s0n的個人專頁

越男仔 De Viet Son旺角廣華街2-20號翠園大樓二期地下5號舖早一日已經安排今日要食呢間餐廳，去到排左大概10分鐘隊已經入座。係門口等候期間老闆David 會俾menu我地叫定先 (點解我知老闆咩名？因為入面部電視不停播餐廳訪問)。入座後大概5分鐘已經有得食。前菜：(跟餐) 牙車快沙律 ＋ 手撕雞檬紙卷有支唔辣油裝嘅東西，唔知咩黎。老闆介紹我地如果想食辣可以加另一隻調味料，有少少辣，幾香。手撕雞幾甜唔會太嚡。$89 豬PHO 紅蕃茄湯檬紅蕃茄湯底好濃味，可惜唔岩我口味。平日我唔鐘意食豬頸肉爽口鮮甜，唔漏 。$60 越式生牛肉牛骨湯河粉店員送上後，隨後會送上調味三寶 (青檸+指天椒+蒜油)，店舖內都有指示客人調味三寶既比例。食越南菜絕對要有基本嘅青檸同指天椒令成碗麵清新啲。另外，牛肉落湯後唔會嚡口，但牛肉既鮮甜味仍然差少少。$15 (跟餐價) 椰汁拉茶紅豆冰我本身唔太鐘意椰汁，但見到紅豆奶茶，就試下。拌勻飲，啲紅豆唔係港式用糖煮紅豆，所以紅豆唔會太甜。茶底有甘味，呢個係令我驚喜既地方，唔係平日既得個甜字。椰汁味唔會好濃，我接受到。$15 (跟餐價) 雙檸紅茶 (檸檬+青檸)1-2 片檸檬同1-2粒青檸，飲前見到甘少檸檬有少少失望。怕唔出味，篤到啲檸檬青檸好爛，但飲落又唔係淡，岩岩好，有香檸味。…查看更多

火水爐花膠館屯門屯隆街2號屯門時代廣場北翼地下35-38號舖近排想打邊爐，甘岩搵到個懷舊既環境：舊報紙、懷舊海報、燈牌、燈......等等。4個人食，選擇左任飲任食 花膠雞安格斯海鮮套餐。張枱算大，唔會手肘惦手肘。醬料一坐低侍應就送上醬料俾我地。用完侍應就會攞走。花膠雞安格斯海鮮套餐肉類我只係分到豬肉同牛肉。肉既脂肪分佈平均，每片既厚度適中，好快淥熟，而且無雪味。基本上一叫肉，侍應好快就送上肉。餸埋單一刻，性價比就有進步空間。…查看更多

難得放假，出街行下。就到晚餐覺得餓，想食少少野，又唔想食m記既情況下就揀左威威美食。叫左牛肉漢堡加蜜糖芥末醬。等左10分鐘就有，見佢即煮我都唔怕等。塊牛係juicy，但個包又唔會沾到汁而淋晒。而且，塊牛唔係好咸仲有肉味 (唔係廢話嫁-_-有啲肉真係無肉味)同m記比較，價錢同m記特價包差唔多，但呢個包飽肚好多。而且，我本身對m記個薯條可樂無興趣，所以在於我威威美食優勝啲。食完個包，唔係飽一陣，覺得好扺食。…查看更多

