james0117的個人專頁

一入到間餐廳見到冇乜客人都知賴嘢，但估唔到真係咁差，好少寫評語，但今次真係難食到要個差評佢，未食過咁難食嘅豬扒飯，塊豬扒乾噌噌，煎到黑色，咬都咬唔開，賣咁貴，又細細份仲要難食到咁，真係請我我都唔會去。一開始係比廚魔個名吸引咗，但同真正嘅廚魔冇得揮。啲侍應又懵吓懵吓，埋單都搞咗勁耐，又好似唔識落單咁，完全冇培訓過，真係停執笠大家千祈唔好去，俾錢買難受，未試過食豬扒飯最後塊豬扒我掂都冇掂過就係食個炒飯，個飯都唔係好食，但至少冇個豬扒咁差。…查看更多

以前都食過好幾次唔差，但今次食真係嚇親，以後都唔會再來。點左個油雞加燒肉飯，但個燒肉全部都係肥膏，幾乎一點瘦肉都無。我最後一個都無食，個廚師咁都夠膽俾客人食，我完全唔明咩心態，仲要唔係一兩舊係咁，係全部都係咁。好嬲，以後唔會幫襯！…查看更多

上星期夜晚去食 竟然見到隻bb老鼠 證明一家大細都係度 有隻細實有幾隻大 同職員講有個話驚跑走左 另一個只係講哦好細隻姐 米奇老鼠咁大 完全無講唔好意思同去趕老鼠 只係講可以換位 請問老鼠係咪唔會走來走去 亦來好多烏蠅飛來飛去 最後成餐食得好驚 無講對唔住無去處理張單亦無打折 食物係唔差 但唔會再來!!!!!!…查看更多