70s70kg的个人专页

Mokumoku Yakiton（尖沙咀） 是一間位於尖沙咀的日式串燒小店，主打各式燒物與新鮮刺身，氣氛熱鬧，適合朋友小聚或下班喝一杯。店家重視食材本味與火候，份量以可分享的小份為主，價位中等偏親民。以下介紹一下我比較喜歡的食物，喜歡吃內臟有很多選擇：刺身：油甘魚肉質緊實帶細膩油香，切得厚，入口綿密回甘；赤蝦甜度高、鮮味突出、口感彈牙；帶子厚切鮮甜多汁，沾少許芥末醬油即可提味，不蓋鮮味。 雞心串：外層微焦帶炭香，內裡彈牙有嚼勁，鹽燒簡潔而有層次，咬下去能感受內臟特有的香氣，配柚子酒都合適。 豬肝串：處理得乾淨無腥，表面微微焦香、內裡綿密順口，肝香濃郁但不苦澀，口感厚實且調味富層次。 西班牙夾心肉：油花豐富、入口多汁，邊緣烤出誘人的焦香，肥瘦比例平衡，風味濃厚而不膩。 燒明太子飯糰：外皮烤得微脆帶炭香，米粒黏潤且吸收了明太子的鹹鮮與微辣風味，口感層次分明，是很討喜的收尾或下酒小食。 柚子×檸檬酒：酸香清爽、果香明顯，甜度適中，既能提味也能中和燒烤的油膩，冰鎮後喝來更清新，是串燒的好搭檔。…查看更多

壽兵衛以高級食材與巧妙的菜式安排，帶來兼顧油脂與清新的用餐體驗。擺盤用心，視覺與味道兼顧。來都來了，當然要嘗試最貴的餐。現在還有八折優惠！Supreme Set Wagyu $1280前菜三點： 磯煮鮑魚：鮮甜彈牙，口感有彈性； 醋水雲：酸甜開胃，為後續重口味菜式做鋪墊； 蟹膏豆腐：咸鮮且嫩滑，蟹膏風味突出。刺身（赤身、帆立貝、油甘魚、牡丹蝦 ）： 新鮮度佳、切工細膩，入口清爽，作為正餐前的清新段落很恰當。極上海膽和牛一番卷：視覺吸引，海膽的鮮香與和牛油脂融合度高；黑松露點綴提升香氣層次；蔥絲能有效中和油膩感，吃起來不會太重。季節茶碗蒸：內含鰻魚與香菇，蒸蛋滑嫩溫潤，口感與風味都很舒適。壽喜燒季節野菜盛盒：色彩繽紛又健康，煮過的青蘋果留到最後吃，強烈解膩且帶來意外驚喜。厚燒牛舌：口感彈牙；配料有鹽、蘿蔔蓉、蔥花與柚子汁，柚子汁提鮮且爽口。日本A5和牛西冷（大分、宮崎、神戶、佐賀、北海道）：豐富的細嫩油花帶來入口即化的口感和濃郁的旨味，建議先單吃一口品味原味→再配蛋漿→最後配飯，每一步帶出不同層次。日本和牛三角胸小排可以無限追加；適合大食量或和牛愛好者，雞蛋和白飯都可依喜好追加。滿溢筋子釜飯：配合枝豆、松葉蟹肉、黑松露；香氣誘人；可無限添加魚籽，對魚籽控來說是整餐高潮。柚子檸檬冷蕎麥麵：味道酸但非常開胃，作為解膩冷食段落很合適。清湯：清爽，幫助平衡整餐油膩感，作結尾很貼心。甜品：開心果雪糕香濃、蜜瓜清甜，為整餐作清新收尾。餐廳食材講究、味道層次豐富，海鮮與和牛交替出場，解膩設計用心，適合喜歡高質和牛與海味的食客。價位屬中高檔，但以整體品質與細節而言，值得一試。…查看更多