BYOB Coffee Roaster (屯門)屯門青桃徑5號文翔大廈地下2A號舖BYOB “Be Your Own Barista”每間店成立都有佢既目標，但作為食客又有無感受過？餐廳內用工業風，設計簡單，環境舒適。有足夠空間感，枱同枱之間有足夠嘅距離，唔會覺得逼，更加唔會聽到隔離食客既談話內容。餐廳半自助形式，不設加一股務費。餐牌會係入座時俾你，選擇好就到收銀處話俾店員知坐既位置，落單俾錢。然後，轉向左手邊攞水同餐具。另外，店員細心有禮貌，令我覺得係呢度食午餐好舒服。 慢煮德國咸豬手 $138製作需時40分鐘，餐牌有寫，落單個陣都會再提醒你。每次黎到第一件事就係落單叫豬手食，當然，要唔趕時間先叫得。店員一放低豬手，不論我還是家人朋友既第一反應都係 “嘩”，因為豬手好大隻，切開有少許肉汁流出。食落口，表皮脆口，肉多汁，而且有淡淡麥香。話就話咸豬手，但其實唔係太咸，岩岩好，性價比相當高。有時想叫外賣，會先打電話叫左隻豬手，然後預40分鐘就岩岩好時間去到攞外賣。卡邦尼意粉 Carbonara $68卡邦尼意粉內有煙肉、洋蔥、蘑菇、流心蛋。加左隻蛋黃令卡邦尼汁濃稠。就甘望落去賣相好吸引。我偏向唔食洋蔥，但食落洋蔥只有少少味，唔會令我抗拒。平日自己煎完煙肉都偏咸同乾，對於平日食得比較清既我，呢度既煙肉咸度岩岩好。黑松露雜菌意粉 Spaghetti with mixed Wild Mushrooms $68店員一放低碟意粉已經嗅到濃郁既黑松露味，好香。碟內除左有黑松露醬，仲有忌廉汁、雜菌、蘆筍。最緊要熱食都仲有濃濃既黑松露味，加上雜菌多，意粉唔會好乾身，味覺上更夾。蝴蝶夫人綠茶 Geisha Blossom $28有少少桃味，好香。每食完一樣野清一清個口，唔錯。BYOB招牌冰咖啡 House Blend On Rock $32我唔係好識飲咖啡，只作有限度評論。一開始飲淡淡既甘。飲到中間甘濃味左，開始有微微酸味。飲到最尾，酸味蓋過甘味。====================後記：1. 見到門外有張紙寫住因為老闆有腦瘤導致失聰，所以講野大聲，而唔係無禮貌，希望大家見諒。奇怪張貼左甘既野，上網一搵，原來曾經有人不滿 “店員大聲無禮貌”。其實，無人會想病，希望大家能夠多體諒。2. 我入坐後老闆(?)叫後面有老人家既3位客人先入坐，唔好係出面吹風。係呢件小事上我見到老闆(?)既細心。…查看更多

跟朋友二人在附近考完試，打算醫肚。主要找價錢不過$50的餐廳。然後就遇到這家店，價錢符合，而且有合心水的菜嘛。一進店，只有兩枱客，心想，應該不會中伏吧泰式生牛肉湯河：落湯一刻夠100度才能把手牛肉弄個剛熟程度。牛肉明顯不是弄熟才放進去，這點蠻好。但是，美中不足生牛肉厚了一點，不夠通透，我把牛肉浸在湯中一段時間才熟。湯底有少許肉的甜味，再多一點甜味會更好！ 泰式奶茶：跟餐會有個$15以下的餐飲，但我選擇加$8點 泰式奶茶。飲品到，杯子的size比菜餐廳的杯還要小。我點了小冰，好像沒聽到一樣的多冰。茶味不會太濃而有澀味，剛好的菜香！值得一試！ 贈送午後甜點 - 椰汁西米香芋：吃飽後，打算結賬時，女待應奉上甜點。椰汁味剛好(我就是很怕濃味食物)，而且不會太甜。吃飽後有個甜點，蠻窩心。到結賬時，全場滿坐，還有人在等位！我們沒有中伏！…查看更多

食過三四次..都唔係話好差..再差既都有。呢次我係星期五 5點半食，所以要俾每人 $10 附加費，埋單個陣每都要$148。可能因為多人既關係，而且有其他客人BOOK左位，所以我食左個半鐘２佢就立即要我LAST ORDER，夠２小時立即叫我地走。就算未食晒佢都唔理你。＊食物　食物種類都算多，但刺身比之前少左，可能因為日本冇貨。　刺身都新鮮，而且無雪味。　但點左既食物，成日都會上少左！！　有D點左２－３次佢先上俾我，我就當佢好忙，算啦。＊環境　環境唔差，幾靚。　唯行人通道只可容納一人行，對面有人行埋黎都唔會行得到。　再講，由於地方都唔太大，所以帶袋既都幾唔方便。　店內有洗手間，但我冇去到。＊服務員　服務員態度一般。我唔駛你笑到４萬咁口對住我，但都唔好死老豆咁樣丫。　叫佢幫我落單，成日都唔記得！！＊其他　－　訂位服務　　　有訂位服務，所以等候既時間都唔會話好耐。等待時間都視乎你咩時間食。　　　我同朋友食都係５點半，所以唔駛等就可以入坐。　　　我都試過冇BOOK位就walk in，佢都同我講冇晒位。　－　生日蛋糕服務　　　呢個服務需要訂位，而且要夠一定人數。　　　　　　我試一次，蛋糕一般。　　　去呢到食野都係唔好對佢個送既蛋糕太大期望啦。…查看更多