tomatocloud的个人专页

另一間大圍既人氣 coffee shop, 出名自家制新鮮面包。朝早10點去到, 見一路未開門, 等到15分都未開就走人, 但行來行去都唔知食乜, 結果10半打去問, 佢話啱啱開門, 咁就行返過去食啦。入到去, 其實都未預備好晒, 有2個STAFF, 但未得閒接待客人, 我第一次去, 唔知係點餐先定坐定先, 企咗2-3分鐘都無人接待。到 staff 處理咗手頭上既野, 幫我地落order時, 我都未見到有出名既自家制新鮮面包, 有d失望......再等多幾分鐘, 就見自家制面包被放上display 櫃入面了。原來送新鮮面包來的店員還未有時間放入櫃賣。今日有3款麵包, 有紫薯麻糬麵包, 芋蓉麻糬麵包 同 另一款唔記得咗咩名, 我就叫咗個芋蓉麻糬麵包 + 一杯 latte ($75)。長長既麵包, 望落唔多好味, 白雪雪咁, 送上枱既時候係室溫既, 質地係軟軟既。麵包一比完錢坐低就送上枱了, 我一邊食, 一邊打機, 已經食得好慢好慢, 每一啖都用刀叉切, 都仲未見到杯 latte, 由我order完杯latte都上枱等咗25分鐘, 自問我都做過coffee shop, 間餐廳其實都係講緊得5個客, 我杯又唔係hand drop coffee, 都唔明點解等一杯咖啡要等25分鐘! 等到杯latte, 我個包得返4分1。講返D 味道, 麵包係軟軟室溫既, 正如我所想, 麵包應該要微溫先好食, 所以我當然覺得呢個包既味道一般, 但入面既餡料係好足既, 由頭到尾都有芋蓉同麻糬, 芋蓉少少甜, 我覺得適中 (對於重口味既人, 應該係叫無味)。麻糬就口感軟滑, 煙煙韌韌, 少少甜, 係ok既!杯latte既coffee都好濃, 牛奶都夠滑, 又有少少latte art, 但可能等得太耐, 唔覺得值25分鐘等一杯味道正常既咖啡!總結來說, 野食無覺得特別好味, 咖啡正常, 未必會再黎。…查看更多

在 Openrice search coffee shop 搵到的小店, 離港鐵站大遠, 很快就到。第一次係 Lunch hour 去, 驚會好多人等這人氣小店, 怎知道去到只有1枱2人的客人。過咗一陣, 這枱客人都用完餐走了。變成獨自包場。其實食品價錢有點貴, 所以第一次去叫左個平平地既牛油果牛角包 ($48) 同一杯 Sesame Latte (叫某D食物就可以+$20 就有)個牛角包睇樣已經覺得好靚, 好好味, 食落一樣同睇咁好味。牛角包好脆, 好新鮮, 送上枱既時候仲有微溫; 牛油果新鮮, 係屬於啱啱熟但又未至林個種, 係我最鐘意既口感 , 上面仲要加黑椒同鹽, 一啖食落去又脆又林林地又有黑椒同鹽既味道, 我個人覺得係好好味既!至於杯 Sesame latte  有好濃郁既芝麻味, 如果有返少少LATTE ART係上面會吸引好多!總括嚟講, 我係好滿意呢間餐廳既食品既, 雖然係輕食, 但食完個半個牛油果+杯奶, 都飽既。好味既食店要一試再試, 一個星期後既星期四我再幫襯呢個食店, 一樣係LUNCH, 一樣係得一枱2人客, 之後又走埋。今次試咗甜點, 半份WAFFLE + 野飲 ($75) 係一個SET黎既Waffle 係無得揀味, 但好似係日日轉, 見個waitress要問今日係咩口味, 今日呢個係奶皇味!Waffle 係即整既, 送上枱仲熱, 加個雪糕, 係一般WAFFLE應有既配搭。Waffle 都係脆脆同新鮮, 雪糕不是太甜,  夾起上黎好好味。旁邊既紅豆蓉同日式糕點另我有點意外, 因為 menu上完全無提及過, 感覺就好似送多咗2粒蕨餅你食, 味道都唔錯架!份量方便, 有D未食夠既感到, 好想即時再叫第二份, 但當然無叫啦。等下次有期待既感覺!野飲方面, 今次呢杯都係特式牛奶飲品 - 蜜糖苿莉牛奶, 係可以飲到蜜糖,苿莉同牛奶既味, 個人覺得有D甜, 但還可接待的。去二次既野飲野食都不錯, 我相信我會再去第三次的。…查看更多