Airside越嚟越多餐廳，The Cipollini Pizzeria環境乾淨舒適光線柔和，適合朋友或家庭聚餐。熱前菜拼盤（肉丸、雞翼、蒜香大蝦）每款都有水準：肉丸多汁帶香草和香料味，口感紮實；單骨雞翼外皮微脆、肉質嫩滑，醬汁鹹甜平衡；蒜香大蝦用料新鮮，蒜蓉香而不嗆，開胃之選，三款分量適合分享，容易一掃而空。黑松露自家製意粉係亮點之一，手工意粉彈牙有嚼勁，醬汁黏附得好，黑松露香氣濃郁但不搶其他材料，整體味道有層次，是想食高質意粉的不二之選。叉燒比薩（12"）係中西融合嘅好例子：叉燒甜鹹適中，有微焦香，薄脆餅底支撐力好，芝士拉絲但唔膩，整體口感平衡，帶有香港風味但仍保持比薩特性。咁大件好抵食！兩球雪糕（荔枝味 + 斑斕味）為餐後完美收結：荔枝清甜帶果香，清新不膩；斑斕椰香濃郁，口感絲滑，兩者互補，令人回味。價位合理，性價比高。食物穩定有誠意，份量足夠，適合想試創新口味或手工意粉、薄餅嘅人，下次會想再嚟試其他口味。…查看更多

牛大人（觀塘）位於鰐魚恤中心5樓。晚市120分鐘，我和朋友嘗試了日本A4黑毛和牛火鍋放題套餐，牛肉油花均勻、入口即化。套餐另奉送澳洲M9和牛牛丸兩粒、海鮮拼盤、任食鮑魚及酒。啲鮑魚好似唔使錢咁。最近牛大人用了「炎夏椰樂祭」為主題，推出了很多椰子產品。鴛鴦鍋點了期間限定的喇沙椰爺仲夏鍋同木瓜椰皇嫩雞鍋，椰香清新不膩，與和牛、海鮮相得益彰。椰子小食如椰酥跳跳豬、黃金椰絲蝦丸與椰林火山脆薯條創意十足，香椰火焰醬與椰汁美奶滋為食材增添新層次；甜品香芋椰漿脆脆與椰奶蓋芒芒爽收尾恰到好處。不得不提任食Movenpick雪糕，椰子味好清新！還有超市搶購一空的笨NANA雪條！特調飲品Pinku Paloma、冰檸伴椰與Blue Hawaiian很特別和清新，色香味具全。「日本黑毛和牛A4+」晚市套餐更可任飲指定雞尾酒與啤酒。服務親切、上菜節奏穩健，氛圍適合約會或好友聚餐。…查看更多

銅鑼灣的 Mr. Steak a la minute Buffet，以高質自助餐聞名，主打日本和牛與海鮮菜式。即使經濟不景氣，這家餐廳依然超級熱門，晚市座位總是爆滿。這次和家人慶生，豐富的美食是必須的！對愛吃牛肉和海鮮的人來說，這裡簡直是天堂！餐廳第一樣招牌是日本佐賀和牛。你能品嚐到新鮮切片的鐵板和牛，這道菜的肉質細膩油花豐富，入口即化，伴隨著濃郁的牛油香氣和微微的焦香味，讓人忍不住多吃幾塊。還有灸燒和牛壽司，外層酥脆內裡嫩滑，和牛的鮮美汁液與米飯的柔軟完美交融，每一口爆發出鹹甜平衡的味覺衝擊。至於燒和牛扒，則是外酥內汁，烤得恰到好處，內部肉汁四溢。其他熟食的款式都好多，中湯、抄手和鵝肝都吸引。海鮮部分更是亮點：現開的生蠔新鮮得像剛海水中撈起，口感爽脆多汁，入口後的滑嫩感會讓你瞬間忘記排隊的辛苦；任食的長腳蟹和龍蝦，蟹肉鮮甜彈牙，而龍蝦的肉質肥美，滿滿的滿足感讓人直呼值回票價，任嗌㗎喎。刺身同壽司也有好多款式，我最愛吃生蝦。另外，一個超可愛的特色是「心太軟」。這道綿密柔軟的蛋糕，不僅入口即化，還能讓你寫下心聲，由甜品師傅畫在碟子上，變成視覺和味覺的雙重享受。除此之外，還有很多蛋糕和特色甜品，絕對不比主食失色。…查看更多

