loveeatpigpig的个人专页

2018年5月13日。天晴。母親節今日小妹家同堂姐一家一齊慶祝兩個媽媽嘅節日。我地兩家人八個人就揀左2188八位用嘅套餐，睇落得七樣野食好似好少？上菜個下就知並唔簡單原隻燒鵝，有脾，有頭又有尾。點一點甜酸醬，好味岀晒黎。兩斤重沙巴躉，食魚要連葱食，鮮味更岀。鵝掌炆得好入味，配上鮑片仲點會有得輸。母親節錯過左唔緊要，下個月就係父親節，帶埋你一家老小同爸爸慶祝喇。茶錢。花生。三個白飯。加一HKD2600埋單…查看更多

親愛的哥哥生日，我就預先黎左呢間餐廳拎位食飯係等齊人到嘅同時就睇下有咩食，一邊等一邊食住前菜先呢個菜圃真係好正，味道好好，好易入口，我食晒咁濟齊人喇，就上左呢碟冷盤先可惜，醉雞唔醉，其他都一般無乜特別黑松露蝦仁+雞絲粉皮 合共港元118呢個優惠係南小館嘅週年推廣我地真係岩時候，遇上呢到超低組合而個蝦仁又堅好食，平時我係唔好黑松露，但佢又煮得幾夾，正松子魚。見到張相就好想試相真係可以呃到下人，一上枱就已經唔係幾熱，味道大減呢個係招牌薺菜年糕，感覺幾新鮮，之前未食過，最後食唔晒，，咁你知原因喇，哈哈呢個雞翼好好食啊，好入味，炸得又脆，入面啲肉又嫩又滑yummy yummy 好唔好食都其次，哥哥開心就好…查看更多

公司有位高層另謀左高就，成team人一齊farewell 佢就黎左呢間十分有人情味嘅小舖食日本料理老闆娘話食日本野都有先次序，要先食生嘅！好！開始第一道: 好鮮甜生蠔新鮮，有海水味，配香檳一流好味指數: 第二道: 三文魚腩、池魚、劍魚刺生三文魚肥美，池魚爽甜，劍魚彈牙我個人最鐘意三文魚腩，魚油香又滑，真係好正嫁好味指數: 食完厚切池魚，就黎薄切池魚。薄切比厚切更爽更好食，配埋佢地個獨家醬汁就仲正，酸酸地，更加突出到魚嘅鮮味。好味指數: 食完刺生，食北海道直送海膽呢份海膽嘅鮮味程度同係日本食個啲真係有得揮老闆會送上紫菜比你包黎食，但就咁食其實更好食，一個字！甜！好味指數: 食完生野，咁食咩好？食熟野😂大家見到下面個三件壽司係咪好想食為你推介，右一。左口魚壽司。真係世上最好食嘅壽司，爆正。我地仲每人追加左一份，堅正！好味指數: 鵝肝多士。爆汁流油知唔知咩叫入口即溶？唔知？咁你就要黎試下，多士脆，鵝肝軟，絕配。誠意推薦推薦度: 好味指數: 清酒蜆。如果你有食蜆情意結，可以叫一份燒牛舌鐘意食牛舌嘅你必食，勁爽又多汁又入味。唔識形容，鐘意食牛舌嘅你一定明好味指數: 炸三文魚加七味粉食一流，三文魚呢個部位係最多油，最肥美，如果唔怕肥真係多多都食得晒好味指數: 蜂蜜銀雪魚，呢味魚食埋口感覺好夾。第一感覺係甜甜地，之後就軟綿綿，再係口裡面散開，甜味同魚味結合。又一絕！好味指數: 之後仲食左好多好多野。。。天婦羅蝦、蕃薯枝豆炒鰻魚飯雪糕呢餐真係好滿足，放題食嘅係量，呢到食嘅係質，你識揀嘅滿意度: …查看更多

今晚又要OT喇，OT前係咪要食啲野安慰自己先公司係銅鑼灣，丹麥餅店又係銅鑼灣雖然係銅鑼灣返左年幾，但真係未食過咁岩係YouTube見到個香港甚有名氣嘅YouTuber介紹過，食得好滋味咁好！決定食你慰勞自己熱辣辣新鮮炸魚柳包好味指數: 包。好軟魚柳。好脆汁。茄汁+沙律醬包+魚柳+汁=完美組合十零蚊一個，你唔係唔試呀？😏…查看更多

聽講呢間拉麵店係網上大獲好評，所以去飲之前就去試下，打定個底嘛。去到個陣一坐底，店員就走過黎話有個猜包。剪。揼遊戲，猜贏左就有免費小食一份或汽水一枝我地有5個人，但！但！但！我地一個都無贏，幫個店主省唔少。玩完就好認真咁揀野食，最後決定隱世黑伝。溫泉蛋好味指數: 太咸，可能你會話沾麵係咁。但日本食個啲唔係咁，試過你就知。。哈哈佢有個隱世白伝，可能無咁喊仲有個隱世紅伝，聽講係辣不過今次食完，唔會再食，完。…查看更多

今日係client office做野，就到三點三個客就拎左呢盒野比我地係咪睇個樣都覺得好好食呢？係真係好好食，埋頭苦幹咁工作緊嘅時候，有件甜品食下真係好窩心！外層甜甜地，入面酸酸地、軟軟地。我諗係紅莓味嘅酸，食落去好夾。開心指數: 好味指數: …查看更多

哈哈，狂chur左幾個星期，終於趕完份reportSenior為左慰勞我地班苦瓜乾請我地食左餐好呢間泰國野真係唔講得笑，六點半去到已經滿座咁濟，位置唔算多，但佢有兩個舖位，真係好多人食！好彩我地有book位坐低左當然係乖乖地等大佬發板啲野食咋咋聲咁送上黎首先，有泰國必飲冬蔭公湯料好足，有。。。海鮮(姐係蝦)、菇、一堆配料個湯仲可以自己揀辣度，多奶or 少奶好味指數:之後呢，就有大佬必食生菜包，小小辣多多汁。又真係一定要食嫁喎，因為真係幾好食好味指數: 跟住呢就係呢個咖哩軟殼蟹感覺好少蟹？其實好多蟹我地四個人，一人都有兩隻 4 x 2 = ........🤔啲蟹要襯快食，因為佢炸過，唔食就淋嫁喇你唔好以為啲蟹係重點，其實主角係pat咖哩，當咖哩遇上蒜容包就會係你人生食過好好味嘅包！Sorry 無影到個包好味指數: 就咁睇個樣可能你唔知佢係咩黎，其實佢係柚子沙津。柚子就成日食，但用柚子做嘅沙津又真係第一次食好味指數: 四個人得四個餸？其實唔係，仲有生蝦、炸蟹球、、、食得太快影唔切🤦🏿‍♀️呢間泰國野由泰國人主理，是真的幾好吃得閒諗唔到食咩就try try la…查看更多