4la的个人专页

搵新餐廳開飯，碌碌下見到有韓式兩餸飯，即刻叫埋同事去試下個lunch!去到已經有十個人排隊，估唔到大家都咁早出嚟食飯呀（笑）。流程係咁既：揀個base (飯/粉絲/飯+粉絲） > 跟住俾錢 （$68） > 排隊等叫餸 > 最後揀個汁 > 打包後可以攞走我叫咗：甜辣炸雞 + 豬肋骨條 + 粉絲底 + 乳酪sauce + 送左個海帶湯同生菜伴碟感想：1. 個炸雞好出色！其實唔係好辣，但啲皮脆度係甜辣汁之下仲keep到2. 粉絲水準正常，都幾多，女仔食曬成盒應該會好飽3. 豬肋骨就普通，肉有少少鞋，但係咬得開既4. Yogurt sauce同生菜好夾5. 海帶湯都ok唔錯，細細碗同事叫左泡菜豬五花話好食，我下次要再去試下！…查看更多

前文提要︰原本想去Wingman食個lunch，點知都未落order，已經一肚氣！唯有去附近餐廳食個午餐消消氣。行過創活cafe，但menu唔係幾啱食，最後見到Sueno，見到外面Menu價錢幾低，就決定一試！一坐低攞起個menu先發覺出面$68個飯係外賣價錢XDDD 坐低最平一個餐要$138，突然貴咗一倍LOL 但都坐低咗，就試下啦。佢叫左個烤雞，我叫咗個蟹肉risotto。首先嚟咗個餐湯--椰菜花忌廉湯有啲驚喜喎，一入口椰菜花味好出，再嗒真啲就有creamy既味道。有兩塊法包跟湯，浸一浸，食得。蟹肉risotto ($158)第一啖真係有蟹味湧出嚟，類面仲有露笋同菇菇。個risotto好滑，露芛都好嫩口，忌廉得嚟又唔會好heavy，推薦！烤雞 ($138)唔記得咗個醬名，但係個汁好惹味，有啲印度feel，但唔辣既。雞肉都烤得嫰滑。伴碟有薯仔、翠玉瓜、甜椒同杏胞菇。lunch set有跟餐飲，不過凍飲加$5就有啲貴。食物有質素，價錢唔貴但都唔平，有機會可以再試！…查看更多

甜心婆婆新開咗一排，見到社交平台好多人都讚好，話芋圓豆腐花做得唔錯，煙靭控嘅我當然好想試吓珍珠芋圓啦，終於有機會買個外賣返屋企食！兩個都係四式芋圓珍珠寶盒，不過一個係豆腐花底，另外一個係愛玉底。佢唔係好平，但份量就好多，食完真係飽晒。講吓啲配料：四式芋圓：好Q好煙靭，芋頭圓有食到淡淡芋頭味黑糖珍珠：煙靭有口感小丸子：口感都好軟糯附近有好食嘅芋圓令人太感動，絕對有回頭率嘅餐廳！不過老實講，愛玉底好似唔多夾，下次我會揀返豆腐花底！…查看更多

今日想食個漢堡包，見到openrice外賣自取有優惠，於是就落左單，再慢悠悠咁行過去。準備時間大約15分鐘，去到等多1分鐘左右就可以攞走。要讚下小店幾貼心，有準備用膠袋裝住既膠手套兩隻，等大家食burger時唔怕整污糟對手，你知啦，食依類型既burger總係會啲汁滴晒落手度架嘛。返到去打開個袋，始終係行左一段路，所以個Right Burger已經唔係好熱，但味道嚟講個burger係ok既。- 塊beef patty裡類啲軟骨多咗啲，有時食落去會咬到一粒粒- 蕃茄厚切同生菜一齊感覺健康咗- 薯條就真係有啲敗筆，係炸到好脆，但個餡冇乜薯仔，我鍾意啲多啲薯仔蓉既薯條多啲有機會都想試下個Thai Burger…查看更多

午餐冇頭緒，又唔想出街，去左網上外賣平台搵食去。見到依間意粉攻略，佢有個車仔自選意粉，可以自己揀醬汁、材料同意粉，好似好開心咁，於是就試佢一試。我叫左一個長通粉+蕃茄汁+煙三文魚+吞拿魚+雜菌，一嚟到打開個盒，wow，熱辣辣好似剛煮好咁！蕃茄汁同啲魚都夾，同埋唔怕唔夠汁，同啲長通粉一齊好好味！我好怕啲意粉會淋，但佢既長通粉煙靭度超good，彈牙又唔太硬！佢叫左意粉+蕃茄汁+雞柳+煙三文魚+粟米，佢話味道都唔錯喎。回頭率好高既餐廳，絕對會再幫襯！…查看更多

