頭號為食小小姐的个人专页

因為要減肥，所以到處搵口味唔肥嘅野，但係度度弓多油.....一係就清到冇味，一直好煩。點大有日就見到呢間野原來所有食物都會寫晒卡路里出黎，唔駛我估估下!!!!又方便到我計食左幾多卡落肚，真係超開心呀!!!忍唔住買黎試。飯團啲飯好口味，料雖然唔多，但清清地都岩岩好架。一個飯團其實唔夠飽，不過加多一碗湯就岩岩好，佢嘅豆乳骨膠原雞湯真係好好飲!!!!!湯料好多，好香豆乳味，細碗已經可以飲到你好飽。不過唯一不足就係啲餸，買左個雞，其實都唔記得左個餸叫咩名，好廿菜，但得兩舊好細嘅雞，咁真係有點貴.....個餸都3十幾蚊架.....不過飯團就錯，如果買到早餐就更抵，亦都好多選擇!希望開多啲喺民居，因為放假真係唔會返工業區。…查看更多

去大澳玩咁岩行過聞到好香燒烤味，就算岩岩食飽，都忍唔住要坐低食下。佢係有用炭爐燒，炭爐燒出黎係會再香口啲。燒扇貝只係18蚊隻，燒得岩岩好，仲食到扇貝啲肉嘅鮮肉汁，加埋蒜蓉真係好正，而啲蒜蓉又唔會太咸好好味。另外嘅小墨魚串同雞肉串都好食。勝在佢冇用啲花巧嘅咩咩燒烤醬，佢係用蜜糖。始終，我覺得燒野最襯都係蜜糖。唔似其他燒烤店用啲得個咸字嘅醬。食到食物本身味道加小小蜜糖點綴真係好味。而且一啲都唔貴。呢個價錢我估出返去市區都搵唔到!!大愛!!!!!…查看更多