Ray Sit的个人专页

成年都冇進步，都開左年幾啦，每次都係後悔再比機哩間野，之前食常餐出前一丁冇比湯粉，仲話係咁既，夜晚食晚飯小菜椒鹽蝦，D蝦肉梅既，仲要加飯加湯另外加錢，落去食晚飯你就一個餐一個餐咁賣啦，整幾個小菜好似平左，實際上加飯湯飲品其實仲貴。今日食個焗豬扒飯，唔熱都算喇，仲要無味既，豬扒又切碎曬，面個堆橙紅色醬，真係試過都驚，西湯羅宋湯又係唔咸唔酸既，想落胡椒粉仲要比驚喜我。我真係好後悔，幾個鐘後個口都仲係槳住，仲有間野叫759，但真係唔平架。…查看更多

十五年前$3一碗，跟住$4-->$5-->$6，一年加一蚊，到六蚊o個時都維持o左好耐，而我亦覺得o個碗野今時今日都只係值六蚊。以前一食就食幾碗，食佢都係貪佢抵食，跟住唔知幾時加到七蚊八蚊，到今日睇已經十蚊喇，如果十蚊一碗粉仔我覺得真係唔值。粉仔味道其實已經冇特別，可能人o大左，好多野都試過，可以講係不過不失。碗仔翅又淡o左。不過D菜甫就變o左冇味。童年o既回憶好似冇曬咁，食街邊野，都係貪佢平，十蚊細細碗咁，都要顧下我o地一班屋村小市民o架。…查看更多

第一次寫食評，就比o左豪大大雞排。之前見旺角成日有人排隊，今日就去荃灣一試，簡單黎講，明明叫o左o架啦，佢唔係即刻炸，仲要睇下條隊先落，好似要我排一排隊咁，拎上手好大塊，不過完全唔似雞，皮同肉完全分離，皮係香口但唔好食，肉完全冇雞味，中間雖然好多汁，但我真係唔知o個D係乜野汁，塊雞薄成咁，斷估唔係肉汁掛。遲D要去台灣試真下，香港o個D，唔係話唔比機會佢，可能真係唔ARM我口味。…查看更多