本身諗住同個FRIEND去食RITZ 甜品自助餐, 點知去錯地方, 黎左呢度。由於呢間餐廳既位置太迷人, 係RITZ CARLTON 既51樓, 呢度可以望到GALAXY RESORT既全個境。所以就決定同個FRIEND係呢度食。個TEA SET既DISPLAY都幾靚, 好似一棵樹有幾片葉咁, 但D 葉係好容易攞到落黎, D WAIT STAFF要好小心攞先得。首先送黎既係水果茶, 酸酸地幾開胃, 酒店會用個小洋燭熱住D茶, 仲無限幫你REFILL 水架。之後試左個分子料理咁既野, 係泡沫黎架, 但D味有D怪怪, 我唔係咁鐘意囉。最後就係MAIN COURSE TEA SET 啦, SCONE係分開用個盒裝住, 送黎仲WARM 架, 第一時間試試, 暖暖地, 加埋D CREAM + JAM 好好味, 好鬆化。個TEA SET本身係做緊CHERRY THEME既, 所以每樣野都係有CHERRY 味, 有D唔錯, 幾好味, 但有D似藥水味。食完覺得呢個SET, 係RITZ SERVES, 又有咁靚既景睇, 影左好多張相, 呢個價錢都算係咁啦。…查看更多

年尾清大假, 同朋友仔去下長洲, 食下野。openrice 見到有好多長洲食品都好多like同好多正評, 我今轉就揀左幾間黎食。首先係通記, 一落船就食個lunch先, 兩口子, 叫左一個沙爹鮮牛麵, 淨鮮魷同咖啡, 點知鮮魷賣晒。真失望。好快, 沙爹鮮牛面就到了。呢度既沙爹好明顯同出面D 茶記唔同, 好濃味, 味道唔似係加水溝出黎的, 亦無咩味精既感覺, 平時個D食完要飲成杯水, 呢度個沙爹底係唔駛架。 至而鮮牛, 真係好嫩好新鮮, 無根又無SODA 粉整出黎既味。對於我黎講, 食完呢度既沙爹鮮牛面, 要過一段時間先會再食其他餐廳個D, 唔想有咁大反差。咖啡味濃, 但仍可接受, 不會濃到苦或飲唔到。總括來說, $43埋單, 唔可以叫抵食, 但好值得食。有機會要試下鮮魷, 聽聞也不錯的。…查看更多

一行4人去食午餐, 12點半就去到, 所以唔駛等位。我地一坐落ORDER食物後, 餐廳就全滿了。所以要黎食野的朋友, 早少少去好D。SET LUNCH 有10幾款有得揀, 有BBQ, 有湯, 有炒餸, 有粉絲揀。我地一行4人, 一個叫左BBQ, 一個叫左純豆腐湯, 二個叫左粉絲牛肉湯。每個餐都有前菜跟, 不過一個人又係5小碟前菜, 4個人都係一份5小碟前菜, 要加$10先可以REFILL一款。唔抵唔抵。BBQ SET: 望落已經唔係好想食, SO CALL 叫BBQ, 但係D 肉又唔燶吓, 又無咩色水, 好似人地炒野咁, 唯一好既係用鐵板上。粉絲牛肉湯: 係碗上, 所以不是太熱。牛肉好碎, 粉絲無咩味又唔多。湯唔夠濃又唔辣, 硬係怪怪地咁。唔係咁好食囉。最好食應該係個純豆腐湯, 入面有少少海鮮, 所以個湯底好味過牛肉個個湯好多。豆腐又夠滑, 所以3款入面最好食就係呢個。畢竟都係韓國野, 佢夜晚有得BBQ, 所以張枱係頂住腳個D, 唔係咁好坐。同埋唔係咁好食又要成舊水。所以不建議去。…查看更多

同男友慶祝紀念日, 本身諗住BOOK 尖沙咀既餐廳, 點知FULL左, 結果由尖沙咀行到佐敦睇下食咩。想据扒, 結果OPENRICE佐敦, 發現了牛屋餐廳。行過門口已經有MENU, 睇一睇發現OKAY呀, HK$82+10%有一個SET DINNER (包湯及一份主菜), 有鑊仔牛, 帶子雞扒等等4款, 覺得都OKAY, 所以就入左去啦。入到去見到情調OKAY, 坐位比其他平價扒餐廳來得舒服好多。可能已經係8點半, 所以唔駛等位之餘, 餐廳又不是很多人, 整個FEEL 都好舒服。畢竟第一次光顧, 所以同男友一人叫左一個HK$82既SET DINNER - 鑊仔牛柳 配 薯條 及 帆立貝煎雞扒配薯條。兩個SET既賣相也不錯, 薯條金金黃黃, 好脆好熱, 似係啱啱先炸;我的 "帆立貝煎雞扒", 有一隻帆立貝, 都幾大粒既。雞扒煎得恰到好處, 雞皮脆脆, 微燶, 雞肉還可以, 不是 "鞋鞋" 的。而男友的鑊仔牛柳煎得啱啱好, 肉是嫩的。以$82一個餐來說, 我覺得係可以再返黎食的。下次仲可以試貴少少既扒餐添。唯一有少少失望既地方係餐廳只供應啤酒, 如果有埋紅白酒就更好了。…查看更多

