debyo的个人专页

真心燥底要上嚟OpenRice寫負評。我叫外賣，餐廳搞錯咗單，成張單錯晒咁送上嚟。當我同餐廳反映嘅時候，佢哋話咩安排唔到其他車手再送過，要我再俾錢重新order。唔理解點解係餐廳同車手犯嘅錯反而要我哋自己出錢？我係消費者但被迫要承擔佢哋嘅錯誤。更差嘅係，餐廳喺處理問題嘅時候，講講吓電話直接cut線，好過份，呢種態度真係極差。極度唔建議幫襯呢間餐廳，警惕其他顧客都要小心啲，希望你哋唔會遇到呢啲事！！…查看更多

中上環冇乜甜品店，見到呢一間樓面超級少女心就膽粗粗行入去試一試。果然都係要睇返OpenRice食評先至好試新野...甜品選擇都算多，今次就試咗一個珍珠奶茶味疏乎厘，成間店得我哋一台客，但都等咗接近20分鐘... 即叫即做都好嘅，起碼個疏乎厘都係鬆軟，不過嗰pat珍珠奶茶味cream真係好出事！！超！級！苦！！會唔會難食得滯呀？！？好似冇處理過咁，直接用茶包沖出嚟嘅茶加落啲cream度再發起佢就算... 不了不了... 😰…查看更多

經朋友極力推介，終於嚟到試呢一間米芝蓮餐廳。Fine dinning 嚟講，價錢都算相宜。六點幾鐘入座，都算少人，去到八點幾就開始滿座啦。職員上菜嘅時候每一道都有介紹菜式，服務都尚算體貼。前前後後總共有12至13道菜，食到最後係非常非常之飽肚。每一道菜都非常之有特色，你會好明顯食到有多種層次，食得出廚師嗰種精心配搭，味道非常之恰到好處，醬汁亦都配搭得好好，冇一道菜係令你食到好膩食唔落。另外佢某啲嘅菜都係自己種植, 非常organic. Menu間唔中都會更新，保證你每次黎都唔會只係食到同一個TestingMenu，非常值得再試！…查看更多

之前已經嚟過呢度食早餐，覺得選擇唔算多而且略嫌有啲貴。不過真係幾鍾意佢嘅設計裝修，保留左古典傳統嘅感覺，亦都同新設計融貫合一，絕對係打卡嘅好地方，所以特登再試一試佢哋嘅下午茶。叫咗個蟹肉多士，個多士烘底脆身得來十分之香口，同埋一個芝士火腿多士，一樣都係香脆得來唔油膩，十分之推介！佢哋嘅大和堂招牌咖啡都正㗎，同你平時係出面飲到嘅咖啡唔同，幾有層次。水系需要自己加添嘅，呢個地方好就好在你坐耐小小，同朋友傾得耐都唔會俾人趕走，算係九龍城cafe選擇來講都幾推介嘅一間！…查看更多

不得了真係不得了！個滷肉飯真係太好食啦，米飯有趙口，一粒一粒咁好香，滷肉嘅份量雖然唔多，但係一件件絕對唔係燥肉，滷肉汁沾滿大半碗飯，簡直就係一流。細碗嘅份量對女仔來講應該都好足夠，仲可以嗌多啲唔同嘅嘢食添。拌麵一樣都好好食，個醬汁濃而唔油膩，雞扒煎到個皮脆卜卜，仲有四大件食到好飽呀！小菜叫咗麻辣牛肚，台灣香腸，亦都係相當之唔錯嘅。最驚喜係連珍珠奶茶都好好飲啊，叫咗芋香奶茶，唔會太甜，珍珠係我鍾意軟林林嗰種。呢間餐廳同台灣餐廳絕對有得揮，我一定會再嚟食過😻👍🏼…查看更多

環境都幾舒服，職員態度唔錯。不過如果你係想食傳統韓國菜，依家可能未必係你嘅心水喇。叫咗一個泡菜牛腩粉絲煲，豬肋骨湯同埋泡菜煎餅，兩個人份量都算啱啱好。所有嘢都普普通通，總係食唔出地道嘅味道，湯底味道好單一，粉絲煲同埋豬肋骨湯都係同一個味道，有啲失望。另外仲叫咗一個美人soju, 甜得來易入口，happy hour有八折都算抵嘅。前菜有三款，中華沙律，泡菜，筍，都不過不失啦，總括然而呢一個價錢我expect嘅會再好啲。…查看更多

未開張前已經開始留意，因為呢間店係三藩市都幾出名。環境氣氛裝修設計都好chill, outdoor嘅座位都幾寬敞! 我同朋友兩個叫咗一碗soy base ramen, 麵底值得一讚，彈牙，湯底亦好夠味。另外叫埋tuna roll (呢個好好食，個醬汁好正), potato salad with smoked salmon roll, 都唔錯，幾fresh，如果分量再多啲會更好！ 埋單每人百五都算不過不失啦~ 會再幫襯👍🏼 下次再嚟會試埋sake …查看更多