verafch的個人專頁

魚介沾面是一道令人一試難忘的美食。麵條使用特製的粗麵，帶有彈牙的口感，咀嚼起來非常有層次感。最令人回味的是魚介湯底，濃郁的魚香混合豬骨熬製的鮮甜，風味深厚卻不油膩。湯底的鹹度恰到好處，搭配麵條時非常平衡，讓人一口接一口停不下來。配料方面，叉燒肉質嫩滑，炙燒過的香氣撲鼻，還有溏心蛋，蛋黃半熟流心，鹹香濃郁，堪稱完美配角。若喜歡更豐富的層次，可以將檸檬或辣椒加入湯中，提升味覺的鮮活感。另外寫食評會送可樂！開心🥳…查看更多

今日比我揾到鰂魚涌性價比最高嘅餐廳！😱～～～～～～～～～呢間平時行過無乜機會食到因爲間舖好細好少位，出面永遠都有人等位。今日早左出發去揾食，見到唔洗等位，即刻狗衝去食。～～～～～～～～～佢每日餐牌都唔同，全部名都水蛇春咁長，勁似高級西餐廳，咁我就叫左意粉。🍽～～～～～～～～～佢啲雜菜煮到好入味，有紅白蘿蔔椰菜等，佢個自家創意粉加左泡菜本身都驚會唔會好奇怪。但係！效果超好，淡淡嘅泡菜味，加忌廉汁，估唔到兩樣野會咁夾！超級有驚喜！😋😋😋😋😋😋👍🏽仲有午餐送野飲，我揀左果茶，又係自家制，超有誠意好好味😭👍🏽好感動～～～～～～～～～呢個午餐都係$64，其他餐廳絕對係收緊$100up嘅價錢仲要無呢個質素😭感動～～～～～～～～～仲見到幾個廚師好似幾靚仔😆總結：性價比超哂班，超正👍🏽…查看更多

呢間小店主要做外賣，大份夾抵食。$40蚊貨仔，同附近$7-80蚊餐廳有得fight! 😋～～～～～～～～～～～～～～～仲送冰凍無糖綠茶，真係窮人恩物。🍹～～～～～～～～～～～～～～～但係佢位置真係幾隱閉下，唔易揾到，喺條巷入面嘅角位。～～～～～～～～～～～～～～～佢每日有幾款午餐揀，我都係第一次食，就試左佢嘅洋蔥糖心蛋牛肉飯。好食😋👍🏽佢個糖心蛋超有誠意，牛肉又夠味，大大份，好好食😭😋👍🏽…查看更多

😋😋😋好食👍🏽～～～～～～夜晚經過試下呢間車仔麵～ 細細間，喺大街地舖，都好易去同埋揾到。～～～～～～老闆啲服務好到加零一，又親切，野食都好好食。叫左個三餸麵，有牛筋丸，雞中翼，粟米豬肉餃，仲加左$7要豆漿。全部都好好食😋👍🏽👏🏼👏🏼👏🏼另外，朋友就叫左兩餃麵加陳皮魚蛋。兩餸叫左豬紅，同醉 饗蛋！個蛋好特別，要試下！～～～～～～仲有，價錢合理👍🏽👻宜家想揾間餐廳食碗麵🍜$40蚊有找，又要好食都好難... …查看更多

又一條友去揾野食，得閒得濟又打下食評。今日去左鰂魚涌條巷仔揾野食，上次經過呢間門口都想試下，今日就去左食。～～～一條友等位等左幾分鐘就有位。叫左午餐》肉燥蛋飯配台灣腸$66。其實佢話午餐都昆昆地人，佢個餐其實都係單點，加配野飲平得幾蚊，最平都要加$16先有珍珠奶茶。但係我都加左...叫左個伯爵珍珠奶茶試下啦...～～～其實佢每樣野都幾好食，個蛋仲係糖心蛋，不過係貴左啲😂成個餐夾埋要$82，性價比唔太高。同埋如果唔加野飲淨係得個飯個份量都比較細... 個台灣腸如果比多幾件會好啲...～～～總結嚟講，間唔中都可以再嚟食多次嘅，唔錯。…查看更多

每日中午都勁多人等位... 今日一條友諗住試下有無位，點知都要等1x分鐘...午餐貴過其他茶記幾蚊啦，不過都可以接受嘅～叫左個薑絲豬潤通粉，配炒蛋多士🍞。佢個多士係mvp，好夠熱，用左靚牛油，個多士本身係有蜜糖香味嘅，同埋係加左麥。至於炒蛋都好食嘅，不過都係可以想像到普通炒蛋啦。但係，個薑絲豬潤通就有啲失望，超級重薑味。可能有人中意咁樣啦，不過我個人就麻麻地，成個通粉得薑味。豬潤煮都得啱啱好，唔會太硬太生。…查看更多

我同朋友本身食左下午茶，所以晚餐費時食咁飽就揀左呢間。淨係叫左海鮮刺身嗰啲。～～～～～～～～～～～～～～～～～～呢間主打應該係$10一隻生蠔，我同朋友叫左一打12隻～食完無肚痾🤣幾好食，食落係有新鮮嘅味道。～～～～～～～～～～～～～～～～～～之後口痕，再叫左一板日本海膽同赤貝，都好新鮮。海膽係好鮮甜，仲配埋青瓜片同埋紫菜，可以一齊食。～～～～～～～～～～～～～～～～～～另外仲叫左啲draught beer。總括嚟講，啲海鮮都幾新鮮，價錢算合理。…查看更多

