mw.w00man的个人专页

泰國過江龍🤩之前係泰國食過已經知道呢間嘢嘅冰係勁正～然後返到黎香港每次經過都見到好多人排隊，呢次終於有時間走來試吓😋❶雙色刨冰嚟到香港一於就試吓本地小小嘅味道，雙色刨冰係美綠同埋好立克味😋冰上面有層奶蓋，再mix埋美祿同埋好立克粉～而啲冰係淡淡牛奶味唔會有雪藏味/生水味，一齊食甜度啱啱好 超好食👍🏻 唔夠喉可以加埋佢額外比嘅美祿醬～層次會更昇華～不過個人覺得好立克嘅味被美祿蓋過咗，淨係牛奶味重d，好立克味反而唔係好出❷牛油焦糖脆餅牛角窩夫牛角窩夫酒比較膩少少，個人覺得太甜～食完一定要飲嘢😂 不過窩夫好鬆脆，幾有口感！可能奶蓋再加焦糖太甜太膩，下次可以試吓其他味道整體：唔知係咁啱定係咩，覺得香港嘅份量會比泰國少～但味道就同泰國差唔多👍🏻💯喺香港都試過其他刨冰舖，但好多冰都會有雪藏味。覺得佢係香港No.1嘅原因除咗冰唔會有怪味之外，就係整體都好match，食落有口感～唔冰還冰，配料還配料咁～非常值得一試👍🏻👍🏻👍🏻👍🏻👍🏻…查看更多

之前喺深圳食過同一間餐廳，呢次趁屋企人生日就喺香港試吓有冇分別😂呢次入座人數有5位，所以係裡面坐大檯😋可能係夜晚關係，人數相對比較少啲，不過環境好靚，影相打卡一流👍🏻👍🏻之後叫左兩set花廚經典雙人套餐($1088起)前菜：❶刁草欖油，味噌醃三文魚三文魚配酸酸甜甜好fresh嘅汁好開胃，係全餐第一個最好食嘅菜式😎❷“面若桃花”麻辣田螺（佐甜醋）要點醋食嘅麻辣田螺，雖然話麻辣味，但引退食到一陣咖喱魚蛋嘅味道😂不過都好好食，田螺有咬口得黎唔會韌😋係第二道好食嘅菜式👍🏻❸黑松露牛肉塔牛肉塔都幾好食，黑松露好香，裡面鬆軟同埋餡料好有口感！係第三道，亦係最後一道好好食嘅菜式😂❹金鎗魚能量沙律沙律味道就非常普通，金槍魚同平時壽司店食到嘅差唔多，冇咩特別😕主菜：❶A4和牛肉眼之前睇過其他食評都話呢間餐廳嘅牛一般，呢次抱著冒險精神試下😂 味道唔算差，不過牛嘅脂肪好多，咬落去啖啖油～如果鍾意呢種牛嘅你，應該好鍾意～❷香草烤三黃雞（配蜂蜜烤南瓜或烤小土豆）呢個雞就真係好普通，味道同酒樓炸子雞冇分別😂唯一好處就係冇雞臭味主食：❶低溫慢煮三文魚波奇飯非常唔建議嗌呢個飯🥴屋企人稱呢個飯為「豉油三文魚炒冷飯」，飯嘅質地同炒隔夜飯一樣，醬汁就係一般豉油味道。全部食材group埋就係普通一個炒冷飯❷海鮮意大利麵配鮮蕃茄醬又係一個普普通通嘅海鮮蕃茄醬意粉，海鮮唔算腥，但整體冇特別飲品：❶藍蝴蝶❷玫瑰戀人飲品方面，樣就夠晒靚，不過味道又係普普通通😮‍💨係一般嘅糖漿梳打水味道甜品：❶荷塘月色葡萄烏龍凍❷玫莓慕絲卷❸海鹽焦糖阿芙佳朵(圖中)甜品最好食係呢個(海鹽焦糖阿芙佳朵)，咖啡香濃，雪糕夠滑💯💯另外荷塘月色葡萄烏龍凍都唔差，味道特別，只係葡萄偏酸而玫莓慕絲卷就冇咩特別，裡面嘅蔓越莓醬偏酸整體：餐廳裝修好靚，因為係屋企人生日，所以座位旁邊都有一個慶生花籃可以影相，門口仲有花店。而呢次嚟食飯都送咗香薰蠟燭俾我哋🩷所以打卡同埋服務都係一流！但去到嘢食方面，特別同埋真係好好食嘅食物唔多，呢個價錢亦都唔算抵食，性價比偏低～如果嚟打卡食個tea就還可以…查看更多