Stephanie_Tree's Profile

屋企人突然話想食潮洲打冷，就醒起太子陵發的打冷，老豆話鹵水同啤酒是絕配。這裡的菜單不多，我們點了鹵水三拼的鵝腸、豬耳和五花腩，豬耳很爽脆，三樣都非常入味，加點辣椒更加美味。鹵水鵝我們只點了例牌，鵝身非常嫩滑，不會覺得太肥，加點醋令鵝味更加出眾。腐乳通菜，幾乎大部份人都點，是灼的而不是炒，所以不會太油膩。…Read More

以前大學時代最鐘意一大班人去食品香樓，今晚帶埋T先生重拾一下大學時光🤣🤣。 我地叫左粟米斑塊，斑塊好脆口，分量夠哂兩個人食，而且勁多粟米汁，超鐘意😍😍👍🏻👍🏻 。 《粉絲什菜煲》，清清地叫左個煲食😂😂，湯非常新鮮，賣相不錯，有不同種類的蔬菜，非常健康🤣 。 《雪菜肉絲炆米》味道不錯，炆米不會太乾，而且分量剛剛好。最後我地仲叫左杯凍朱古力，滿滿的忌廉，差不多每一枱都有人叫，基本上凍朱係呢度既必點之選。…Read More

難得同朋友小聚，朋友話想食炸雞，行完APM後就決定去觀塘小火焰韓式咖啡餐廳。雖然沒有訂枱，但也不用等太久，大約五分鐘就可以入去，既然想食炸雞，我地點了韓式甜辣年榚炸雞(半份)，一共有四件，由於新鮮炸起，吃的時候要小心，非常香脆可口，甜辣的味道恰到好處。另外我地點了溶岩芝士炸雞麵包，整個農夫包都是芝士，實在是太邪惡，芝士味很濃，配上農夫包一流，而且炸雞是沒有骨，真是好好味。泡菜鰻石鍋炒飯，鰻魚是整條的，非常抵食，底部有飯焦，絕對是正宗石鍋飯。整體而言，這裡的食物真的不錯，而且炸雞及芝士充滿驚喜，價錢親民，可以encore的韓式餐廳。…Read More

堂家姐由澳洲來香港，佢話想吃點心，於是決定帶佢試下米之蓮的太子一點心，起初以為要等好耐，不過大約十分鐘就可以入去。我地等位的時候已經揀好點心，所以點心都好快上枱，省卻不少等待時間。蟹黃蒸燒賣，燒賣有四大粒，豬肉的質感嫩滑。薄皮鮮蝦餃，蝦餃皮真的很薄，而且不會黏紙，蝦肉亦足料。鮮蝦菜苗餃，口感清新，餃皮亦比較容易入口。我地仲點左雞包仔、鳳爪排骨飯、山竹牛肉、鹹水角、蝦米腸，整體質素唔錯，環境乾淨衛生，難怪吸引不少外國遊客前來品嚐。一點心地址：太子通菜街209 A至209 B號地舖…Read More

奇趣餅家，我真係細細個就聽佢個名，我每次經過花園街，都會買我最鐘意食既紅豆燒餅。紅豆燒餅個皮香口又軟，上面既芝麻絕對是加分，燒餅不會太甜，餅皮厚薄適中，真係食極都唔會厭。…Read More

如果要數到充滿香港味道的茶餐廳，深水埗的老鳳冰室絕對榜上有名。不論從外觀裝修、店內擺設、餐牌、牆上的黑白照片都很有香港的本土味道。連店內的音樂也是七八十年代廣東歌，今晚就聽到我很喜歡的陳百強《戀愛預告》，這些都是百聽不厭的經典金曲。今晚點了蝦多士，非常彈牙爽口，當然還有它的千島醬，完全是香脆可口。黑松露海鮮炒飯，廚師完全毫不手軟，炒飯好多黑松露，惹味十足，海鮮份量很多。飛仔華田，我只能用浮誇來形容它，張啤牌充滿驚喜，食左先知原來係威化餅，不過略嫌比較多cream，不過脆脆好味。老鳳冰室深水埗基隆街216號地鋪…Read More

今日同朋友出左太子行街，朋友話有間家鄉菜介紹：阿純山東餃子。店內有好多不同種類的餃子，我地試左白菜鮮肉餃麵，皮不是很薄，多汁，鐘意食香口可以加五蚊轉煎餃。芝麻醬滷蛋冷麵，滷蛋亦不算太咸，麵質都幾彈牙，麻醬有少少芥末香。鐘意食素餃既朋友可以考慮香菇木耳素菜餃，木耳很爽脆，香菇令到素餃的味道有所提升。最後試左山東手撕燒雞，佢有一隻、半隻、例牌，我地三個人叫一份例牌都已經好足夠，肉嫩味道剛剛好也不會太鹹。…Read More

