mijella的个人专页

今日中午又試新野。有別於一般新的觀塘餐廳，呢間地鋪令人眼前一亮。環境較亮，好有朝氣活力的感覺。Lunch Set大部份 $100-150 ，唔算好便宜，但是卻值回票價。首先來的是鬆軟麵包，再配黑醋橄欖油。濃郁的餐湯。香煎三六魚，揀咗5成熟。但原來都唔會太生，個表面煎得幾脆，切開又多汁，好味喔！上面有蟹肉絲和蟹杍，下面鋪著的是煎紫洋蔥，配菜一樣出色。雜菌黑松露闊條麵好香好入味。不過奶油太多，好快好飽。另外，侍應好細心和有耐性。我們兩個女孩子吃不完，想打包。他們會問清楚想放兩樣一起，還是分開。放在一齊還會用兩塊麵包隔開食物。…查看更多

觀塘覓食總會帶來不少驚喜。原來除了各種西餐和fusion 菜外，仲有呢間泰國菜。第一個驚人係Lunch menu. 個餐牌原來會成日轉。現在仲有減$8優惠。1. 黃咖哩牛腩配飯 $78一上菜就聞到濃濃的椰香味。牛腩好lum 好入味。薯仔係有咬感。個汁唔係好辣，不過少少咸。配飯係可以中和返既。2. 烤雞配木瓜沙津配飯木瓜沙津好清新，帶微酸好開胃又健康。雞塊烤得唔錯，雞亦幾滑。3. 泰式烤豬頸肉飯啖啖肉。豬頸肉的邊微脆，肉有咬口又好味，配埋泰式辣醬。正野喝唔洗加錢就可以喝特喝！ 青檸梳打好味。…查看更多

又來到Summer restaurant week! 終於有機會試到呢間在問月酒店的西班牙餐廳！柔和的燈光環境下，幾適合幾個朋友來摸下酒杯底。呢個餐牌的好處就係好多variety, 咩都有，但不用做太多選擇！因為第日要返工，無選擇到wine pairing. 首先來的是三款小吃。1. Cod fish craquetas好好食的炸薯2. 吞拿魚釀紅椒。唔辣，好特別的配對。3. 番茄粒包，好脆微熱。4.Chorizo and potato quiche 好惹味，個皮係微甜，個蛋係咸！1 好似溫泉蛋在蛋白上，再配serrano ham , 底再有蘑菇。好好好香滑又入味。Suckling pig 皮脆肉嫩，不過真係太飽。訂位講咗慶祝生日，所以甜品有寫碟，算係extra service! 不過下次d字靚d就好。豆腐味雪糕配oreo 脆餅好味，不過個冷雪糕真係太硬太凍了。整體來說，是不錯的享受，會再來。…查看更多

難得今日大家都在官塘，所以我地又去試食新野。雖然無訂枱，不過餐廳夠大，所以一行10人walk in 都有位。一入門口就見又有擲標機，籃球機，下次得閒一定會黎happy hour 和hea. 午餐大約$80-180左右。做緊promotion 仲有12% off. 餐湯係忌廉蟹肉絲湯，再配餐包。主食要咗All day breakfast. 黑松靈炒蛋唔錯，個蘑茹都幾香。不過薯餅就炸得太硬。整體來說，食物不錯。不過飲品單成日miss,結帳又慢。我地等咗15 mins 先結到帳，明明走時已經無咩人。…查看更多

呢排迷上食辣野，金公館的小菜認真好好食。而且係銅鑼灣附近，真係好吸引！杯的設計好像古代古人喝酒，好有特色！1. 炒土豆絲2. 蒜泥白肉在中間的是磨成泥的蒜，好重口味。再用青瓜夾白肉配川辣，好有層次感！ Encore jor 兩次。3. 豆腐青椒皮蛋一啖豆腐再伴皮蛋，正。4.麻醬淮山口感清新、爽脆！5.水煮桂花魚滿紅紅的水煮有很豐富的配菜，包括芽菜，四川粉，芛，豬紅，菜、等等。當然，主角也絕不失色！ 桂花魚很厚肉彈牙，也沒有冰鮮味！讚！雖然，食物是不錯，但服務有點兒差，亦明顯不夠人手，需要改善。…查看更多

一直覺得半島一定好貴好高不可攀，唔捨得去食。最近發現有生日優惠，當然要去試！$1501,4個人包送蛋糕會係點呢？環境而言大堂好華麗,又有在閣樓演奏的Live band,已經值回一半票價。 全個套餐有湯，沙拉，主菜和甜品。個湯和主菜高無咩特別，選擇了蘑菇湯和牛扒，好普通。沙拉幾清新，塊煙肉很脆！番茄好鮮甜！全餐最好食係甜品，由味道到碟上的設計都令人眼前一亮，值得稱讚！拿破倫又香又脆，再配但冧酒雪糕，正呀！不過雪糕好快溶，影完相要快d食！<<白朱古力咖啡慕絲，摩卡啫喱及朱古力脆餅，白咖啡雪糕>> 好有口感層次的甜品，好特別！ <<檸檬及青蘋果羅勒餅，雲喱拿忌廉及青檸羅勒雪葩>>好清新，酸酸地可以解好飽的感覺！…查看更多