約左個朋友八點食飯, 諗住尖咀食野, 都多人, 七點半去左搵位。點知上到去, 無人等。我朋友又未到, 好彩reception 個度有位坐, 仲幾舒服添架。坐到8點半, 朋友都未到。一直都唔駛點等位, 就算等到係等 一, 兩張枱。朋友終於都到了, 我地一坐底就叫左板海膽, 聽朋友說, 是好好味的, 所以咩都未睇就要叫海膽先。D服務員都好率直, 叫我係叫就快 D 叫啦, 陣間無晒, 你想叫都無得叫呀。我地唯有即時落單啦。海謄都好好味, 甘甘甜甜, 份量都合量既。仲有紫菜, 可以比你卷住食。正。個menu好多字, 又好多圖, 全部都係魚生魚生同魚生。但其實個個 set 都差唔多。我朋友揀左個4料自選魚生飯, 有吞拿魚大腩, 帆立, 三文魚, 同魚子。我就叫左個3料自選魚生飯都有吞拿魚大腩, 帆立 加 甜蝦他他。大腩好肥, 有入口就融既感覺, 但係有 "跟", 所以差少少; 如果無 "跟" 就會好好味啦。帆立都好肥, 雖然佢係原個帆立分開做兩片, 但每一片都厚, 好有咬口及新鮮。甜蝦他他, 未食之前其實掙扎緊叫唔叫, 感覺上應該係將蝦頭蝦尾整埋一齊就算, 不過見之前D食評話幾好, 最後決定試下。點知, 都出乎意料外咁好食, 好有蝦膠既黏黏, 又彈口既感覺, 值得一試。補充一句: 佢地D飯都跟 SET, 有前菜同蒸蛋, 雖然話一個飯要百幾蚊, 但係都夠食同都OKAY 既。…查看更多

好鬆脆的比利時 waffle, 揀左焦糖味及 vanilla 味雪糕相伴。waffle 本身好脆同無咩多餘既粉, 所以食落係特別鬆, 特別脆。不過有d 略甜, 少d 糖膠會好食d添.…查看更多

行到銅鑼灣少人D既區域, 見到間cafe 有藍色同綠色既咖啡, 好奇下入去食左個brunch.叫左個蛋沙律 同 火腿芝士飛碟食。依家好少地方有飛碟食, 所以一見到就叫左個飛碟。可能好耐無食, 覺得好好味啦。芝士係融融地既質地, 特別好食。另一樣係蛋沙律, 呢個蛋沙律好 fresh, 除左蛋沙律外, 底層有一片片既蘋果, 認真有心思。通常既蛋沙律都有d "流", 但係呢度既蛋沙律有粒粒既蘋果粒係入面, 食落都唔覺好 "流"。由於唔想飲coffee, 同埋一杯coffee 都唔平, 要30-40蚊, 所以無叫。下次一定要試下。…查看更多

同男朋友兩個人行左去新港, food count 睇唔啱食咩。行行下行到去 CoCo壹番屋, 之前食過觀塘個間, 都幾好味, 而已成個新港最不用排隊就係呢間。兩個人叫左兩碟飯, 一個跟餐; 一個無跟餐。友人叫左個 "吉列豬扒奄列飯" 吉豬係新鮮炸, 而唔係炸完等人叫既, 所以好新鮮, 炸豬扒既火候啱啱好, 仍然juicy, 好好味。個咖哩就係日本式咖哩, 少少辣, 少少甜咁啦。最失望係個奄列飯, 以前食真係蛋包住d飯, 依家淨係放隻蛋上d飯度就算, 失望。黎呢度就係想食蛋包飯乍。可惜。我就叫左個秋葵豆腐咖哩飯, 正常辣, 少飯。正常份量係300g飯, 少飯 = 200g飯; 仲可以減 $5, 對於食量少既人黎講係好事, 又唔晒浪費, 又可以慳$5. 個飯就一般般啦, 秋葵切得太細, 食左都唔覺自己食左。呢間餐廳, 叫任何飯類都可以加錢變餐, 有3種餐, 4個選擇4個選擇係餐湯 / 迷你沙拉 / 甜品 / 餐飲3種餐係加$10 (可選以上2款)加$15 (可選以上3款)加$20 (可選以上4款)當晚加左 迷你沙拉, 甜品 同 凍啡 + 兩個飯 + 10%都唔$150抵!!!…查看更多