好耐冇食泰國菜，今次就同屋企人去咗旺角呢間泰屋，選擇好多㗎，我哋嗌咗啲主食同小食。我見呢度啲lunch仲好抵添！滋味無窮！椒鹽炸魷魚個皮炸到好酥脆，椒鹽嘅微微辛辣感，裏便彈牙嘅魷魚，外脆內軟之外充滿海鮮嘅鮮味！經過適當的醃製，然後裹上脆皮炸至金黃酥脆。香葉炒肉碎這道菜以豬肉碎為主，肉碎炒至熟透，但保持肉質的嫩滑。香葉獨特香氣能夠很提升咗整道菜的風味，令人回味無窮。呢一味都係有少少辣同鹹，我哋叫多咗個白飯一齊食，撈埋就啱啱好。米飯選用咗泰國絲苗米，顆粒分明，口感柔軟。乾炒泰式蛋包金邊粉我最鍾意食呢個經典嘅泰式料理，用金邊粉作為主料，出面包裹著薄薄的蛋皮。甜甜酸酸咁，我最鍾意撈埋啲花生一齊食。入面有啲蝦同埋菜，豆腐都好味！口感層次豐富，每一啖都能感受到不同的風味。鮮芒果糯米飯每次食泰國嘢都一定芒果糯米飯！芒果片好新鮮淋上椰漿，口感香甜可口。糯米的軟糯與芒果的清甜搭配好好，真係令人垂涎欲滴。菜單仲有好多好多菜式，有機會再嚟食吓！…查看更多

喺旺角見到呢間新開嘅牛丼家，見平平地咁就同朋友一齊去試吓啦！佢哋有好多飯類同埋一人火鍋。原來係齊柏林開㗎！佢哋有兩層都坐得好滿，好旺。牛魔王飯餐呢個漢堡係頂級和牛製造，肉汁豐富。佢仲有教我哋點食，一啖飯一啖肉，同埋加咗個柚子汁落個飯度層次更加豐富。個餐仲包咗嘢飲同小食，我就叫咗炸雞，咬落去都好多汁。至於飲品就叫咗白土汁，唔算好甜幾好飲。壽喜燒鍋餐廳另一層就係食火鍋嘅，有牛肉蟹柳仲有好多菜添！再配上烏冬，一個人食都好豐富。朋友就叫咗可樂飲，爽！俾錢嗰陣仲見到有學生優惠-$5，連過咗期嘅學生證都得㗎 ！好可惜嗰日唔記得帶！…查看更多

星期三要同朋友去上堂，收工之後搵間餐廳食咗先。我哋喺太子見到呢間串燒專門店，門口都見到種類好多，決定入去試吓！環境幾舒服。菜單有勁多頁，多到眼花撩亂，肉類菜類你想食乜都有啊！除咗串燒，仲有乳鴿啊煮蜆意粉等等。飲品方面有汽水、茶、啤酒等等。重點介紹竟然最好食㗎啦。原條燒茄子調味條都好好，仲要真係勁大條，茄子嘅質地好軟滑好多汁。牛舌超級彈牙，而且真係厚切，加上佢哋秘製醬汁好好食。雞中翼嘅外皮就好酥脆，咬入去就香嫩多汁，欲罷不能。除咗主菜單佢哋仲有啲特別精選，見到有個陰公豬個名勁得意就叫咗。原來係點上冬陰功口味嘅豬肉，少少辣食落去一啲都唔肥膩！一路食一路傾偈特別開胃，傾吓傾吓，差啲遲到。不過原來佢哋開到凌晨兩點，下次上完堂過嚟食宵夜，飲下酒都仲得呀！…查看更多