觀塘同其他區唔同，最多係工廠內的特色餐廳，K2就係其中一間。地方唔算話好大，去食最好訂定枱。呢排仲有promotion, like fb 有八折！去到首先有餐前小吃，包括長麵包條和一口三文魚。Lunch set 今日湯係咩咩咩紫薯蓉湯，所以大家都選擇沙拉，但都係無特別。野喝全部唔洗另加錢。凍朱古力和特喝都唔錯。Main course 有1. 檸檬蟹肉Risotto配料唔夠，口感無咩疊次，好似大部分時間都係食creamy的飯。2. 獵守雞3. 牛肩肉4. 配菜5. 餐甜品…查看更多

友人是一個粉紅控，見到呢間花說xoxo當然心心眼，立即約食飯。 搵google map，原來又唔近荔枝角，又唔近長沙環，真係行到出汗😅先講裝修設計，其實係幾有心思，好多影相位。不過，睇得出係低成本的一系列淘寶貨，店面的位置亦不大。有兩個掛牆neon light, 幾靚不過影人影食物就會變哂色😂講到食物啦，係呢區來說都說幾貴！ 每樣主食都約$90-110,唔包野喝。野喝仲要$40+ 又超細杯，食水幾深，成本應該係落哂廣告度🙄首先，黎個all day breakfast($98), 都唔錯但份量唔算話大。 每樣都好細份，唔算好食。另外叫咗但鴨胸意粉($78)。呢個價錢，真係好一般。汁太多之野，意粉勁少。總結，如果黎影相呃like,首先記得唔好坐neon light下。第二，記得記得要食咗d野打底先。…查看更多

位處於觀塘的Bold Italic 都開咗幾年。今次係相隔1年再黎，估唔到裝修都改變咗唔少。但食物質素仍然幾高。仲得一讚的係呢個Mushroom Risottos. 唔會太乾又唔會太濕。 Lunch set 包野喝，加錢要咗個五青汁之類的蔬菜汁，好健康！又有湯喝，又有多士，都係$100頭，超好味又抵！講下個裝修，好多特式別緻擺置，仲有好heat的Framingo 充氣氣球！ 所以，呢間餐廳好識合中意影相，或者情侶黎！ …查看更多

用Super monday card去搵好野食真係好興奮！特別係中西區，好多扒房，西餐可以食。黎到Shore steak,當然要叫塊扒食。叫咗U.S. Estate 8 Black Angus Rib Eye (12oz) $398. 叫野食時，問個waiters, 唔多國家的扒有無咩特色和不同，佢竟然只話，就是價錢同產地不同。在一間扒房，待應對自己餐廳的食物一點要認識都沒有，有少少不能接受。個人認為雖然係medium rare, 但都係又點over cook, 唔夠肥美。個蒜頭又焗得唔夠，中上的扒。另外再加咗塊鵝肝，竟然就咁乾煎。肥得黎無味，唔夠juicy!另一個main 叫咗<<Mixed Seafood Pot $368>>, 好多海鮮，有魚，半隻龍蝦腳，青口，蜆和帶子。個汁幾鮮味，可以一試。叫多咗個<<pan roasted wild mushroom with butter>> $68, 好食！環景幾舒服，喝野幾抵。…查看更多

《山長水遠買包記》事源我唔記得，原來旺角東同中環其實好遠🤦🏻‍♀️( 係旺角東唔係旺角)所以話。。。為咗買包可以有幾盡！呢間的包竟然可以keep住長龍，真係嚇親我！ 買咗半熟芝士撻 ($10) 有個熱爐係唔同d,暖䁔地有d流心。好抵食。松葉蟹棒炸物 ($14) 和棒子腸 ($13).棒子腸都係炸物，幾juicy 唔錯又有炸皮係好好味即。半熟芝士撻熱住平平地可以食下。蟹棒幾有咬感，但凍食普通d . #行咗5km 好多特別的選擇。下次經過會再買。…查看更多

今日約咗很久無見的好朋友食飯 。見時間還早，所以特意去試下呢間burger! Lunch set 真係好抵，大大大個漢堡配埋薯條，仲要包野喝！ 堅平！見到隔離枱叫咗蝦意粉都唔錯，下次又試下先 我今日食的係蘑菇車打芝士漢堡（$60+$5轉凍檸茶）比想像中大份，要切開一半先食到。建議細食的朋友要留意😂至於個巨薯軟咗少少，所要相都見到，有少少出油。可能lunch多人，佢炸定好多掛。不過都好食 😄另外如果唔想咁肥，薯條可以轉沙拉！今次幾好食，下次要試下早餐先！All day breakfast 😃…查看更多