午餐🍽都算抵食啦對比起附近啲餐廳～👌😋～～～～～～～～～我叫左個蘑菇芝士漢堡bell🍔，個牛肉漢堡好juicy🥩😋 大大個bell🥯，個包都有煎過，好香口。仲有配薯條，都好新鮮炸到熱辣辣🍟～～～～～～～～～午餐送果汁🍹或茶☕️唔洗加錢，不過就要加一service charge 10%，總計$70💰💰💰～～～～～～～～～不過午餐就食得比較趕，因為都多人排隊等位～😅～～～～～～～～～…查看更多

間舖喺條小巷入面，細細間，但係好多人等位！我因為中午一個人食可以坐啲單丁位唔洗等🤪食左個深海魚蛋叻沙$66，同附近餐廳比較，佢呢個價錢同質素算係超值！👍🏽👍🏽👍🏽通常食叻沙最重要都係個湯底，佢落左好多唔同材料整個湯，爆濃郁，又有海鮮嘅鮮味！🦐加埋個賣相都好吸引！我成日食完隔幾日又會掛住佢個湯又要嚟食過！😂另外跟面會送羅漢果茶，飲得出係完全自家制，好天然，無加糖，唔係喺出面買嗰啲咁，所以都好健康。食完好飽👍🏽滿足👍🏽…查看更多

鰂魚涌附近好難揾位食飯，通常都好多人又嘈，食完野好快又比人趕走。喺鬧市之中，唔小心比我發現左呢間小店。呢間餐廳個感覺好唔同，位置比較隱蔽，平時行過都留意唔到。佢喺山腳邊，入到去同出面鬧市好似平衡時空咁，好寧靜好舒服，仲有陣陣咖啡香味。個氣氛同佢個店名「舒房」好夾，真係比人放鬆，好舒適嘅地方。中午十二點半左右唔洗等位，可以揀坐室外或者室內，咁香港夏天比較熱，我同朋友怕熱就揀左室內。午餐有是日paster，今日係日式芝麻蟹肉冷烏冬，我比較大食，仲可以同店長講要多啲烏冬。個烏冬啲蟹肉幾正，大大舊。午餐配咖啡，我揀左mocha，朋友要左latte，個拉花好靚❤️（開心）…查看更多

見佢啲餐牌幾靚，環境唔錯，行過諗住試下啦。叫左個最普通嘅carbonara $79，加左湯同野飲要$20。個蘑菇湯開粉嘅，完全食唔出有蘑菇，仲要開得太稀，隻色勁似漿糊... 🤢個carbonara稀到爆... 好似水咁... 難食到即刻想起身去第二間食第二樣野。🤮朋友叫左個肉丸意粉，個肉丸中間仲係冰... 仲有啲意粉係好奇怪嘅質感，有啲似橡筋...真正嘅難食到喊😭唯一有樣好，係佢請左個好員工，服務好好。…查看更多

今次係第三次嚟食，見佢啲質素持續咁好，忍唔住要讚下，平時寫食評多數係彈😂。叫左個泰式生蝦🦐，泰式船河🍲，肉碎飯，木瓜沙律，兩杯啤酒🍻，全部都大大份又好食😋因為Happy hour，啤酒買一送一，啲口味都好特別仲會成日換款！🍻值得一提係佢啲service好好，點啤酒嗰陣會問我地口味再介紹，見到我地有個大袋又會比張櫈我地擺袋。另外環境裝修都唔錯，幾有特式，有樓上樓下，據我所知可以包層搞活動。…查看更多

呢間係一間名過其實嘅食店！星期六中午上完堂係附近揾野食，行經呢間舖，見出面貼哂啲《x假期》介紹，又有好多食客嘅相，就諗住入去食下醫下肚。見佢好似出名同係咁sell龍蝦湯，我朋友就試左。個麵一嚟到，發現啲餸又錯左，仲要...！完全食唔出有龍蝦味，得個咸字，食到腎虧，仲要貴過普通豬骨湯$1x！！！我就叫左普通豬骨湯，等左廿幾分鐘... 當時間舖已經無咩人，見住個廚師係度打機都唔整野食！？真係火都嚟埋... 連街邊車仔麵都不如...…查看更多

放工同屋企人試下呢間茶木晚餐叫左個蚵嗲肉碎泡飯，成$75蚊，仲要加10%服務費，埋單計埋要成八十幾蚊食落勁多殻，好難食，啖啖有沙咁，幾驚食到有腎石！估唔到可以咁差，食到勁嬲。另外，屋企人點左杯紫薯乜q latte，甜到糖尿，仲有一杯叫香芋乜q奶茶, 得藥水味，成杯色素，完全飲唔到芋頭，一杯咁嘅野仲要加$9蚊.......！！！好難以置信咁貴咁難食嘅餐廳仲會有人等位，呢間啲野食又貴又難食，淨係得個樣，以後都唔會幫襯！！！…查看更多