走去e肚仔搵lunch食，見到依間麵店，好耐冇食過就去open rice望下食評。見到大家都讚好墨魚丸，因為本身都鍾意食墨魚丸，咁就去試下啦！因為比取餐時間遲咗，去到已經有碗麵等緊我。其實攞嗰陣有啲擔心我遲咗去會唔會啲麵已經漏到淋晒呢....一打開就睇到原來湯同麵係分開裝架！好少食依類店有得分湯，好貼心！放咗個麵入去之後，再望下，原來有塊白蘿蔔跟湯，另一驚喜點！最大既驚喜點就係粒手打墨魚丸勁彈牙爽口，同機製真的不是同一個領域架喎，我開始明白食評講為咗粒墨丸去食富記…查看更多

晚飯時間唔想出街食，於是上網上外賣平台搵食，依間店好新呓，openrice都冇食評，咁就胆粗粗食下啦。點知等左都幾耐，可能有好多人叫，耐心等待外賣送到。一食落口就明啦，應該係即叫即整，所以啲皮係脆㗎。個香蒜蔥油真係堅得，好惹味，好好食，撈飯好夾！雞翼炸雞都好入味，雖然外賣送到都隔左一陣時間，但都食到啲皮嘅脆脆地，好香口！隻蛋都好正，係太陽蛋，蛋汁可以撈埋落飯到食，好正！仲有兩杯熱朱古力，not too bad:)…查看更多

見到有間新店開門，平時行過見到好多人排長龍買，就冇特登去排隊。可能今日係平日，見冇乜人排就走去買嚟試下。上網先知原來依間店之前係筲箕灣開店，依間係第2間分店，唔怪得之見到咁多人排隊啦。味道有原味，抹茶，芝士同流心芝士，想食流心芝士味，但未到出爐時間，唯有買個原味試下先。全個$50，半個$30，最後買左全個，覺得有啲貴但都試下啦。買既時候仲暖暖地，但拎到返屋企未得閒食，食既時候已經攤凍咗，點知都幾好味喎。店員教可以用微波爐叮10秒食可以熱啲咁食。曾經喺淡水食過類似既古早味蛋糕，熱辣辣食確係正。下次想買個流心芝士蛋糕熱辣辣出爐食！…查看更多

在網上閒逛見到專賣豉油雞飯既小店，食評又唔錯，決定午餐時間去試一試。去到見到真係名符其實既小店，只有5-6個位子，但我係外賣，所以冇乜影響。叫咗個豉油雞飯($55)，今日既湯係素湯 -- 素十三湯，感覺幾健康，不過我冇試。一路等其實就係度諗，明明都係裝碗飯加啲豉油再切幾件雞啫，點解咁耐架呢跟住轉個頭就整好lu~返到公司一打開個蓋，好滿足啲豉油雞色水好靚，啲雞肉都幾嫩口飯撈埋既豉油粉量剛剛好撈飯食啲醃蘿蔔簡直係神來一筆!! 好好食，同啲雞&飯一齊食好夾!!下次我可能會試下五花肉飯…查看更多

每日晏晝都要諗食乜，今日諗起巴士途經見到有間新開既上海雲吞鋪，於是就去試試話就話新開，但我記得都見到間鋪頭好耐，冇諗過去到見到仲有個「試業中」既牌喺門口叫咗︰原味鮮肉大餛飩 (10隻) $45 (+$1 外賣盒)點知叫完找完錢後，聽到樓面喺度講個電腦好似突然壞咗，出唔到單，諗住應該冇事...啩跟住就係漫長既等待時間，眼見堂食既食客好多都等咗好耐，有啲遲嚟先上岸(應該係因為後尾個電腦好返，後面啲單出先既關係)，我個心都怯一怯，究竟我張單有冇出現過喺廚房...其實樓面既哥哥姐姐都好唔好意思咁幫我追既，但追極都要等左成25分鐘先見到我個外賣出現見到佢地咁，同埋知佢地電腦壞咗，係明白佢地既困難，但最令我失望既係返到去公司，打開個盒蓋發現裡面得8！隻！雲！吞！(仰天長嘯)明明個menu寫明10隻，都冇8隻既option，做乜呃咗我兩隻....anyways，唔知今日夠唔夠飽呢....? 講埋味道，不過不失，沒有驚喜，沒大失望。但因為等待時間加少咗兩隻，我應該暫時唔會返去幫襯依間住架啦....…查看更多

lunch time搵嘢食，平時經過依間餐廳都覺得佢門面幾靚，但又叫車仔麵好得意。今日就走去諗住買個外賣試試。大門口係堂食入口，旁邊有個牌指入去外賣窗口，都幾搞笑。不過係度等既時候，咁啱有人入嚟食煙，先知原來係「打邊爐」既地方外賣部既服務員都好nice，問我想食咩。我一眼望埋去就見到個set lunch餐牌，見到有個蕃茄焗魚柳飯，就落咗單，完全忘記咗想試車仔麵依件事XDDD等俾錢既時間先又發現set lunch menu隔離張車仔麶menu，哈哈，唯有下次再試。個焗飯其實都幾好食，魚柳唔錯，蕃茄味都幾足，不過以依個價錢嚟講，份量係少咗啲，又唔包飲品。女仔食應該OK，男仔我諗應該唔係好夠飽。…查看更多