深水埗最近多左不少新餐廳，本來諗住去食馬來西亞菜，但見到太多人等位，T先生就話去新開餐廳—南昌咖啡廳。由於新開唔係好耐，人流唔算多，坐得幾舒服，同埋唔駛同人迫🤣🤣我地試左叫左個南昌全日餐，有沙爹牛肉撈米，沙爹味幾突出，有小小辣，套餐仲有塊大件牛油多士，同埋跟餐帶杯飲料。我地仲叫左麻辣金錢展，麻辣味好香好濃味，但又唔會太辣，牛展好爽口，喜歡濃味的朋友不妨一試；最後雪山金磚是值得推薦，即叫即整，用麵包糠包住麵包再拎去炸。麵包表面炸得黎唔多油，但內裡卻炸得好脆，與雪榚簡直是絕配。…Read More

今晚同朋友係尖沙咀食完飯後，大家都話不如去食佐敦果間好出名既佳佳甜品食糖水。當我地去到果陣見到門口已經排長龍好多人等，果然係米芝蓮推介👍🏻👍🏻雖然多人排隊但都人流都算快，我地只係等左大約五分鐘就入得去。今次我地試左冰花燉雞蛋同芝麻糊。芝麻糊既芝麻味偏濃，唔似其他糖水鋪咁味道淡而稀。至於冰花燉雞蛋，就不過不失，冇特別驚喜，味道比較甜，入口尚可接受。…Read More

每次去到深水埗我都一定會去生隆餅家，我最鐘意❤️食既雞屎藤同埋芝麻榚。雞屎藤內裡沒有任何饀料，口感不錯同比較甜，不過就比較薄，不過我每次經過都會試。至於芝麻榚的芝麻味不是太夠，但質感就唔錯。下次來就試埋佢既糯米糍同紅豆榚！…Read More

與T先生🤦🏻‍♂️的早餐之約，陣間要去旺角開會，我特登叫埋T先生一齊過黎食我最愛既港式茶餐廳，同埋我最鐘意❤️既太陽蛋。我每次幾乎都會食佢常餐，份量夠，多士厚，常餐真係冇得輸。…Read More

之前已經有好多人介紹過呢間甜品鋪， 見到有我至愛既芋圓，一直都好想去試。今晚經過大角咀，身為芋圓迷梗係要去食試試啦😋😋 今次試《傳統仙草芋圓》，分量幾多，賣相又靚👍🏻👍🏻有紅豆薏米珍珠同埋白玉配埋仙草底，配料足又多我最鐘意既芋圓😍😍perfect…Read More

呢間Comebuytea開左一排，一直都未有機會朝聖同試佢既茶，每次經過都好多人排隊等，同埋成日見到佢噴煙😂😂我叫左杯清香烏龍加鮮奶，價錢只係$25，烏龍茶味道剛剛好，唔會太濃，可以選擇少糖少冰，岩哂我唔鐘意太甜既人😍😍Top5等我下次試下先😍😍…Read More

早兩日朋友生日，壽星女話想食川菜，之前我在網上見到呢一間食川菜嘅餐廳，睇落唔錯就決定去試試，我地三個女仔當晚叫左五樣野。清炒萵筍絲萵筍炒得比較清淡，我個人覺得唔錯👍🏻👍🏻👍🏻酸菜生魚片個湯酸酸鹹鹹，份量多，值得一試。涼拌牛展牛展中規中矩，分量算足夠，可以一試。樟茶鴨我地叫左一份例牌，有少少煙燻及茶香的味道，味道唔錯。干鍋肥腸有好多女仔都唔係好鍾意食肥腸，但我地比佢吸引左所以就叫咗平鍋肥腸試吓，點知充滿驚喜，佢肥瘦適中，味道不太鹹，值得推薦。…Read More

由於我逢星期五在太子上堂關係，多數會同同學仔上堂前食少少野填土，知道旺角西洋菜南街有間上海野，平時見到但好多人，今次見到佢有座位，於是我地三個就走入去試下呢間上海野。我地叫左個自選三小拼：青瓜海蜇、糖醋排骨、招牌醉雞，味道尚可，我地三個女仔都覺得只是份量比較少。糖醋排骨算係有驚喜，酸酸地幾好味。然後我地叫左個紅油抄手，只是略嫌唔夠辣，同埋都算幾大隻。最後我哋食埋佢肉鹵醬香炒飯，炒飯就比較鹹，不過就幾多松子，算唔錯。…Read More