我上星期去咗旺角，行過見到呢間餐廳好多嘢食，中式西式正餐甜品串燒都有，正。雲吞雞 - $138一入到去見到隔籬枱食緊啲味，香到我哋都覺得正。雲吞皮薄而韌，餡料鮮嫩，雞肉嘅鮮香同清甜嘅湯底完美結合。每一啖都感受到濃郁嘅肉汁同埋雞嘅香味，令人回味無窮。蜜椒薯角牛柳粒 - $138薯角外脆內軟，搭配蜜椒醬的甜味，令整道菜更添風味。牛柳粒鮮嫩多汁又彈牙，同薯角嘅口感形成絕佳對比。惹味沙嗲三色串（豬牛雞） - $66這道三色串的肉類調味濃郁，沙嗲醬嘅香氣撲鼻而來。每一串都烤得恰到好處，肉質鮮美。雪燕蛋白燉椰皇 - $58這款甜品清新可口，雪燕滑嫩，椰皇香甜相得。燉煮出嘅椰汁讓整道甜品更加醇厚，我最鍾意刮啲椰肉出嚟食！佢哋好多嘢食㗎，羊腩煲仲有唔同小菜，連西餐意粉都有啊！下次可以再嚟！…查看更多

今次朋友聚會去咗銅鑼灣嘅昼月，因為呢間居酒屋有清酒任飲，只需要$88就可以飲足三個鐘！呢度環境好有日本嘅感覺，寧靜寬敞。食物種類好多，有壽喜燒、刺身、壽司、套餐。我同朋友主要都係想飲吓清酒，所以只係叫咗一個壽喜燒同埋一堆串燒。店員仲話呢度有時會有現場表演添。清酒嘅選擇都好多㗎，我哋試咗呢幾款，都好清爽同串燒好夾。雖然呢度係自助形式拎清酒，主動問店員佢哋都會介紹吓有咩好飲。串燒方面，佢哋燒得好香㗎，肉類都多肉汁。我最鍾意係大蝦，但大隻又多汁彈牙。另外免治雞棒點上新鮮嘅蛋漿好好味。壽喜燒當然係煲住咁樣上啦，和牛嘅肉質肥美多油脂，壽喜燒汁再加埋蛋漿當然係絕配。最後食完啲肉就食返菜解一解膩。豆腐超級滑呢！…查看更多

朋友生日，我們去了銅鑼灣的Firebird，環境好有氣氛，是萬聖節主題！菜單展示了多樣化的選擇，從刺身到肉類還有熟悉，甚至飲品的選擇都很多，滿足不同食客的需求。整體價格合理，值得每一位食客的期待。Firebird Assorted Chicken Skewers - $138雞肉串燒盛合呈現多種口味，每一串都烤得恰到好處，外脆內嫩。特別推薦他們的免治雞肉棒串，讓雞肉的鮮味加上新鮮嘅蛋漿得到充分展現。除了雞肉還有牛肉或牛肉的組合，是肉食愛好者的必點之選。Mega! Bluefin Tuna Sashimi Steak - $208這道藍鰭吞拿魚刺身的質感非常出色，有赤身、中拖羅、大拖羅。半份都足料。鮮嫩的肉質和豐富的油脂讓人驚艷。由瘦食到肥每一口都能感受到海洋的鮮味，推薦給喜愛生魚片的食客。Clams cooked in sake - $88這道料理使用了新鮮的蜆，搭配清酒，味道鮮美，酒香與海鮮的鮮甜完美融合。蜆肉的口感柔嫩，讓人一口接一口，份量都不少。Rolled Omelette with Mentaiko - $48這道玉子燒外表金黃，內餡豐富，明太子增添了獨特的鹹香味。口感滑嫩，配上高湯適合當作開胃小菜。Thick Cut Beef Tongue Skewer - $68這道期間限定的厚切牛舌串燒的質感極佳，口感十分彈牙，肉質鮮嫩多汁，配上特製的醬汁，讓人回味無窮。Daifuku - $38這道大福外皮柔軟，內餡甜而不膩，士多啤梨特別適合作為餐後甜點，帶來輕鬆愉悅的結尾。Fuji Mountain - $78這款飲品不僅味道出色，設計十分特別，讓人眼前一亮。大大杯的藍色冰沙跟富士山一樣美。荔枝口味配上淡淡嘅酒香，帶來新鮮的味覺體驗。Oolong-hi - $58這款飲品以烏龍茶為基底，加上清酒，清爽開胃，適合搭配各種串燒。…查看更多