成日聽人講呢間冰好好食，不過始終間鋪唔係好就腳，所以一直無機會。呢排天氣又熱又悶，終於同fd 子決定夜晚食完飯黎。嘩！嘩！嘩！勁多人係門口等！ 要寫名等位叫，間鋪仲要好細😭 不過，行到咁遠無理由放棄，所以等呀等，等咗30分鐘終於有得食！見佢的份量咁大，我地一行四人決定叫兩個試下先。雖然櫻花味和牛油果好吸引，但我地保守d，選咗最安全，最大路的basic 味- 宇治金時和士多啤梨味。1. 宇治金時$78就咁睇好似唔特別，但入口好有驚喜！有d似Starbucks Green tea latte 少甜的味，好重綠茶味。冰好幼細，無話會食到一粒粒冰咁！好綿好綿😍 超推介！2. 士多啤梨味 $78不得了！ 呢個好綿，個味好重士多啤梨味，又無奶粉嗰種假假地的味。仲有唔會太甜，有dd 似雪糕咁但又無咁重罪惡感！ 所以，如果下次經過又無咁多人，一定會再食…查看更多

<<唔怕口臭系列>> Mad for Garlic 1. 蒜香忌廉汁蟹肉及龍蝦肉意粉 $158呢個啖啖肉，龍蝦好彈牙，蟹肉係蟹柳棒！再加上有蒜味濃郁的忌廉汁🤤 超級推介！2. 蝦，菠蘿，炸蒜片MGF 招牌意大利卄，薄餅 $108 薄薄的pizza, 好脆口，又滋味又開胃！3. Dancing Salsa Rice with Beef $148又貴又唔好食。無咩特別！4. MFG 特色蒜蓉塔 $48好特別的蒜蓉包。會有人幫手將個塔切開幾份，入面啖啖蒜蓉，好入味！…查看更多

今次已經係第二次黎五谷串燒，第一次係因為機緣考合之下誤打誤撞就入左黎既，點知呢就食過返尋味，於是今次為左慶祝紀念日就再返黎食多次啦。要貼近標題所講係日本嘅味道，當然唔少得精美嘅佈置。餐廳用上大量木造餐桌，不同品牌嘅日本酒酒樽，酒樽包裝紙，配上沖繩Orion啤酒嘅燈籠同大量小燈飾，細心留意既話，連Bar枱上面都有d細射燈照住啲裝飾架，令你一行入去就好似坐左係日本嘅居酒屋裡面一樣。而佢地有份手寫嘅餐牌都好有心思架！價錢就特別用上日元做單位（不過就一律十算，有少少貴）。另外亦設有和式房間比朋友仔一齊感受下伸隻腳入枱底食野飲野既感覺， 9:30pm後酒水亦會有折扣，所以夜晚經常都有好多人專登同三五知己黎暢飲暢談架，不過我就未試過入去喇，唔知使唔使book架呢?係五谷食飯，佢地會自動奉上前菜小食同一杯果汁，一杯開胃酒，細細杯飲完都確實幾開胃架。除左佢地提供既前菜，我地亦都會自己點一啲喜歡既小食，龍蝦沙律同雞泡魚干就係我地嘅首選喇。龍蝦沙律一碗份量既龍蝦沙律，兩個人分就啱啱好喇。而且，佢啲龍蝦肉隨時仲多過沙律架！雞泡魚干日本居酒屋食開嘅雞泡魚干通常都係薄切同比較乾身，但呢度就選擇左厚切啲嘅做法。剛剛好燒到會散發出有陣陣魚香就放到你面前，我就最鐘意點埋啲沙律醬慢慢咬，鍾意飲酒既話拿黎送酒應該一流。五谷牛呢份係五谷嘅招牌串燒 － 五谷牛。平時都唔敢亂咁叫，因為真係有少少貴………不過難得係紀念日，於是點左一份黎試下。細細力用筷子夾起一份五谷五，塗上少少伴碟嘅芥茉同一小口磨碎左嘅大根，一啖將佢放入口。然後互相對望一眼，睇住對方瞳孔因為美食嘅感覺而放大，有一種說不出口嘅喜悅。係真係入口就即溶嘅和牛啊！油脂同肉既比例真係啱啱好！  (數星期後我地試過最叫多次黎食，果次都好好食但又無再咁驚喜，可能咁啱果日啲牛無咁靚?)海膽溫泉蛋飯海膽唔算特別新鮮，但起碼無果啲擺左一日既臭味，加埋溫泉蛋既配搭，望難好似好簡單咁，但味道同口感都係一流！食幾款串燒加埋呢個飯就啱啱好飽晒喇。如果唔特別喜歡海膽，佢地個三文魚茶漬飯都好香好好味架！今時今日想係香港日本菜，已經唔係話比多少少錢就會食到好野，好多時因為地理位置因為鋪租甚至係名氣影響，即使食左好貴都唔一定合乎性價比。五谷串燒雖然價錢偏貴，但都不失為一間間唔中可以去下慶祝節日，或者想放縱下自己去食好野既餐廳。…查看更多