三人消費$594…查看更多

早日係圓方Oain Quotidien同朋友茶聚,環境唔錯，服務更加係令我有點意外的好。侍應生好有禮貌，食物都唔錯，普通食個tea都變成左一種享受。經過又想tea,都值得入去坐下。Scone有三種醬，分別係cream,黃梅果醬同好似甜花生蕉糖醬，雖然不是配English clotted cream,但一件只是24元的Scone都感覺到有心思。已經下午四點幾，但仍然可以叫早餐，所以叫左個Smoked Salmon Breakfast。仲有一杯Cappuccino 同Americano. 消費左228，值！…查看更多

坐低叫左個200蚊的lunch set 過左一陣，話無左嗰set, 只有另一個一模一樣多杯野飲$250，都無所謂，啱食就得，因為甜品係我最愛的芒果糯米飯。隔左一陣，就有員工收錢，未食收錢都ok 有啲地方係咁嘅....沙律係ok正常的，之後上主菜，三隻虾都唔新鮮，有隻梅到好似薯蓉咁，無誇張。好彩未食，佢肯換其他，我搵左朱腩，其實我唔想食燒味，可惜無選擇的餘地。越食就越不安，呢間野太唔對路，驚無左芒果糯米飯。點知食件件朱腩就見到個員工又行過黎，個心一沉，當然就是無左芒果糯米飯！話換個雪榚，我唔食雪糕，所以要紅豆沙。食物質素係好一般，員工態度係唯一可取，但處理手法就大有問題，收完錢先乜都無，又唔新鮮。二百五一個咁樣的lunch，唔值。如果一早話無芒果糯米飯，我就唔會叫個餐。散叫其他食物。原本心情好好地，結果一肚子悶氣。好似俾人𠱓左咁，永遠唔會再幫襯。…查看更多

今日同同事一齊搵野食，之前已經想試呢間印度餐廳，但減肥中一直唔敢食，始終我係一個好自律同忍到口的人。今日鼓起勇氣，諗住食小小，唔會太肥，結果......我忍唔到口，食汁都食晒，清碟＞_＜ 印度薄餅naan好新鮮，鬆軟，有淡淡的牛油香，但不是油淋淋，原來店主(也是㕑師)在餅面掃了一層牛油。未吃完一塊，已order多一塊。我地仲叫左咖啡雞，小小辣啲汁好野味，雞肉嫩，加埋naan真是好正。另外仲order左一個薄餅虾卷，熱到燙手。因為有啲蔬菜同新鮮薄餅包住，口感有小小煙韌，清新，加上印度乳酪醬的香味，令我把減肥呢件事完全拋諸腦後。舖頭好細，店主話有時忙要係㕑房煮野，未必招呼周到，所以可能會有客人不喜歡，但對食物，佢都係有要求同認真，會使用好材料，食物新鮮。下次要試埋佢杯奶茶，同薄餅！！…查看更多

聽朋友講好正，上星期六去試下。嗰然有驚喜。除左有梅酒清酒任飲，另外有果汁俾唔飲酒的朋友。食物方面，先講講牛，睇相都見到有幾正，食落都好親鮮，有牛味，我個人最 鍾意 肉眼。 刺身方面樣樣都好新鮮 仲有一大份海膽 !!大滿足!除咗刺身 仲有蠔同蜆，好甜。 仲有喜之次 不過喜之次就普普通通。總括而言 值得返吃…查看更多

真心永遠唔會幫襯第二次，今晚收工約左舊 朋友聚舊，開開心心去到， 一坐低就畀 一個師傅用好嚴厲嘅語氣 呼喝我關番度門。我唔好手尾，認衰去山番， 之後我先到的朋友 細細聲告訴我呢個師傅好惡下，之前已經落單已經唔係咁好老脾。 當我睇完menu想落order 搵咗個以為有善啲嘅師傅落單，我: 唔該一客鰻魚壽司 唔係sorry sorry鰻魚手捲 先啱，個 師父竟然又係用好唔耐煩嘅語氣講 :點呀 壽司定手捲呀!我當堂呆一呆，都未呆夠两秒想再落order, 第一個兇神惡煞嘅師傅就開口話 畀佢諗埋先啦 !氣到食唔落走人返工要受氣，無諗過出嚟食餐飯都要咁樣受氣!…查看更多