好耐冇嚟銅鑼灣，今日同朋友去咗食日式餐廳Akoya，呢度裝修好有日式風格，又氣氛！食物嘅種類多，除咗串燒仲有唔同嘅小食刺身主食同甜品。深海池魚 $180天氣咁熱叫個刺身食下先！師傅切得夠厚好肥美，脂肪比例適中，鮮味十足但冇腥味。炸雞軟骨 $68幾十蚊勁大碟，抵食！爽脆的雞軟骨加上煎至香脆的外皮，骨軟肉嫩，十分過癮。食咗啲小食之後我地叫咗好多串燒，一路食一路吹水好正。宮崎A4和牛串 $148雖然一開始覺得有點貴，但食完後真的覺得超值！和牛的肉質極為細膩，入口即化，搭配燒烤的香氣，絕對值得一試。鹽燒牛舌 $78牛舌的份量相當可觀，抵食！肉質鮮嫩彈牙，鹽燒的方式讓牛舌的原味得以充分展現。雞翼 $72雞全翼當然係必點！外皮香脆，肉質鮮嫩，每一口都充滿雞肉的鮮味，搭配檸檬汁更加絕配。雞皮 $72油香豐富，肥而不膩，口感酥脆令人欲罷不能。Iichiko麥燒酎（杯） $52.00串燒配酒一流，呢款酒勁清爽，唔太甜。口感柔和，入口滑順，帶有淡淡嘅麥香，酒體輕盈。最後都要試一試呢度嘅甜品，主要係布甸同雪糕。我哋叫咗雞蛋布甸同豆奶布甸，都係$38一個。我鍾意雞蛋布甸多啲，雞味香濃又夠滑。豆奶布甸嘅味道比較特別，平時少見啲都好滑。總括嚟講，除咗食物豐富、美味又抵食。店員都好有耐性解釋又熱心幫忙。讚！…查看更多

同朋友去咗中環M88嘅Espuma，M88都好多嘢食！Espuma係西餐，我地就叫咗兩個晚市套餐，一個$398（另加一），有前菜、湯、主食、甜品，抵食。今次我嘗試咗幾道精緻嘅菜式，每一樣都有獨特風味。環境都好好呀，睇到香港嘅夜景。Croissant Guacamole Egg 這道菜結合咗鬆軟嘅牛角包同新鮮嘅鱷梨醬，搭配流心蛋，口感相當豐富。係一個輕盈嘅開胃菜。Grilled Red Pesto Calamari 烤魷魚的調味出免，綠色嘅Pesto醬為魷魚增添唔少香氣與色彩，口感彈牙。每一啖都令人感受到海鮮嘅鮮味，搭配少少檸檬汁更添風味。Onion Soup我哋兩個都叫咗洋蔥湯，濃郁而香甜，洋蔥夠淋，仲有塊包。佢嘅甜味喺湯入面充分釋放，好溫暖。Half Lobster Linguine龍蝦意粉的份量都夠大，龍蝦肉鮮嫩又多膏，意粉吸收曬龍蝦嘅鮮味。仲要係我鍾意食偏硬嘅意粉！搭配香草和橄欖油，整體口感豐富，讓人回味無窮。Roasted Lamb Lion烤羊排外焦內嫩，肉質鮮美，叫咗五成熟搭配香料嘅味道恰到好處，唔會過於腥膻。佢搭配嘅蔬菜例如蘿蔔都好新鮮，醬汁都好夾，增添口感同層次。Cream Puff最後嘅奶油泡芙係完美嘅結尾。外皮鬆脆，內餡香滑，甜而不膩，無法抵擋。呢度嘅侍應嘅服務都好好，每一道菜都展現咗廚師嘅用心同創意，無論是口感抑或係搭配都相當出色，值得再次光顧！…查看更多