啱啱去完新加坡返黎不久, 很喜歡新加坡的亞坤, 因為d 野食夠肥, 夠好味, 夠新鮮。不久前經過尖沙咀, 見到亞坤, 所以決定要試一試。同友人兩個人去試, 叫左幾樣野食。分別係新加坡雞飯同埋喇沙, 仲有一杯熱凍咖啡。我未入門口, 已經睇到個餐牌係寫新加坡雞飯, 無人話係海南雞飯。但係聽到好多人話要食 " 海南雞飯"。我都 warn 左我友人話, 人地叫得新加坡雞飯, 唔好expect 佢係海南雞飯咁既style. 友人都話想試試咁就食下啦。新加坡雞飯d 雞係烚熟既老雞, d 肉好"鞋", 一d都唔海南雞架。失望:(喇沙個樣都似喇沙, 好有椰奶味。凍啡係港式凍啡, 同我係新加坡亞坤飲既差好遠。可能香港亞坤係迎合左香港人既口味, 但似乎太多香港人去過新加坡亞坤, 大家都想唔駛去新加坡都可以食到亞坤, 而唔係香港口味既亞坤囉。…查看更多

一收工就去銅鑼既既其中一個朝聖地朝聖 - 咖啡弄聽好多人講好好食的, 所以收工就飛左去試, 諗住會少人d, 但係一樣樣咁多人, 大既因為暑假了。等左45分鐘先到我。連一個人都要排隊, 晒左d 時間, 又晒左餐廳d 位。明明中間個兩張大枱係有位都要人等。:(入到去叫左 香蘋葡萄冰茶 同 鹽味焦糖冰淇淋鬆餅個冰茶好有葡萄味, 但係本人覺得有d 似藥水味, 唔係太鐘意。至於個鹽味焦糖冰淇淋鬆餅, 係真係鬆餅黎架, 好厚, 有成寸厚。得面個3分厚係脆脆既, 其餘個d 都真係好似鬆餅咁, 食完會好飽。不過我比較喜歡整個都係脆脆的, 所以又不太喜歡。總括來說, 等左45分鐘去食係有d 唔值的。…查看更多

兩個星期前訂了這間餐廳打算跟男朋友慶祝拍拖3周年紀念日。在訂枱前已講左係紀念品, 餐廳打黎話叫甜品會用朱古力寫字的。睇左大家食評先決定黎呢度。知道會有好大個既面包, 於是2人叫左4樣野食。首先品嚐係免費既麵包同小食 - Popovers & Beef TartarePopovers 大個我塊臉, 好好味, 新鮮, 又熱辣辣, 燶燶地, 正!Beef Tartare 就正常野啦!跟住係 前菜 Caeser Salad $118 & Crab Cake $152Caeser Salad 好新鮮, 份量夠兩個人食, 唔錯。Crab Cake 好多蟹肉, 外面脆, 少少燶, 蟹肉好味。主菜跟住就黎啦 - Australian Black Angus Strip Steak (11oz) $298Black Angus Strip Steak 我地 order medium rare, 但黎到係 medium啦。我都預左, 所以專登叫 medium rare。塊扒幾好味, 加埋個 garlic butter 仲好味。雖然佢有個 sauce, 但本人覺得唔需要個 sauce, 淨係 garlic butter 都已經好好味啦。不過就無 side dishes, 淨係得塊肉 (就好似張相咁)。餐廳有超過10種 side dishes, $68起。不過我怕食唔晒就無叫啦。最後, 睇食評話個 Crepe Souffle $98 好食, 同埋係餐廳 Signature 之一。我當然要試下啦。其實已經飽, 不過總係想試下既。個souffle 幾得意, 因為個外型唔同左。係一塊好似奄列既 souffle, 個 textile 同正常 souffle 有d唔同, 正常 souffle 食左好似無食過野咁, 但係呢個就好似食左個好嫩個蛋咁。不妨一試。但係就少左餐廳之前應承左既 "3周年" 朱古力字囉。少少失望。另外, 個朱古加餅個免費既。正常味道。總括, 我覺得係好食既, 餐廳情調幾好, 暗暗地帶柔和燭光, 仲有維港景。…查看更多