今日落毛毛雨，吹住風，好想食啲暖粒粒既嘢，於是去咗依度買個湯飯做lunch。叫左個龍蝦湯泡飯配牛肉粒 - 外賣自取。12:20pm左右去到，唔滿座，都好快有得攞。返到公司打開蓋，發現原來湯同飯係一早放埋一齊，另外有一個黑色兜裝牛肉粒，有啲椰菜墊底。一開始啲湯同飯係分開咗，要用餐具攪一攪勻佢先有相中既效果。睇佢個兜仔細細，撈勻之後都幾多飯，女仔食應該都會幾飽。講吓味道先，龍蝦湯好香，濃得嚟又唔會過鹹，啲飯有少少硬，有啲risotto feel (亂講)，可能驚浸住湯會好快腍(?)，我鍾意腍少少既飯。牛肉粒腍度還可以，係有啲筋，但味道有蒜頭香味，不過油咗啲，個兜底有層油浸住。同場加映:鮮蝦龍蝦汁意大利燴飯 上次叫左個燴飯 --> 但其實係似炒飯多啲入口都好香龍蝦味，仲有粒粒蝦肉，係洋蔥粒多咗啲XD但如果要㨂，我應該會揀食湯飯，濕濕地好食啲…查看更多

睇到facebook上某訪問講到依間舖，有著老店傳統歷史的光環，好像很吸引，當晚就放工飄過旺角打算一試。可能因為有facebook的加持，7點去到離遠已經望到有十個人左右喺門口等位。拿拿臨去攞個籌，等咗唔算好耐，第三張枱有得坐。啲位有少少窄，出入有時都要麻煩人地起身讓開。啲裝修幾有心思，餐具精緻。當然環境同餐具都係其次，重點係食物！各位觀眾，十三么！雞叉燒比我想像中淡，只有淡淡的炙燒味。雞湯味淡，餐廳有建議落佢提供嘅甜豉油，我前後加咗3-4次先夠味（我平時係食開淡，唔係好重口味嘅人）米粉粉絲ok，唔太冧，但都唔算滑。$66一碗，堂食再加一，大概只此一次就夠。…查看更多

大同新村搵食去，兜咗一大個圈都冇乜心水，見到依間門口寫住dinner set $98，有個包有飲品有薯條，咁就試下啦。一開始叫嘢食，收銀嗰位哥哥超唔想做咁，態度好hea，有啲驚啲嘢食都好hea買左外賣返屋企食，打開見到裡面有手套、紙巾、膠叉、茄汁，都幾齊全。因為外面侷住咗，有啲倒汗水，啲薯格有啲腍咗。個包先係重點！！！大驚喜塊漢堡有肉汁，配埋芝士有拉絲感。裡面仲有小麥草啲friend，人地隻煎蛋有流心，我嗰隻熟咗依個價錢我覺得好划算！回頭率高嘅餐廳…查看更多

好耐冇飲茶，今日約咗朋友仔傾下偈，就決定去新開嘅大圍小館試下！睇到張點心紙樣樣都想食，但人唔多，唯有食住啲，下次再試其他燒賣 - 飲茶必叫item見到上面大大隻蝦已經好開心，咬落去仲爽口彈牙，好好食蝦餃 - 另一必叫item，同燒賣一樣，中間有大大隻蝦喺度，成個口都係蝦嘅鮮味！香煎糯米雞 - 超鍾意依個！底面煎到香脆，中間餡好惹味，係糯米雞嘅最極致好味食法叉燒腸 - 我本人唔食芫莤，佢就有芫莤嘅⋯⋯我揀咗件表面上最少芫莤嘅嚟食都ok味道，冇芫莤更好馬拉糕 - 圓碌碌個樣好搞笑，鬆鬆軟軟，大大個好抵食粉果 - 有芹菜，所以不是我杯茶鮑汁鳳爪 - 好味喎依個，夠冧得嚟又有口感，夠入味紅棗糕 - 去飲茶有紅棗糕食好開心，紅棗味聞得到又食得到，夠濃味，煙靭度夠，啱晒我依啲煙靭控仲有好多嘢想試，快啲搵機會嚟先得！…查看更多