好耐冇食鐵板燒啦，我同朋友去咗銅鑼灣嘅虎鐵鐵板燒。食物同環境嘅質素都好高級，仲可以睇住師傅即時燒啲嘢食添！二人餐 $2889呢個餐好抵食，有前菜、主食、甜品、仲有飲品添。意大利花茶唔飲酒嘅朋友飲茶一流，意大利花茶好香，食肉解膩一流。如果飲酒嘅話仲有好多sake揀！牛油果海蝦沙律第一道菜酸酸甜甜好開胃，仲加咗牛油果呢啲優質脂肪，香口；啲蝦都好彈牙！黑松露蟹肉海膽溏心蛋溏心蛋有好香滑嘅蛋黃，海膽creamy，加埋黑松露食好夾。個樣都好高級。熊本縣A5和牛厚燒牛肉好厚身肥美，我哋叫咗五成熟，油脂分泌充足。連埋啲蒜片食夠香口，又冇咁肥膩。朋友要咗黑毛豬柳都好味。香煎野菜食完肥美嘅肉，食返啲菜平衡下油膩感。有日本南瓜、番薯等～時令海鮮今日係鮑魚同龍蝦！鮑魚同龍蝦都好大隻，師傅煎得好香口。兩者都好彈牙好有鮮味。鮑魚配上蟹肉海苔醬好特別，龍蝦汁好香濃。海膽杯海膽杯啲海膽多到好誇張，多到一食就跌出嚟，好新鮮好甜。除咗海膽仲有好多魚子添，加埋炒飯食就唔會太膩啱啱好。豆腐調魚湯魚湯好鮮甜，仲有啲新鮮龍蝦喺入邊添！有啲胡椒飲完超級暖胃，仲可以清新味蕾，準備食甜品。鐵板疏乎厘雪糕疏乎厘好有空氣感同鬆軟，嗰日有豆腐味同芝麻味嘅雪糕，好好味。…查看更多

啲相自己影係原圖上個月同朋友去咗旺角食飯，佢帶咗我嚟食呢間西餐廳，裝修簡單高貴又有氣氛，選擇多又好味。一入嚟就有兩杯welcome drink，讚。我哋叫咗兩個晚餐，有前菜煮食同甜品， 十分豐富。STARTER 前菜 (Choose two 可選二)除咗每日餐湯同每日沙律之外，仲有得叫生蠔同埋廚師每日創作料理，我就叫咗後者。生蠔新鮮多汁，開胃。創作料理係巴馬火腿加上哈密瓜，火腿嘅鹹香同清甜嘅哈密瓜好夾，簡單又好味。MAIN COURSE Tasmanian Free Range Pork Rack塔斯曼尼亞豬鞍配露絲瑪莉蒜油豬鞍肉質嫩滑蒜油味好岀，厚肉得嚟入口無筋，鹹香味適中。可以點汁，不過我覺得就咁食更美味。蔬菜作為配菜都唔馬虎，焗得好味；薯條都好香脆。DESSERT 甜品我地加三十幾蚊可以要咗法國千層蛋糕，忌廉充滿好香嘅牛奶味，唔係死甜，口感都好豐富，質感軟綿綿。店員服務態度都好好，可以再嚟食多次喎！仲有啲室外嘅位置坐，氣氛都唔錯，不過呢排有啲熱下次再試！…查看更多