angelchengggg的个人专页

之前買外賣多，見openrice咁多差評今次終於體會到。一去到落單，講咗一次杯野飲個店員好似一頭霧水咁，之後重覆多次，明明叫拿鐵，佢覆我檸檬綠茶。之後另一個店員西口西面行過嚟幫手，我再講多次，聽唔到佢覆咩單，但漏咗個配料。出單之後睇下張單就知，真係落錯野😅拿鐵變奶綠😅員工態度勁差，話返覆嗰陣我話係。原來真係可以落單又唔識，態度又差😅去完真係覺得破壞晒一日心情，希望可以做多啲員工培訓，同埋終於明點解咁多差評。…查看更多

本身見到呢間野喺OpenRice嘅評價幾好，所以嗰日去開葵芳就諗住試下。一去到見到個價錢牌，下咁貴嘅？M$32 L$35 出面出名好飲嘅都未去到呢個價，咁我就諗住試下係咪真係一分錢一分貨啦。我嗰日飲等咗2-3分鐘就有得攞，一到我手見到佢已經冇乜黑糖紋，啲黑糖嘅顏色好奇怪。一飲落口。嘩？你玩我？你叫黑糖珍珠”鮮奶”，但以我差唔多日日飲奶，我好肯定係用奶粉沖，我返到屋企即刻倒咗杯奶飲，飲完再飲啖佢杯黑糖珍珠”鮮奶”，真係糖水咁，黑糖味又唔香，啲奶又奶粉味嚟。講埋佢啲珍珠，唔係有咬口，而係未煮熟，真係好失望，以後唔會再飲…查看更多